„Постојат многу начини на кои Го прославувaме Бога, на кои Му ја соопштуваме секоја наша потреба, Му ја доверуваме секоја наша мисла, или, пак, Му благодариме за секого и за сè. Тие форми на обраќање, било да се зборовни, гласовни или, пак, гестикулативни, се длабок израз на личноста на човекот, односно манифестација на неговата природна потреба да Му се обраќа на својот Создател, да заедничари со својот Отец. Еден од начините за изразување на верата во Господ е пеењето, или попрецизно дефинирано, литургиското пеење. Тоа не значи само едно воведување на песната како медиум во богослужбениот живот на Црквата, туку значи устројување на еден специфичен јазик на кој се изразува внатрешната состојба на човекот, едно благодатно средство што ги предизвикува и ги покажува молитвените чувства и што ги одбива искушенијата, и надокрај, еден природен порив да се учествува во небесната литургија на ангелските чинови, кои од искона Му пеат на Бога: Свет, Свет, Свет е Господ, Саваот . Ваквиот начин на изразување е природен и духовен континуитет на небесното изразување на славата Господова, т.е. се надоврзува на својот небесен образец, на ангелското пеење. Оваа таинствена врска на горниот свет и долниот - земниот, особено е потенцирана во херувимската песна што се пее на светата Литургија: „Ние, кои таинствено ги изобразувааме херувимите и на Животворната Троица трисвета песна пееме, сега да одложиме секаква животна грижа.“ Што представува мелодијата во богослужбата? (прочитајте во спојлерот) Спојлер Основната цел на мелодијата во богослужението е изразување на молитвата со јазикот на музиката. Светиот Јован Лествичник, пак, говори за една друга функција: кога е умерено, пеењето понекогаш одлично ја смирува лутината. А понекогаш, кога е неумерено и не е во вистинско време, му угодува на сластољубието . Зашто, говори свети Јован Златоуст во својата беседа за 41 псалм, ништо, ништо така не ја возвишува и не и дава крилја на душата, не ја ослободува од земјата, не ја избавува од уздите на телото, ништо не создава љубомудрие и презира сè што е светско, како хармоничното пеење и правилно составената божествена песна. Во православната традиција, за разлика од традициите во другите светски религии, единственото средство, или подобро речено единствениот инструмент со кој се искажува севкупното црковно музичко творештво е човечкиот глас. Затоа, црковното пеење не се употребува, или не постои за да ги нагласи квалитетите и можностите на црковните пејачи, ниту пак, убавината на звукот што го вадат инструментите. Тоа на верниците им го открива Царството Божјо. Затоа отците на црквата велат дека само вокалната природа на православниот музички израз е онтолошки оправдана, зашто како што не ги воведе материјата во грев човекот и сета видлива природа, исто така не може и да ги избави, туку самиот човек згреши, па со тоа, самиот тој треба да се внесе во благодатното враќање во првобитната убавина, а не тоа да се прави преку инструментите и нивната можност да произведуваат пријатен звук. Православниот израз на музичката традиција има постојана богословско-литургиска основа. Таа ја храни духовната потреба на луѓето. Кога ќе влеземе во храмот и ќе ги погледнеме светите икони и фрески, кога ќе фрлиме поглед на иконостасот и храмовите сводови, сето тоа ја буди во нас желбата за молитва. Но колку е празен, колку е безживотен храмот ако во него не прозвучи молитвата, ако не се слушне богослужението, ако се обидеме да го гледаме само како еден вреден и убав сакрален објект. Богослужбеното пеење е, всушност, дишењето на храмот, пулсот на живот на домот Божји. За разлика од тоа, западната духовна музика, почнала, уште во својата рана историја, сè повеќе да се оддалечува од својата суштинска назначеност да служи во заедничарењето на човекот со Бога . Со ова ќе дојдат и нови тенденции, односно богослужбената музика ќе почне да се изведува во нескрални објекти и ќе почне да се устројува според желбата што повеќе да му се допадне на човечкиот вкус за естетика, а не да Го слави и прославува Бога, со што наполно ќе влијае врз духовната приемливост на изведувачите и публиката, а тоа значи губење на просветителската смисла и функционирање надвор од литургискиот простор. Таа ситуација, црковната музика да функционира во концертни сали, е исто што е и музејот за иконите. На тој начин умира потполната способност за изразување и останува само едно минимално делување на естетската музичка содржина. http://www.youtube.com/watch?v=9DBGf4Pk ... re=related http://www.youtube.com/watch?v=pnCNvn2d5Kc http://www.youtube.com/watch?v=gP0VRsrw ... re=related http://www.youtube.com/watch?v=xD3Qg5pw ... re=related Дали слушате ваква музика? Какви чувства добивате? Јас слушам од кога знам за себе, со ваква музика ме заспивале. Секогаш ме смирувале, ме стишувале, ме потсетувале на Бога.
