Воведување на цврста храна кај бебињата

Не знам што се имаш воведено, мојата утре прави 8. За доручек вртам житарици (овесни снегулки, ржани снегулки, палента, просо, гриз) во комбинација со овошје.
За ручек, три пати месо во неделата, другите денови зеленчук (еднаш грашок или леќа, еднаш спанаќ, блитва зависи). Во деновите без месо правам понекогаш ќофтенца од просо со зеленчук, или од тиквица. Брокула и карфиол исто има барем два пати во неделата. Еве за утре во план ми е полнета тиквичка да руча.
Вечера палента или овесни со јогурт, мафини со зеленчук, гриз со банана/јаболко/кајсија, бисквити и млеко (или лобело и кршам во ад, или готова од дм), често и правам и палента со брокула (сварена и измешана ја истурам во тавче да се стврдне па и ја сечам на стапчиња).
Инаку и мојата слабо качува на килажа, ама педијатар рече да не се грижам зошто па ептен расте во должина, 78 сантими е веќе, а родена е 51.

 

Јас за доручек гледам барем 2 пати неделно да има слива, другите денови јаболка, праска и кајсија до скоро од каша,сега свежи, круша некогаш каша некогаш свежа, банана еднаш неделно. Сега излегоа и цреши,имаме домашни. Тиква давам еднаш неделно од каша.
Од житарки за доручек давав до претходната недела помешано со овошје, оваа недела почнавме со вечера па одбегнувам за доручек житарки ,по препорака на педијатарот дека доручекот треба да е само овошје,житарка ако треба за густина,во мала количина.
За ручек, откако почна со месо, 3 пати неделно телешко, два пати пилешко (имам домашно).
А за зеленчук, направив распоред и секоја недела воведувам по две нови намирници.
Од зеленчук јаде тиквица, компир,морков,брокула, карфиол,спанаќ, батат, пашканат,лук,кромид, пиперка.
Два пати неделно давам компир, брокула, а почесто тиквица. Еднаш неделно спанаќ.
Денес ќе проба грашок, а следни за воведување ми се цвекло,боранија,леќа,блитва, праз па да почнеме со жолчка.
Вечера почнавме пред 5 дена и давам гриз, семолина, палента, од кутиите на хип,мулти греин, житарки со слива...
Бебе на сите три оброци јаде од 150 до 200 грама.
Со вода уште се молиме.
Кака еднаш дневно.
Последниов месец само 100-200 грама има качено, ама не сум многу загрижена зошто за негова возраст 8м има тежина 9300.
Ме интересира дали имавте некаква потреба да направите крвна слика, да не треба да правиме и ние?
Само еднаш правевме,пред првата вакцина.

Тргнав по гризот со бебе,не ги најдов во маркет па земав на сончева долина. А видов во дм го има па следен тој ќе го купам.
за бисквити уште не сум дала,баш деновиве планирав да купам, само не знам дали Ло бело,Лино или Хип?

 

Комбинација со морков и круша малава е воодушевена

 

Немаше проблем со столицата?

 

Просото е добро за столица

 

Мислам да, просото е меѓу првите безглутенски житарки.
Јас полнав со 5+ дохрана прво давав за пробување овошје,па зеленчук,па житарки

 

Спремам карфиол и брокула за замрзнување.
Дали откако ќе ги обарите ги ставате во ладна вода како што е тука опишано или не?

 

Моево не сака слива за жива глава, ама добро, немаме проблем со столица, па не ја ни терам со сила - пробувам пак од време на време колку да видам да не се премисли. Тикви инаку да, не сум пишала ама обожава и тиквица и тиква. Жолчка планирам и јас да почнам од понеделник, чекам да ми стигнат домашни јајца. Исто сакам да воведам грашок и леќа.

Крвната слика се расипа зашто беше болна, не знам од кај се разболе од дома не сме мрднати периодов. Докторката рече нагло паднал хемоглобинот од што беше многу болна неколку дена инаку претходниот месец за вакцина правевме крвна слика и 11.5 беше хемоглобинот. Океј... Значи горе доле тука сме со намирниците сите. Ме фаќа параноја изгледа

 

Јас ги поминувам под ладна вода затоа што скроз ми има логика пишаното за да се прекине процесот на готвење.

 

Кога воведовте овесни снегулки? Ги варите или како?

 

Покиснувам со зовриена вода. За 10-15 минути убаво омекнуваат и пуштаат слуз. Па мешам со овошје

 

Бисквити бебешки од кој месец почнавте да мешате во кашички?

 

Безглутенски можиш одма. Имаш такви на ЛоБело, обичните од кога ќе воведиш глутен.

 

Дали можам да дадам ова на бебе? 8++
Не јадам па не ги разбирам урдиве
Во состав е со 1гр сол

 

Не давам домашно месо на мало дете, исклучиво купена кашичка со месо или месо од најпрометни месари и нагласено да е од истиот ден, вака ме советуваше доктор и така и правам, заради контрола на квалитетот на месото и избегнување на зарази.
2. Цвекло повеќе од двапати неделно не сум давала, можеби грешам за ова ама по мене е многу тешка храна и не ја практикувам пречесто или во големи количини

 

Ориз од кога воведовте, дали може од 5 +?

 

Може, јас давам од 5+.

 

Мамички овошјето го давате свежо или го варите прво, јаболко круша слива се вари, а кајсија и праска треба да се сварат малку или веднаш се блендираат. Ние сме 5+ и сега треба да почнеме со вкусови