Верување,односот на црквата кон христијанството

Да речеме дека си во право, ама за отецот кој живее на село и нема можеби толку обврски, ако не е премногу активно селото.
Но што правиме со градскиот парохиски отец?
Еве, пример ќе го вработиме отецот во некоја фирма во која ти, јас или било кој е работодавец.
Дали ти, јас или некој друг, би го пуштиле отецот да оди да си ја заврши работата (пример, ако има погреб, или некоја треба на гробишта, или потребно е итно да оди кај некој болен да го исповеда и Причести...)?
Искрено, да се ставам прва на местото на работодавецот, не би го пуштила. Па зошто да ми заостанува работата во фирмата, заради него?
Сепак тоа не е еден ден, не е еден час, туку секој ден, за цело работно време?
Каква плата би му дала, кога тој постојано не е присутен на работното место?
Ти како би постапил?

Втора опција.
Да му насадиме нива од неколку декари. Дали доматите, пиперките, кромидот... ќе го почекаат малку, а да останат без вода, не ископани, оставени на милост и немилост?
Ќе дадат тие плод, ако ги насадиме и ги оставиме?
Нема.
Ќе порасне тревата и ќе ги задуши. Нема да остане ништо од нив.
Е сега се поставува прашањето.
Како би живеел?
Од каде финансии да си обезбеди автомобил и негово одржување, за сепак да отиде навреме кај што е потребно?
Од каде финансии за секоја потреба, нели е потребно да јадеме, да одржуваме хигиена, да се облекуваме, да бидеме здрави, да имаме кров на глава...?
Не го примаат во фирма, не може 24 часа да биде на нива и во неа да работи, а зад себе има семејство?
А бидејќи сум работела на нива и од тоа сум живеела, затоа ти кажувам колку е потребно се тоа. Не го кажувам туку така.
Да Господ Исус Христос, апостолите, немале семејства, немале жени, деца... се грижеле за себе, но што правиме сега со овие?

Но, зошто Господ заплака кога отиде во Витанија и кога Лазар се упокои?
Зошто кога ги виде неговите сестри како плачат и жалат и Господ Исус Христос заплака?
Зошто плачеше Пресвета Богородица кога го измачуваа, распнаа, положија во гроб...?
Зашто, Господ Исус Христос имаше две природи, човечка и Божествена.
Зарем човечката природа не плаче и не тагува?

Која е потребата од свештеници!
Тогаш која била потребата од пророци во Стариот Завет, апостоли, во Новиот Завет?!
Зошто била потребна и барана молитвата од првосвештениците или апостолите?
Што имале тие повеќе од другите луѓе?
Зарем народот не можел сам да си помоли за себе и да си помогне сам на себе или на своето семејство?

 

Serafima ти самата даде одговор на своите прашања. Имено свештеникот ќе треба да одлучи со која професија ќе се бави. На пр. Исус по професија бил столар а не свештеник. Тоа кажува многу!

Прашуваш која била потребата од пророците? Потребата од нив постоела и порано и постои и денес. Бидејќи повеќето луѓе поради сопствената претерана грешност не можат да го слушнат Божјиот говор во своето внатрешно, Бог во отелотворување испраќал битија од небото преку кои тој се објавувал до човештвото. Но ниту еден од вистинските божји пророци не живеел од пророштвото бидејќи тоа не е професија. Спротивно на тоа свештениците од минатото но и оние денешните воглавно живееле од туѓиот труд, и секогаш биле непријателски настроени кон Божјите пророци. Ниту денес не е многу поразлично.

За народот и молитвата... народот можел и требал да се помоли за себе, но не бил упатен во тие работи. Апостолите го пренеле знаењето и искуството понатака - тоа го можеле затоа што го имале правилното духовно знаење кое и самите го живееле во секојдневието за пример.

Прашање е дали заплакал или тоа било мислење на авторот кој тоа го напишал. Низ некои апокрифни евангелија Исусовиот плач поради Лазар воопшто не се спомнува.

Но потоа ангелите ја прашаа: „зошто го барате живиот меѓу мртвите?„

Затоа што Христос е божествено директно од Бог-Отецот создадено битие, со-владика на Небесата но кога тргнал во инкарнација, тој влегол во „куќата„ од месо и коски и станал човек кој бил наречен Исус.

Да, така е. Но нашата вистинска природа е божествена а не човечка.

