Влијанието на западната култура и традиција врз нашата

Не знам што мислиш под наметната?

Ај да речеме џендер ривиал. Не е ни католичка работа, чисто америчка, америте се највеќе па протестанти... итн.

Е сега. Тоа е изум на новиот свет, никаде не може да биде традиција, од проста причина што не е толку долго технологијата напредна да знаеме пол на фетусите. Значи секаде е ново, не е традиција.

И еве некој пар реши да прави. Нема врска со нас, ама зошто да не? Дали се радосни? Дали се среќни? Дали повредуваат некого?
Ако одговорите се да; да и не, не гледам во што е проблемот.

Јас ни на едно.
Имам одбивност кон црквата како институција бидејќи како жена, според црквата сум на пониско ниво од маж. Односно, црквата не дозволува и жени да скокаат по крст. Зошто би учела дете дека нешто е ок, ама само за мажи?

На паради јас лично одев, не сум била неколку години. Секогаш има деца. И никому ништо. Најголемиот дел се облечени и шарени, исклучоци се голите.

А и таа голотија не е ништо повеќе од певаљките на Звезде Гранда

Мислам луѓено по социјални мрежи и ТВ одат голи, песни за промискуитет се најголеми хитови на Балканов, полека со толку чесност

Ама не, не верувам дека дете би носела на било каков настан од овој тип. И на спиритуалност и на прифаќање лгбт (и сите луѓе) можам дома да го учам.

Можеби детето ќе ми е хомо. Не би сакала да страда и да се крие од мене. Би сакала да сум личност која ја гледа како сигурност и заштитник, а не личност од која треба да се крие. Затоа и би го изложила на опциите дека не секој има симпатија од спротвен пол, не секој пар е со спротивен пол. Ако му е се' тоа нормално отсекогаш, две добивки има: ако е хетеро, да биде отворено и да ги прифаќа хомо децата, ако е хомо, да не се осеќа исплашено и отфрлено.

За спиритуалност, сама следам делумно православие. До онаму до каде сум ок и не ги крши моите морални начела. Секако ќе го упатам и во таа мера и ќе објаснам зошто не одиме на крст фаќање.

 

Пример, сум чула, Симон Трпчевски имал бесплатни концерти меѓу другото, во селата на неговите родители. Па се закренале луѓе од цела Мк натаму. Што има тука да не се поддржи?

A како би била зачувана старата народна музика? Мислам Нина Спирова и Васка Илиева и мене ми се митски личности, повеќето веројатно и не сте ги чуле. Стара народна музика не се снима, можда записи во етнолошки музеи да има. И веројатно заради тоа единствениот начин да се зачува е преку модернизирање на истата, па иако етно периодот од Каролина на @CameliaMiller и е досаден, или не ги знаете Љубојна и Баклава, истите постојат, активни се и фино им оди. Е сега, што еден Адриан фон Зиглер имал милион јутјуб претплатници, а овие нашиве не знам колку е друга работа. Веројатно нема три загребски Арени да наполнат ниту ќе се збогатат пропорционално на тоа, ама постојат, ми се допаѓаат, а вкусовите немаат валидација преку квантитетот.

И кога веќе ја спомнавме соседната полначка на Арени- па во пропорционални бројки, појака е од Тејлор Свифт. Немам појма која е и што пее иначе, нема ни да имам

 

Ги знам сите, ноу ворис.
Не сакам турбофолк, нашата народна музика добро ја знам.
Каролина и се добри етно албумите, ама предолго поп музика не правеше. Нејзин избор, нели. Еве пробува сега пак да прави.

Јелена Розга на 40 и кусур години во Скопје направи концерт рамен на "светски" и беше распродаден. Владо Јаневски направи 5 концерти во Филхармонија. Грашо рекордно брзо го распродаде првиот концерт, па еве и втор закажа. И Данијела Мартиновиќ 2. И Фрајле 2. Оти не е вистина дека не одиме. Каролина исто направи 5 или 6 концерти последователни, со најновиот албум кој е обработка на песни баш од 50тите години, а минатиов викенд Дуке Бојаџиев распродаде 2 концерти.
Каролина со 2та етно албуми куп концерти истера, секој распродаден.

Не сум била на опера, а да не е полно.

Е на Валандово Фест нит одам нит ќе одам. Веќе е до вкус тоа. Новокомпонирана народна музика не ми прија. Ни македонска ни туѓа

П.С. Љубојна ги распродава сите концерти до последна карта. Исто беше со Синтезис додека постоеа. Може уште постојат, ама ги нема.

 

Оти женски имаат јајници?

