Венчавање во црква и крштевање-избор или наметнување?

Ти благодарам за лекцијата по историја.

Знам дека и дветте вери се христијански ама и дветте цркви си имаат свои канонски правила, меѓу тие правила се и двајцата да бидат иста вера, за да се венчаш во православна црква треба и двајцата да бидат православни, за да се венчаш во католичка црква и двајцата треба да бидат католици, прашано е и во двете цркви.

 

1. Кај т.н. евангелисти можеби ништо не се плаќа, ама па затоа и ништо не се добива. Како што ќе појдете така и ќе се вратите. Ниту ќе се венчате, ниту ќе се крстите. За разлика од нив, кај православните, па и кај римокатолиците, дури попот и да скокни нешто и да не прочита, ангелите ќе дојдат и ќе ја завршат работата. Дури попот и да рече: „Ајде сега венчани сте“ и ништо да не отпее тој со апостолската власт и апостолското преемство што го има добиено од Господа Иисуса Христа, преку светите апостоли и епископите, веќе ги венчал младоженецот и невестата. Од друга страна да се соберат сите пастори од целиот свет и да венчаваат 3 дена и 3 ноќи, венчание нема.
2. Колку што мене ми е познато, доколку некој римокатолик сака да стане православен истиот мора да биде миросан на ново, а во зависност од одлуката на локалниот епископ и повторно да биде крстен. Од проста причина што Православните и Римокатолиците не веруваат во ист Свети Дух, а крштевањето се врши во името на Отецот, Синот и Светиот Дух, миропомазанието е печат(потврда) на дарот на Светиот Дух. Православните веруваат во Светиот Дух, Кој излегува од Отецот, а Римокатолиците во Светиот Дух, Кој излегува и од Отецот и од Синот. Па затоа ниту крштението ни е исто, а уште помалку миропомазанието.
Сепак по икономија, за да брачниците не живеат во разврат(кога како во случајов на @ddevojce) еден од брачниците не сака да се откаже од својата вера, Црквата (Православна) дозволува да се изврши света тајна брак меѓу Православен/а и Христијан/ка - римокатолик(или било која и да е заедница која има апостолско преемство, протестатски секти не спаѓаат тука), ако инославниот (неправославниот) брачен другар (писмено) вети дека децата ќе бидат крштевани и воспитувани во Православната вера. Со оваа венчавка, неправославниот не станува православен и не може да ги користи другите свети тајни (како исповед, причест, маслосвет и сл.), туку само живеат во благословен брак.

 

Da, ama ima razlika pomegju rimokatolici (katolici od zapaden obred) i katolici od istocen obred (vo slucaj nie) togas e se isto, samo ne mi e jasno zosto nekade se bara prekrstuvanje ili mirosuvanje a na dr mesto ne. Site kazuvat razlicno. Ali ako se vencam vo crkva togas ke vidam kako ke bide rabotava.

 

Премиросувањето е задолжително, бидејќи според Православната Црква, Римокатоличката исповеда неколку ереси (поопширно овде: http://forum.femina.mk/threads/Букв...о-врска-со-религија.6828/page-14#post-1829372 ), а во ПЦ дури и ако некој православен премине во ерес и се врати во Православие, повторно се миросува и го чита откажувањето од исповеданата ерес. Повторното крштевање зависи од локалниот епископ или дури и од попот што ќе Ве приведе во Православна вера.
РКЦ, за жал, со своите различни обреди па и различни и контрадикторни верувања веќе не личи на ништо. Едни имаат едно догматско уверување, други друго... Во ПЦ ако некое учење е осудено, осудени се и оние кои го исповедаат тоа, а и оние кои се молат и причестуваат заедно со осудените. Филиоквето (учењето дека Светиот Дух излегува и од Синот) е осудено уште на Соборот кој го свикал патријархот свети Фотиј Цариградски, а на кој учествувал и папата Јован 8. Римски. За жал подоцна РКЦ го отфрлила овој собор, а светиот папа Јован 8. е така клеветен, што прво му извале муабет дека е хомосексуалец, а потоа дури и дека е жена...

 

Не би требало да има проблем. Во секој случај прашај кој им е владика (име и титула), па ќе проверам. Можеш и во приватна порака да ми пишеш.

 

@Orthophill прашање и од мене, сите три деца ми се крстени во православна црква, тоа значи дека можеме да се венчаме во православна црква без сопругот да се прекрстува, ако да тогаш што треба да му кажам на нашиот поп за да прифати.

 

Тоа воопшто не е потребно, и јас така мислам, ако било толку потребно да се крсти бебето во црква тоа и низ секаде во светот, јас сум родена во Германија и не сум крстена во црква, мене директно во болницата ми го ставија името, го сликат бебето и му направат како документче, пишува кога е родено, килажа, и све и името пишува, да се знае кое бебе се родило тогаш, секако таков документ мора да има во болницата. А тука чекаш име да му дадеш дууур го кртиш во црква, глупаво, тука така прават колку да има од што да заработуват поповите , исто се важи и за венчавањето во црква, ако несакате немора, немојте некој да ве приморува за тоа , баш тој муабет завчера го правев со маж ми, дека несакам кога ќе имам бебе да го крштевам, а ако било тоа од религијата тогаш зошто не сум го тоа сретнала да пишува во библијата, ама и тоа и поповите го кријат, попот е исто вработено лице и како таков и тој заработува од тоа, не мислете дека тоа е христијански , не е од библијата најозбилно .

 

Лелеееееееее замисли колку се напредни во Германија име уште во болница ви ставаат и документ со килажа и кога сте родени а во Мк толку се назадни што се чека тек во црква да му стават име, онака нонејм си седи бебето додека стигне за крстење.

