Воведување на дигитални учебници

Оди бе, ти реков.
Тоа е и најголемиот проблем денеска во нашето образование, што 90% од родителите вака паметуваат како тебе и сите излегуваат неспособни, само нивните деца се способни.
Од вакви и слични муабети, децата добиваат крилја и жива сила не е*ат. Е така.

 

А работните тетратки? Или тие ќе се печатат? Ќе се сечат дрва

 

Не реков дека моето дете е нешто посебно.
Од секогаш имало деца што учат и деца што не учат.
Колку ќе можи, толку.
Ама задача на наставникот е да пренесе знаење.
Ни еднаш не сум отишла да висам пред врата кај наставник за оцена.. за разлика од тие во кои сакаш да ме ставиш.
Тројка-тројка.. си заслужила, си добила.

Кои 'работни тетратки'?
Тетратки, ко до сега.
Нели првиот ден им кажуваат по секој предмет каква тетратка ќе им треба?
Од ко знам, така е.

 

Работна тетратка и тетратка се две различни рабпти

 

Знам.. за тетратки зборував...

 

Моиве двајца ученици денес бојкотираат настава,цели класови и цели школи.Средношколци се и двајцата.
Ја имаат мојата апсолутна поддршка,а и од повеќето родители.

Ова е убедливо најлошата реформа што планираат да ја спороведат,мислам дека е бетер и од есктерното тестирање.

Заморчиња испаднаа овие генерации,со какви дупки во знаењето ќе се соочат во иднина,страв ми е да помислам.

 

Јас за работни. Тие ќе се штампаат? Или оти не смеат лаптоп да носат на школо, нема да вежбаат?

 

Не знам.

 

Епа никој не знае, драстична промена не се прави преку ноќ од министерка без искуство.

Само децата ќе страдаат. Немаат пари за вецеата да ги поправат, ќе купувале компјутери

 

Поента е да се оди напред. Зошто тогаш да пишуваат децата како пред 50 години?
Јас имав книги, мајка ми татко ми имале. Која генерација си ти што толку си пишувала?

 

Потребна е реформа у образованието, све понеписмени генерации излегуваат од школските клупи. Е сега каква, тоа е прашање за милион долари. Родителиве испаднаа најголеми познавачи на образовен систем, немој случајно да им се спомне некаква промена скокаат ко попарени а децата им се полуписмени.
Секаде у светот се оди на тоа да се дигитализира животот само ние сме алергични чим се спомне промена. Ај ако не на папирус нека пишуваат или уште подобро, у камен нека клесаат домашна.

 

Никаде во светот не се учи од дигитализирани учебници, ама баш никаде Џони. Едно е да имаш дигитализација, друго е да форсираш книги да нема или целокупниот процес да се одвива пред екран. Јас основно и средно како и сите нели ете од книга сум учела, на факултет и на мастер немавме книги, имавме само дигитални материјали и еве тврдам дека е прво потешко за одржување концентрација, второ очите ми се за никаде како последица, а не сум била ни во развој тогаш. Не зборуваме за општо да има смислена дигитализација и со цел, туку основното помагало во учење да е на екран. Нигде го нема тоа, посебно не за основци.

Едит: Реформата генерално треба веројатно да почне од педагошки факултет и од кадрите.

 

Каде тоа учат од таблет?

Најголем проблем е штетноста на блеење во екран, а на второ место се финансиите. И онака се е прескапо, па уште лап топ за секое дете да набават родителите.

 

Нигде не спомнав за учебниците, дигитализација у општа смисла Селти. А муабетот ми беше за оние што се алергични на секаква промена у образованието а факт е дека све поише паѓаме на сите ранг листи што се образование тиче. Дали ова ќе даде некаков резултат не знам, можеби не ама треба да се почне со реформи.

 

Толку е точниот одговор.
И нема врска ни со дигитализација, ни со модернизација, само и единствено со политизација има врска.

