Влегување во брак со финансиски багаж

Парите можат да бидат голем проблем за бракот.
Влегување во брак со човек кој на грб носи кредити, мислам дека треба добро да се размисли и разговара со партнерот.
Сепак не е мала работа според мене и ова си повлекува и други работи, па и проблеми.

 

Како бе така нема човек што нема кредит/минус/ кредитна?

 

Затоа постои договор меѓу партнерите и разговор пред брак.Се е индивидуално,на некој му пречи на некој не,некои се договараат заедно да го враќаат кредитот некои не прифаќаат долг од партнерот.

 

Да. Секаков проблем во брак станува проблем и на другиот.

Зависи за што правиме муабет сега, дали е станбен кредит во кој стан би живееле заедно и користат бенефит, или просто долг заради глупост.

 

Со оглед на тоа што отворено кажувам дека не функционира како што јас гледам со розеви наочари ама ај ќе одговарам конкретно од мене како розово и романтично сум гледал.


Ако кредитот е заради некоја болест, кредит за куќа, за родителите и слично, со цело срце кажувам дека би бил НАШ кредит и би го вратиле најбрзо што можи. Затоа што сметам ако сум во брак, веќе нема мое твое, се е заедничко, така и кредитот.

Би дискутирал направиле план и стратегија како да го вратиме, сигурно нема да ја оставам сама.

 

Не е далеку од вистината. Само јас знам околу 10-тина луѓе што имаат земено кредит и сеуште го отплаќаат.
Рачунај дека скоро секој трет има земено кредит од банка или брз кредит.
На секој ќош ги има оние од брзи кредити. Сигурно не отвараат од онака.

 

Тоа "онака" може и да е коцкање. Да знам дека заради тоа е задолжен, со него ќе биде завршено.

 

Доколку кредитот е земен поради итна ситуација, или сериозно нешто тој кредит станува наш, и јас колку што можам ќе помогнам да се исплати.
Но доколку има кредити земени поради чалам, луксузни одмори, неодговорност, или недајбоже коцка друже јас си одам и виши не ме гледаш!

 

Така е. Не е исклучено и тоа. Како што отворија на секој чекор коцкарници, ништо чудно многу луѓе да подигнуваат кредит за да се коцкаат.

Тој порок е полош и од дрогирање, така да жени, пазете со кого влегувате во брак.

 

Многу е битно за што е земен тој кредит, ако е за коцкање, или за чалам како што кажаа погоре, од таков човек бегај што подалеку.
Доколку е земен за реновирање, автомобил, болест, свадба или не знам, океј е да бидеш поддршка додека да го исплати кредитот.
Проблем е, кавги дека ќе има, ќе има секако тоа, поготово во ситуација што нешто непланирано некогаш ќе ти искрсне, а парите ти се точно распределени и тогаш доаѓа до најголеми кавги.
Е сега зависи и колку пари од платата му остануваат, не да му оди цела плата на кредитот и останати долгови што ги има, а после останати трошоци што има во текот на месецот да падне само на грбот на другиот партнер, во таква ситуација јас не би се нафатила да стапам во брак.

 

Во Америките просечен маж над 40 години ќе има барем еден два детски додатоци за плаќање ако се работи за втор брак, а со стапката на разводи таму не е баш ретко тоа.
Плус долг за кредит за факултет, кон што го исплаќаат барем до четвртата деценија..
Во мк ни едното ни другото се пречка, веројатно голема разлика во платите би била, и кој колку ќе наследи од родители.
Ако се има кредит, логично е тој што го зел да го враќа. Ама ете ако е за стан или куќа или автомобил кој го котистат двата партнери, ствар на договор е како ќе учествуваат.
Парите се причина број еден или два за развод во светски рамки. Свекрви- мекрви, тоа се е поврзано индиректно со пари. Проблем е ако ги немаш, проблем може да биде и ако ги имаш а другиот не.
Нема одговор на сите дилеми унапред. И најважното " домашниот есап на пазар не излегува". Тоест, излегува, ама сосем ретко.

 

Битно прашање: ако е кредитот за стан, дали ако го отплаќам заеднички, и јас утре ке имам црно на бело дека сум учествувала во исплаќање?

Па ако дојде до развод, дали станот ке е само негов, бидејќи е купен пред брак, и мојот придонес ќе биде поништен?

 

Баш ова го чекав овде.
Супер тема, се надевам ќе има повеќе коментари.

 

Не сакам кредити и не сакам луѓе што имаат кредити. Во Македонија може некој и да те манипулира. Се фрапирав дека имало и случаи каде дечко лажел девојка дека имаат стан за нив, ама не било така, откако останала трудна, испаднало треба да живеат со мајка му и татко му. Епа ако за ова се лаже, колку ли лажат за кредити. Подалеку од луѓе што не се рационални со пари. Сакам некој што е работлив и спремен да живее и со малку, да не се расфрла.

 

Законски е само на тој што го купил пред брак. Имотниот лист гласи на негово име.
Ова се доста комплексни случаи а многу чести. Пример ако ти исто учествуваш во плаќањето на ратите, но парите му ги даваш нему па тој ги внесува во банка, ќе немаш доказ дека и ти си давала дел од парите.

Или пак, хипотететички можеби мажот купил стан на кредит и отплаќал 7-8 години рати. После се земаат и жената почнува да придонесува, но некако и нелогично е дека треба да очекува 50-50 при развод зошто мажот дал пари за учество + долги години сам отплаќал.

 

50/50 може не, али доколку придонесувала и колку треба да има договор. Може да биде и 80/20 или 85/15. Али нажалост ретко и кој од мажите ова го прават и ценат. Ретко сум видела оваков случај. Или можеби грешам.

 

Епа штом така не треба и жената да отплаќа за стан што не е нејзин.
Нека си ги доплати ратите тој што си земал кредит.

 

Мене немањето било какви долгови ми е едно од најбитните прашања. Никогаш не сум сакала партнер со кредит, а камоли па маж утре-друг ден да ми биде со истиот.

@MilaSs12 најчестата грешка што се прави е што во имотните листови често стојат само мажите, кога се купува заеднички. Жените обично самоиницијативно и свесно се оградуваат од ова.

Јас не познавам никаков пример каде мажот инсистирал да стои жената дека има учество во истиот (доколку има). @izgubena:)