Дали има некоја разлика од месо од кокошка и месо од петел? Бебето ми е 8 месеци и сакам да воведам пилешко, но домашно најдов само од петел па дали смеам? Исто ми нудеа и од домашна пајка , Преубаво било месото но дури ни јас не сум пробала па некако скептична сум и не ми се дава такво месо на бебе.
Здраво мајки, Син ми има 5 месеци и почнавме да даваме овошни кашички за појадок. Педијатарот ни рече да воведуваме едно по едно овошје, првиот месец варено, 3 дена исто овошје (без да го мешам со нешто друго). Е сега, имав смрзнати органски сливи и кајсии. Ги испеков тие ама беа многу кисели. Ни јас не би ги јадела искрено, а не па бебето да ги сака... Што правите со тие покисели овошки? Ги мешате со нешто? Се мислам да ги мешам со банана додека не воведеме житарки/ бисквити ама па секој ден банана ли да јаде.. Помош!!
Епа ете, веќе си почнала . За леб претпосатавувам нема да имаш проблем, ќе си го јади, повеќето бебиња, ако не и сите го сакаат. Мене најтешко ми е за ручекот, особено за месото да го јади на парчиња. А и не си назад, така е за тие што почнале со каши, постепено одвикнување од кашите. Ставај банана по малку. Можиш секој ден да додаваш, доволно е многу малку за да се заблажи, само гледај да биди многу зрела бананата, лушпата да е потемнета. Додавај и поблаго јаболко, варено или ако е печено ќе се заблажи уште повеќе. И тиквата ако ти е воведена е блага. Јас покиселото овошје секогаш го мешам со банана.
А тоа дедо од оваа година стана фармер Цело лето си седеше на село за да има зеленчук и овошје свежо за внучка. Си направи и кокошарник. Прашај ако имаш некој во не толку урбана средина роднини, пријатели може некој ќе ти најде.
Исто, пробував и така ама брбори си игра со водата Поголемиот син дури околи годинка почна саглам вода да пие, па еве го сега и по 2л може пие. Само вода, никакви сокови не пие, се тешам дека и малово ќе почне.
Исто ако може некој да ми каже, зимните месеци декември, јануари, февруари итн дали и каков сезонски зеленчук има освен морков, цвекло ?
На пазарите скоро секогаш се има. Кромид, лук, компир, пашканат, целер од репки и тие што стојат и зелка ама таа не знам дали ќе ја даваш сега. Спанаќ има повеќе во зима него лето. Сега има и карфиол, брокула, блитва, боранија. Абе се има на пазарче . Ќе дојде декември, јануари, ќе свртиш еден круг и ќе видиш што има тоа ќе комбинираш.
Супер, и јас мислев дека ќе можам да најдам повеќе работи а пријателките ме убедуваа да замрзнувам од сега работи, поготово тиквички, брокули, карфиоли, пиперки... Ќе немам место во замрзнувач
Знае ли некој да ми каже како е на мк ова пирово брашно? Во секој рецепт и го гледам и не знам за што зборат