1. Овој сајт користи колачиња неопходни за неговото функционирање. Ако продолжиш да го користиш, значи се согласуваш со нашата употреба на колачиња. Прочитај повеќе.

Вештачко оплодување и сурогат од духовна точка на гледиште

Дискусија во 'Религија' започната од daylight, 14 мај 2018.

?

Дали го одобрувате вештачкото оплодување?

  1. Да

    135 глас(а)
    84,9%
  2. Не

    8 глас(а)
    5,0%
  3. Не знам, сè уште немам изградено мислење на оваа тема

    16 глас(а)
    10,1%
  1. Bender Rodriguez

    Bender Rodriguez The lovable rascal

    Се зачлени на:
    27 јуни 2015
    Пораки:
    2.623
    Допаѓања:
    32.778
    Пол:
    Машки
    Кратко и јасно - ниту една религија во својот изворен облик, т.е. ни една света книга, не кажува ништо за вештачкото оплодување, како и впрочем за останатите (потенцијално) морално двосмислени работи кои се резултат на технолошкиот напредок на човештвото, како донирање и трансплантација на органи, растење на ткива во лабораторија, клонирање и сл., а ни за ствари кои и не се баш нови гледано од историски контекст, како абортус и хируршки зафати.

    Мислам, не е дека Бог, како семоќен и сезнаен ентитет, можел да ги предвиди моралните дилеми на луѓето од иднината, па едноставно да стави по некој збор и за нив у својата света книга и да ги спаси од овие недоумици, нели? :D Ама тоа не би било во негов стил. :)

    И баш затоа што ниедна света книга не се занимава со ниту еден од моралните „проблеми“ на денешницата, оставени сме во рацете на разно-разни свети старци, свештени лица, духовници, самопрогласени пророци и останати т.н. „духовни авторитети“ за да ни дадат одговор на овие прашања.

    Ако сте од оние кои веруваат дека папата, вселенскиот патријарх и останатите религиски поглавари се буквално одбрани за таа позиција со помош на Божјата рака (ја не сум :D) и дека се божји амбасадори на Земјата или пак, ако мислите дека чим некој завршил теолошки, тоа автоматски го квалификува да биде психолог, психијатар, брачен советник, општ лекар, онколог, гинеколог, адвокат, фитнес тренер (све, све, ама јога никако :D) и сите други можни професии одеднаш, тогаш океј - слушаjте ги советите, препораките и напатствијата од овие луѓе за моралните дилеми кои ве измачуваат (а и за оние кои не сте ни знаеле дека ве измачуваат, како инвитрото, на пример).

    Имам впечаток дека од што премногу често луѓето се задлабочуваат во ситници (што би рекол Бог за вештачкото оплодување?), забораваат на суштината на сопствената религија и на нејзината главна и основна порака, а тоа е едноставно - да бидат добри луѓе.
     
    На CameliaMiller, jacqueline.s, SV1911 и 24 други им се допаѓа ова.
  2. HardSex

    HardSex Популарен член

    Се зачлени на:
    25 април 2011
    Пораки:
    495
    Допаѓања:
    2.422
    Пол:
    Машки
    Правила,правила...да би ме удавила :D...
    Животот треба да е едноставен.Заљубен пар,пар патуљаци кои шетаат како изгубени случаеви:D,мама го мачка путерот на тато,а тато налева во нејзината чаша...:DЛуѓето заслужуваат да бидат среќни и радосни, независно што мајка природа си поиграла со нив.

