Венчавање во црква и крштевање-избор или наметнување?

Драги девојки најпрво ако постои ваква тема слободно бришете.

Ме интересираат вашите мислења и ставови околу ова. Јас не сум верник но сум крстена по желба на моите родители. Кога ќе дојде денот на свадбата мојата желба е да се венчаме само во матично. вереникот го знае тоа но ништо посебно не изреагира.За мене венчавањето во црква незначи ништо не сакам попови и несакам фрлање на пари.

Што се оденува на крштевањето би сакала на моето дате да му оставам само да реши која религија ќе ја избери и дали сака да биде крстено.Но кај нас секогаш надвладеат мислењата на старите и на суеверието така да незнам колку ќе можам да се изборам за моите права и правата на децата во свет каде што владеат верниците.

Кој е вашиот став или искуство околу ова?

 

венчавање во црква и крштевање-избор или наметнување?

Многу сличен став имам со твојот околу ова прашање
Јас сум крстена на 10 години, убаво се сеќавам на чинот.
Моите не се ни крстени да е потрагедија.
Ниту венчани во црква.
Па ете, што им фали?
Сакаа за 25 години брак да се венчаат, ама попот рече прво мора да ги крштеваме па им се виде многу мака и кренаа раце.

Мене не ми е за давањето пари или не знам што, едноставно чинот ми е крут, студен, беспотребен.
Башка, Господ развод не дава, а не знам што ми носи животот
Така да јас би го одбегнала чинот. Не по секоја цена нели, сега ако сака мажот ептен, нема да ми пречи, едноставно индиферентна сум, ама да ми е по ќејф, не ми е.

Од моите дома немам никакво наметнување за ништо.

 

венчавање во црква и крштевање-избор или наметнување?

Како прво браво за тебе и за твоите не старински сфаќања.
Јас еве ќе си кажам од моја гледна точка. Сум крстена во црква, верник сум но не некој голем... Знаеш и јас како и секое живо суштество имам потреба да верувам во нешто над реалното. Сега доброто кај тебе е што може да оставиш на своето поколение да си бира која вера ќе ја негува. Јас сега да би ја менела верата би била будистка, едноставно ме фасцинираат будистите, колку се само многу смирени.

Сепак, да не го крштеваш детето, штознам.... Може ти да си го крштеваш во црква, а додека расте да не му полниш главата со една вера, туку да го учиш за сите вери, па потоа да си одлучи, кога ќе биде доволно зрело. Сепак мислам дека околината ќе си го направи своето, и ќе ја има верата што и неговата околина.

 

Самиот чин венчавање во црква или од страна на црквата ми е некако убав, е сега не претерување со 5-6 попа туку онака интимно со еден поп и со најблиските. Се најдов во ситуација т.е. сум со мажуле кое несака и не верува во црква несака ни венчање во црква, е сега јас му објаснив дека ме прави тоа задоволна и тоа му го кажав уште кога почнавме да идеме. Не му преставува проблем и рече за мене ќе попуштел и ке се венчаме во црква, е затоа што ми го напрај ќеифот нароцки кажан и не се противеше на мојата одлука, јас му предложив венчавањето да ни биде на отворено така да јас ќе го добијам самиот чин а он нема да се гуши во црква. Еј просто сега гледам колку сме разумни хехехх (така би изгледала дел од мојата свадба )

 

венчавање во црква и крштевање-избор или наметнување?

Мислам дека мене нема жива сила која ќе успее да ми наметне такво нешто. Со дечко ми бидејќи сме веќе долги години заедно и планираме иднина, а го знае мојот став околу тоа, знам дека нема ништо да ми наметнува. Не сум верник, тој е, но не некој премногу забеган. Од друга страна и двајцата не сме крстени, така да кога ќе дојде до свадба, една причина плус да не се венчаме во црква. Тоа за мене се непотребно фрлени пари и тоа нема да ме направи верник, само ќе му го наполнам џебот на попот...2 крштевки+венчавка, ноу веј!

Што се однесува до децата понатаму, исто така нема да дозволам да се крштеваат. Можеби строго звучи, но нема да попуштам, сепак јас ќе одговарам за нив. Кога ќе пораснат тогаш нека прават што сакаат. Битно јас ќе ги учам како што ме учеле мене, да не веруваат ви ништо надреално, па здравје кога ќе бидат возрасни ако решат да веруваат, тоа ќе си биде веќе нивна работа.

Можеби (значи можеби ) би се крстила само доколку моја најблиска другарка би ме викнала за старосватица и да ме замоли тоа за неа да го направам.

 

венчавање во црква и крштевање-избор или наметнување?