 

Во право си за тоа дека Господ Исус Христос бил столар, но да бидеме реални кога ја започнал својата проповед, Тој тоа не го правеше. Зашто тој одеше од едно место на друго и проповедаше. Мислам дека сепак немаше време за да биде столар .
Нели?
Никаде не е спомнато дека Господ Исус Христос подоцна кога проповедаше, отиде некаде, па му направи на некој нешто и доби пари или продал нешто што направил за да заработи.
Истото е и со апостолите .
Нели и нив Господ им рече да ги остават мрежите (риболовот од кој живееле) и да тргнат по Него, а Тој ќе ги направи ловци на луѓе.
Па така тие тргнаа и го пороповедаа Божјото слово. Но, ниеден не започна пак да биде рибар, или митник... туку водени од Светиот Дух тие шетаа од една област во друга и проповедаа.

Пророците живееле пред доаѓањето Господово, се со цел да го објават неговото доаѓање. Од тогаш кога Господ Исус Христос пристигна на земјата, пророците не постојат. Туку тука се апостолите, свештенослужителите, кои по Божја благодат го добиваат тој чин.
Да се надоврзам на прашањето, и апостолите живееле од туѓиот труд. Тие оделе во домовите, а луѓето им давале храна, облека, се што им било потребно. Значи не е ништо ново ова денес.
Но, дали некој од нас денес тоа би го направил?

А за тоа дека биле непријателски настроени, не би рекла. Зашто оној кој добро го знае Бог, ќе го познае тој човек кој е испратен од Господ. Зашто нели и Господ рече дека ќе ги познаеме по нивните дела (зборувам за светителите ).

Да, ангелот тоа го рече, но тие сепак плачеа. Жалеа за загубата на својот учител. Плачеа, зашто кога не знаеа дека Воскресна и иако е жив, тие ги оплакуваа неговите страдања и неговото заминување од земјата.
Значи сепак се работи за љубов, природна љубов, односно љубов на мајката кон своето дете и пријателската, искрена љубов.

Значи сепак има Господ две природи, и Божествена и човечка .
Бог, но со тело од човек, кој се прави како и ние останатите луѓе.

Прости, но не би се согласила потполно. Иако ја имаме таа природа во себе, сепак сите ние сме телесни и не можеме да живееме само од духовното.
Зашто , божествена природа, нема потреба од телесна храна, нема потреба од облека, на божествената природа не и пречи високата температура за живот или премногу ниската, божествената природа не плаче со телесни солзи...
А ние, нели сите од тоа имаме потреба, зашто сепак имаме човечка, телесна, материјална природа, на која се тоа и ни е потребно . Значи сепак не сме само со Божествена природа, зашто сме луѓе од крв и месо, со свои чувства кои кога е потребно плачеме, кога е потребно се смееме, па спиеме, па работиме за да преживееме...

 

АКо не било спомнато не значи дека не било така. Освен тоа никој од нив не бил свештеник и теолог. Тоа е целата поента, дека свештенството е непотребно и не би требало да биде професија - особено не субвенционирана од страна на државата.

Тоа не е исто. Тие биле дарувани доброволно но тоа не им било според некоја тарифа и тие тоа не го правеле за да преживеат. Во многу земји луѓето никој не ги прашува дали сакаат црквата да ја финансираат и дали се согласуваат со нејзината дејност туку автоматски им се одбива преку даноците.

Пророци Божји имало во сите времиња, и ги имало и после Исус од Назарет(најголемиот пророк на сите времиња но воедно и единствен Спасител) на пр. во првите прахристијански заедници по Исусовото воскресение имало пророштво, потоа Јован од Патмос кој го примил Откровението кое е типично пророштво(објава). И после него имало пророци, а има и денес. Друга работа е дали тоа на црковните институции им се допаѓа или не, дали и колку луѓето им верувале и веруваат...

Тоа јасно кажува тогаш од кого е тнр. црковна иституција - од Бога сигурно не, штом низ вековите не ги препознавала Божјите пророци. Свештенството секогаш ги прогонувала и ги клеветела кај државните власти и пред народот божјите пророци затоа што тие биле опасност за нивниот комфор и професија. Имено ако има пророк преку кој Бог и небесниот свет директно се објавуваат тогаш позицијата на свештениците како „посредници„ автоматски се губи. Тогаш и тие ќе мораат да работат како обичниот народ бидејќи сите би биле еднакви меѓу себе. Освен свештениците секогаш имало уште некој кој живеел од трудот на народот - власта. Логично, од тоа произлегувал нечестивиот брак помеѓу власта и свештенството (пример за ова имало низ сите религии) кои заедно потоа ги прогонувале Божјите пророци обидувајќи се на тој начин да го замолчат Бога, но Бог не може никој да го замолчи.