    Ваквото“вештачко” оплодување е нормално да не наиде на восхит кај одредени луѓе,затоа што сметаат дека се коси со супермоќите на Креаторот.:DВо основа се работи за немање на слух за емотивните потреби на луѓето.Слепото следење на правила или во нивно отсуство толкување без водење на сметка за емотивната димензија не’ доведе да имаме состојби какви што имаме во сите сегменти,независно дали е на локално или на глобално ниво.:devil::D
     
    На dayla, Nigredo Odor, Amellie13 и 1 друга личност им се допаѓа ова.
  3. Justicija

    Justicija Форумски идол

    Се зачлени на:
    9 август 2017
    Пораки:
    5.659
    Допаѓања:
    18.998
    Пол:
    Женски
    Јас сум личност што нема никогаш да влезе во брак , не сакам деца да рагам покрај толку стрии што ги имам, и колку тешко ослабнав , нема шанси да родам ... Но јас ги сакам децата , ги обожавам , интересни ми се :)
    Кога слушнав за вакво нешто како сурогат си реков конечноо :) можеби има надеж да станам мајка некогаш :) дефинитивно ке се решам на ваков чекор (потака , не сега) :)
    Го подржувам сурогат мајка проектот :) , не сум верник , не верувам дека религиите би го забраниле тоа , ги подржувам сите што сакаат да станат мајки :hug:
     
    На Lella, SV1911, makedonkamak и 3 други им се допаѓа ова.
  4. Nigredo Odor

    Nigredo Odor Популарен член

    Се зачлени на:
    17 јануари 2016
    Пораки:
    3.549
    Допаѓања:
    19.459
    Најлесно е така. Како да само таа ќе биде родител, а не и ти.
    Не знам дали знаеш, ама кога се формира заедништво, (без оглед дали станува збор за брак или врска), заеднички се донесуваат одлуките. Во суштина тоа е поентата на имање партнер, in the first place.


    Што се однесува до -

    -
    Многу го забрза биотехнолошкиот процес, @daylight. :)
    Во пасусите кои ги болдирав, зборуваш за нешто што во иднина треба да претставува пиедастал, контемплација во научното поле, а сеуште се третира само како филозофско идеалистички правец - трансхуманизам. Тој нема да се случи сега брзо, а ниту во догледна иднина.
    Но, проблемот со вас духовниците е што секогаш ги потенцирате само негативните консеквенции од ваквите можности, како сега да живееме во златно доба па не ни се случуваат болести, разно разни природни катастрофи и девијации.

    Клонирањето веќе се има случено, и не е никаква теорија на заговор дека ќе продолжи да се случува во иднина, иако е сега само уставно и формално забрането за јавност, но интересна е паралелата која ја правиш.
    Знам дека твоите гледишта се секогаш со Религиска позадина, но дали се и критички?
    Огради се од Религијата, и одговори како треба да се чувствува еден млад пар кој ги исполнува критериумите за родителство, а не може? Дали тие треба да им завртат грб на сите нови научни достигнувања кои им нудат солидна шанса за остварување на биолошка функција, само по цена да не противречат на Божјите закони, чие постоење е дискутабилно зошто е сведено исклучиво на вера и низа коинциденции, или треба да ризикуваат во време каде буквално едно излегување на улица е сведено на ризик.
    Да, точно е. Ги имам разгледувано студиите, и знам дека некои научници вака добиените ембриони ги изедначуваат со повисоки шанси за добивање на понатамошни генетски модификации, но прашањето кое треба да се постави, е дали и ембрион зачнат по природен пат нема шанси за развој на вакво нешто?

    Кои научници? Edwards, Steptо и ним слични, кои се против ин витро постапка ради страв од можност за масовна инкризација на наталитет, а не заради духовни и етички импликации?

    Каква светла или темна душа? Звучи како теорија за дуализам, а е од почеток нелогична бидејќи сите ние поседуваме добри и лоши квалитети. Да не зборуваме за тоа пак, дека сеуште не е ниту утврдено што е душа.

