Влијанието на западната култура и традиција врз нашата

Јасно е дека намерата е добра, но истата може да долее на болката доколку дојде до загуба.

 

Јас малку не се согласувам со ова, мислам дефинитивно ако се работи за "затуцани" традиции (пример некои обичаи на свадба), но некои традиции се прекрасни токму затоа што датираат од време кога Америка не ни постоела. Пример делење лепче за Бадник и некои такви работи кои мене лично многу ми се допаѓаат.

Бидејќи Америка е огромна држава и забавната индустрија од таму е најпопуларна во светот, многу е нормално да се стремиме кон таа поп култура, ама не значи дека е модерна на добар начин. За мене gender reveal е многу големо срање, кое стварно еве премина и кај нас.

Не мора се да е модерно, пример свадбите во Америка мене ми се кринџ, поп музика да ми некој пушта ма свадба, Тејлор Свифт, јас би си отишла. Но тоа е нивната култура. Јас би рекла дај боже секогаш да се викаат трубачи на нашите простори

 

За ова, нека има и дел од народна и дел од забавна музика.

Добро е и за првиот танц нели некоја балада. Ова ми се допаѓа.

Ама цела свадба со Тејлор Свифт втф..
Или у поново време почнаа и трап да пуштаат..

Ај за вкусови се работи.

Само нека не зборат дека нема влијание.
Факт е дека има.

 

Секако дека не мислев на сите традиции.

Апсолутно е точно дека Америка има некои глупи традиции како што е Gender reveal, се согласувам. Особено па што мислат кој каква поголема глупост да направи.
Исто како што реков и ние имаме некои затуцани традиции кои нема никогаш да ги практикувам или да се согласувам со нив.

Ете јас не обожавам македонски свадби, па тие обичаи од сабајле до вечер, па стриктно народна музика и пијанчење, едноставно тоа не е за мене. Баш ми се свиѓа што почнаа некои да вметнуваат и поп музика во свадбите, да не е цела свадба трубачи зурли и тапани.

 

Искрено gender reveal и сличните случувања, не се традиција, туку се само тренд кој мал број на луѓе го практикуваат.

 

Се надевам под ова нови традиции не мислиш примање на буквално се од западот и славење секакви нивни празници. Оти натаму одат муабетиве во темава.

Да одговорам и на измените во воведот. Влијае ако пуштиш да влијае, оти нивното секогаш се поистоветува со кул, современо, популарно а нашето со глупо, старомодно, никој освен нас не го знае. Што значи? Па не знам, губење на идентитет можеби? На некој што барем малку му значи потеклото од каде доаѓа нема да му е сосема сеедно да ја замени својата култура и традиција со туѓа. Зошто да го замениме св. Трифун со св. Валентин? Зошто да го славиме Божик на 25ти декември наместо на 7ми јануари? Оти тоа не е модерно, кул, во Америка не знаат за ова? Што за нас позитивно тоа придонесува? Апсолутно ништо. Зошто тие не се обидат да дознаат нешто надвор од нивниот bubble? Мора да бидиме ние тие кои се прифаќаат, бидејќи толку сме добри и толку ни значат другите народи.

Капитализмот и конзумеризмот си го прави своето, и тоа многу успешно го продава тука на луѓе што едвај чекаат да прифатат нешто ново од надвор, оти и ние сакаме да сме модерни, како така да не славиш Хелоуин, зарем во 15 век живееш? Прочка, 1ви април? Пф, кој слушнал за нив, не е модерно и интересно.
За толку мала земја имаме пребогата култура и традиција, и тоа во различни краеви различна, ама најголем дел не ни чуле бидејќи се премногу зафатени со тоа што е надвор модерно. Полека се тоа ќе се изгуби ако никој не го интересира да го задржи и практикува.

За да не се сфати многу погрешно мислењето, не, не викам дека се од таму е лошо. Музика, филмови на големо уште децении наназад е прифатено. Англиски се учи во училишта можеби од времето на моите родители. Само не, не е во ред да си го заменуваш сосема идентитетот и дури да плукаш по овдешна култура за сметка на западната. Не сум светица да се правам дека ми е сеедно и дека апсолутно ништо не ми смета. Оти е подлабоко од тоа. Не гледам толку црно бело.