Дел од старозаветните пророци биле убивани токму од страна на тогашното свештенство, Исуса го осудија распнаа токму свештениците (римската власт била само извршител) , најактивен хушкач против богомилите на балканот (кои го негуваа и пророштвото) било токму свештенството и теолозите на црквата (Презвитер Козма, Сава и тн.).

 

Во првото послание на свети апостол Павле до Тимотеја си пишува убаво и за епископи и за ѓакони, а во соборното послание на свети апостол Јаков брат Господен си пишува и за презвитерите. Ама види чудо, свети апостол Павле во дејанијата на апостолите и го одзел “пророчкиот“ дух на една “пророчица“, односно гатачка и бајачка.
Кога сме кај така наречените “богомили“, нивниот вистински назив и спрема светото Евангелие кое го извитоперуваат и според светото предание, а особено спрема светиот поп Козма е богунемили. Бидејќи нивниот начин на живот и нивната проповед се гнасни пред лицето Господово.

 

Ќе поставам линк кон видео каде мислењето за тоа го даваат неколку правници, социолози и поранешни црковни теолози во емисијата:

линк:
Христос ДА, црква НЕ

 

На овие сложени теми не сакам да дискутирам на интернет без да ја имам во предвид личноста со која разговарам. Имам цврсто изграден став кон религиозното прашање, но поради комплексноста на истото не го споделувам со личости кои не ги гледам во живо.

Ќе направам исклучок само во оваа тема и ќе им порачам на сите верници нешто што и самиот Исус го кажувал:"Не ми градете храмови од камења не ги сакам, градете ми храм во своето срце."

Една реченица е доволна.
Поздрав

 

Како можите така да зборвите за попојте..кој ве крсте вас? мајка ви?татко ви? кој? и како можите така за Господ да зборвите..

 

Еве да ви кажам виц од пријател кој студира теологија

Паднал попот во некоја дупка и сите селани се обидувале да му помогнат велеле дај попе рака да те извлечеме овој абер си нема , неколку часови сите го молеле да им даде рака да го извлечат . Но се нашол еден итар селанец и му рекол НА попе рака и овој веднаш ја пружил и го извлекле .

Мала шала ама ги отсликува повеќето попови денес

 

Да расчистиме една работа: Тоа што луѓето (најчесто лицата вработени во црква) ја злоупотребуваат истата заради свои лични причини, не го прави Христијанството лоша религија или Црквата мафија Не тресете глупости.

Се знае, ние имаме избор, Црквата е нај светото и нај чистото место кое може да го посетиш додека си жив, ама добро знаеме што се човек може да направи за пари. Нормално, да си го предаде својот Бог, верата и се со ред.

И не знам како можете за тоа да ја кривите Верата, као божем верата Христијанска е таа што не чини, црквата е таа што не чини бла бла.
Човекот се знае да уништи, тука е исти случајот. И срамно е што се валка нашата вера со вакви размислувања причинети како последица на нечие глупаво однесување во минатото, било да е поп, владика, магаре...

Свештените лица од секогаш ја искористувале црквата за да имаат моќ, но тоа не ја прави нашата Вера неправедна!

 

Се согласувам и во право си.Религијата не е лоша и неправедна, туку она што прават свештениците, а не треба поради нив да се негира христијанството.Бидејки религијата не е само заради свештениците, туку општо за луѓето.Тоа што можат да згрешат свештениците, не е и не би требало да биде причина за човек да се откаже од христијанството.

 

Одење на гробишта

Најголемата вина на Владиката Петар е тоа што сака да воведе ред и закон во Австралија! Е тој е владиката на кој што верниците можат во секој момент да му се пожалат. Само ме интересира, црквата во која ги крштевавте децата дали е под владиката или под “владиката“ Игор бивши Аврамовски сегашен Александров?

 

Одење на гробишта

Ти ово сериозно си?!
Дај не ме смеј

А зошто би го напишала владиката Петар ако не е надлежен тој
Да сме се жалеле, за дотичниот поп џанак, имаме потпишано петиција за негова промена, петицијата е потпишана од 820 луѓе, за тоа си добивме затворени врати за Божиќ за сите што сме се потпишале
Не дека многу ми е гајле јас си отидов во најблиската руска црква, меѓутоа црквата е на народот, верниците не е на поповите па да им забрануваат влез на оние кои не им се допаѓаат.