    Сите сме хедонисти, и не постои такво нешто како екстремен хедонизам. Што значи, сите набројани критериуми од твоја страна кои го конципираат овој поим сѐ неизоставен дел од нас како човечки суштества. А и која би била целта од таквото мисловно и физичко отцепување од секојдневната ,,нерелигиска рутина" за посветување на духовното, откровение можеби? :D

    Не знам дали ќе биде последниов пасус оф топик, ама мора да те прашам. Дали ваквите следбеништва ти даваат чувство на припадност, а делумно и чувство на супериорност? Бидејќи од суптилни теми за советување и поддршка со своите уверенија успевате да издејствувате guilt trip кај луѓето кои се соочуваат со тежок предизвик во животот и имаат реална потреба од вакво нешто.
     
    Последна измена: 16 мај 2018
    На theowndemon, Joi, lovestoneddd и 1 друга личност им се допаѓа ова.
  5. daylight

    daylight Популарен член

    Се зачлени на:
    22 декември 2011
    Пораки:
    3.136
    Допаѓања:
    4.106
    Токму од почит кон таквите, темата е отворена во сосема засебен подфорум бидејќи за истата се дискутира од сосема поинаков аспект како што е објаснето во воведниот текст, особено делот со болдираните реченици кои се воедно еден вид поттици во дискусијата, без разлика конечниот став дали е за или против.

    Темата не може и никако не е отворена со цел некому да забрани да размислува на еден или друг начин, ниту пак да наговори или спречи некоја/некого да постапи спротивно од личните убедувања.
    На прв поглед гледано тоа делува така. Меѓутоа ако се задлабочиме, тогаш доаѓаме до тоа дека Бог во тој случај би се вмешал во слободната волја на луѓето од тие и следните генерации. Имено Бог преку пророците ги ословувал тогашните акутелни состојби и доколку биле негативни опоменувал за трагичниот исход доколку не се смени курсот. На луѓето од библиските, или ако смеам да ги употребам додатно и изразите мајански, ведски и курански времиња - тие нешта како ин витрото не им биле познати (барем не во современа медицинска смисла на зборот) а со тоа ниту актуелни бидејќи развојот на настаните не стигнал до таму. Кога Бог би отишол во такви детали како на пр. ин витрото уште пред повеќе милениуми, тогаш тоа би значело дека би морало да дојде до тоа, при што извршителите би луѓето а сепак независно од слободната волја на луѓето.

    Секако, од ова прозилегуваат и прашањата дали списите на различните религии биле дадени еднаш за секогаш? Дали во целина Бог ги објавил(или издиктирал, или инспирирал...) како апсолутна вистина? Јас лично верувам дека не. Верувам дека Бог наново секогаш му говорел на човештвото, и дека тоа го прави и денес. Но тоа е веќе наслов за некоја друга тема...
    Но што е тоа навистина да се биде добар? Некои родители (порано и во Македонија за времена турско) им ги мачкале усните на децата со наркотик (мислам опиум беше) за да спијат мирно - некои од нив никогаш не се буделе потоа доколку претерале со дозата. Тие значи не ги тепале, не им викале зошто плачат. Едноставно биле добри со нив...

    Секако, јас ти ја разбирам поентата и се согласувам во основа со тебе, но сакам да речам не секоја „добрина„ која некогаш или денес се рекламира во светот мора да биде автоматски добра.

    @Nigredo Odor подоцна радо ќе се навратам на твоите прашања и коментари, прости во моментов морам да одам.
     
  6. Feminka22

    Feminka22 Форумски идол

    Се зачлени на:
    9 декември 2014
    Пораки:
    13.708
    Допаѓања:
    42.929
    Пол:
    Женски
    Добро не ви е глупо името на Господ во секоја тема да го ставате, или да мешате религии.Треба да сфатите дека кај некои луѓе желбата за дете е посилна и од се.Многу деликатни теми отварате.
     
  7. makedonkamak

    makedonkamak Форумски идол

    Се зачлени на:
    17 октомври 2013
    Пораки:
    3.616
    Допаѓања:
    26.999
    Пол:
    Женски
    Не е темава поставена само така, прочитај го постот на @Orthophill има убаво објаснето.
    Не е провокација или ,, чудо,, измислено од членот, едноставно прашање кое е разгледано од овој аспект.
     