Појма немам дали е баш така, дали не дозволува жени, дали зависи од толкувачот. Дури сум сигурна дека имам видено женска да скока по некој крст, ама не памтам детали.
Појма немаме ни од традиција Водици, читав за Западна Мк, за машки и женски водици, кумови вакви такви- реално немаме повеќе поим освен дека некој маж по купаќи фатил крст и добил текевизор ( или што и да добиваат веќе). Мислам телевизорот ќе да е клучниот камен во традицијата, тоа е сигурно

 

Само мажи исклучиво скокаат. И маж е "кумот" секогаш. Во очи на МПЦ не сме рамноправни, скалило подоле од мажите сме, токму таму и имам проблем со неа најголем. Не мислам дека сум подоле од кој било маж, па врз основа на тоа, не можам ни да сум ок со активности кои ја потенцираат хиерархијата во односите според МПЦ.

 

Јас не велам во начело дека не си во право, велам дека толкувањата се различни.
И дека девојки скокале по крстот. Не дека е традиција, ете модернизација нека е. Значи до толкувањето е https://lider.mk/edinstvenata-devoj...e-otkazuvam-kje-skokam-se-dodeka-ne-go-fatam/

 

Скокаат и жени
https://zase.mk/foto-zhena-od-shtip...radoa-od-ratse-pa-intervenirashe-politsijata/
https://apla.mk/direktno/item/9709-vo-kravari-devojka-go-fati-krstot

 

Убаво го памтам првиот случај. Девојката го фати крстот, еден силеџија и го грабна од раце. Свештеникот пријавил кражба на крстот во полиција, бидејќи "силниов" нејќеше да и го врати крстот на девојката.
И така, со полициска интервенција се реши срамотилукот..

 

Ок, и според темата не сфатив...

Како западната култура и традиција допринесува за 'слабата посетеност' на овие настани, пример во спортот?

 

Ама таа една што скока крши правила на МПЦ
Не бараме исклучок во правило, туку правило. Ај може ќе даде МПЦ и една жена поп, па ќе речеме ете можело

Премисата и нивните јавни коментари се многу јасни, не знам дали сега ќе се убедуваме дека МПЦ нема ништо модерно во своите правила и дејствувања?

Ако е поентата дали дете ќе одберам да изложам на парада кај што се бараат еднакви права или парада на "главите на куќата", ептен лесен е изборот.

Дечки, да беше нормално и вообичаено немаше да има статии за неколкуте жени што се одважиле и поповите амин им рекле

 

Не е ова традиција ама ко што рече наметнато е и кај и да е, ќе премине во традиција, на големо почна да се раширува и кај нас. Само си се копираат едни од други, интересно им е, нели фенси дека е па да има како да се пуни фидот на инста и да се привлекува внимание.

Исто и baby shower, а најглупо од се half birthday..

Која е логичната потреба за славење на 6 месеци на бебето како роденден?

После идеме и на славење и на родендени со торти, со балони, облека и све и свашта и на миленичињата, со цели прослави и луксузирања..

Во што е проблемот викаш?
Конзумеризам maybe ко што спомна @theowndemon? Или не е поврзано со непотребното расфрлање заради докажување пред други на пример?

Знаеш, кај нас не е само моментот на лично задоволство и ќејф од материјалното, ние си патиме од комплексот да се докажеме пред луѓето па така ова ни иде одлично у прилог.

И ова убаво прашање е.

Не знам, ама иам впечаток дека Македончето поише го влече западњачкото само зашо е западњачко.
Мое мислење.

***

Друга работа, за јазикот да спомнам, едно прашање до дијаспорците, особено оние кои долго време се во туѓина, зашто коа ќе се вратат во државава зборат ко странци да се, ко стварно да го забораиле скроз јазикот?

Јасно е дека во државата во која живеат го користат цело време тој јазик но дали стварно го имаат забораено мајчиниот јазик или глумат само дека го забораиле?

 

Темава е каша-попара, секој си коментира во насока како тој си ја замислил, ама нејсе; мислам дека одговорот е баш тоа прашање.
Мислам дека никој не се труди/стреми да биде Американец, само зошто ако на пример му се допаѓа Хелоуин, спуки маскирање и декорации. Сепак цел живот Хелоуин го гледаме по филмови и серии, и сега со социјалните мрежи и интернетот дополнително ни е презентирано.

И така, мислам дека тоа што е општо популарно станува делумно популарно и кај нас, не со цел некој да си ги отфрли традициите, туку зошто едноставно му е интересно нештото.

 

Абе точно е, интересно му е ама истовремено и попривлечно некако отколку нашиве празници, тоа ми е зборот.

 

Ама тебе ти е глупаво - и затоа нема да го правиш. Кој консумеризам? Балони и торта и слично?
Бејби шауер во Македонија се вика бабиње, западна Македонија, кога ќе се роди детето сите жени наеднаш се собираат и носат подароци за бебето. Ако на некоја ѝ е ќеиф, не е наметнато, ќеиф ѝ е. Наметнато е само она што те тераат со сила да го правиш, а не она што сама ти е мерак да го правиш.
И ова се глупи примери за нешто што го сметате за “лошо“. Оти нечие задоволство, кое на никаков начин никого не повредува, напротив, некој си го слави животот, вас ви е “лошо“.

