Ми треба совет од мајка чие бебе е на ексклузивно доење: како почнавте со воведување оброци? Бебево мое е 5++, и веќе две недели пробува вкусови. Има пробано јаболка, банана, круша, слива, праска, морков, тиквица, компир, батат и овесна каша. Праската и сливата се пробани во купени кашички. Овошните кашички ги јаде, зеленчуковите не, исто и овесната каша не ја бендисува ако не е мешана со овошје. Нема некој распоред на цицање освен тоа што секое успивање и денски и навечер си цица. Па за воведување оброк ме буни дали да биде пред цицање, после цицање, колку размак да има од цицање до оброк, дали да биде пред спиење после спиење итн... Количински исто не знам колку да давам, до сега мерката ми е 4 полни мали лажичиња, ако ги изеде ја нудам со повеќе но не сака. Не воведував една намирница 3 дена, освен овесната каша, таа ја давав 3 дена по ред но многу малку проба 2-3 неполни лажичиња само. Денес јадеше јаболко и батат кашиче домашно и утре ќе и направам пак исто. Оброк се мислам да воведам од понеделник или понаредна недела. Се осеќам некако бавно дека оди работава со пробувањево вкусови но не сакам па ни да ја форсирам. Има денови кога е заинтересирана и денови кога уста не отвара и ми е страв како ќе биде кога ќе воведам оброк.
@kanella Ние почнавме исто на 5++ со морков прв вкус и не знам колку има врска, ама јаде зеленчукови каши без проблем. Јаде се. 10 месеци за некој ден. Бавно не ви оди во никој случај, дури и многу си вовела за 2 недели. Подој, па по половина час, убаво расонета-понуди оброк. Не пред спиење, не веднаш по станување. Бебето ќе диктира за воведување на оброк, ние бевме и повеќе од подготвени за воведување, веќе покажуваше голем интерес за храна и се возбудуваше, по совет од педијатар после една недела веќе имавме прв оброк (појадок). Убаво би било да се советуваш со педијатар, но како и да е, тоа што јаде само неколку лажички е сосема во ред за почеток.
Совет од педијатар ми беше да не брзам со јадење и прв оброк да воведам на 6 полни месеци имам воведено многу затоа што како што пишав не давам една намирница 3 дена. Или заедно во кашиче повеќе намирници или кашиче од една намирница. И јас дадов морков прво, но мислам грешка направив што и давав на неколку наврати да пробува купечки кашичиња. Затоа овие денови ќе и давам домашни и ќе следам како ќе оди работата. Утре ќе и направам пак јаболко и батат а понаредните два дена тиквица и морков ќе и давам. Се возбудува и мојава кога и го доближувам лажичето, па и ако и се допадне почнува да си збори, да си брмчи со устето па со рачињата ќе го фати лажичето за сама да јаде, циркузи. Фала ти за одговорот, оброк инаку се рачуна кога се заменува подој? Или подоите си остануваат на барање на бебе?
Оброците служат за да заменат подој, но во реалноста, особено на почеток не е така. Со цицач како синко мој, не беше така. Се уште цица итоа кога сака, од почеток па наваму. Постепено прескокнувавме подои, како што тој си диктираше. Најголем проблем (се уште) ми е навикнувањето на вода, затоа ми е страв да не ми се одбие. Вода треба да имаш предвид да ја нудиш по секој оброк. Мојов не пие нешто многу вода, а наближуваат топли денови. Повеќе си игра со шишето и си ги чешка непцата, што со клунчето, што со држачот. Повеќе успех имам со чашка, но за надвор не е секогаш изводливо, па затоа сега зедов магична чаша на Нук, па ќе го навикнувам на тоа сега. Уште цевче немам пробано.
Јас почнав со вкусови неколку дена пред да наполни 5 месеци. Цел месец пробуваше ама имаше некоја одбивност кога ќе ја видеше лажичката ми ја буткаше раката, бегаше ја вртеше главата, па со сила некако ќе и дадев 2-3лажички. 2 дена пред да наполни 6 месеци ме изненади кога и доближав лажица-си јадеше. Потоа и дадов овошно шмукалче од 100гр и цело си го испи. 6 месеци и 2 дена е. Очигледно претходно не беше спремна за дохрана. Мислам дека веке 100гр се рачуна како оброк на почеток. После кашичката нудам вода, ама пошо не ми пие баш, не е навикната, и давам и града. Ќе повлече неколку пати и си се трга сама. Оброков го давам како ручек околу 14-15 часот, највеќе така ми одговара. Не знам дали е правилно така баш утре сум на педијатар и ќе прашам. Имам дадено: јаболко, слива, круша, батат, тиква, тиквица, банана, морков, ориз и утре планирам палента да дадам со тиквица. Не правев и јас секогаш по 3 дена еден вкус, ама ги вртев цело време и ги комбинирав различно.
@Lovebug01 @MissBreezy фала ви женски. Значи најубаво да оставам бебе само да ме води. После секое пробување нудам вода но не е воодушевена ја џвака цуцлата и кога ќе и протече вода е вака сакам да земам чашка со клун затоа што очигледно со силиконските цуцли немам среќа. Оризот како го спремате? Читав треба особено внимание со него...
Мајки,Ви благодарам на сите вчера што ми дадовте совет. Му дадов средина од лебче на синко, и воопшто не беше толку страшно. Почнуваме со поголеми парчиња.
Ајде, ќе биде Можеш нешто со вилушка да згмечиш или со блендрер на сецкање да држиш на копчето, за покрупно да се изблендира.
Мајки, вчера за прв пат го земав овој ориз на Холе. Е, сега на него пишува само приготвување со млеко. Дали може со овошје и зеленчук блендирани да го давам насабајле?
И јас со вода го правам, можеш и со овошје, јас секогаш со зеленчук го давам. Нема некоја особена причина зошто е тоа така
@dunika Ги правам кифличките што и' ги правеше на малата за воведување белка. Го месев тестото, но лепливо е. Такво треба да биде? Го ставив да нарасне, но лепи и меко е, па не знам дали треба да е поинакво. Абер немам значи
Додај брашно слободно,дур не стане фино за месење,меко како ушната ресичка.Секое брашно различно прима вода,иако е ист тип. Ако веќе си го оставила да стасува,кога ке нарасне за 30 мин од прилика,посипи малку брашно,премеси нежно и остави 10 мин пак да нарасне,за да можеш полесно да го работиш после.
Мајки почнавме со пробување на вкусови од 5м по препорака на педијатар. Уште од првата каша се тегне , се корне сака се да изеде . Ме интересира освен слива, круша, јаболко и морков дали може да се даде и нешто друго на таа возраст?
Батат,тиквичка,тиква,кајсија,брокула,карфиол,банана, јас и на хип имав дадено праска со банана (таа ја обожава сеуште)
Ви благодарам на сите. Моментално и правам дома кашички и ги обожава дури и бара уште одкога ќе ја изеде целата . Ќе ја пробам и со карфиол и тиквички дали ќе бара така .