@Celltica ти нешто и дигитофобија да не имаш

Лап топ за секое дете и во многу финансиски помоќни држави нема, ај сите со мобилен ќе се изнаучат. Кој не учел методологија на настава, може све да си замишља. Истиот муабет ко со учењето онлајн, баш истиот.
Абе, што ќе им да пишуваат, и така само на компјутер ќе куцаат у животот. Освен тие 70% што ќе работат во погон, продавница и штојазнам. За потпишување и баба ми знаеше, со 4 години школија.
Ура за реформите, писменоста е привилегија на богатите

 

Реформа секако е потребна, ама мислам дека од корен треба целиот систем да се смени. Лошото образование (или правда или што и да е, било кој сегмент) е само последица на нефукционирањето на системот и општеството кај нас. За жал, мислам дека било каква реформа да донесат, дури не почне системскиот проблем да се решава, залудно ќе е.

Иначе се согласувам со тоа дека често има отпор кон промени, ама па од друга страна се мислам која промена во образованието била на место и не колку да се каже правиме реформи. Може да има некоја, ама вака не ми текнува.

Да ставам цртка ајде

 

Можно е утре пак да ја бојкотираме наставата, иако тешко дека нас ќе не послушаат, денес едни професори не подржаа, а други почнаа да ѕвонат на родителите.
Кога видо дека бојкотираме ни кажаа дека уште ништо не било решено, ќе имало учебници, ова со дигиталните било за децата од 1во до 4то одделение и немало потреба ние да бојкотираме.

 

Доцна ноќеска на средношколци им биле праќани пораки за денеска да ја бојкотираат наставата, поради новиот Закон за учебници со кој се воведуваат електронски учебници за учениците, на сметка на досегашните, од хартија.

„Се ширеше ваков „муабет“ дека можеби ќе се бојкотира во врска со дигиталните учебници, но не мислам дека се организираше сето тоа бидејќи доцна пишаа. Кај нас само се сподели информацијата, но не се „договаравме“ за бојкот или нешто слично“, вели за Радио МОФ матурантка од скопската гимназија „Орце Николов“.

Сепак, по социјалните мрежи се шират објави дека ученици од Струмица, Кратово, Скопје денеска ја бојкотирале настава, со цел да повикаат да не биде донесен законот.

Од „Сојузот на средношколци“ пак објаснуваат дека тие не организирале бојкот, туку сметаат дека одредени групи манипулираат со јавноста.

„Наш став е дека секој ученик треба да го има правото да избере од каков учебник сака да учи. Но, ваквите повици за бојкот ги манипулираат и им штетат на средношколците. Многу ученици денес беа изманипулирани од страна на ваквите групи без да знаат за што точно се бојкотира или кој го организира тоа, затоа ги повикуваме образовните власти да ги оправдаат изостаноците“, стои во реакцијата на Сојузот.

Група родители пак денеска пред Министерството за образование, во периодот од 10-14 часот поставија пункт каде собираат потписи во знак на поддршка на барањата на групата. Појаснуваат дека им се потребни минимум 100 потписи за барањето да влезе во Собрание и да се стопира гласањето на законот. Освен стопирање на Законот тие бараат јавна расправа и дебата за измените, но и директно и непосредно учество на стручни лица и претставници на групата граѓани во ревизија и интервенции во Законот.

„Законот не ги решава проблемите кои се актуелни во образованието, напротив генерира нови проблеми! Законот има недоследности и импликации во останатите закони кои го уредуваат образованието на национално ниво! Законот не е во интерес на физичкото и менталното здравје на нашите деца и развој на нивниот потенцијал, а непосредно ќе се одрази и на здравјето на родителите, наставниците и останатите инволвирани во образовниот процес“, велат родителите, кои со цел да ја анимираат јавноста за проблемот ја формираа ФБ групата „Учебници и настава мора да има“ која собра околу 70 000 членови.

