Возачка дозвола (и сè е можно). Какви возачи сте вие?

да сепак фала ако дознаам нешто ке те информирам ако се направи некоја комисија ќе ти кажам

 

Најпрво треба да имаш самодоверба и храброст, немој да мислиш дека другите биле подобри од тебе или се родени возачи. Нормално е да имаш страв и паника, но ко ќе почниш ќе го изгубиш, затоа е и инструкторот тука за да те усоврши, нормално дека нема ти уште прв ден да влезиш во сообраќај, ќе вежбате тргни застани, ќе ти ја објасни механиката и ќе вежбате на полигон првите денови. И опушти се, и да згрешиш ништо страшно. Страв дека ќе направиш беља не мисли на тоа затоа има дупли команди а подоцна ќе се усовршиш. За возење ќе научиш, само собери си сила за да не си ги киниш живците со комисиите оти нив ги интересира профит а ти ќе се разочаруваш.
Среќно

 

Мене стравот ме кочи.
Не можам да се замислам зад волан, се убедувам себе дека нема да се снајдам, а знам дека еден ден ќе морам. Потребно ми е и морам да се натерам некако да започнам со процесот.

 

Нешто што најмногу ми падна во очи беше што инструкторите повеќе те спремаат за да положиш отколку за да возиш, а не треба да е така. Секако чест на исклучоци, ама повеќето за кои сум слушала ти ги раскажуваат вежбите на полигон како алгоритам, отколку да те научат со сопствен осет да ги совладаш.

Маневрингот на пример, ти го тупат со она полн лев полн десен во глава, дури ко на памет да те тераат да го учиш. Се сеќавам мојот на прва вежба во рикверц ме тераше да гледам во некоја си нацртана линија во трева, место да гледам во ретровизорот и да застанам според осет. Исто и на паркирање, 300 работи нацртале на асфалт, и те тераат да се водиш според линии и ступчиња што во реалниот свет не постојат. И после 90% не знаат паралелно да паркираат. Па како ќе знаат кога се принудени механички да учат.

Друга приказна се самите инструктори, ова ваљда зависи од човек до човек, ама пак, од она што сум го слушнала, повеќето немаат профил на личност што треба да биде учител. Не се трудат до детаљ да ти објаснат работи освен сам ако не прашаш, не се максимално трпеливи (нешто што треба да е буквално основата на нивната работа) и не се сериозни (прават муабет на телефон во кола, си зјапаат низ прозор и слично). За некои па имам слушнато дека воопшто не ги оставаат кандидатите сами да пробаат на полигон, што нема никаква смисла.

Друга работа, повторно ова го кажувам имајќи го предвид моето искуство и искуствата на голем број другари и другарки, повеќето инструктори имаат личен bias во однос на пол, и тоа на штета на двата пола. Со женските се однесуваат на типичен mansplaining начин, а од машките очекуваат автоматски да знаат да возат. Тоа резултира во поголем број девојки на кои им се прогледува низ прсти за некои грешки, и поголем број машки кои мораат да слушаат изливи на бес и при најмал пропуст. Никој не победува на крај. За жени инструктори не знам, не сум слушнала такво искуство.

Сосем трета работа е монополот во оваа сфера што ефективно им дозволува да те буткаат без причина, т.е. причината е бидејќи мора некој да доплати за оние што поминуваат со врски. Да не се лажеме, повеќето бутнати би биле бутнати и при реално оценување, и тоа ќе беше океј, ама ако важеше за сите. Вака стандардот се губи и оценувањето е комплетно нереално. Тука е и фактот што не смееш да полагаш без поминати часови, кои си принуден да ги добиваш од некоја автошкола, т.е. збиралиште на алчни корумпирани чичиња. Чекав три недели после слушање теорија за да почнам со практични часови, а веројатно и уште ќе си чекав да не се карав со газдата три дена по ред. Meanwhile, девојче што беше со мене на теорија јасно си кажа дека има возено неколку часови со инструктор, а тоа не само што е неетички кон кандидатите кои чекаат ред, туку е буквално нелегално.

Во секој случај, мој совет до сите што уште сте заглавени во системов, истуркајте до крај, никако не се откажувајте на пола пат. За мене процесот траеше скоро 4 месеци, а за некои и дупло од тоа, па и повеќе. Нека ве води помислата дека ќе дојде ден кога никогаш повеќе нема да мора да стапнете во автошкола, или да кружите на полигон, или да возите со инструктор до вас. Најважниот дел е на крај да сте сигурни во вашите вештини и способности, а не дали сте положиле од прв, втор, трет пат. И внимавајте калакурницава во системот да не ви створи одбивност кон возење, тоа им се дешава на многу.

