Воведување на цврста храна кај бебињата

Да баш така и мислев. Оти за нас стално си правам мармалади и компоти без шеќер и стојат долго. Идеата ми беше оти не и за бебе една недела у фрижидер вакумирано.

Ова со кесите ти е супер идеа значи. Комшика правеше сосови во модли ги замрзнуваше. Мевце си мислам и мали порции може дирекно во теглиња да се свари, знам дома мајка ми така за нас прави. Истовремено се готви и вакумира. Друга опција значи.
Не знам дали имаме тема специјална за муабетот.
Инаку читнав брзински, каша може 24 часа да стои во фрижидер на поладна полица, без проблем.
А јас ќе морам очигледно инстаграм и фб профил да си направам за вакви работи.

 

Мене лично месото ми е полесно да го замрзнам во пластични чашки со малку од бујонот од варењето и во зип кесички ги ставам чашките. Кога треба да правам месо, вадам, ја сечам чашката со нож, и целото замрзнато парче го ставам со останатиот зеленчук кој се вари. Не морам вака да чекам да се одмрзне.

 

Чекајте да видам дали ве пратам. Може да се замрзне готвено месо? Пример еве утре ќе му спремам телешко, дали може да спремам поголема количина и да ја замрзнам така, издинстсна? Со кромид, со лук, со томатен сос? Или без томатен сос?

 

Јас, а и повеќето тука што ги читам мрзнат сварено телешко на сличен начин.

Уште во месара ми го сечат месото од прилика на парчиња од 50 грама и така ги варам. Откако ќе се свари и олади го пакувам секое парче во кесички за во замрзнувач, со две кутлачи од бујонот и заврзувам убаво.

Не сум мрзнела со додатоци, а ти препорачувам и ти да не мешаш за да можеш да го комбинораш како сакаш.

 

Мене ми е чисто месо замрзнато, без додатоци.

Едит- пиле домашно зедовме цело, а телешко си купувам по 300-400 гр и го варам тоа на мали коцки исечено. После по околу 30гр варено месо замрзнувам, заедно со водата што се варело.
Гледам за 2-3 недели да потрошам бар телешкото. Цело пиле нема шанси нели да се потроши за толку кратко.

 

Месото многу се намалува кога се готви. Конкретно телешко некни сварив 1 кило и се намали на 570гр. Јас сварено го делам на парчиња од 45-50гр. и замрзнувам со бујонот во мали теглички. Брзо се одмрзнува теглата потопена во топла вода. Зарем грешка сум разбрала и треба 40-50гр свежо, не сварено?

 

Јас знам живо дека е 50 гр, значи сварено да речеме е околу 30-35 грама. А искрено и да и ставам поголемо парче не верувам дека ќе го изеде. Месото ситно го цепкам и го мешам со разни зеленчуци и баш се познава доста месо низ кашата. Мислам дека од евентуално после 9-10 месеци па натаму би требало поголема количина.

Ајде поискусниве нека ни ја разрешат дилемава

 

Живо 50гр мајка, не сварено. Ние сега сме на 70гр живо, ама не го јаде па подобро 50 да изеде отколку да фрлам и ретко ептен давам по 70гр.

Инаку за чување храна, малите бебиња немаат толку силен дигестивен систем и ним се им смета, и најмала ситница, како пример оксидиран зеленчук или овошје кај нив прават гасови, така да не би чувала каша спремна. Ако на некоја не и направило не значи дека и нам нема да ни направи. Овошје без шеќер исто така не стои, бидејќи шеќерот го конзервира, го чува, така да ако ставиме праска во вода само и ја вакумираме ќе оксидира, ќе се распадне. Сум пробувале, не стои, мора нешто да го сочува овошјето. Исто и џем, сум правела со малку шеќер, ај што не е џем, туку компот течен, туку и не стои, скиснува, фаќа мувла... мм не сака многу благи мармалади и џемови и од тоа сум напатена, колку само овошје имам фрлено така.