    На daylight и Feminka22 им се допаѓа ова.
  8. Feminka22

    Feminka22 Форумски идол

    Се зачлени на:
    9 декември 2014
    Пораки:
    13.708
    Допаѓања:
    42.929
    Пол:
    Женски
    Да знам, ама сите мислења овде се препуцавања и осудувања.Зашто?Зашто не може некој слободно да пише што сака.
     
    На RoseRain и makedonkamak им се допаѓа ова.
  9. WildMk

    WildMk Форумски идол

    Се зачлени на:
    27 април 2018
    Пораки:
    37.714
    Допаѓања:
    283.175
    Затоа што сите не зае*ава егото. Никој не сакаме да останеме подолу.
     
    На daylight и Feminka22 им се допаѓа ова.
  10. SV1911

    SV1911 Форумски идол

    Се зачлени на:
    25 ноември 2013
    Пораки:
    2.531
    Допаѓања:
    59.339
    Баш ко што напиша Бендер во последната реченица во постот погоре

    Религијата треба да дава надеж дека има правда, љубов, здравје, дека сѐ е возможно. Разликата помеѓу религијата како таква и повеќето свештеници со нивните претставништва (било цркви, џамии, синагоги и што уште не) е што вториве ја користат за контролирање и правење на пари.

    @Vitaly како тоа жена ти ќе одлучи дали сака инвитро? Демек, ако не можете да имате деца ова што го напиша пу пу не се важи, бидејќи не зависи од тебе. Стварно постовите ти се без грам логика. Типично испран мозок.

    На темава, сум за инвитро и сум за сурогат мајка! Сте ги виделе ли дечињата кои што се родени по овие два метода? Јас да, прекрасни се, никаква разлика нема помеѓу нив и децата кои што се родени на традиционен начин.
     
    На bibiiii, Bender Rodriguez и Someonespecial им се допаѓа ова.
  11. Vitaly

    Vitaly Истакнат член

    Се зачлени на:
    26 јули 2016
    Пораки:
    2.593
    Допаѓања:
    4.648
    Пол:
    Машки
    Кога ќе пишев во тема за абортус сите викаа кој е таткото да одлучува дали мајката че абортира или не, таа ќе раѓа а не тој. А сега требало двајцата да одлучуваат. Како ви одговара спрема муабетот така се вртите. Од вас научив дека немам право да одлучувам кој што ќе прави со свое тело. И не постојат деца родени на традиционален начин што збориш. :wasntme: Тоа по традиција ли останало? Се смеам на ова ама за плачење е.
     
    На Feminka22 и Orthophill им се допаѓа ова.
  12. SV1911

    SV1911 Форумски идол

    Се зачлени на:
    25 ноември 2013
    Пораки:
    2.531
    Допаѓања:
    59.339
    Традиционален начин значи нешто што се прави постојано во тек на долг временски период. Не означува традиција како таква.

    Абортус е сосема друга тема и не гледам како е поврзана со ова. Но штом се вадиш на таа карта, тогаш зошто воопшто пишуваш свое мислење доколку сметаш дека немаш право на тоа?
     
    На Tan4ence, Lella, Someonespecial и 1 друга личност им се допаѓа ова.
  13. Vitaly

    Vitaly Истакнат член

    Се зачлени на:
    26 јули 2016
    Пораки:
    2.593
    Допаѓања:
    4.648
    Пол:
    Машки
    Па морам да се изјаснам дека немам право да одлучувам. Треба да барам дозвола каде и што да пишува?
    И раѓање и правење деца не е традиција. :rofl: :rofl: :rofl:
     
    На Feminka22 му/ѝ се допаѓа ова.
  14. corto.maltese

    corto.maltese Истакнат член

    Се зачлени на:
    24 октомври 2013
    Пораки:
    475
    Допаѓања:
    1.029
    Пол:
    Машки
    Грегор Мендел, образован црковен свештеник, пред век ипол и кусур, вештачки оплодувал, вкрстувал, хибридизирал и ги поставил основите на современата генетика, врз која се потпираат делата на денешните научници, доктори, генетичари, биолози... Никој му нема замерено.

