Видео надзор во градинките

Не смее да има видео надзор во градинките (и во училиштата). Ја сфаќам грижата на родителот „змај“ ама се претера, особено се претера со генерализирање на нештата преку еден пример.

Доволен доказ за работата на кадарот во градинката е волјата и желбата на детето да оди во градинка. Секако, и да е се погодено, има деца кои не ја прифатиле градинката, ама не мора се да се препишува на кадарот. Искрено повеќе препишувам на родителите кои буквално им модреат врат на воспитувачките секое утро кога влегувам во градинка со моето дете (како дома не пеело, како не јадело, како да се однесувала со нејзиното мило мало, како другарчињата се однесувале со него), воспитувачката од култура слуша, вели во ред е, а внатре ја чекаат најмалку 10 деца кои немаат нејзино внимание зашто мајка решила да ја трола во 8 сабајле без усул...

Воспитувач, негувател е професија, како се справуваат со 25 деца 8 часа, не е тема за проценка на неук родител преку видео камера.

На крајот, ако родителот има време 8 часа да блее во снимката од градинката, значи нема работа и „држи“ место на некој кој што нема каде да го остава детето, само заради личен хир. Поддржувачите на камери мислам дека треба да се стават во обратна позиција - дали вам ви е ок некој да снима што правите на комјутер 8 часа, што правите на пауза, како сте ја погледнале колешката, дали секоја задача сте ја извршиле со насмевка...

 

Го поставив прашањево и претходно, ама никој не ме удостои со одговор. Ај пак да пробам
Вие што сте за камери, дали би дозволиле да ве снимаат дома или во спалната соба 24/7 и некој рандом лик во секое време да има пристап до снимките и ако му е досадно да ве гледа?
Е, исто е со снимањето на децата во градинките. Не можете да ги снимате вработените без да им ја нарушите приватноста на децата.

 

Не. Градинка е јавна институција. Домот е приватна сопственост.

 

Каде што децата престојуваат и се згрижуваат. Значи исто како дома да се.
И не е јавна институција, туку воспитно образовна згрижувачка институција.

 

Ок.. полу-јавна. Пристап имаат стотици луѓе дневно.

 

Во дворот и ходниците евентуално, не во занималните

 

Не сум за камери. И децата и вработените треба да имаат приватност. Баш сега ја читам 1984 од Орвел и мислам дека ова со поставување камери секаде е баш Орвел. Не знам како може тоа да колективно да ни текне.
Поставувањето камери и отсуството на вреѓање и слично во одредени слуќаи не значи и нужно подобрен квалитет. Ако има камери еве ќе пазат вработените да не им викаат на децата. Дали тоа значи квалитет. Ќе биде тишина, ама не значи дека квалитетно ќе се работи со тие деца.
Тоа само значио дека ќе ги роботизираме работите, ќе ги научиме сошпствените деца дека постојано ги надгледуваме.

 

Која приватност на мали деца во градинка? И така се под постојан надзор на вработените и до тие снимки нема да имаат пристап родителите освен кажано е во кои примери. Јас што правам во спална споредуваш со тоа што прави дете во градинка? И мислиш дека снимките на youtube ќе се ставаат па рандом ликови да гледаат?

 

А ти знаеш ли како функционира систем за надзор? Во секое време некој мора да има пристап до истиот за одржување. И најчесто тоа се тим луѓе кои ако сакаат во секое време ќе можат да ги гледаат снимките. Или и ти си од тие што мислат дека системот се поставува и потоа никој нема пристап до истиот освен со налог?!
Ако за тебе престојот во градинка не приватност, за мене е. Таму децата спијат, какаат, мочкаат, ги пресоблекуваат итн. исто што прават и дома. Како што не сакам дома да ми го снимаат детето, така не сакам ни во градинка.
И за крај, сосема е во ред моево прашање. Зошто не дозволите да ве снимаат дома? (ете не мора во спалната соба оти ви е многу приватна) Нели камериве ќе бидат поставени за заштита на децата од насилство? Има еден куп родители кои ги злоставуваат децата. Да поставиме камери во секој дом за да ги заштитиме ако не?! Ако е легитимно да ги снимаме во градинка, исто е легитимно да ги снимаме и дома.
Се надевам ја сфаќате сопствената параноја!

 

