Воведување на цврста храна кај бебињата

Мајки здраво.

Дали некоја од вас го има овој 2 во 1 апарат за готвење на пареа и блендирање?
Го гледав на Philips тој е 4 во 1 ама многуу скап 16473 денари, некако не ми се даваат толку пари за нешто што ќе трае кратко.

 

Мајки, дали некоја практикувала воведување доручек, па вечера, за да не се буди многу навечер бебе и дали успеала? Прашува мајка што и се буди на 2 саати навечер бебето

 

Мајки, што друго на 6м можам да воведам?
Воведено ми е зеленчук тиква, тиквица, кромид, морков, компир, батат, пашканат, тиквица, домат, леќа, пиперка...
Овошје за тоа многу работи ми се воведени
Пилешко, телешко ..мисиркино треба да најдам.
Амарант, просо, палента, ориз тоа си оди редовно.

Што е следно по распоред?
Риба планирам да проба купив кашичка, друго ?
Кога се пробува грав?

 

Млечни?
Јас почнав со несолена урда, грчки јогурт.

 

Кисело млеко има пробано ама немам со што да го комбинирам. Со палента е кисело не го јаде.
Како ги комбинираш ти?

 

Со овес и со палента досега.
Грчки јогурт ставам и во некои зеленчукови манџички, по една лажичка, наместо АД.
Несолена урда со пиперка, со тиквица, домат.
Тоа сум правела досега, уште немам јајце дадено.

 

Фала ти!
Од кога планираш јајце и риба?

 

Се немам уште одлучено, ама нема премногу да одолговлекувам. Накај 9ти месец

 

Дајте предлог за зеленчук нешто домашно спремено да биде
Пробавме од овошје банана, јаболко, праска, круша, кашичките готови ги јаде, од зеленчук морков, тиква,брокула несакаше, компир
Приметувам благите работи полесно ги прифаќа и си јаде, околу 50 -60 гр

 

Здраво мајки. Имаме 5ипол месеци, до сега сме пробале јаболко, круша, морков, банана, батат,тиквиц, тиква и брокула. Што да понудам следно? Дали да воведам житарка?

 

Кај мене од зеленчук најлесно ја прифати тиквичката и тоа празна.
Па потоа пробај во комбинација со батат. Морков+ батат, брокула +батат

 

Денес купив кашичка од морков компир грашок и карфиол но несака да ја јаде ,затвара уста и стенка ,се гади
Ќе пробам пак во тек на денот

 

Дали правите поголема количина на кашички (meal prep) и дали можат да стојат во фрижидер, некои и да се замрзнат?
Или секоја треба да се подготви и да се јаде свежа?
Зборувам за почетокот кога се воведува храна за вкусови а и за после тоа општо кога ќе почне да јаде.