 

Жени не скокаат по крст поради тоа што се сметаат за „нечисти“, затоа што жената добива менструација. Знам еднаш жена скокна по крст, луѓето почнаа да си земаат од таа вода за дома, за здравје, пријде попот и кажа дека штом скокнала жена, таа вода е нечиста и да не ја земаат. Жените што го слушнаа муабетот се навредија.

Слушам македонски пејачи, па дури и Никола Бадев, па и од Васка „Трба трби Гевгелија“, Есма, Тоше, што не, и кога видов дека Ѓоко Ѓорчев има само 400 претплатници, се запрепастив. Таков глас, таков пејач, а само 400 следбеници на јутјуб.

 

А, која е поентата да има сè, а да не може да го користи бидејќи се вратила дома со празни раце?
Болката ќе ѝ биде двојно поголема поради тие потсетници. Јас сум читала жени што биле погодени од ова.
Опоравувањето ќе ѝ оди потешко. И нема да ѝ биде лесно да се сретнува со луѓето кои биле на прославата.
И не потенцијалната мајка да трча. Другите од семејството.

 

Не, не мислам на тоа (не мора да е конкретно западот). Односно мислам соодветно на времето во кое живееме, што и да значи тоа (секој различно гледа на работите), да има логика позади формирањето на новите традиции. Веројатно веќе и го правиме тоа, мислам дека сме во процесот на отфрлање/модифицирање на стари и формирање на нови. Само за нешто да се прифати како традиција, треба да биде правено од мнозинството, а не само од мал процент на населението.

 

Во право си дека е малку надвор од тема. Беше надоврзано на одговорите дека „ние немаме традиција“, како доказ дека има, само не си ја познаваат/познаваме од различни причини, претежно заради незаинтересирани новинари и незаинтересирани власти (или сепак се заинтересирани, ама да ги избришат).

 

Не е невозможно.

 

Извини, ама навистина нема потреба од вакво мислење во дискусијата. Пред сè, толку негативно.

Ако е така, да не купува никој ништо ниту за себе, бидејќи утре може ќе го нема Да седиме дома и да чекаме за секој случај.

Како што кажа Демонка и Дани, како за сè и секоја голема промена што ни доаѓа, природно е да се подготвиме. Ем е подобро организациски, ем практично за сите.

Па и мачките предвремено бараат место со услови за своите мачиња.

 

Пак ми нема поента муабетот бидејќи Американската култура - која да бидеме реални, не постои - е едно.
Француската друго.
Италијанската трето.
Шведска четврто.
Многу е генерализирачко да се стават сите во еден ќош кога Европските народи имаат богата култура која ние не ја копираме, ние копираме Американски трендови и она што е поп култура. Повторно и тука, не може секое е за себе. Ако сакам да славам и Божиќ и Хелоуин никој не може да ми брани. Ако мислам дека gender reveal е глупаво, не значи дека сметам дека секоја прослава надвор од нашите граници е глупава. Од друга страна, родендени за кучиња ми се слатки. Слатки ми се и традиции за свадба.
Сикрет Сента сите правиме во последно време па не гледам никој да спомнал дека е скроз нов тренд и најверојатно минлив.
На крајот на краиштата, сите сакаат да слават само затоа што прославите нѐ потсетуваат на сплотеност, дружба, семејство, мир. Зошто толку многу кревање галама за нешто што е менливо и потсетува на убави времиња?
Ако стварно мислите дека некој ве смета за заостанати зашто уфф сакате ора?? - woow колку неконвенционално, тогаш треба да излезете од улогата на жртва. Ништо не е толку длабоко и повеќето луѓе слават сѐ што може да се слави чисто заради горенаведените причини.

 

Бидејќи не можеме да се одлучиме што да збориме, еве како на интернет оди споредбата меѓу културите. Ова се екстреми, но сепак дискусијата за западна култура води кон местото на жената во општеството и такви битни ствари, а не само harmless празници.