Во градинките има родителска средба еднаш годишно, и таа се однесува за материјали, уплатници, програма и списанија, а воопшто не се зборува за децата, нивните потреби и други работи кои и те како се битни за дете кое од јасли па до предшколска престојува во таа градинка, и седи 8 саати секој работен ден. Секој родител сака и има право да знае за проблемите и непријатните случки низ кои поминува детето, сигурно не иде се како подмачкано. Ако јас како родител знам дека моето дете ја сака градинката и негувателките, оди со радост во градинка, се гушка со сите и е среќно, и одеднаш сето тоа престанува, гледам плачливо дете кое не сака да влезе во градинка и гласно кажува дека се плаши од одредена негувателка или воспитувачка, па дури и кажува какви се инциденти имало, како кубење, шлапање по газот, дерење и мавање по глава. По твое родителот треба да ќути и да остави сами да се средат и смират работите или има право бар наутро да праша дали има некаков проблем и да зборува отворено со негувателката?
Не е крива мајката што прашала утрото за детето, зошто сака да го дознае проблемот со кој се соочува детето, крива е општината која не вработила повеќе негувателки за да има кој да седи со децата постојано. Не иде летно време од 15.00 па се до зимање на децата да има само една единствена негувателка која ем седи со децата, ем ги испраќа до врата тие што си одат. А, реално секогаш има повеќе од 30 деца од сите групи.
Сум ја зимала големата со висока температура од градинка (никој не ми се јавил да ми каже за да си ја земам порано) ми ја пушта од занимална зошто имала деца, немало кој да ги гледа, а должна е до врата да дојде да ми ја предаде и да ми каже дека има висока температура ( од каде да знае како ми реагира детето, може грчеви и чуда да се јават). Ми ја пуштиле измочана во гаќи, не ја пресоблекле зошто не ја приметиле. По твое јас не требало да прашам утрото за проблемиве, туку да оставам така да помине се, голема работа, деца се нели?
Е од вакви родители кои одат против другите родители кои си прашуваат за детето наутро, ќе се случуваат секакви работи.

 

Чекај.. тебе ти е мисла за оние кои ќе се надлежни за мониторинг и одржување на системот?
Нема ваљда на такво работно место да постават некој кој ќе прави копии од снимки и ќе ги продава на педофили... Тогаш тој ќе биде во уште погадна ситуација отколку негувателката која плеснала дете.

Овај цел муабет се сведува у ствари на недоверба... Недоверба во негувателките, недоверба во надлежните, недоверба во институциите, недоверба во системот..

Не сум повеќе сигурна кое би било најсоодветно решение, но нема да се противам ако се постават камери и во градинки и во училишта и секаде.. вклучувајќи ги занималните и училниците.

Нека му ја мислат надлежните кои си играат 'држава'. Проблем имаме, а како ќе го решиме, тие треба да смислат и спроведат.. Или ако не знаат, да се консултираат со некој со поголемо искуство.. Како ЕУ... на пример.. Ваљда во тие илијадници страни за ратификување, има закони, правила и прописи и за ова...

 

Оти не ми е многу приватна само спалната соба туку и ходникот и кујната и ве-цето и шпајзот каде ми стои даската за пеглање...ако ме разбираш. И би било без моја дозвола. Нека се бара дозвола од родителите.
Друго, не ми е јасно, кој тим на луѓе постојано ги гледа снимките?

 

Против сум да има камери во занималните, не сакам некој кој нема попаметна работа освен да дреме и да си го гледа онлајн детето и моето исто што прави тие 5 до 8 часа во градинка.
Сум за поставување доволен кадар, да се овозможат нормални услови за работа 2 учителки на 30+ деца е малку.
Сум за тоа да родителите се искрени и да не праќаат болни деца во градинка. Прво да се научат правилата на градинката па да поставуваат свои правила .
Факт е се испраќаат деца болни со тт, со вируси . Со тоа се попречува нормалниот тек на работа. Дете кое е болно си бара посебна нега и мир, кое неможе да ја добие во градинка.
Во разговор со учителките самите кажуваат дека родителите затајуваат некои работи. Како пример, дека детето цела ноќ имало пролив и повраќање . Деца ко деца се искрени и си кажуваат. Дете со тие симптоми не смее да присуствува. 48 часа треба да поминат да се смири и после да се прати пак во градинка. Тоа го знае секој родител ама пошто не му одговара да го остава детето дома го праќа повторно. Со тоа се загрозува здравјето на останатите деца а и на вработените.

 

Јас искрено сум против снимање и во болнички ходници... среќа во ординации нема, инаку и за таму имаше иницијатива...

Мене лично ми е ова претерано. Немам конкретен став, ама ете, мислам дека не е тоа решение.

 

Исто како што негувателка е должна да се јави кај родител доколку детето качи висока температура, падне и се повреди и ред други работи. И, исто како што негувателка место да тепа и да му се дере на дете, психички и физички да го малтретира и вознемирува зошто немала нерви со толку деца одеднаш да се справи, треба да го викне родителот, и доколку има некакви проблеми со детето отворено да зборува за да се решат. Многу работи и основни правила не се почитуваат, затоа се дојдени до тука работите.

 

Абе види... се` си во право... ама некои родители ако не се појават на работа ќе бидат отпуштени..,. Македонија е ова, нема дете, вирус... ако не можеш да си на работа, ајт со здравје.

Така што не верувам дека од ќеиф ги праќаат болни, туку од немајкаде.

Не е тоа во ред, ама рибата смрди од главата...

 

После неколку страшни садистички случки од страна на "негувателки/бебиситерки" насекаде низ светов искрено и страв да те фати, што после трауми да има за цел живот детето ради некоја ненормална? Можда звучи параноично али такво време дојде немам доверва у никој. Кога ќе размислам подобро, да бев родител и ја ќе барав камери да има. Сегде има камери ако е за тоа буквално под видео надзор сме сите.