Од МОН пак остануваат на ставот дека реформата во учебниците го враќа учењето во училница, а наставниците нема да треба да го предаваат учебникот, туку наставниот план кој за прв пат има национални стандарди кои треба да се постигнат како резултати од учење.

„Наставниците многу полесно ќе го подготвуваат часот, полесно ќе оди комуникацијата меѓу наставниците и родителите, наставниците и учениците, затоа што сите ќе имаат пристап до исти дигитални учебници, кои се повикуваат на отворени образовни ресурси. На една платформа ќе биде сé што подготвиле сите наставници“, велат од МОН.

Законот вчера беше повлечен од собраниска процедура. Од Министерството за образование објаснија дека на владина седница законот ќе се усогласува со европските препораки. Критичарите пак сметат дека намерата е да се стави европско знаменце на законот, што значи дека треба да биде донесен во покус рок.

Радио МОФ

 

@John Snow никој не е против дигитализација, АМА оди види ги школине !! А бре за греење немаат, они дигитални материјали ќе воведуваат. Јас кажав, македонија не е Скопје, а и Скопје не се сите школи како новото Киро Глигоров во Капиштец кое е high end направено и во кое за да се запишат деца треба дебели врски и да ја видиш структурата на родителите се ќе ти е јасно.

Сакаат дигитализација, ок. Направи во секое можно место во државава да биде исти школи, исти услови, направи секаде школи по европски терк, среди све да биде како што треба, обезбеди најбрз интертет, обезбеди дигитални уреди за децата, озбедени спремен кадар, обучи постоен, вработи плус, спреми се се ( зашто нели образованието е со устав загарантирано и треба да е бесплатно) , па после продавај дигитализација и скокај со реформи.

Куќа од темели се гради, а не само стави златна чатија, а доле се труло.

Кој ме разбра разбра.

 

Ај да ве прашам како се снаоѓаат школине во Обедиенто Кралство каде што нема учебници. Нема официјален учебник. Секој наставник бира настави материјали да учениците. ВО ОБРАЗОВАНИЕ Е НАЈБИТНО ПРЕДАВАЧОТ ДА УСПЕЕ ДА ГИ ОСТВАРИ ЦЕЛИТЕ НА ПРОГРАМАТА И ГИ ПОСТИГНЕ СООДВЕТНИТЕ РЕЗУЛТАТИ. Како тоа ќе го направи е оставено на предавачот.
Па така деца учат од клипчиња, филмчиња, печатени работни листови и слично. Не мора да значи дека се учи само од учебник. И секако сега ќе има 3 учебници да се бира од нив па ќе може една тема од еден учебник друга од друг да се обработува.

Плус на час не треба да се учи од учебник. На наставникот на час не му треба учебник. Учебникот е за дома. Да помогне во учење, не да е главен. Учебникот е да го научи ученикот да се потпира на проверени извори на информации. Не за бубање на дефиниции за кои предавачот подоцна ќе одземе поен ако не е се до запирка точно напишано.
Учениците треба да научат и како се учи, како се бараат информации, како се анализираат информации и слично. Не само да помнат факти. Ние не ги учиме децата вештини затоа и сме на дното на сите меѓунардни мерења. Децата се учат да не прашуваат, да меморираат и репродуцираат.

Се сложувам со сите што викаат дека образованието ни е каша и дека училиштата ни се жални. Ама ако не се троши пари на печатење учебници може да се троши на опремување на училишта, на обука на наставници за начини на поттикнување на вештини. Ни треба нова методологија на финансирање на училишта, ни требаат помодерни училишта, ни требаат подобро обучени и мотивирани наставници. Ако со оваа реформа парите се пренасочат кон ова тогаш јас сум за.

Е сега мислам и дека треба подобро да се реши помошта на учениците за уреди кои ќе овозможат користење на електронски и дигитални содржини кои се интерактивни и слично.