Величествениот век (Мuhteşem Yüzyıl) [Канал 5]

Хурем не сака да му се одмазди на султанот,стварно е заљубена во него.Ама многу ја привлекува и моќта која ќе ја има ко султанка.
И сака да сруши се што ќе и застане на патот кон замислата.Во иднина нема да бира средства за исполнување на замислите

Спојлер

Читав на нет дека он многу ќе ја слуша нејзе,ќе биде под нејзино влијание цел живот.

 

Богами од тоа што го видов Сулејман убаво ја стави под нозе кога Хурем покажа заби .

 

Мене па многу ми се допаѓа Хурем.. мислам нејзиното однесување и глумата и се... Баш и прилега оваа улога...
Како нема да се занесува кога го има султанот во раце( и јас би била таква да имам некој султан да ми угодува се )

Само не знам што бара Шекерзад во филмот... Си ја имаше та славата во "1001 ноќ" нека не се меша сега..

Бред Пит е друга приказна

 

Бред Пит е во втората сезона.
Инаку има две жени, служавки во серијава кои многу ми личат , ама изгледа едната е учителка на Хурем, другата е служавка на Махидевран. Ама секогаш ги мешам

 

Александра ми станува антипатична се повеќе и повеќе во секоја наредна епизода.
Аааааааах и тој преводот, ја прави уште поглупа.

 

Серијава станува се поинтересна и поинтересна , Нена ме остави без спиење до 4 сабајле Стигнав до 17 епизода и интересно и напнато е ептен

 

Може некој да ми каже што е приказната меѓу Султанот и помошничката на Султана Хатиџе? Жена му била, имале дете па умрело? или само трудна останала како робинка и ...тоа за тоа останало?

 

Не му била жена ,робинка била па останала трудна и го изгубила бебето ,и толку од нивната врска било меѓутоа имал добра комуникација со нејзе уживал во нивниот разговор.

 

Хатиџе му е сестра на султанот, не е помошничка . Рано останала вдовица, затоа е нерасположена цело време. Друга беше таа што останала бремена и што го изгубила бебето, неа смо еднаш ја покажаа и спомнаа.

Во контекст со муабетов, не знам шо ќе биде со неа и со Ибрахим, пошо Ибрахим е нели јаничар, а на јаничарите колку што знам во времето на Сулејман им било забрането да се женат со турчинки, покасно било дозволено со закон. Затоа се кријат тие двајца.

 

Сањаева праша за помошничката на Хатиџе султана А ако те интересира што ќе биде со Хатиџе султана ќе го ставам во споилер прочитај

Спојлер

Ќе ја омажат за Ибрахим ,он ќе стане главен везир и ќе му признае на султанот дека е заљубен во Хатиџе и султанот ќе им организира свадба и ќе го одобри нивниот брак

 

Како сестра? Нели султанот е единец, нема браќа и сестри?

 

Добро, грешка, зашо јас сфатив за Хатиџе оти зборите дека била помошничка
Само не знаев дека помошничката на Хатиџе беше истата што ја спомнуваа во харемот дека останала сама откако го изгубила детето. Добро нема везе, која и да е, ние да не комплицираме

Сестра му е
И браќа имал, сите погинале, останал само тој како престолонаследник, спомнаа на почетокот, самиот Сулејман ги спомна.

Спојлер

А иначе овие јас шо ги помешав дефинитивно биле различни актерки


Оваа е Selma Ozkanli или Сузан, мајката на Џем

А оваа што ја игра мајката на султанот се вика Nebahat Cehre

Ко близначки се

 

Има, Хатиџе му е сестра. Ама единец...демек еден син (женските не се бројат )

а тоа дека имал браќа..незнам ..можда википедија знае повеќе

Султан Сулејман I (турски: Süleyman, отомански: سليمان‎), познат уште и како Сулејман Величествениот бил десетиот султан на Отоманската империја во периодот од 1520 до 1566 година. Го наследил Селим I на тронот. Сулејман бил роден на 6 ноември 1494 година во Трабзон.

Во време на неговото владеење, Отоманската империја станала најголема светска сила. И покрај тоа што империјата продолжила да ги шири своите територии по неговата смрт, сепак се смета дека по неговата смрт империјата започнала постепено да се распаѓа.
[уреди]
Воени успеси

Сулејман I е еден од најуспешните султани на Отоманската империја. Во западните земји е познат како Величенствениот[2] а во источните како Законодавецот. На султанскиот трон се качил во 1520 година и владеел до 1566 година. Ги освоил најсветите муслимански градови Мека, Медина, Ерусалим, Дамаск и Багдад. Во август 1521 година била освоена речиси цела Србија. Во 1522 година бил заземен Родос. На 29 август 1526 година започнала Мохачката битка. Отоманците ги поразиле сојузничките христијански сили предводени од Лајош II. Победата сепак не им дала голема сигурност на Османлиите. Битката го означил крајот на Кралство Унгарија. Од 1541 година Сулејман го контролирал поголемиот дел до денешна Унгарија, како и Трансилванија, Влахија и Молдавија кои станале вазалства на султанот.

