Воведување на цврста храна кај бебињата

Јас од зеленчук варам/печам се. Ок, освен краставица. Така си ја грицка нејзе.

Овошје - јагоди, боровинки, малини, дуња, смоква, цреши итн имам замрзнати и пред крај на варење на житарките ги додавам. 3-4 минути само.

Јаболко варам уште. Круша ако е ептен зрела знам и свежа да дадам.
Кајсии и праски додека имаше свежи само така рендани, не сакаше никако поинаку.

Портокал, мандарина - исчистена мрежата од горе и на ситни парчиња. Или пак сокот го вклучувам во оброк.

 

Каков јогурт и павлака воведовте прво кај вашите бебиња со колку масленост и на колку месеци?

 

Јас планирам на полни 9 да воведам. И мене истото ме интересира. Со кои млечни производи е најдобро да се почне.

 

@Bella_Stella Јогурт на Бучен козјак, а грчки јогурт Grekos со поголема масленост после 7 месеци.
Павлака не сум дала сеуште, скоро година е.

 

Павлака не давам. Кисело млеко Алпско, Грчки јогурт Олимпус или Крикри со 10%масленост. Јогурт на Бучен Козјак давам.

 

Грчки јогурт на кри кри со 10% масленост, го воведов некаде после 7 месец ама ретко го давам, не го сака воопшто. Павлака не сум дала се уште

 

Павлака на Николови, јогурт давам цврст јогурт на збрегов. Тоа користиме дома, тоа му давам

 

Кога вклучувате сол во јадењето или давате иста храна со останатите?

Моево е во градинка веќе, сигурно таму јади манџички, супи и слично. Не ни даваат листа на состојки во менито ама верувам дека не е различна храната во јасли и останатите групи. Дома сеуште спремам за неа посебно без зачини, освен што ставам кромид, лук, маслиново масло итн.

Е сега кога ја оставам на чување со бабите гледам дека се послободни да и дадат да проба од истата храна на сите. Демек едно залче да не гледа каде што се јади. Реагирам за ова, не дека не, посебно што не сакам без мое знаење да го прават нештото. Додуша и верувам дека не и даваат повеќе 1-2 залаци.
Сигурно нема пробано чоколадо, еурокрем, џем и останати слични работи. Или солено сирење, пржена храна, сувомеснати производи.
Ама 100% има пробано леќа зготвена за сите, спанаќ, грав и таков тип на манџи и чорби.

Скоро 1на година е бебка.

 

Јас вадам на пример од гравчето за него кога ќе се свари и после нашето го запржувам и ставам сол. Или мусака, полнети пиперки истиот фил само прво ставам за него во едно земјено малечко и после ставам сол во нашето. Ама вака за празнициве каснува и тоа што е за сите, на пример вчера не сакаше ни залче од неговото ручече, јадеше што и ние
Инаку ок е веќе од 1 година да јаде од тоа што јадете вие на пример грав леќа, само сол ако нема многу, јас некако уште не можам да му давам од истото.

 

16м е син ми, дел од работите ги готвам посебно за него. Во храната му ставам малце сол и зачини (оригано, босилек, кари, куркума). На последниот преглед ми кажаа може од нашата доколку е без запршки и премногу зачинета.
Јадењата каде што за нас ги правам со пржење а кромид лук и додавање на останатите состојки не му нудам него. За нрго, сеуште се е варено/печено.

 

А откако ќе ги воведете во кои оброци ги користите и колку се става количински?

 

Па досега ставам една лажица грчки јогурт во утринската овесна каша со овошје како овошен јогурт да речеме. И кога правам палента или спанаќ овавезно ставам грчки јогурт/кисело млеко исто на бучен козјак.

А јогурт му давам да пие околу 50мл.не допива секогаш, а некогаш сака уште. Исто во таа комбинација мешам или некогаш посебно само во чаша.
Јогурт обожава, за разлика од вода..

 

Го потсеќа на млеко веројатно затоа. И моево нејќе да види вода, ќе видиме како ќе биде со јогуртот.

 

Имам кашичка од ДМ со масло од репка, досега немам ставено никакво масло во кашичките, 6+++ сме. Смеам да ја дадам?

 

Можеш да дадеш ако ти се воведени другите состојки. Инаку од масла можеш да ставаш ладно цедено масло од репка или маслиново во зеленчуковите каши.

 

Дали имате користено од овие оброци? И дали се вака на слика како парчиња?
https://bellina.mk/p/2541/babybio-organski-obrok-od-jagneshko-meso-i-musaka-8m-2x200-gr

 

Од каде купувате масло од репка?

 

Имам земано на Фила, од поголемите маркети. Исто има и во Беллина, но го немам користено тоа.

 

Здраво
Сакам да побарам совет за прв оброк. Имено, почнавме со вкусови, многу малку јаде во принцип само по неколку лажички, повеќе не сака. Вкусовите за нејзина возраст веќе ги поминавме, уште малку ќе наполни 6 месеци. Имам недоумици за оброк од кашичка и комбинацијата со млеко. Беба е на АД и не знам како и кога се намалува млекото при дохраната со кашички. Уште не сме стигнале до оброк како што пишав, но сакам да сум спремна. Дали кога ќе изеде каша од 150-200мл се крати од млекото? Ако се крати, колку? Таа има 5 оброци АД или по 180 или по 210мл.
Фала и среќни празници!

 

Ние кога почнавме со оброк педијатарот не советуваше 150 гр. да даваме. Место млеко (цицање или АД) се дава тоа што ќе подготвите. На почеток исто не сакаше да јаде и по 45 минути траеше хранењето, потоа времето се намалуваше. Секако без притисок треба и да нема стрес за бебето, колку изеде толку. Секое дете е приказна за себе, доколку изеде поголем дел од оброкот мислам нема потреба да го дохрануваш со АД, јас не нудев млеко после оброк, тоа што го јадеше го сметав за оброк и си продолжував како и предходно кога беше само на млеко. 5 пати цицаше и кога почна да јаде едното цицање го заменивме со оброк.