Па пишаа погоре зошто е тоа така се покачила струјата, водата па попот троши ли за превоз од куќа до куќа? Надвор ласно зарем пеш ли ќе оди? Има голема вистина во ова и уште погомелата вистина е дека таквите може нема секојдневно да се во црква ама кога одат плаќаат од срце и не сакаат да должат, склони се и полседни пари в џеб таму да остават. Ама има и човечни верски лица кои го знаат и го почитуваат ова па не наплаќаат секогаш по истакнат ценовник за ваквите верници. Ама мислам дека многу ја идеализираш црквата и поповитие. Црквата е објект, верското лице сепак е лице и немаат поврзаност со спиритуалноста. Така да јас сум за да плаќаат данок, пишав и претходно, ама многу е дискутабилно како се ова би било регулирано и за тој фонд што спомнав и оној момент кога црква се изедначува со бизнис е толку неприроден. Ама факт е бараатат со пари и треба како сите што генерираат некој вид профит да подлежат на законите во врска со тоа. Сепак многу е дискутабилно како би се вршело сето тоа и да си е се регуларно и пријавено.
Да де, и според тој некој закон, верски организации не плаќаат некој данок. Кој точно данок ти фали, каде е имплементиран, кој мислиш дека ќе го плати и кој ќе биде бенефитот?
Не си во право има одма да те избркаат тие теткиците од свеќара само да те намирисаат дека се 'молиш цел ден' бесплатно
Ама да не имаат мака како овие по Германиите и Шведска што спомнаа, а се декларираш како верник оп 10% од плата џом, не знам еве вака гласно си размислувам Ако е вака тоа е тешка дискриминација, јас во Исланд да сум си верничка ама данок 10 или изнад и не ми оди во прилог по однос финансии да си се декларирам како верник, па ај изводам дека сум атеист. Зафркнато многу ова...по светов.
Дефинитивно да! Цени до плафон, кога сакаат си покачуваат, мислиш во продавница се наоѓаш. Сите возат џипови, се изнабогатија, а ништо не плаќаат.
Еве јас преку фирмата платив годинава 10% данок на вкупен приход, ддв си плаќам уредно секое три месеци, придонеси и персонален данок за мене и вработените. Генерирам приход во државава и мора да плаќам, ујп не ја интересира ниту дали сум во добивка или загуба, морав да подигнам кредит за да имам со што да покријам и трошоци и даноци, зошто не плаќаат и овие за нивниот профит како и сите регистрирани друштва и граѓани во државата?
Темава е за сите религиозни институции, а ти би сакала јас да немам влезено во црква па да не знам за што пишувам. Да одев по џамии, за нив ќе пишував, да одев по протестантската, католичката црква за нив пак би пишувала ама за нивното работење не сум запознаена па не можам да пишувам. Не е темата за луѓето кои одат, не одат, плаќаат или не плаќаат. Темата е дали треба да плаќаат религиозните институции даноци за средствата кои самите ги наплаќаат по однапред одредена тарифа! Бидејќи МПЦ работат по тарифник законски подлежат на плаќање данок на добивка, точка! Тој е законот во моментот, не се тоа што се претставуваат, непрофитни организации, туку си истакнале јавно цени за разни услуги и апсолутно треба да бидат пререгистрирани во профитни друштва бидејќи самите ги исполниле условите за тоа. Да, зградите 60 катници пред Холидеј ин сами нема да се изградат, дајте да донираме повеќе, нема смисла.
Е, еве, некои правни субјекти биле изземени од некои даноци. http://www.ujp.gov.mk/mk/pravni_lica/category/286 Придонеси плаќаат и вработени во верски установи. Веројатно и персонален данок, не знам како се регистрирани ама не верувам да се изземени.
"Здруженија на граѓани и фондации како и нивните сојузи и други облици на здружување или поврзување, стопанската интересна заедница, политичките партии, верските заедници, религиозните групи, Црвениот крст на Република Северна Македонија, здруженија на странци, странски и меѓународни невладини организации, хуманитарни организации и здруженија, синдикатите, коморите и други правни лица основани со посебни прописи од кои произлегува дека се непрофитни организации, не се обврзници за данок на добивка за приходи од членарини, доброволни прилози, донации, грантови, подароци (во пари, добра, имотни права), завештанија, легати, приходи од дивиденди од трговските друштва основани со средства на здружението" Пак ќе пишам, моментот кога објавиле тарифник и одредиле цена за своите услуги, они веќе не се непрофитни организации според Законот за трговски друштва и даночните регулативи кои треба да ги спроведува УЈП.