А за Петар стварно не знам дали да се смејам или плачам за болдираното, не е добро ни толку слепо да се верува во тн свештени лица.
Не може македонската заедница која брои над 300.000 луѓе толку време да ја бараат неговата промена (за која МПЦ не превзема ништо, не стои зад своите верници) да не бидат во право и да го прават тоа без основа а овој еден едиствен да биде во право само затоа што е владика, ја мајката
Не ме интересира политиката на МПЦ ако не можам да одам на литургија во мојата македонска црква ќе си одам во најблиската што ми е а таа е руска, немам никаква намера поради хир на некој џанак подржан од владиката да си го малтретирам детето и да возам плус 70км само за да одам во македонска црква

А бидејќи ти саркастично спомнуваш во наводници некој си владика, не е лошо ти да се запрашаш од каде му се на тн владика Петар преку 4 милиони долари за судските спорови, кој сите до еден ги има изгубено, негови пари се или и тие се на народот?

 

Одење на гробишта

И мене ми е Петре владика. И знам што пишувам... Само проблемот е тоа што во Македонија в црква најчесто одат верниците за да се сретнат со Христа, па затоа не му наоѓаат мани на владиката Петре, а во Австралија сакаат да одат за дружба, собиранки, чајанки итн. Е затоа на вторите не им чини Петре! Затоа што место законието го возљубиле беазконието!
ПС: пишуваш за црквата света Петка во Рокдејл?

 

Одење на гробишта

Вака спроведува законие ??????
Овој на се личи само на свештено лице не личи


Јас како човек што има основна култура исклучувам мобилен во кино, театар, ресторан да не правам муабет за во црква а овој што би требало да не учи како да бидеме поблиску до Бог одржува литургија со мобилен во рака, можеби очекува повик од Господ

Верниците во Австралија не се припадници на британското кралство па да си прават чајанки

Не знам што да кажам за тоа дека верниците го возљубиле беззаконието само затоа што не сакаат на владиката Петар да му ги припишат црквите во негова лична сопственост, за срамота.
А јас колку што знам и во Мк во црквите се дава ручек за време на големите христијански празници или таму тоа не е беззаконие, само тука е?????????

И не не пишувам за црквата во Рокдејл, не сум во Сиднеј.

 

Одење на гробишта

значи овај таканаречен владика НЕМОЖАМ ДА ГО ПОДНЕСАМ поголем арамија нема од него,гнасен,мафијашка фаца до немајкаде па уште и со мобилниот в рака..СРАМОТА јас си вервам во Господ,во црквата ама во овај мафијашот НЕ ФАЛА!ја искраде цела Австралија,зркнат само за пари......вештер одвратен

 

Одење на гробишта

Ова што е фотографирано е беседата по литургијата. Ако не сте знаеле да ви кажам дека во мобилните има и опција гласовен снимач. И што има страшно ако владиката го снима тоа што зборува? Во Србија сите епископи се снимаат, се снимал и свети Јустин Ќелиски па што? Или снимањето е екслузивно право на наследниците на Јуда Искариотски, односно на новинарите-лешинари. Па после ќе снимаат од беседа од 15 минути, само 30 секунди и тоа зборови изваедни од контекст. Се гледа колкава е креативноста на новинарите штом се запнале за тоа дека владиката се снимал дури беседел. Глупости.
Ама не е да им се замери и тие па и вие толку разбирате што е беседа и што е литургија...
За имотите во Австралија, тие се во негово владение (зашто по светите канони со имотите црковни управува владиката, а не некој си Игор екс Аврамовски Александров), но нема право да ги продава или да ги остава во наследство на оние на кои тој сака.
Во црквите во Македонија навистина се дава ручек за славата на црквата, ама нема певаљки, во дворот на црквите нема казина, ноќни клубови итн. Такви безаконија само во епархијата на дедо Тимотеј можат да се најдат.
Патем за некој да го обвини својот владика, кој е икона Христова, мора да живее христијанско-православен и морален живот. Минимум од се` да ги пости сите пости, да се причестува барем 4 пати во годината, да ја чува девственост или да биде верен на својот брачен другар со кој е во црковен брак и да не го има направено гревот за кој обвинува. Обвинение од луѓе кои не исполнуваат барем еден од овие услови е ветар во магла. Односно сами себе си се обвинуваат, а не владиката!
Во Прилеп имаше еден новинар, а и жена му е новинарка и дописничка на една од националните телевизии, кој се дрзна да напиши книга со наслов „Владика по Јуда“, посветена на НВП г.г. Петар. Арно ама по неговите дела го препознавме, в црква скоро никогаш не влегуваше, донесе едни биоенергетичарки од Бугарија кои ги ограбија прилепчаните со лесен ум. За воспитанието и поведението на неговите ќерки што го доведе до смрт, а со кои пола град си го нижеше тутунот, не сакам ни да пишувам. Ама владиката Петре сепак беше милостив и полн со љубов према овега и дозволи да го опеат како православен Христијанин.