 

Ова прави смисла со оксидација.
За не стоење конзервирано без шеќер не се согласувам. Со години без шеќер конзервирам. Не оставаме да стои по цела година, ама за краток период од недела -две во фрижидер нема да мувлоса и да оксидира.
На свекрва компотите од домашни сливи по цела година и стојат. Или намерно шеќер ми уфрувала . Ама шанса нема да не познаам, мислам зрно шеќер да има во нешто го осеќам, не само на вкус туку и тело ми реагира.

Едит: за возрасни можеш рогач да користиш како средство за згуснување и конзервација.
Прашај паталец е муабетот . Пет години без шеќер, ама и без терапија за дијабет .
Т.е и за бебешки каши се става во купените, ама не би на своја рака.

 

Не стои, пробано на сите начини, не стои никако, се распаѓа овошјето. За недела две во обичен не ти врши работа, верувај. Мислам маката ти е голема а не ти менува ништо. Или шеќер или конзерванси, не стои иначе. Јас мака си имам од мм кој се плаши од шеќер и затоа со сигурност ти кажувам, пробано ми е, на сите начини, и со мед и со натрен и со оној течниот засладувач и со урми во мармалад, не стои никако, ај што не стои ни конзистенција нема на мармалад или компот, ова па и се распаѓа овошјето.

 

Се едитирав погоре.
За со бебе здравје нели. Искуството немам се ми е на теорија..ќе пробам.
Оти сега тек почнав со вкусови и гледам колку е трошење на струја за само едно морковче..ама утре па нема да е само едно морковче. Ќе се повеќе. Така да може и ќе се исплати.

 

Абе едно морковче ќе го свариш на плинско. Веруј не вреди да штедиш ако знаеш дека може недајбоже цревцата да му реагираат. Ваму ќе заштедиш ама после иди оправај се со проливи и повраќање. Факт дека од старт е мачно за 1 лажиче да вариш, ама тоа е едини начин ако нејќеш купечко. Иначе ако го исецкаш морковот за 5мин е готов, на тенки ливчиња, одма се вари, и полесно се гмечи.

 

Ете со плинско не ми текнало. Абе не ми е мене за штедење на пари, туку повеќе на време заштеда и дали ќе можам сама се навреме да стасам. Ама изгледа мора прво да почне да јаде, па да видам како ќе се организирам.

 

И сега што да правам со толку погрешно смрзнато месо? Дајте некоја идеја, не ми се фрла.

 

Морковот и мене ми беше најтежок за варење, јас го варев рендан

 

А оти да фрлаш?
Леле јас сум ептен поборник за не фрлање храна и оптимално трошење на ресурси. Ми се познава по постовите .
Две третини од месото даваш на бебе, другото ти таман да пробаш дали е ок.

 

Мајки, кога почнавте со ужинка меѓуоброци? Во ред е на 8++ да давам?

 

Па баш зошто не сакам да фрлам прашувам. Не реков буквално да фрлам, ама фрлено ќе е и ако не се искористи за него, а така било планирано. Што ќе пробувм дали е ок, убаво младо телешко месо, знам дека е ок. Криво ми е што сега од секоја тегличка ќе имам 20гр вишок месо што нема како да го употребам пак. Еднаш одмрзнато смеам ли да го замрзнам пак? Ако знае некој нека ме просветли.

 

Мислам дека е рано. Од тоа што сум читала треба прво да ги имаш воведено трите оброци. Ужинката треба да е минимум 100гр за да замени млеко. Рано ви е мислам за да му ги исфрлиш дневните подои. Нека ме поправи некој ако грешам.

 

Еднаш одмрзнато не се замрзнува пак. За се важи ова правило. Единствено кога ќе правиш за него месо да планираш и за вас некоја манџа со месо да правиш или нешто такво па да искористиш дел од неговото, дел плус да си ставиш. Друго не ми текнува.
@DaisyDoo рано ви е за ужинка што ќе замени млеко, ама можеш пример смока да дадеш или некое овошје ако имаш некоја поголема луфта а млекото си го испил. Јас обично давам една смока попладне после втора дремка, а 1 саат пред вечера. Не дека ја јаде цела, повеќе ја гмечи ама ко ќе ја чешкаат забите убаво и доаѓа.