Za narodot sto ne e religiozen crkvata e samo objekt.Za verniot narod toa e bozji hram.Dve razlicni paraleli. Vo crkva najcesto odat lugje od rabotnicka klasa i mnogu siromasni lugje.Bogati lugje i sredna klasa mnogu retko.Bas mnogu retko.Toa sto nema da vidis vo crkva e sigurno botox od 200 evra, fileri od 100 evra,gucci canti i cizmi no mazi i zeni so luzni od zivotot i sirotinja koja raboti po tekstilni fabriki ili gotvacki po restorani ke ti bidat cesto vo kadarot so stara garderoba.Toa e samo edna od kontratezite na lagite sto se sirat za bahatosta na popovite i deka crkvata e majka za bogatite a macea za siromasnite.I samite vo najgolem del svesteni lica poteknuvaat od takvi siromasni semejstva i mnogu dobro znaat kako e da nemas vo zivotot. Dali treba da placaat danok. Ako drzavata utvrdi deka treba i ako se dogovorat togas neka placaat.Iako za informacija crkvata ne e izemena od mnogu danoci.Placaat i te kako.
Од каде сега па ова....инаку да црквата никогаш нема донирано пари за болено дете на пример а од све се ослободени каде е тука верата да помогне...зарем мора даде вози џип од 50.000 евра и ред други работи???? За донации само преку нас смртниците или некој пејач нешто ако направи хуманитарен концерт....а на државата исто не и се слуша
Е добро де, за некои луѓе кафаната е храм, за некои е само објект, ама сепак мора да се исполнуваат даночните обврски, не знам шо е проблемот, зошто ве мачи тоа толку, не ве даночат вас!
Треба да плаќаат ( не знаев дека се целосно ослободени од плаќање на данок ) Постојано си наплаќаат за религиозни услуги ,не даваат фискални ,демек во црквата одат нашите пари.Државата ќе биде јака само ако се почитува правилото сите да плаќаат данок без разлика дали религија дали за друго
Не се однесува даночната политика на религиозни институции. Во сите секуларни држави се ослободени од плаќање даноци, затоа што религиозните институции се самостојни/независни/афтокефални од државите. Во догледно време, не верувам дека некаде ќе се оданочат, посебно не во Македонија. Ама, како што спомнав, 'опипавам' терен за расположенито на народот. Искрено, мислам дека Германската политика е најпрактична. Ако е независна, нека си ја одржаваат оние кои се инволвирани со нејзе, односно, верниците ќе си плаќаат за да опстојува. Напомена: Било која религиозна институција. Колку регистрирани религии има во Македонија? Знае некој? МПЦ, ИВЗ, Протестантска, Католичка, Јеховини сведоци... други?
Институција + профит = даночна обврска. Не е виша математика. Ако беше не би сфатила ова. Само оти е религија се матат очи пред логика и се прај исклучок шо не се прај за други работи. Бев дел од здружение, невладино, непрофитно. Уште дишењето пред УЈП остана да го оправдаме а бевме даночно ослободени. Секоја донација мораше да е оправдана. Секое вложување внатре. И то е нормално не знам како да кажам. Мачно беше, ама беше логично. Оти моментот ако станевме профитни, требаше данок да платиме. Не можевме да се вадиме на то "ама симболична цена е", "ама за дечиња со атипичен развој е како можи данок да плаќаме" итн., ако ние праевме профит. А, тука се шо слушам се правдања. Ама за верниците е, ама од шо ќе се финансира. И она продавницата онде за детска облека, која не ме засега, за некој е важна. И да не плаќа данок оти некој е засегнат од неа? Мал бизнис, ќе затвори можи. Али ова со продавницата, дефинитивно подобро објаснато тука:
Во Германија не е баш така едноставно, не е дискриминација за верниците туку на тој начин црквите се финансираат преку државата како посредник, односно данокот кој декларираните верници го плаќаат на државата потоа се исплаќа на црквата, дел задржува државата и повеќето цркви така се финансираат. Вака се ослободени од сите други даноци, како данок на имот и др. Бидејќи имаат опција некои религиозни институции одбираат сами да го плаќаат данокот односно сами да ги збираат членарините од своите членови, но затоа мора да ги плаќаат сите други даноци, а нивните членови не мора да се декларираат пред државата.
и јас знам за ова во Германија Другар и другарка кога беа, у општина ги прашале како се изјаснуваат, мислам на која религија припаѓаат итн, и плаќале данок на Црквата во таа општина кај што биле
Сега плаќаш колку можеш и кога можеш. Не е тоа фокус, доброволно е и од срце. И небитно е всушност, лично ни немав појма околу даноциве, само ми е чудно да и во духовноста примат на материјалното се става.