Ако нешто сакам освен прекрасната архитектура на црквите и манастирите, тоа е црковната музика. Ме смирува, обожавам да ја слушам, плус какви гласовни квалитети имаат хоровите/пејачите, тоа е нешто неверојатно. Еве една песна, првпат ја слушнав лани за Велигден, на Алфа тв така почнуваше секој блок реклами: http://www.youtube.com/watch?v=NwMBe6-A6dM
Точно и јас имам приметено дури кога ги слушам се ежам, сега ова во позитивна смисла во самото пеење има нешто возвишено, нешто што те смирува.Сакам црковна музика, премногу голем мир чувствувам и кога ќе ги слушнам во црква, а и кога нема пеење посебно преубаво беше за Велигден, ми остана во меморија самото пеење едноставно е прекрасно, нешто што може да се доживее, а не може да се опише со зборови Да додадам дека и православната и католичката црковна музика ми се допаѓаат
Нешто што сега го слушнав,беше објавено на страната на Византиска музика на фб. Прекрасно нешто,колку нежно,ми се насолзија очите http://www.youtube.com/watch?feature=pl ... _SCa92j14k
Малку сум офф од темата ,ама ова ме воздигнува...толку топло ,едноставно прекрасно.. http://youtu.be/y_SCa92j14k
Ми пишеше во еден хороскоп дека сум сакала ваква музика. Јас па се изначудив што е тоа византиска и сега налетав на темава. Инаку не ми се допаѓа.
Стара византиска македонска коледарска песна http://www.youtube.com/watch?feature=pl ... JpT3GP9A6M Мислам дека со ваква песна е најсоодветно да го славиме раѓањето Господово,наместо со Коледе леде,паднало греде,УТЕПАЛО ДЕДЕ Не знам што е христијанско во текстот,посебно тоа "утепало деде" Песната е превземена од страната на Бигорски манастир
Прекрасна музика, рај за душа. Еден од начините за изразување на верата во Господ е литургиското пеење. Основната цел на мелодијата во богослужението е изразување на молитвата со јазикот на музиката. Древните црковни писатели говореле дека: Првиот глас е важен, величествен и најсвечен. Го споредувале со сонцето, говорејќи дека тој ја отргнува мрзоста, тромоста, сонот, тагата и смутоста. Вториот глас е преполн со кротост свештен трепет, тој ги теши танжните и ги одтргнува мрачните сеќавања. Третиот глас е снажен. Тој е како море за време на непогода, подсеќа на духовен подвиг. Четвртиот глас е двојак: час подсеќа на радост, час излива тага. Со тихи и меки преливања на тоновите, тој во душата носи радост, сугерира за стремење кон Севишниот, најдобар изразувач на Божјото дејство врз нас. Петиот глас ги умира душевните узбуни, тој одговара на плач за гревот. Шестиот глас раѓа, благочестиви осеќања, оданост, човекољубивост,љубов. Седмиот глас е мек, допирлив, поучен. Тој нежно убедува, призива моли за милост. Осмиот глас ја изразува верата во идниот живот, созерцава за небесните тајни, моли за блаженство на душата. http://www.youtube.com/watch?v=tQPUOdDy ... re=related http://www.youtube.com/watch?v=D-blT874o54 http://www.youtube.com/watch?v=-iQrZwyq ... wfwd08SKwr http://www.youtube.com/watch?v=24OnSwcT ... re=related http://www.youtube.com/watch?v=veB7kVXKH_M
Според мене..византиската музика е супер .. http://www.byzantinechant.org/ (еве една интернет страна преку која се надевам барем малце ќе ви ја доближам византиската музика)..и секако: http://www.youtube.com/watch?v=GN_46A7PCUc http://www.youtube.com/watch?v=jLGJ-_8mHwE http://www.youtube.com/watch?v=HEfMmiBO5xc http://www.youtube.com/watch?v=TGSs7D46 ... re=related ХРИСТОС ВОСКРЕСЕ!
Незнам ни една ваква песна! Што знам,кога ќе слушнам некоја можно е да ми се допадне.Никогаш не сум имала прилика да слушам.
Се утепав од барање на велигденскиов концерт на Ламбе Алабаковски. Преубаво испеа http://www.youtube.com/watch?v=lluBFBsg ... F03AB3CFD8 http://www.youtube.com/watch?v=B4pBf7R0 ... F03AB3CFD8
Почитувам кога некој вложува труд да звучи синхронизирано, увежбано и ВИЗАНТИСКИ ! Маж ми пее во црковниот хор. Духовната музика е најпрекрасниот звук на светот.
