Велосипедите се пронајдоци на 19тиот век и од тогаш па наваму служат како превозни средства на милиони луѓе. Освен како превозни средства се употребуваат за спортување. Велосипедот, во споредба со моторните возила, не ја загадува околината, значително е полесен за паркирање, добар е за вежби за телото, има поголем простор за маневрирање и.т.н Колку вие возите велосипед? Дали за вас спаѓа во превозни средства, или пак повеќе го користите за спортување и релаксирање? Освен за нозете, за кој друг дел од телото е добро возењето велосипед?
Секако дека најмногу на удар се нозете меѓутоа возење велосипед е вежба за целото тело. Користиш во процесот и раце и грб а и стомачни мускули. Велосипедизам е една од најпрепорачуваните кардио васкуларни вежби. Дава најмал стрес на зглобовите а ги актвира големите мускулни групи и ради тоа е прилично кардио активна. Во тој поглед е многу попрепорачлива од трчање, за луѓе со поголема килажа! Ако се мислиш дали да почнеш, не се мисли, ако возиш секој ден по 40 минути јас гарантирам дека ќе видиш ефект веќе за месец дена.
Секоја чест на тие што активно се занимаваат со велосипедизмот, зборувам за тие што го спортуваат и возат долги релации активно. Здраво е бе да се занимава со било каков спорт, па замислете какви тела имаат велосипедистиве. Kaj нас има луѓе што се занимаваат со ова, ама немаме ние доволно услови, ми се чини не е доволно безбедно, да имавме повеќе велосипедски патеки можда ќе почнев сериозно да се занимавам со велосипедизмот. Туку знаете некој македонски представник што се занимава со ова?
Имаш Кеј ! = 20 патеки и тоа можеш да бираш утрински часови - освен мене ке ги гледаш и полуголите старци со стомаци што праваат баљум баљум баљум 12-15 часот - ONLY CRAZY PEOPLE GO AT THIS HOUR и вечерни часови - голема гужва бидејки сите возат точаци и џогираат - али ако сакаш да манијачиш во твој случај мажјаци онда околу 7 саат
Јас не се занимавам активно со велосипедизмот, за жал. А сакам да знам како би било, скоро секој ден на тренинзи и такви работи. Возам велосипед кога ги гледам другариве, па од кејф околу населбава и јас. Интересно ми е многу, чувството е преубаво. Инаку имам неколку другари кои многу активно се занимаваат со овој спорт, одат по натпревари .. и не дека ги фалам, ама навистина се многу добри. Некои се најдобри во своја категорија, а некои почетници со не толку добри резултати, но сите се трудат максимално. Навистина им се восхитувам ... секојдневни тренинзи на кратки и долги патеки, на асфалт или во планина, некои држат и посебни режими на исхрана. Таа издржливост и сила која ја имаат, а и пасијата кон возењето, тоа е нешто невозможно. Плус на се` ова, како што кажа некој погоре, телата стварно им се прекрасни. Алал да им е на сите кои посериозно се занимаваат со спортов.
Пусти велосипедизам... Константна окупација, изминативе 9 години.. Од кои, 2 како активен велосипедист .. Тренинзи, трки, и се останато.. Корисно, како и за организмот, така и за слабеење . Во велосипедизмот, наоѓам се.. И кејф, и начин да одржам кондиција, и адреналински напливи... А богами, на моменти, и начин да си ја истурам нервозата . Супер е, како секојдневна навика. Во денот, барем 10-15 километри, барем во зима, на лето по 30-40 низ град и уште толку по тури. Планини, долги релации.. Знам дека 99% од вас овде го гледате возењето како рекреација, ама јас отидов на наредно ниво , и не зажалив. Корисно е, забавно е, пробајте .
Велосипед најчесто возам во пролет и лето покрај кеј. Некогаш точакот го употребувам и како превозно средство. А многу убаво се чувтствувам кога возам точак. Можам многу долго да возам, а да не се заморам. Обожавам велосипедизам!
E многу си го љубам точкот! Да речам, женски е (ја нема таа хоризонтална шипка), напред е со корпа, назад има багаж, нема брзини, кочи наназад (знаете), рачките се како на пони само многу помодерни! Летото одев на работа со него, во слободно време си се возам (дури и на 01.01.2012 ).. заштедувам време а во меѓувреме ги активирам мускулите. Абе точакот е здравје! Ми фали за во Скопје, иако ме фаќа страв низ џунглата да се возам п.с. Не знам што е срамота (некои така мислат) да се вози точак. Несфатливо ми е тоа. Што само ролерите се ин? Сеедно, мене ми е гајле
јас активно се занимавам со велоситедизам,но моментално велосипедот ми е расипан Спојлер по радовишки речено раскантен
Обожавам! Возам велосипед најмалку 3 пати во неделата и покрај што е забавно е и одлично за одржување кондиција и трошење калории
Редовно возам со точакот. Возам колку што можам повеќе за да се здобијам со поголема кондиција. Најмногу возам во лето. Најубаво ми е со точакот да се возам, на ролери не се осеќам многу сигурна
За сите љубители на велосипедот нова фирма кај нас Dragon Custom со услуги префарбување, модифицирање и украсување на велосипеди, нешто што до сега го немало кај нас видете инфо на https://www.facebook.com/pages/Dragon-Custom/362658100458368
Септември не бев баш многу активна со точакот, немав време заради училиштето. Таман ќе се решев во сабота или недела да возам, времето ќе се расипеше Минатата сабота и недела возев, саботата помалку, неделата повеќе. Треба да се искористи времето максимално дури е сончево, после зимата ќе си седи точакот во визба
Весосипед возам редовно многу е практичен а и со него се соборуваат многу калории летото возев по 3-4 км на ден
Си возам рекреативно низ маало, чат пат идам и до стаза ама немам толку кондиција да одам до стаза, да возам таму па да се враќам после по угорнициве. А вака низ населба ми е супер, обично возам касно навечер, тогаш нема коли, тивко ми е и многу пријатно, ладничко... Дефинитивно има големи ефекти во зацврстувањето на нозете и задникот, а и грбот е исправен што е уште една придобивка.