Видео надзор во градинките

Камера да. Секаде. Да се снима и да си стои. Да се отвори на барање на родител, ако има потреба.

И мене на работа можат да ми стават.

И факт е дека на педагошки факултет најголемиот испит е 300 страни. И дека работат со најосетливите деца... од нив зависи развојот на детето.

И стварно не знам како фактот дека детето дента не било тепано и посрано е позитивна работа . Тоа е основно.

 

Поради тоа што е најлесно да се запишеш и завршиш педагошки факултет, поради тоа што е лесно да ги поминеш тие стручни испити за лиценца, поради тоа што се вработуваат преку врски, поради тоа што постојат случаи на психичко и физичко малтретирање на деца по градинките, јас сум за да се воведе задолжителен видео надзор во градинките па и во училиштата, најпрво како превентивна мерка додека да се освестат и променат нешто околу ова, иако би требало сите промени да бидат паралелни. Можеби нема да се чувствуваат удобно вработените, ама удобност и приватност дома, таму се за да работат, можеби стравот од санкција малку ќе ги опамети и нив. Подобро да се снима и документира отколку да не се снима а моето дете да биде секој ден психички и физички малтретирано од вработен и уценувано да не кажува дома и јас никако да не можам да дознаам. Затоа реков подобро да се спречи отколку да се лечи.

Без гајле за тужбите, тоа ќе треба да е регулирано со поставување на камерите.
Тие што сакаат видео надзор причината ја гледаат во превентива и безбедност на нивното дете.
Тие што сте против видео надзор изговор ви е дека вработените немало да бидат опуштени, стегнати ќе биле ако се снимаат и тн. Подобро "стегнати" негувателка отколку малтретирани деца.
Па дека ќе се тужеле едни со други (и тоа нема врска, бидејќи ситуациите и поводот за тужба ќе бидат однапред одредени.)

 

Можеби со камери ќе се пази повеќе, па нема да и текне да извади мобилен и да го слика и снима моето дете за лични потреби т.е да си го става на личен Инстаграм или ФБ профил, па случајно да си го видиш а поима да немаш дека постојат тие фотографии.
Жалосно е што вработувањата по градинките одат со врски, па си дозволуваат и да сликаат, и да викаат и да тепаат деца.
Кога ќерка ми се пожали дека негувателката ја плескала по газот постојано, раководителката ми рече: Таков и е начинот на воспитување. И тука лежи уствари проблемот, што тие од горе се свесни каков персонал имаат, ама нема дисциплински мерки и децата страдаат.
Затоа сум за камери, за јас како родител со докази да можам да сменам барем нешто.

 

Ама како не разбираш бе жено..иако ме игнорираш, ете пак да ќе те цитирам...содржината од снимениот материјал се валиден доказ за да се превземе било каква мерка ако нешто се случи...Надзорите за кои говориш се само моментална работа..и кај нас доаѓаат контроли, ќе ги фатат со цигари, ќе најдат други маани..и кога ќе си отидат, пак иста песна се продолѓува...Значи, кај нас треба само казна на лице место со доказ, веднаш..да нема фаќање врски, да нема кинење белешки...секој фатен доказ теба да има и доказ дека е наплатен, извршен...штета што не работат камерите на раскрсниците, дрѓавава ќе се наполнеше пари од сообраќајни прекршоци...се додека не се опаметиме, а за да се опаметиме, треба убаво да ни ја одерат кожата, да не научат една убава лекција.

 

Епа побитна е една учителка од 30 деца.

 

Средно како фризерско или гимназија? Нема стручен кадар, 90% од вработените немаат никаква допирна точка со тоа што реално се бара како образование за вработување во градинка.

Не можат сите родители да видат, сигурна сум дека повеќето родители не и го знаат приватниот профил.

 

Па Цитирај ме.
Не те игнорирам,пишувам од тел и немам добар увид во постовите.
Ако еден систем е поставен така како што е ,треба да функционира.
Сама докажуваш дека се џабе камерите,еве имате камери нели под надзор сте,имате контроли повремени и пак се е исто,каде е проблемот.Чип на рака па секогаш кога ке отвориш фемина на работно место да те сними?

 

Косми, ова што кажуваш не е реално решение, и ние знаеме како треба да биде, ама не е. Еве како јас како родител да издејствувам стручната служба да оди трипати дневно во посета? Ај замисли си ситуација, одиме неколку родители и им кажуваме дека треба поубаво да си ја работат работата? Почести посети. Еве ќе одат, да речеме. Таа стручна служба со тие воспитувачки и негувателки се колешки, нема шанси да ги опоменат. Еве кај нас на работа, не треба никаква служба да помине за да знаеме кој каков е. Знаеш кога се потсмирија проблематичните наставници? Кога излегоа снимки од ученици снимени на час. Пак се вртиме во круг. И јас знам како треба да биде. Не само во градинки, туку и во здравство, и јавна администрација, ехехеее, сите знаеме како треба. Ама едно е теоретски, а друго во пракса. Инаку девојчето со инцидентот во Буба Мара се отпиша од градинка, вработените се само парично казнети. И сега зборувај ми како треба да биде. Треба да летаат од работа, ама не, тие сѐ уште ќе трауматизираат деца.

