Без навреда, но како секоја мајка знае без да се информира од доктори и релевантни извори? Јас чекамм бебе и уште од сега се мислам како ќе научам што и кога му треба, тоа не е инстинкт кој се јавува со чинот на раѓање (на крај на краиштата советите за исхрана многу се менуваат и она што е сега препорака не било така пред 10, 20, или уште повеќе години).
Да, така е, ама кога веќе знаеш дај пиши зошто јас не знам, зошто баш на три месеци па и сок даваш? Не си единствена што дава ама еве пиши која е причината. П.С- не дека нешто ќе ти влијаам на одлуката ( и да сакам не можам), само ме интересира.
Мене нешто не ми е јасно во врска што спомна darcy. Јас кога сум се родила на мајка ми од болница и дале книга за се околу бебето и меѓу другото пишува во кој месец што да се дава. На пр. во вториот месец две-три лажички сок од портокал, во третиот месец каша од јаболко со бисквити и итн. Кога се поротив мајка ми уште ја чуваше книгата и ми ја даде ама мене не ми паѓа на памет според неа да го хранам моето дете. Мајка ми мене се по таа книга ме има хрането и фала Богу сум се развивала супер. Значи тоа било пред 27 години. Многу ме интересира зошто тогаш педијатрите така советувале, сега поинаку зошто книгата била напишана од педијатар?!
Многу пати и јас сум прашувала и одговорот бил дека времињата се сменети, науката напреднала, дека сега заради икс услови има повеќе алергии, нетолерантност и сл., дека многу зависи сега што даваме на бебињата за развивање на организмот понатаму и сл. Вистина е дека ние на друг начин сме раснети ама во време кога на овој начин се чуваат децата и кога др.викаат дека треба после 4 или 6 месец се дава дохрана ( педијатри од цел свет значи) некои даваат храна на 3 месеци. Затоа прашав зошто некој дава храна на таа возраст, на пр.зокето рече секоја мајка си знае, е што знае? Може јас не знам
a бе зајче ,само пред 8 години кога го родив првото дете кравско млеко смееше да се дава од 6 месеци а сега го забрануваат и после годинка.....времинјата се менуваат , знаенјето се проширува ама бисквити на бебе од три месеци и цитрусни овошја .... јас би го испитала авторот колку е за веруванје.а и не секој педијатар е за верба за жал.мене лани педијатар во советувалиште ми велеше да му дадам банана на син ми кој имаше 2 месеци селектирам и не прифакам се што ке ми биде кажано или што ке прочитам...подобро покасно да воведам нешто отколку предвреме па да му наштетам,ама ко што рекоа погоре секоја мајка најдобро си знае.
Aj да се надоврзам на Worried .... Кога одлучив на 3 месеци да давам кравјо млеко на ќерками мислам дека изпаднав најлошата мајка на форумов, сите ме критикуваја као свесно му наштетуваш на бебето ,алергии ова она...па еве ја има прекрасна крвна состојба прекрасно напредува и нема никаква алергија појавено...здрава е ко дрен, во овие 9 ипол месеци само еднаш ми се има поболено итн...Исто како и секое друго бебе што е до 6 7 месеци рането со АД, итн..исто така и на 3 месеци дадов сок..на 4месеци овошни кашички на 6 месо...можеби некои сметаат дека ова е крајно грешно но јас така си знам и затоа никој не прашувам..еднашш се изгорив
Е гелка, и сестра ми била на кравјо од 3 месеци, и мајка ми ко тебе ,се супер. Јас на АД едвај по 40мл сум пиела, а она ко поголема од мене, румена, супер крвна слика. Ама сега знаеш што? Неможе да крене глава од алергии, нема нешто што не и смета. Така да внимавајте, не сешто е кажано е без врска,затоа што новите мами се модерни.
и мене најмногу ме нервира реченицата -...и нас тоа и тоа ни давале па еве што ни фали.ништо не ни фали ама мојата генерација или онаа близу до мојата се почесто ја гледам на некролог или слушам дека некој е сериозно болен,а алергии и други секојдневни болести не ги ни сметам .здравата исхрана е темел на здравјето на секој човек а кај бебинјата и малите деца посебно.
И пак никој не кажува зошто, посебно сок ако мајката има млеко? Можам донекаде да разберам да се даде кравјо или храна ако родителите заради финансиски причини го прават тоа, ама да имаш млеко и да даваш сок на три месеци?
Штом толку им се нагледувате на бабите и нивниот совршен живот во минатото почните дома да ги рагјате бебињата.Пошто они и тоа го праеле па нели ништо не им фали. За жал последиците некогаш покасно излегуваат на површина.Зошто ли само пола нација умре или е болна од канцер.Ај бидете искрени и кажете дали мегју вас има бар една чија баба-дедо не починале од тоа?Тоа се тие генерации.Зошто на сите страни врчат статии,книги,истраживања дека ракот се добива токму од неправилна исхрана.Ова не важи само за бебињата туку и општо. Дајте не брзајте има време навистина за се.Утре ке пораснат и ке јадат секакви гјубра,бар додека се мали и додека имаме влијание на нив да им обезбедиме што поздрав начин на исхрана.Малце може оф топик е постот но кој разбра ок,кој не чао пријатно.