Сулејман водел три воени кампањи против Сафавидската империја во Персија и Ирак. Во 1534 година бил заземен градот Багдад. Вториот поход (1548-1549) резултурал со заземање на Табриз и Азербејџан, провинцијата Ван и делови од денешна Грузија. Третиот поход се случил во 1555 година, кој завршил со договорот од Амасија, според кој биле признаени границите на Отоманската империја. Во текот на неговото владеење биле спроведени воени походи во Северна Африка во кој биле заземани Тунис, Алжир и Триполитанија. Во овој период, Отоманската империја станала доминантна во Средоземно Море.

Отоманската морнарица исто така обезбедила контрола и над Црвено Море и Персискиот залив во 1554 година, кога нивните сили биле поразени од страна на Португалија. По ова следувал поразот во битката кај Аден во 1548 година. Во 1533 година, Хајредин Барбароса спровел воен поход против Хабсбуршка Шпанија.

Во 1535 година, Светиот Римски император Карло V издвојувал значајна победа над Османлиите во Тунис, но во следната година бил склучен сојуз помеѓу Франсоа I и Сулејман I. Во 1538 година, флотата на Карло V била поразена во битката кај Превеза, со која победа се обезбедил источниот дел од Медитеранот, кој под отоманска власт останал во следните 33 години.

Во 1541 година бил опсаднат градот Будим. Опсадата резултирала со заземање на градот Будим. По оваа победа, Османлиската империја воспоставила контрола над централна Унгарија. Битката е дел од т.н. Мала војна во Унгарија. Победата претставува една од најзначајните на Османлиите против Фердинанд I, најмногу поради тоа што градот во следните 150 години бил под нивна контрола[3].

Една од најнеуспешните војни и битки на Сулејман I е опсадата на Виена во 1529 година. Опсадата претставува крајна точка на османлиската инвазија во Европа, бидејќи по битката бил ставен крај на османлиското проширување во Европа, иако во 1683 година имал уште еден обид за зазимање на градот.

Во последните дваесет години бил под влијание на неговата омилена Рокселана, која успеала да стане законска жена на султанот, нешто што не можела да постигне ниту една од наложниците на изминатите два века. Започнувајќи кампања во Унгарија, Сулејман не доживеал да победи. Неговата смрт била скриена и раководењето со империјата продолжило без султанот, но во негово име, додека да дојде на престолот неговиот син од Роксолана – Селим II, со кој започнала ерата на падот на империјата.

Роксолана -- Александра?

 

Да, Александра е таа, најверојатно така ја превеле од унгарски или којзнае. Значи султанов ќе го наследи синот на Хурем, а не овој Мустафа кој многу ме нервира, мало дигнато дете

Дали некој знае дали оваа година ќе заврши во Турција?

 

Според историјата,

Спојлер

Хурем ќе го убеди Султанот дека Мустафа му спрема заговор и ќе го убие.

 

Спојлер

Ќе си го убие сопствениот син?!

Оваа скрос му го испрала мозокот.

 

Се планира да има 4 сезони (Султан Сулејман владеел 46год и во една сезона се прикажува 11 год од неговото владеење)... сега се снима втората сезона... така да уште 2 год ќе се снима во Турција.

 

А што ќе се случи со неговата прва жена? Махидевран мислам дека беше?
Маж ако некого сака, сака. Посебно е тоа изразено кај Турците.

 

За болдираново, и тоа колку си во право да знаеш. Од искуство. Инаку се надевам дека нема да ја прекинат како и Лале, и Џанан зашто стварно ќе биде одвратно.

 

Кога ги гледав рекламите, серијата ми личеше на тешка театарска патетика. Но, овие два-три дена имам одгледано краток дел и ми се допадна. Го гледав и трејлерот на Интернет и баш ми е океј, има шанси да продолжам да ја гледам. Штета што не ја гледав денешнава епизода. Мхм! Не знам како серијава го претставува цело она време на Отоманската Империја, но мене на прв поглед ми изгледа доста реално.

Еве, читам дека имало и негативни реакции од страна на турски гледачи дека турската историја ја прикажува во негативно светло. Како и да е, оние што повеќе се запознаени со оваа историска проблематика, можат да дадат поконцизно објаснување.

http://www.youtube.com/watch?v=mcc8w1JKHlg