    Комшика, санџаклија, бошњачка или како и да се викаат, муслимани, се омужи, не можела да роди, нејќел муж и инвитро и такви работи, верата ќе го сјебела, и направија ритрн ене ја дреме дома.

    У хол на гинекологија, снемал батерија, на шиптар му давам телефон да се јави дома рипа од радост ми кажува жената му зачната со инвитро после долго време, се породила. Си честита со домашните, спомиња Алах на телефон.

    Иди па кажи нешто.

    Секој жив човек има избор на моменти кога духовните наложувања ги става на стенд-бај. Некој убива, друг краде, трет изневерува, некој педофилира и зажалуваат за тоа, друг јаде мрсно, се пие, пуши, се јаде, секса во пости. Не знам дали, и колку, и каде овие гинеколошки зафати се сметаат за контра религијски, но и да се, само се капка во океаништето од човековите духовни бламирања. Еден стенд-бај по ова прашање не е страшна работа. А и онака на Бог веќе му прејдено во навика да ни простува.
     
    На ane.bella му/ѝ се допаѓа ова.
  15. Bender Rodriguez

    Bender Rodriguez The lovable rascal

    Се зачлени на:
    27 јуни 2015
    Пораки:
    2.623
    Допаѓања:
    32.778
    Пол:
    Машки
    Не реков ја дека треба да има 11-та заповед која експлицитно ќе вели „Thou shall not commit in-vitro and surrogacy!“ за да се чудат луѓето пред илјада години што сакал да каже со тоа. Мислев на нешто поопшто и посуптилно, вметнато некаде во Библијата, како на пример „Богоугодни се само оние деца зачнати во телото на мајката и родени од страна на мајката“. Мислам, Бог е дефинитивно попаметен и поречит од мене, можел да смисли нешто ако сакал. :)

    А ако Библијата не е последниот и финален збор на Бог, туку тој продолжува да нѐ подучува преку пророци, тогаш се поставува прашањето „Кои прорци се вистински, а кои лажни?“, затоа што очигледно ниту еден од нив не е ни приближно убедлив, како што бил Исус на пример, за да сите христијани поверуваат во него. Човек би помислил дека ако Бог веќе решил да ги праќа пророци во денешно време ќе ги направел барем малце покредибилни. :D

    Океј, и родителите во времето на „бумот“ на радиумот на децата им купувале радиоактивни играчки, кои светеле у темница. Ама не можеш баш да обвиниш некого за зла намера, кога не ги знае вистинските последици од нештото.

    У секој случај, ја мислев на некои поелементарни ствари, како „Не прави им го на другите она што не сакаш да ти го прават тебе“ и слично. Тоа се толку општи морални насоки што едноставно не можеш да направиш утка ако ги применуваш. А сепак, парадоксално, многу повеќе верници се поише загрижени за геј бракови, абортус и сурогатство наместо за сопственото однесување и постапки кон другите луѓе.
     
    На CameliaMiller, Rebecca_R, Lella и 2 други им се допаѓа ова.
  16. Rama

    Rama Форумски идол

    Се зачлени на:
    9 декември 2011
    Пораки:
    5.419
    Допаѓања:
    54.706
    Пол:
    Женски
    Не гледам зошто вештачкото оплодување би се косело со религијата.
    Лично јас,верник сум со цела сила,ама ако еден ден,не дај Боже,не би имала деца по "природен пат"се мисли на сексуален однос :D не би се колебала воопшто да одам на вештачко оплодување или да посвојам дете.
     
