Е вака сакам да ве прашам дали некој ги фарба првите три јајца сабајле. Бидејки во мојата кука до сега не се фарбале ако може и ако знае некој да ми каже што се прави со тие јајца после?
Се фарба пред да излезе сонцето и се остава на прозор да гo огрее првиот зрак и со тоа јајце се бањаат сите во недела ( јас знам за 1 јајце така ми кажа мајка ми и таа утре за прв пат ќе го прави тоа )
Пак јас Дали некоја ги има шарено јајцата со лак за нокти,и дали водата треба да биде дестилирана или може и обична :?
Јас ги имам шарено,користев обична вода,треба само да е на собна температура ако е ладна ке падне лакот на дното.
Бидејќи исто ноктите се шараа со таква техника и со обична вода не можеа да се направат,а со дестилирана успеваше затоа прашав,ај ќе пробам се надевам ќе ми успее.
Ова се јајцата кој ги фарбавме со мама во 4:30ч .Многу сум срекна,ми се допагаат како испаднаа.Не ни се скрши ниедно. .Нека ни е срекен празникот Велигден .
Јајце - табла Обојте ги јајцата со боја за училишни табли. Откако ќе се исушат, со шарена креда можете да цртате разни шари, фигури и дезени. Доколку не ви се допаѓа креацијата измијте го јајцето и почнете од почеток. Идеално решение за да ја разбудите креативноста во најмладите! Дезени со линии За овие дезенирани јајца потребна ви е само изолир трака. Излепете го јајцето и ставете го во да отстои во една боја. Откако ќе се исуши основната боја, залепете нови траки и ставете го јајцето во втората боја да отстои. Комбинирајте ги 3те основни бои од кои се добиваат сите останати, за успешен краен резултат како на фотографијата. Градација Овие нијансирани јајца се поедноставни за изработка отколку што изгледаат. Тајната лежи во постепеното разредување на бојата. Прво ставете малку вода во една ќесичка боја, брцнете го јајцето и оставете го да отстои. По половина час додадете неколку капки вода. Повторно оставете го да отстои половина час. Повторувајте ја постапката додека не го прекриете јајцето со вода до самиот врв. Светкави јајца со точки Обојте ги јајцата во одбраната боја и оставете ги да се исушат или пак користете чисти, бели јајца. Украсувајте ја прво едната а потоа другата страна на јајцето. На местата каде сакате да имате светки нанесете лепило. Држејќи го јајцето во рака посипувајте го со светки. Сигурно ќе имате светки по целото јајце, но без грижа. Оставете го да се исуши. После неколку часа со четка за заби исчистете го јајцето од вишокот светки. Јајца со тантела Постапката ви е позната од шарањето со кромид во тенки чорапи, така што ова ќе биде поедноставно отколку што мислевте. Најдобро е да замотате едно бело јајце во парче тантела, добро да го заврзете со конец и да го потопите во растворена боја. По извесно време отстранете ја тантелата. Ќе се зачудите од шарите кои ќе ги добиете! Свилени јајца Одберете свилена марама која не ја носите подолго време, а има интересна шара и замотајте неколку јајца во неа. Добро затегнете со конец и потопете ги во половина сад полн вода, половина пол со алкохолен оцет. Варете 45 минути, оладете ги и почекајте потполно да се исушат. Потоа одмотајте ги парчињата свила. Крајниот резултат ќе биде како на фотографијата, загарантирано!
нека ни е среќен празникот, како млада домаќинка рано си станавме со синко тој си клоцаше јас си вапцав јајца, од 35 само 3 ми напукнаа, и преубави ми испаднаа боите црвена со палете 7, и преубаво кафеави од лушпи од кромид
Ајде и јас станав домаќинка од оваа година, ке фарбам јајца Имам една дилема .Купив жолта боја од таа грчката од Веро, ама јајцата ми се од потемните, па ми е страв дали ќе фати убаво.
Среќен Празник!!! Ние дома си ги офарбавме јајцата црвени и зелени, со мнооогу шари на нив. (Неможам да прикачам слика )
Еве ги моите јајца заедно со мајка ми ги направивме. Неколку се со салфети и како за прв пат супер испаднаа.
Го земаш само шарениот слој од салфетката, другите извади ги. Премачкај го јајцето со жива белка, залепи ја салфетката и пак премачкај ја. Претходно јајцето да биде обоено Многу е едноставно