Јас не бев крстена, ниту пак сум верник. Мојот сопруг сакаше да се венчаме во црква, па се крстев на 23 години, пред свадба и се венчавме. Мене лично воопшто не ми значеше тоа, ама него му значеше, и не ни размислував дали да го направам или не. Значи сега сум крстена, ама не се декларирам како православна христијанка. Не сум ни атеист. едноставно, религијата не ме интересира.

Муабетот ми беше, решив да го направам тоа заатоа што му значеше на мојот сакан. Децата ги крштевавме, некако природно си дојде тоа. И не мислам дека ќе им биде проблем во иднина. Ако сакаат да сменат религија кога ќе пораснат - слободно нека сменат.

Од друга страна пак, мислам дека убаво и човек да верува. Им се восхитувам на тие што веруваат. Ќе отидат во црква, ќе запалат свеќа, и душата им е чиста. Би сакала да можев и јас така.

 

венчавање во црква и крштевање-избор или наметнување?

За мене па обратно.- Венчавањето само во матично не значи ништо!
Сакам да се венчам во црква, пред бога. Само тогаш е оној вистински брак, тогаш би се почувствувала и вистински венчано, нечија сопруга! Само на лист хартија потпишани ми е ништо, ама баш ништо не ми значи.
Крстена сум од малечка, и верник сум. Жалосно што се повеќе и повеќе луѓе се декларираат како неверници, стварно жалосно. Се чудам како тие луѓе можат да живеат без верба, без тој духовен мир што може да ти го даде црквата после излегување од неа.
А за крштевање на децата, многу нормално! Јас сум православна христијанка, децата се мои и оние ќе бидат исто. Не е тоа наметнување, тоа е нормална постапка која да кажам, на еден начин се пренесува од колено на колено. Не би дозволила во никој случај детето кога ќе ми порасне да ја одбере пример исламската вера, никако! И што, јас ќе славам Велигден, тоа Бајрам? Јас ќе јадам свинско, тоа не?
Абе ајде,после внукот будиста да не се направи и каша попара.
Додека расте детето би му ја објаснала убаво христијанската вера, па нема зошто да му смета што е христијанин, напротив ќе му кажувам работи за кои тој после ќе се гордее. Се чудам како некои родители сега ги учат децата дека религијата е лоша работа, дека господ не постои.... никој не вика да се мрдниме по религијата, и строго да го почитуваме секое правило. Тоа е веќе за в манастир одење. Ама основните работи, да пости на Велигден, да оди во црква да си ја олесни душата, да има некаква верба во нешто за да му помага тоа во животот и да знае некои општи работи од библијата..... ДА, би му го пружила тоа!

 

венчавање во црква и крштевање-избор или наметнување?

Јас сум за избор. Не би можела на моите деца да им наметнувам некоја вера, кога ниту на мене родителите не ми наметнале. Веќе еднаш имам спомнато дека сум од мешан брак, и родители се од различна вероисповест, и сега колку и да се слични религиите, сепак не ме крстиле ниту во една ниту во друга црква. Не се плашете дека ако му дадете избор на детето, одма ќе ви стане будист или скиентолог. Се зависи од средината во која расте и како е воспитувано. Еве јас некрстена цел живот па сепак не ми текнало никогаш да забегам по некои религии кои не се својствени за нашиот народ.

Венчавањето во матично ми е штуро пак, како торта без вкус, како да ви кажам. А јас сум така малку романтична душа и повеќе ми се допаѓаат свадбите во црква. Ама ако треба да поминам низ сите перипетии со крстење кои денес станаа повеќе бизнис отколку духовна потреба или желба, па поарно да останам без свадба во црква отколку неколку алчни попови да ми го скршат целиот филм и идилична замисла на венчавка

 

Trendafilka, црквата дозволува развод во некои случаи. Ете, мојот сопруг има и службен и црковен разво од првиот брак, зашто планираме да правиме венчавка во црква.

 

Според тоа што го имам видено кога сум одела на свадби, венчавањето во црква е многу поубаво и некако позначајно од венчавањето само во матично. Барем јас така го имам доживеано. Венчавањето во матично ми изгледа само како формалност, додека во црква има некоја магија во самиот тој чин, како навистина да се спојуваат двете души во една
Ако и мажот и жената се од христијанска вероисповед, тогаш мислам дека би било поубаво да се венчаат и во црква и во матично и не гледам причина зошто не би ги крстиле своите деца во црква.

 

Ако нема љубов,разбирање,заедничка комуникација џабе се и цркви,и матични и се по ред. Јас сум крстена и растена во семејство со христијанска вероисповед и во ниту еден единствен момент во мојот 24 годишен живот не сум се покајала поради фактот дека ме воспитувале во христијански дух.