Добро бре што трескате глупости, кој чека во Мк да се крсти па тогаш име да му се стави на бебето, дај мислете пред да напишете нешто волку бессмислено.
Во Мк има закон каде новороденчето треба да биде запишано во матично во рок од 30 дена а најбрзо може да се крсти на 40 дена.
И тоа ако сакаш ќе го крстиш ама во матично мораш да го запишеш, исто и за венчањето тоа е ако сакаш, никој не ти го ни наметнува, ни приморува.

Инаку и мене пред 34 години ме сликаа во болница, ми пишале, саат кога сум родена, килажа, должина, презимето и тоа е документ или спомен само???

 

ааа,чек мене нешто не ми е јасно, една комшика викаше дека нејната кума не го кажуваше името се до кога попот ја праша како ќе се вика на крштевањето....тогаш кога било бебето запишано у болницата? Ама сепак муабето е дали има потреба од црква, јас викам не.

 

Комшиката може да збори што сака, а пола Македонија не е крстена во црква па не се шетаат луѓето така по улица Теоретски кумот ако сака може во црква да каже и друго име од она на документите, но легално детето ќе го носи името што стои на изводот од матична книга на родените.

 

Е то незнаев, фала што ми кажа , е сега кумот неможе повторно да ми се заканува дека он ќе му одбере името, хихихи

 

Koj ti vika oti ne e potrebno krstevanjeto i vencavanjeto vo crkva i deka vo biblijata go nema toa? cc samo da se istreska nesto. Ako nemas poznavanje od nesto zosto debatiras??? Znaes li zosto se slavi Vodici??? aa??? Zosto site vodi vo svetot se osvetuvat?? Isus Hristos se krstil i so toa go pobil praroditelskiot grev od nasite praroditeli Adam i Eva i opsto siot covecki grev na toa vreme i nam ni go ostavil krstevanjeto za sekoj da se ocisti od praroditelskiot grev. Sekoj covek sto se ragja se ragja so praroditelskiot grev. So isus Hristos zapocnuva Noviot Zavet vo Biblijata. Nekoj ako ne e krsten ne e ocisten od praroditelskiot grev i nemoze da se venca u crkva. Ako si samo registriran u maticno, a ne si vencan vo crkva, togas zivees vo grev. Koga ke ti bide brakot blagosloven od Boga togas ke bidete maz i zena vo vistinska smisla na zborot. Nikoj na nikoj ne primoruva, toa e ostaveno na covekovata volja. A pozelno e od pogore navedenite pricini.

 

Кој ќе убедиш, сите мислат дека свее знаат а ништо немат во главите, напротив пишува дека црквата е многу погрешна, и тоа не дека јас измислувам ем кажувам дека сум прочитала а они не се, па одозгора негираат,како можат да негираат кога не се самите увериле, туку сите така прават и ај и јас така, ц ц ц

 

Ова е некој елабориран назив за дипломата од Теолошки факултет?

Со сето ова се сложувам, само се прашувам колку Јован Крстител наплатил за крштевката... 100 евра? Или во марки пресметувале во тоа време?

Муабетов ми е: тоа се свети чинови, свети обележја на христијанската вера (и сега се извинувам што бесрамно ќе го употребам зборов, како што црквата како институција бесрамно го спроведува на дело) - посрани од страна на попови и владики (не именувам и не генерализирам зашто онаа ронка вера и надеж ми вели дека се наоѓа по некој исклучок). Кога веќе наплаќаат, зошто не даваат фискални за услугата, а? Нека им појде УЈП во инспекција ако не!

И што слушам во поново време (т.е. има едно 5 години може): за да си ги крстиш децата мора да си венчан. Веќе не знаат како да дрпнат повеќе.
Моите родители не се венчани, па јас и брат ми сме крстени по сите правила и прописи. Пред дваесет и кусур години не морало родителите да бидат венчани, ама сега според 328-мото издание на Библијата,
21st century edition, мора да бидат венчани.
Абе ајде!

 

@Hipica за да се венчаш треба да си крстена, не е тоа ново од секогаш е, а за да си крстиш децата не мора да си венчана, мене сите три ми се крстени а не сум венчана во црква.
Којзнае можеби како и сите тие адети низ Мк и ово има врска со тоа од кој крај си, ете некој поупатен нека не просветли.

 

Епа и дома кај нас е таков случајот - јас и брат ми сме крстени, а родителите не ни се венчани.
Ама еве братучед ми има 7 години. Кога сакаа да го крстат (значи тоа било пред 6 години сигурно), од црквата им рекоа дека мора и родителите, а и (пази ова) кумот и кумата да бидат венчани.
Па ајде кумов и кумава зедоа да се венчаваат после 10 години и повеќе брак, а вујко ми и вујна ми правеа венчавка на ист ден со крштевката. И за сето тоа, нормално (иако не знам колку е тоа нормално), посебно им наплатија.Тоа ме револтира мене.

 

Јас знам дека кумот мора да е крстен за да може да го крсти детето, само тоа побараа во црква кога ми ги крстеше децата.

Инаку се сложувам со тебе, за пари што се не ќе измислат, за тоа треба и ние да си бидеме информирани и да му се напомене на попот дека ќе се распрашаме дали е тоа нешто така или не, на жалост и црквата стана бизнис и поповите гледат што е можно повеќе пари да направат.

 

Јас знам многу луѓе што ги вратиле затоа што не се венчани, колку што знам треба и кумот да е крстен и родителите да се венчани за детето да можат да си го крстат во црква.

 

Кога го крштевавме син ми, мораше да бидеме и ние венчани во црква. Тоа беше пред 5.5 години