Ај вака да кажам уште еднаш. Јас сум педагог по професија, небитно каде точно работам. Работата ми е таква што и јас изигравам кловн некогаш за да анимирам деца. Не мора камера да ме сними за да го видат тоа останатите, секако се слуша надвор од училница. Што значи, камерата нема да направи да се осеќам стегнато и да не можам да се препуштам на часот, како што тоа го правам вообичаено и без камера. Е сега како ми прават и мене услуга? Доаѓа родител со жалење од неговото дете дека јас сум рекла тоа и тоа, или дека сум направила така и така. Јас кажувам дека не е точно, но да видиме што вика камерата. Една огромна услуга за мене. И меѓу децата има такви со бујни фантазии, така да и едните, и другите сме заштитени.

 

^
Мислам дека снимање со звук е забрането, само не знам дали секаде или одредено е каде. Само видео ќе е и нема да се слушне -мочла, смотана, викање и дерење.

 

Воспитувачите беа со педагогија или предучилишна барем овие јас што ги запознав по состаноци,а негувателите медицина или гимназија,што е пак по закон за работни односи.што имаат завршено тие 90% кои ти ги зборуваш,еве незнам.

Не реално бидејки се е труло кај нас,но така треба да биде!
Значи ако стручната служба не си ја работи својата работа или нема храброст да се спротистави на колешки,камерите ке ја завршат таа работа,така?
Повторно тоа не е начин за решавање на клучните проблеми.

 

Кој е начинот?

И јас така знам, ама да не имаше некои измени во закон. За ова треба правно лице да се праша.

 

Со трул систем и држава џабе ви се сите камери, ниту децата ќе ви бидат позаштитени, ниту ќе истерате правдина Што се случи со воспитувачката/негувателката која истури кафе врз детето, знае некој? Ја избркаа ли? Родителите добија отштета? Не верувам. Значи, џабе и да имало камери, вие правдата нема да ја истерате се додека не се отстрануваат таквите неодговорни вработени, туку се трансферираат во други градинки. А во 99% од случаите е така. Во градинката на ќерка ми имам пример на негувателка со која и јас имав недоразбирање (ми се развика безврска оти сум прашала нешто, подоцна се извини) за да подоцна дознаам од вработен во градинката дека истата удрила дете и родителите го пријавиле случајот. Го прашав што се случи со неа? Вика преместена е во друга градинка, за да се заташка случајот! И? Пак ќе кажам, џабе се камерите, правдината нема да ја истерате се додека не се превземе нешто да се решат корените на проблемот. Оти, ова што вие го предлагате е исто како на стара куќа со разрушени темели да и ставате нова фасада. Џабе, нели?
Во секој сегмент се сложувам со @danichap Треба да се работи на условите, кадарот, системот итн. Плус, тие пари кои би се вложиле во камери (а би биле прилично) подобро е да се вложат во кадар плус и подобрување на условите. Само така може да кажеме дека допринесуваме за условите во кои се згрижени нашите деца. Со камерите ништо нема да се реши.
Јас и претходно имам кажано, против сум. Се нарушува приватноста на децата. И немојте ве молам со споредбите на работа, банки и градинка! Вие на работа не мочкате пред камери, не ви менуваат памперс, не ве соблекуваат или облекуваат и еден куп други работи кои секојдневно ги прават децата. Оти тие не знаат дека ги снимаат, се однесуваат исто како дома. Вие би дозволиле дома да ве снимаат и по потреба тие снимки да ги гледа некој?

 

Да функционираат стручните служби без да си ги штитат колешките и колегите.Тоа е начинот.

Да си ја работат работата за која што се платени од сите нас.Тоа е решението.Наместо циц миц со колешки ке пазат како работат колешките.
Јас да имам дете во градинка тоа би барала.
Еве во јавна и државна администрација не помагаат камерите,зошто?
Инаку во државава според законот за заштита на лични податоци не смее да се снима во училници,направете петиција и барајте,да се смени законот.
Ако мислите дека камерите ке го решат проблемот,не седете пасивни,барајте решение.

 

Ама ете не летаат.

А како јас да направам да функционираат?

 

Камерите што се поставени кај мене, во мојот сектор, досега имаат многу битни работи помогнати, не можам многу да кажувам но ги постигнале ефектот за кои се поставени...за другиве што се фатени на дело, дали што пушеле или изнесувале материјали за кои нема цврст снимен доказ, сите тие пријави беа скинати.

Инаку камерите кај нас се БЕЗ ЗВУК.

 

За едната негувателка се реагираше кај раководител, па после добиена опомена престана да споделува фотографии. За другата не знам зошто секој ден споделува нови фотографии од децата. А и не може човек да ги "фати" сите што го прават истото. Има многу родители кои немаат ни ФБ ни Инстаграм профил.
@Cosmi не знам што ти е чудно кога и самата верувам дека знаеш како оди вработувањето во градинките. Не им бараат образование, битна е врската само. Имаше добри две години кога девојчиња волонтираа па на крај не ги примија зошто немаа јаки врски.