 

Одење на гробишта

како и да е...Петар беше и ќе си остани најголем арамија....пак ќе речам ми се од него!прч!

 

Одење на гробишта

^^Некој што си дозволува макар и на анонимен форум да прогласува нечии ќерки за ороспии и виновници за смртта на својот татко, ниту е човек а уште помалку христијанин во моите очи.

А тоа дека бил милозлив и полн со љубов владиката и дозволил да се погреба човекот како православен христијанин, се читаш што пишуваш?
Се бара дозвола од владиката за погреб, треба молба со таксена марка да му се достави.....цццццццццццц??????????????
Нели е слуга тој Божји??????

Убијци, арамии, силувачи се опејуваат и погребуваат, а за новинарот затоа што се дрзнал да напише нешто негативно за неговото височество се барало дозвола од владиката и тој му се смилостил и дозволил да го опејат како православен христијанин иако се станува христијанин се крштение а не со дозвола од владика

Црквите во Австралија се во сопственост на македонската заедница, МПЦ не може да поседува имот тука, владиката бара/уценува да се припишат имотите во негова лична сопственост.
Не знам за каков владика наводен пишуваш, ниту сум слушнала за него, ниту пак ме интересира.

А ти ги исполнуваш сите услови за да го обвинуваш владиката Тимотеј или и твоето обвинување е ветар во магла?! Јас пак си мислев дека не е наше да судиме, има Бог на небото тој е еден единствен кој суди!

Во која црква во Австралија има во дворот ноќен клуб, казино?
Јас не сум видела, а ти си видел?????
Сум видела поп кој е џанак и дилер на дрога кој милозливиот и полн со љубов владика Петар не го менува иако му е празна црквата, верниците се битни за Петар само кога треба да му се полни џебот а да им се услушаат жалбите нема потреба така?

 

Одење на гробишта

1. Ниту измислувам за ќерки му, ниту ширам дезинформации. Па ниту биле со мене па да чувствувам грижа на совест. Работата беше да се види кои се тие што шират заблуди против Високопреосветениот владика Петар и каков е нивниот морален кредибилитет. Ама овој несреќник, нека Бог му се смилува, очигледно е дека го направил своето најголемо промашување во животот, место да си го гледа семејството - пишувал книга против владиката.
2. Ај те молам кажи го со име и презиме попот што е наркоман и дилер на дрога. Па ако треба и лично ќе реагирам кај владиката. Ама ако било вистина, досега ќе беше распопен. Кај нас сега брзо беше казнет и тоа престрого, еден поп кој пијан се прошетал низ градот.
3. Владиката има право од Бога дадено да прави што сака во својата од Бога доверена епархија, а за тоа ќе одговара само пред Бога. Владиката има право да му забрани на некого да влезе в црква, да се крсти, да се венча, да биде опеан...
4. Во дворот на црквата света Петка во Рокдејл било направено казино.
5. Не сум јас златна рипка, да го погазувам и заборавам тоа што сум го напишал во истиот коментар. Така стојам и ќе стојам на тврдењето дека владиката Тимотеј дозволува безаконија во Охридската митрополија пред се` во најсветиот, а сега обесветен македонски манастир свети Наум, каде што денеска се шетаат голи Германки, а во поранешните конаци се врши куплерај. За ресторанот ич да не дискутираме, или пак за издавањето на имотот на манастирот за градење на казина и хотели кои ќе ги гради индискиот милијардер. Во ниеден манастир во Битолска Епархија, нема ниту конаци кои се издаваат како хотелски соби, ниту пак има ресторани во кои се прави скара дури и во строг пост. Си има ред и поредок и луѓе кои го почитуваат и штитат тој поредок.
6. Го обвинувате владиката Петар за арамилак, дајте бре луѓе, набројте се` што има украдено!
7. Јас убаво гледам што се случува околу мене, а се случува да на секој празник и недела владиката Петар богослужи, исто и секоја вечер пред празниците и неделите. Во црквите и манастирите кои се под него има ред и поредок итн. Мене тоа ме интересира. Исто така ме интересира и тоа што каде и да се појави го проповеда Евангелието и Христа Бога.

И за крај кога една лага ќе се повтори повеќе од 100 пати, дури и тој кој ја измислил почнува да верува во нејзе. Така и со лагите поврзани за дедо Петре (кои ги шират Австралијанците), Господ да го сохрани на многаја и благаја лета.
Не гледам причина зошто bittersweet би се нервирала. Овде само дискутираме, а ако за дискусии по форуми се нервираме, тогаш што останува за нашите реални проблеми? Овде секој си го кажува своето мислење и должни сме да го почитуваме мислењето на секој наш соговорник.