На миленичињата и јас им славам роденден, уште од дете како бев, не видов од никого, сама сакав Што поточно ти смета во тоа?

Која е логичната потреба од славење било што? Која е логичната потреба од свадба со 350 гости? Бараш логичности каде што не ни треба да ги бараш, ќеиф е, ете толку, нема логични потреби, има желба и ќеиф.

И да е докажување пред други, мислам, не е нешто што ме засега, како што не ме засега ни расфрлањето со пари на музика по кафани. Ете мене ми е неубаво, ама не ги даваат моите пари И тоа ќе да е за да се покажеш, посебно 300 евра кога ќе лупнеш. Вртеше и видео едно од некоја певаљка, како дожд од евра наш еден ѝ фрла. Што е тоа ако не е покажување?

Туѓите ќеифи додека не повредуваат никого, не можеш да речеш дека се “лоши“. Лошо е да се мешаш некому како си го живее животот и лошо е да повредуваш други. Толку.

За јазикот зависи колку дома зборуваат, на која возраст се преселиле, дали се родени тука или не. Другарка моја воопшто не е Македонка, но бидејќи родителите ѝ се од различни националности (а од Македонија) и заеднички јазик им е македонски, во странство дома зборат македонски. Братучетка ми е родена во Шведска, знае совршено македонски. Внук ми е роден во друга земја, па не знае речиси ништо, оти мајка му не го учи македонски, му зборува на тамошниот јазик.

 

Па можда, ама сепак нормално е, нештата се менуваат. Обично постарите традиции делуваат застарено, старомодерно, што секако по природен тек ги отфрламе или модифицираме. Носиите некогаш биле стандардната облека која ја носеле (секојдневна и свечена), но со добивањето избор на современи парчиња, сега носијата е само етнолошка историја.
Религиски празници (и обичаи) најмногу се склони кон напуштање/менување, од очигледна причина.
А за државните мислам дека потфрлаат пред се во образовниот систем, имам впечаток дека не им се придава доволно многу значење.

Како и да е, можеби е време да си создадеме некои нови традиции.

 

Она не рече дека им иде по куќи на луѓето и им кажува да не слават. Значи, не се меша.
Само вели дека ѝ глупо.
И по западно и по наше, е.
Мене ми е глупо да се слави пред бебето да се роди. По раѓањето, ај убав повод е.
Ама, кога уште не е родено, не.
Што ако потоа бебето умре во стомак?
Прославата ќе биде лош потсетник и спомен за жената дека требало да има бебе, но го изгубила.

 

Младите во принцип (не сите) не практикуваат традиции затоа што повеќето се застарени и тотално неповрзани со денешниот модерен начин на размислување, дел од нив дури и понижувачки.

Ако некого му е убаво да си практикува, негово право, исто како што треба да биде мое право да не практикувам и да не сум воодушевен од истите, зашто тоа што нешто е наше, не значи дека по автоматизам е убаво или потребно.

Со оглед на ова, нормално е да „прифаќаме“ туѓа култура и традиција ако е помодерна од нашата и поприфатлива за денешните стандарди, затоа што ако цел свет прогресира, смешно е кога гледаме како одредени држави се во регрес или тапкаат во место, а да, постојат многу такви меѓу кои сме дел и ние.

 

Секако сме дел од таа западна култура и логично е нејзиното влијание.
Но, јас темава ја разбрав во поинаква насока.

Сведоци сме дека таа западна култура последниве години станува униформна, па и големиве народи како да го губат својот идентитет.
Тоа може да биде погубно за малите државички потполно да се претопат, бидејќи тие и најмногу се утркуваат да бидат дел од големиот свет, кој како што гледаме убрзано се формира.

Ако го сочуваме јазикот, традицијата и православието можеби и ќе си го сочуваме идентитетот.
Во спротивно нема да постоиме.

 

Па трошок е тоа сепак, и луксузирање непотрбно на некој начин. Не е дека е некоја ситница незначителна.

Ама ок, секој си знае за себе.

Наметнато у смисла како тренд кој сакаме да го следиме, фала Богу никој пиштол на чело не става да мора да се следи ама и те како влијае.
И само да сме у мода ајт и ние ко другите.

Ама едно е онака да се одбележи, сепак член на фамилија е, друго е со прослави со чуда само за пред народ да се покажеш. Помодарство реално стана и чување миленик за жал.

Не ми смета мене ама на кутрето му смета. Малтретирање е тоа за нив на некој начин, колку и фенси нас да ни изгледа сето тоа облекувањето и китењето со сваштарии најнапред.
Они баш и нејќат такви ствари, не им е најпријатно.

Бљак, одвратно. Да не мислиш го оправдувам ова?

Зборам за тие родени што се тука, што многу добро си го знаеле јазикот и коа се враќаат си го забораваат.. Како можат да си го забораат жити се?

На државните празници мислиш?
Точно. Ама затоа за Халовин праат работилници, хепенинзи и сл.
Од самите школи го форсираат ова, а на државните празници како да забораваат.