    На senjorita-v и cresa-jagoda им се допаѓа ова.
  17. daylight

    daylight Популарен член

    Се зачлени на:
    22 декември 2011
    Пораки:
    3.136
    Допаѓања:
    4.106
    Затоа што знаеме дека не постојат случајности. Тоа никако не значи дека не треба да се справуваме со истите и да си помагаме едни на други во текот на нашиот овоземски живот, но понекогаш со тнр. помагање можеби и одмагаме.
    Тоа не би било во ред така некој некому да кажува како треба да се чувствува - чувствата знаеме дека самите навираат. Вистинското прашање би било не како треба да се чувствуваме, туку зошто се чувствуваме така, што е коренот на тие чувства, и што сакаме понатака да правиме со тие чувства? Какви мисли ни се оформуваат врз основа на тие чувства и кон какви постапки не поттикнуваат тие мисли и чувства? Конечно, веруваме ли дека одредена постапка на која не поттикнале нашите чувства ќе ни донесе нови подобри чувства и подобар живот нам и на нашата средина.
    Поентата е дека токму во тоа дека нема коинциденции, па ниту во банални работи како што се излегувањето на улица. Не во смисла дека некој (на пр. бог) комплет нанапред одредил како ќе биде што ќе биде (постои и таква конфесионална лудост, се вика предестинација на душата - во такво нешто јас не верувам!), туку во смисла дека нашата сегашна состојба е последица на некои наши претходни шеми на размислување и одлуки и токму поради тоа ние имаме избор и моќ да ја менуваме нашата судбина кон подобро.

    Божјите закони не се закони во човечка смисла на зборот - на пр. како да е тоа дело на некој тиранин кој му наметнал на парламентот да се изгласа глуп или нехуман закон. За жал токму конфесионалните религии со дел од своите списи имаат допринесено за таа искривена слика дека бог е некаков суров владетел (на пр. делови во старозаветните списи) таму некаде далеку во облаците. Но тоа се човечки замисли и не одговараат на духовната реалност која ни ја пренесуваат Божјите пророци и просветлените мистичари.

    Божјите закони се повеќе нешто како законите на физиката - тоа е едноставно така! Одредена погрешна акција доведува до одредена негативна реакција, тоа меѓу другото на колективно ниво може да се манифестира со катастрофи, промена на климата, изливи на воена агресија и тн. Но тоа исто така значи дека ако секој поединец ја спознава својата одговорност во големата целина, може понешто и да се спречи и промени кон подобро.
    Не дека нема, но во тој случај тоа е дел од природниот развој. Во таа насока одат прашањата од воведниот дел на темава, имено ако луѓето имаат бестелесна душа која живее пред зачнувањето - дали и што вели таа за тој вештачки зафат кој ѝ наметнува генетски материјал кој изворно не би ѝ бил својствен, а кој ќе донесе до одредени непосакувани состојби во нејзиниот живот на земјата како човек? Но па ако ништо не е случајно, веројатно не е случајно што понекоја душа се нашла во такви околности - но како што веќе реков, тоа не би требало да значи дека со тоа едноставно луѓето треба да се помират и да се препуштат на општествените и научни токови.
    Да, знам - не ни реков дека тие тоа го велат поради духовни или етички импликации. Ги спомнав само спорадично, дека ете дури и во медицината тоа е дискутабилна тема, но дека тука тие прашања сакаме да ги погледнеме од една сосема друга перспектива.
    Според книгите што ги спомнав (Tvoje dijete i ti; Njegovo Oko и тн. ) секоја душа изворно била создадена како светло божествено битие но со слободна волја. Дел од тие битија отпаднале од Бога и духовниот космос и сосема постепено низ милијарди години настанал материјалниот космос. Како тие се оддалечувале од Бога и животот според божествените законитости (изворната природна состојба) во своите постапки, така нивните духовни тела станувале посиромашни со светлина т.е. станувале потемни. На крај тоа резултирало и со постепен развој на човечките тела а потоа и со овој свет полн со страдања. Некои од нив сакале но повеќе не умееле да се вратат во првобитната божествена состојба, ниту пак можеле да го слушнат Бога во своето внатрешно. Поради тоа дел од духовните битија кои не отпаднале, значи останале светли, тргнале со мисија да им помогнат и им го покажат патот назад. Меѓу другото тоа биле и се божјите пророци кои можеле да го слушнат Божјиот говор и како еден вид инструменти или медиуми ако сакате, да го пренесуваат понатака со човечки зборови до оние кои повеќе не можеле да го слушнат.