 

Иста бев и јас. Мислев дека нема да можам да се снајдам ич. Ќе видиш, кога ќе почнеш се ќе си дојде на место

 

Собери храброст. Мораш да го направиш тоа. Јас каква тремаџика сум, не си свесна, едноставно премногу голема желба имав да возам и успеав. Буквално на секое влегување во кола сега си викам- добро е што собрав храброст и го надминав стравот.
Верувај после неколку месеци редовно возење веќе не ни размислувам однапред за сите раскрсници, кружни, семафори што треба да ги поминам, слободно си возам. Ее на почетокот од дома цела рута ја извозував првен во главата па филмови што ако треба да се разминам со некој, па ако го закачам, па ова, па она. Со глупости си се замарав и не уживав во возењето, сега е спротивно од тоа.
Тешки се првите неколку месеци, и до зимање на возачката ама и после возачка, додека стекнеш некое основно искуство, нема што да се лажеме. Немој да се грижиш, ќе успееш, собери храброст.

 

Поточно кажано амин.

 

Истиве совети ги добивам и од мои блиски. Знам дека пречката е во мене, дека морам некако да се изборам со стравот и дека возењето потоа ќе ми стане рутина, а зошто да не и задоволство. Планирам наскоро да почнам, па што сака нека биде. Неопходна ми е возачка

 

Целосно се согласувам. Испитните центри ги направија приватни и станаа машини за производство на пари.
Јас имав жена инструктор пеофесионалец плус роднина. Се беше океј ама вистина е дека те спремаат само да положиш, на полигон те тера да се орентираш према кваката од вратата, рамото со некоја буква наместо да те научи прецизно, аголно преку ретровизори оти утре да паркираш паралелно нема да се орентираш на глупостите. Полн лев и десен чиста глупост, па едната рака да додава другата да презема, мене ова ми даваше спори реакции со волан и си возев по мое кое ми дава да реагирам осетно. Али тоа е, те учат школски а ако возиш во густ собраќај школски сврши работа.

@prominent поработи на самодовербата. Нема воопшто шо да се плашиш, за возење ќе научиш проста работа е тоа куплунг туража, некој побрзо некој потешко зависи од осета и. Нема шо да се плашиш од голема/мала кола пошто исто е, таа е предницата само како почетник со лимузина ќе ти биди потешко малце враќањето другото е се исто. Важно е да знајш правила и прописи а возењето ќе го стекниш со константно и редовно возење.
Среќно и не се откажувај, штом почна оди до крај без разлила на резултатите. Возачка во 21век е потребна како и другите работи. Среќно!

 

Еве јас пак немам такво искуство со инструкторот.
Нормално е да те учи школски бидејќи ќе ти биде полесно пред комисијата а не за комисијата. Јас додека ги возев часовите, ако имаше гужва.. за јас да не направам дополнителна гужва не застанав на стоп знак. Кај нас во градот, никој не го почитува тој знак, а и нема потреба да правиш дополнителна гужва ако си ја проценила ситуацијата.
Е сега, додека си со комисијата тие 30-40 минути треба да се потрудиш колку можеш по правилно и школски да возиш.

Јас додека возев часови, воланот го држев со една рака, другата ми беше слободна. Инструкторот ми кажуваше за мое добро дека треба да се навикнам со две раце да го држам, така е и правилно не само пред комисија. Еве и ден денес, не сум навикната со две раце. Кога ќе полагам знам дека тоа ќе ми биде првата замерка.

 

@Lima24 дали дозна дека има комисија или сеуште незнаеш ништо

 

Нема комисија, после нова година изгледа.

 

Зашто нема комисија? Не може да се полага сеха?

 

За друг град зборуваат, не за Скопје.

 

За Велес е ова.

 

За Дебар Маало каде најчесто се вози? Од ЗОО се почнува, претпоставувам Илинденска, фонтана, кружниот тек и ми спомнаа до кај Кале стоп знакот.
Доколку полагал некој од тука ако може да сподели нешто повеќе. Како што забележав има доста едносмерни, стоп знаци и пешаци од небо што паѓаат.

 

Возачка од 2007 а возам активно од 2010 и досега фала богу се најдобро е

 

Iskustva za polaganje gradska od kaj bisera 2 ako saka nekoj/a da spodeli?

 

Најубавата релација е таа, Бисера 1 и 2 е истиот паркинг, најчесто даваат на лево, првата раскрсница и пак лево.

 

Да, се согласувам со членката над мене, навистина е најубава локација за полагање, немаш гајле.