Ајде и јас да си се пофалам Ова е од вчера, другите утре, и утре е ден за фарбање Ги ставив во спојлер за да не зафаќаат место
Геа и мене твоите јајца ми се фаворити сега за сега. И многу ме интересира како си ги направила, никако да сконтам
Постапката е многу лесна.Боите за јајца ги растворам поединечно.Пожелно е јајцата да бидат бели.Јајцето до пола го ставам во жолта боја, откако ќе се исуши го вртам од другата страна и го ставам исто до пола во зелена, пак го вртам јајцето откај жолтото и сега го ставам во портокалова, притоа внимавајќи да биде малку подоле,за да се гледа и жолтата лента.Кога ќе се исуши,пак го вртам од зелената страна и го ставам во сина боја, внимавајќи да ми остане и зелената лента.На крај го вртам јајцето од портокаловата страна, го ставам во црвена боја,внимавајќи да ми остане портокалова лента и на крај од сината страна го ставам во лила.
Геа и јас купив светкави лепаци за шарање на јајцата, а оваа идеја со прстениве во боја е супер (можеби ќе ја украдам). Браво за креативноста, секоја чест
Знатете некои туторијали за корпички за јајца?купив убави салфетки велигднски,ама незнам како да ги свиткам за да направам некои корпичиња и во нив да давам јајца во недела
Си избрала лош материјал, салфетките се многу меки за корпички.Најубаво е да земеш хамер во боја и од него да направиш мали фишечиња, па со силикон да залепиш бубамарка, или пеперутче, пиленце, било што, можеш и цвеќенца да направиш и да ги залепиш.
Внимавај со сипкавиот лепак, многу бргу се растекува по јајцето, така да мораш да бидеш многу внимателна кога го нанесуваш.
Gea браво поубави јајца не сум видела до сега, ова бара многу време а и живци богами, здравје до година ќе ги правам вакви
Браво девојки, многу убави ви испаднале боите и шарите. Мене ми се виде интересна идејата за бубамарки и пчелки па ги направив Направив и корпчиња со пластични капачиња од тегли, украсна хартија и сено
Eве интересна корпичка за јајца, ама од поцврста декорирана хартија е згодно да се прават. Мислам дека не е лошо и од онакви украсни ленти што се користат за машнички за подароци и украсување на букети во цвеќари. На крајот како што ја прикажуваат декорирана ептен е убавка. http://www.youtube.com/watch?v=0dhZXCYt ... re=related Еве и некои други идеи http://www.youtube.com/watch?v=j7viFxG9 ... re=related http://www.youtube.com/watch?v=Zz6r3BuOdVM
може ли некој да стави слика од јајцата фарбани на пареа,јас почнав со едно за проба ама не испадна како што сакав,не се растопува прашокот за бојата како што мислев
Браво женчиња. Одам сега јас да и' помогнам на мама со неколку Ваши идеи. Се надевам не се лутите. Ќе ставам слики после.
тоа на средината како со зелено, сино... е едно од моите направени на пареа се надевам можиш да видиш, др слика немам п.с може некоја феминка има поубави па ке видиме
Еве некои идеи како да ги украсите велигденските јајца Украсувањето на велигденските јајца може да биде вистинска уметност доколку се определите за вистинската техника на украсување. Волнени јајца- можете да се послужите со волна во разни бои и да ја залепите за јајцата. Доколку сакате да ви траат подолго, претходно продупчете ги јајцата со игла и отстранете ја внатрешноста. Украсување со салфетки – сварете ги јајцата и оставете ги да се изладат. Можете да ги обоите или да ги оставите така. Потоа од салфетките исечете убави мотиви. Со помош на изматена белка ставете ги мотивите на јајцата и оставете да се исуши. Налепници- налепниците се одлична идеја за украсување на велигденските јајца. Ги има во сите форми и големини па нема да ви биде никаков проблем да ја пронајдете вистинската комбинација. Украсување со хулахопки- земете листови од детелина, цветови и други интересни растенија убаво поставете ги на јајцата, а потоа цврсто затегнете со хулахопките. Откако ќе ги бојадисате јајцата отстранете ги растенијата и најлонот. Восок- доколку сакате нешто навистина уникатно затоплете восок и нанесете го на површината од јајцата со игла или пак чепкалка. Потоа следува процесот на боење. За ова украсување ќе ви биде потребна стабилна рака и многу посветеност.
http://www.youtube.com/watch?v=7bhmV9pn ... re=related не се јајциња ама еве интересна идеа за декорација . јас ја пробав може да се направи од салвети