    Доколку човек би постапувал според тие упатства од божествениот свет тогаш душата постепено се прочистува, нејзините духовни партикули стануваат попропусни за божествената светлина - таа се про-светлува, и станува светла душа.
    Само што ние не сме исклучиво човечки суштества туку и духовни вечни битија. Тоа веќе ни го кажува минливоста на човечкото тело и човечките творби (царства, политички системи, традиции и тн.).
    Посреќен живот каде нема да се јавуваат чувства на тага, потиштеност, бес, празнина и сл. поради тоа што коренот на проблемот е решен, а не затоа што чувствата биле привремено блокирани со алкохол, дроги, генетски манипулации и сл. Од тоа произлегува воедно дека и паровите би можеле да имаат деца по природен пат, бидејќи нивните тела и генетски материјал би биле нормални и здрави.
    Доколку мислиш на чувство на супериорност во однос на другите луѓе - не, никако! Би рекол повеќе загриженост... но и свесност дека можеме и треба да бидеме господари на нашата судбина.

    Доколку некој следи духовен пат и поради тоа се чувствува супериорен над другите, тогаш веќе тоа кажува и покажува дека или следи погрешен пат, или таквиот човек не го следи тој пат правилно, или има сосема други мотиви... На пр. да се докажува и прикажува себе си компензирајќи за некои други пропусти и неуспеси во животот - со што ги крши божјите заповеди против лажното сведоштво, и против крадењето - бидејќи на тој начин се обидува да краде енергија од ближните. Тоа пак води кон натамошни страдања, освен ако тоа поединецот тие грешки не ги препознае и не ги промени кон подобро.
     
    Последна измена: 17 мај 2018
  18. kukla21

    kukla21 Мама Член на тимот

    Се зачлени на:
    4 август 2013
    Пораки:
    23.743
    Допаѓања:
    108.730
    А кој го вика вештачко? Ти? Се вика асистирана репродукција.
    И камо среќа да беше така ко што си го замислил. Само оплодувањето е потпомогнато. Се друго се одвива во природна средина. Човекот уште не нашол начин да имплантира ембрион.
     
    На Stressed Out, TeddyGrey, Someonespecial и 1 друга личност им се допаѓа ова.
  19. Vitaly

    Vitaly Истакнат член

    Се зачлени на:
    26 јули 2016
    Пораки:
    2.593
    Допаѓања:
    4.648
    Пол:
    Машки
    Како и да се нарекува природно не е 100%. Се знае на кој начин е природно. Без разлика што само оплодувањето е подпомогнато, тоа не е природен начин и мое мислење е дека никој нема право да изиграва ''створител'' и да создава живи суштества на начин кој не е природен.
     
  20. Rebecca_R

    Rebecca_R Форумски идол

    Се зачлени на:
    3 октомври 2016
    Пораки:
    3.083
    Допаѓања:
    55.708
    Пол:
    Женски
    Ете ме повторно мене со прашањето - Зошто тогаш ти користиш други методи на медицината, кои се исто толку неприродни како и in vitro оплодувањето?

    Затоа што тебе така ти одговара или повторно некоја завера е у прашање?
     
    На Lella, kukla21 и crimson им се допаѓа ова.