Воведување на цврста храна кај бебињата

+1 со непијач на вода
Сме пробале
- различни шишиња
- различни чаши и бебешки и обична пластична и ракиена
- со лажичка
- со "епрувета" од сирупот за температура
- да ставам капки витамин Ц во водата
- да ставам ептен малку чај Бекутан, на врв на лажиче
- кога воведовме цитруси, со некоја капка цеден портокал, со лимон, со мандарина
- па млака, па ладна, па од чешма

Има денови кога знае и по 100+ мл да испие. Ама има денови кога и за 20мл се бориме.
Веќе и млеко не пие некоја огромна количина.

Туку дали има правило колку течност треба да внесуваат на 10, 11, 12 месеци?

 

За вода чаре само нудење од раѓање, јас се согласувам со се освен со ова за водата од новава педијатрија за бебиња. И на двете сум нудела од раѓање малтене по голтка две. Чај, храна, сокови не, ама вода давав од почеток и двајцата ми пиеа многу вода.

 

Јас се мачев, секакви шишиња и нудев ама многу тешко одеше. Секое пиење вода завршуваше со закашлување и давење, коса да ти побели.
На крај земав една чашка за учење и изненадувачки супер оди. На почеток голтка по голтка и давав, ама брзо се навикна и конечно има напредок со пиењево вода.
Вака нешто изгледа.

 

Јас не можам да стигнам до моментот да му приближам вода до уста, ме турка со раката и устата е запечатена, не ја отвора.

 

Мојот син е 2ипол години и сеуште не пие вода.. И никакви течности воопшто. Значи дневно не сака ни една чаша да испие.. Со се е пробано, кога беше помал му ставав со шприц додека седеше во хранилка. На година ипол бевме на одмор на 30и кусур степени во 14 дена незнам дали вкупно 100мл испи. Ми беше страв дека ке дехидрира. Ни сок, ни чај, значи ништо течно. Сега во последно време му ставам јогурт во чинија и му го давам со лажица и му кажувам дека е кисело млеко. Само тоа поминува. А ми вика матичната на негова возраст требало по литро ипол на ден да пие. И секој ден има модри подочњаци од недостаток на течности...а јаде се.. Дури и повеке сол му ставам понекогаш само за да ожедне и пак ништо..

 

Кај мене големото на 14 дена старост му дијагностицираа тешка дехидрација, толку што не се знаеше дали мозокот или бубрезите се отидени. Фала богу тука погрешија, здраво право момче е, ама тогаш проф. Пиперкова, исклучителен неонатолог ми рече дека бебе од раѓање треба да се нуди по некоја капка вода, не да се налева, не да се дава да се полни желудничето, туку по 10-20мл во денот да испие. И двете од старт им давав вода, со шишенце, многу икаа и двајцата и поради тоа морав, ама и за да ги освежам, после капки Двит особено. Големиот е роден во април, брзо фатија жештините, а малото во декември ама па дома ни беше претопло поради фикс идеите на домашните и некогаш вриштеше додека не добиеше вода, не сака цице, вода сакаше. И двајцата пијат сега солидни количини вода.

 

@AngelOfArh, колку вода отприлика внесува помало синче? Бидејќи тока некаде се со моево бебе на возраст?

Не дека ми се битни споредби. Само како информација. Пишав и погоре што се пробуваме. Во главно вртам околу неа со водата безброј пати на ден. Мислам и од мене трауми ќе добие.

 

Најмалку 300мл ги пие во денот, имаме шише од 150мл и не го полниме цело туку по 100мл на јадење и си ги пие. Знае и навечер да стане нудам цице не сака, вода бара. Сокови не пие, само еве вака кога е болен сега му давам за да се разредат шлајмови. Цице и вода, едноставен чоек.

 

И двете многу ми сакаат вода.од 6 месеци давав и со првото и сега.
Се тепаат за вода, плаче ако и го тргнам шишето.
Незнам дали има врска ама јас и маж ми многу пиеме вода.
Моите не се јадачи и цицачи ама за вода дај им и само на неа може да живеат.
Малово со килажа е ок, јас се чудам од што и е. Иста беше и дада и.
Тактика немав за водата, едноставно моите деца сакаат вода да пијат.
Сок газиран до денес нема пробано, густи сок може разреден да пие.
Чаеви од годинава и давам, претходно само вода пиеше. 3 г и 3 м е првата дада

 

Првото дете фати шише од Чико и така почна вода да пие на 5 месеци, од ко почна да јади, на почеток по 50тина мл денот би рекла ама потоа повеќе, единствено вода пиеше и сеуште пие 5г, од ко го одбив, од 14 месеци млеко не се напи никакво, јогурт не, сок не сакаше, ама вода сиг литар и пол до 2 пиеше денот.
Нудете секако, чаша, шише со тек на време ќе се распијат.

 

Дали откако ќе воведете житарки (палента, овес, ориз...) потоа ги давате секој ден?

 

Да, појадокот ми е житарка со овошје, еве и после годинка е исто, а некогаш давам житарка и за ручек, ориз или хељда.

 

Јас давам Роса, од пластика. Што за пиење, што за млеко и каши. Испробани ми беа повеќе води, ама оваа некако нај ок е. Дополнително, кога ја зовривам нема бигор воопшто.

 

спанаќ со што комбинирате?Со ориз и палента сум дала веќе , ми го одбива

 

И јас почнав недела дена пред 6 месеци. Се сеќаваш после колку време воведе житарки, месо, па јајце? И колку пати неделно месо и јајце треба?

 

Пробај со хељда, како чорбичка. Ако не блендираш мислам, зошто јас не блендирам одамна и така ми го јаде најмногу, на крај ставам едно јајце матено да врзе се, убава лажица грчки јогурт и збогом памети!

 

Јајцето претходно сварено?

 

Живо, се вари во манџата. За многу кратко е готово.

 

Житарки воведов негде пред 6 ипол месеци за да имам база за доручек, зошто на 6 ипол почнав со доручек. Ручек почна да јаде на полни 8 месеци, а пред тоа воведов прво месо (мисиркино и телешко), после јајце (прво жолчка, па цело). Прво јадеше 3 пати неделно месо, 3 пати само зеленчук и 1 јајце. Сега зголемив месо и јаде 4-5 пати месо, останатите денови јајце и зеленчук.

Базата на доручекот секогаш треба да ти е житарка. За почеток просо, палента, овес е доволно. Остатокот е овошје. Соодносот треба да биде 1:3, житарка:овошје.
Ручекот треба да содржи житарка или скробен зеленчук (компир, батат), зеленчук и/или месо/јајце.

 

Фала ти премногу за одговорот. Ние сме на вкусови веќе 20 дена, дали јаде 1/3 од мала кашичка. Далеку нелако ми изгледа оброкот.