Не осудувам ниту една религија, секој си има право да верува во оние животни начела за кои мисли дека се најдобри. Јас својот мир си го пронаоѓам во христијанството,не сум верник кој секој ден оди во црква,или пости секој Велигден но верувам во оние морални начела кои ги налага христијанството.Сакам мојата венчавка (ако би ја имала нормално) да се склучи и во црква,од причина што јас би се чувствувала поубаво.

Моите деца би ги крстила,и би ги воспитувала во тој дух а кога ќе бидат доволно зрели и способни за сопствени одлуки, ако смеетаат дека христијанството не им прилега нека се одлучат за што сакаат.

 

Сум за избор ДА!!
Само во матично-no way!Поише би сакала кога би можело само во црква!!
Некако самиот чин во црква е свет....Мене не ме интересираат попови и дали ќе им дадам пари...Самиот поим црква ми е света...самото место е свето...Ме исполнува!! И да сакам да сум венчана пред Бог а не пред народ само!!
Моите деца исто така би ги крстила!А нивно е да одлучат понатака дали им одговара или не !

 

Никогаш, ама никогаш не би оставила дете некрстено, а ниту пак јас не би се регистрирала во матично. Тоа попови, пари, баталувам, ама сум верник, и за мене венчавањето во црква е од големо значење. Благословот од моите и неговите родители, ми значи онолку колку од Бога, што тука има да делам? За мене е тоа важно. И плус убаво кажа Виножитка, кое е значењето од граѓанскиот брак, ако не постои и црквата? Зошто не би можеле така сите да живееме? Кој со кого стаса, како стаса, каде сака...не знам, тоа си е мое мислење, не мора никој да мисли исто...и да, никој на никого не наметнува, избор е, мојот е овој!

 

Никогаш не сум била против венчавање во црква и крштевка на детето... знам дека тоа е навистина убав и прекрасен чин, меѓутоа јас не би се венчала нигде на друго место освен во матично. Бракот е правна институција, документ. Заснован на заеднички договор од две странки... избор на двете странки. Ни детето не би си го крстила во црква, ќе го оставам да порасне, да разбира и само да одлучи, така направиле и моите, така и јас, едноставно сметам дека треба да му оставам избор на детето само да одлучи

 

Според мене венчавката во црква е наш избор никој тоа не може да ни го наметне бидејќи (најверојатно) сме веќе изградени личности и во поглед на религија. Од друга страна крштевањето е наметнување религија од страна на родителите, не го оправдувам и не би го применувала, тоа е само за задоволство на родителите, значи не е за детето за родителите е и затоа сметам дека е себична постапка

 

Крстена сум кога сум била бебе, исто и мојот сопруг бил крстен како бебе. Во црква не сме венчани, немаме ни намера ! Детето не ни е крстено во црква. Кога ќе порасне доколку сака нека го крстат, изборот останува на него!

 

Религијата и верувањето се работа на сопствен избор. Нормално, секој треба да си постапува онака како што мисли, сака и верува. Ние се венчавме во црква затоа што јас сакав, на мм му беше сеедно . Тој не верува во тие работи, ама се согласи. Детето ни е крстено во црква и за мене тоа беше еден многу убав, емотивен чин, дури и за „неверникот“ маж ми беше многу емотивно. За мене е тоа и религија и традиција, ама никогаш не сум разубедувала никој кој не сака да се венча во црква или да ги крштева децата. Пак ќе речам, работа на избор.

 

Се сложувам со вас дека е право на избор но кога се оделувате од сите тие традиции родителите знаат и да ви наметнат таква ствар тоа ми беше зборот. Иначе како правник се сложувам со теди греј бракот е договор, правна институција, документ. За оние кои се верници и оние кои се романтични души сигурно дека бракот во црква е поубав. Јас лично сум присуствувала на многу венчавки и ниеднаш не сум го почуствувала пријатно или незнам убаво и свето тој чин. А не е убаво да се вели дека ако не си крстен дека асоцира на муслиман или друга религија. Јас би го учела детето мое дека постои сила на универзумот и карма но никогаш дека постои некој дедо кој одлучува за него или да чека нешто од него.Судбините си ги кроиме самите и се во наши раце. Се надевам дека бабите и дедовците ќе го прифатат ова лооол знам дека ќе биде тешко но здравје.

 

Се разбира дека секој има право на свој избор.Мене венчавањето во црква многу ми значи,многу повеќе од потпишување на еден договор-обично парче хартија!Исто така децата ќе ги крштевам во црква,како што моите ме крштевале мене.Тоа е мојот избор!!