Мајки ставате ли путер во кашичките? Докторката ми спомна дека можам да ставам по малку. Јас сум во план да ставам маслиново масло.. за путер и не сум баш сигурна. И уште нешто.. Компирот го пасирате или го блендирате? Блендиран е како гума, дури и вкусот му е заникаде, не знам дали таков да му го давам или сепак да му го пасирам?! Вчера прв пат проба компир, не е воодушевен ама си го изручка без проблем.
јас да ти кажам ставам путер од мегле бидејки од маслинововто му беше тешко на стомачето два пати му ставив и два пати ми плачеше го прекинав и се смире ама воведов покасно негде од 7 месеци
Еве прашање за нова, се надевам конструктивна, дискусија. Кога воведовте втор оброк на бебињата, во смисла на време после воведувањето на целосен оброк од сабајле. На фб во една група прочитав дека требало после месец и пол или два по воведување на првиот оброк. Тоа за мене нема смисла, а може има па јас не знам. Мене др.ми рече веќе после 6.5 месеци да воведете и втор оброк ( знеше дека пред 6 само пробуваше вкусови). Искуства?
Јас втор оброк воведов како што рече негде послем 6 и пол месеци по препорака на педијатар. На сабајле овошје поручек зеленчук. Потоа некаде околу 7 и пол месеци воведов и трет,на вечер ама не многу касно оклу 18 до 19 часот му давам некоја млечна каша со житарици на хип или пак палента со јогуртче.
Леона, мојот педијатар ми рече да му давам на синко кашичка два пати во денот по 50 гр. Јас на почетокот го ограничував и завршувавме со плачки. Ми беше жал и за кратко време му дозволив да си јаде колку сака, без да бројам залаци и внимавам на грамажа. Значи кај нас обидот за пробување вкусови од лажичка - две, заврши со ручкање на цела тегличка, што го сметам за оброк. Од завчера почнавме со зеленчукови кашички. Планирам да продолжиме со два оброка во денот. Така што наутро планирам да му давам овошна каша, а попладне зеленчукова. Ако детето јаде без проблем се што си вовела до сега, ако количински сака да јаде повеќе од неколку лажички, тогаш не гледам причина зошто би чекала месец - месец ипол за втор оброк.
Се согласувам Јагода, затоа и ти пишав тогаш, ако сака бебето давај му. Јас веќе една недела давам да речеме и ручек, количински некогаш е 50 гр некогаш и 120 гр. Значи колку сака бебето. Плус повеќе ги сака зеленчуковите кашички па се замислив да не правам нешто лошо, да не му биде тешко на бебето, оти гледам дека многу нервозна е периодов ( ама може и заби да се во прашање- не знам). За една недела ќе полни 7 месеци.
Моето искуство можеби ќе се разликува зошто ние од вториот месец сме на АД, не знам дали има разлика со доените бебиња. Јас почнав некаде од 5 месеци и три недели да и давам да пробува вкусови. Веќе на шест месеци и една недела имавме цел оброк кој тогаш беше околу 80 грама ама сметав дека тоа и е доволно и не дополнував со млеко, постепено си ја зголеми количината како растеше. Не ја форисирав никогаш за повеќе ама немам кратено на јадење. Некаде недела пред да наполни 7 месеци го имаше и вториот оброк т.е зеленчукот и од полни 7 месеци јас почнав и со телешко да и давам, значи комплет оброк. А мислам дека нешто ситно пред да наполни 7.5 месеци веќе имаше и трет целосен оброк со житарки. Искрено и јас мака мачев со овошјето и ден денес со него се залажуваме. Така да, ти советувам да си го следиш детето, ако ти е спремно и на 6.5 дади втор оброк ... ако мислиш дека не може да го прифати почекај недела плус. А ако слушаш секакви искуства ете и јас да ти кажам друг пример што знам мајка што вториот брок на 9 месеци го воведе, а некаде на 10.5 третиот оброк.
Многу се мслев од кога да воведам цврста храна во исхраната на моето бебе и одлучив дека сега е време за тоа, имаме полни 5 месеци. Вчера и дадов каша од јаблоко од Хипп, ја јадеше. Денес и дадов бленидрано јаболко и не го сакаше, потоа се обидов со сварено јаболко па блендирано и пак не го сакаше. И сега сакам да ве прашам на кој друг начин можам да му понудам јаболко на моето бебе (освен тие од Хипп)?!?! Ми рекоа со бисквита да мешам, ама нема шанси да го пробам тоа кога бебето вчера прв пат проба јаболко. За бисквити ни е ептен рано, така да тоа го одлагам за понатака. Шеќер исто не ми се користи уште од сега. Можам ли со млеко да мешам, можеби повеќе ќе ми го јаде така. Каша со јаболко и млеко , и какво млеко, мајчино да молзам или адптирано да купам...м? Ајде мамички давајте идеи!
