Возачка дозвола (и сè е можно). Какви возачи сте вие?

Аааа честитки!!
Со среќа и имај многу безбедни километри.

 

Има овде искуства на темава. Пребарај и на кирилица и ќе ти покаже. Можеш да смениш кога сакаш и каде сакаш.

Зависи каде. Прават проблем и во најголем дел од случаите парите се пропаднати. Личност што не зела ЛК не ја примија да полага и не можеше да презакаже зошто беше на ден на полагање. Сега читам дека кај некои можело да се презакаже. Изгледа е прашање и на среќа и на тоа колку сакаат да се замараат вработените.

Нема потреба од ништо друго, освен ако се заинаетат да ти бараат слики за картичка за поени која е укината. Укината е ама после 20мин расправање мене не ми дозволија да помине барањето за возачка се' додека не приложив и слики и не си платив (секако дека е се' за пари).
п.с. автомаТСКи

Нема такво нешто како поранешен возач. Гледање од страна не е исто како седнување зад волан. Исто мислев дека во овој хаос никогаш нема да возам, па веќе една година возам. Секако, тоа си се твои чувства.
Ако случајно некогаш сакаш да продолжиш да возиш, земи некој до тебе и повози во некоја непрометна улица и во периоди кога има помалку гужва. Ќе се опуштиш и ќе ја забележиш разликата од совозач до возач

 

фала мнг за одговорот и за корекцијата

 

Фала ти мила

 

Дали ќе може да ми пише некој, кој во скоро има полагано тестови?
Фала однапред.

 

Има ли полагање гратска во сабота?

 

Коа прашав ми рекоа не, само полигон има. А сега положив.

 

Јас кога полагав пред три години имаше, имам полагано во сабота, и искрено најубаво е тогаш да полагаш со чисти улици.

 

Дечки,некој совет за паралелно паркирање на полигон,инструкторката воошто не ми објасни убаво,при тоа земав дополнителни часови,и на полигон паднав на таа вежба,некој да сподели свое искуство и трикови како би успеала да положам

 

можеш да побараш да ти ја сменат инстукторката или да си кажеш искрено дека не ја разбирас воопшто кога станува збор таа вежба а можеш и на нет да гледаш видеа


, можеш исто така да си замислуваш дека ја возиш и како ги движиш рацете кои се чекорите и на крај можеш и количе играче да си купиш со контролер и од страна да гледаш визуелно како иде сето тоа додека го управуваш количето

 

Ти благодарам за советот,Поздрав

 

Јас бев на големата гаража.
Прво застануваш едно паркинг место пред твоето, гледај да си што подесно.

1 чекор - Одиш во рикверц до црната линија која треба да дојде паралелно со твоето рамо.

2 чекор - Сврти полн волан (десно) и почни да влегуваш во гаражата внимателно и пополека се дур на левиот ретревизор не го гледаш привиот стуб целосен и ивичњакот на вториот односно десниот стуб.

3 чекор - ќе направиш три полукржни движења на воланот (јас не мојот волан се водев со буквата W - на последното полукружно движење воланот ми беше така свртен)

4 чекор - одиш наназад и ја газиш црната линија (таа која е зацртена на самиот паркинг) На оваа позија вртиш полн лев и влегуваш со сите 4 тркала внатре во гаражата.
* внимателно, ја газиш црната линија, значи немој да застанеш пред неа, ниту позади неа туку да ја газиш и тука секако држиш кочница.

Кога ќе ја направиш вежбата држиш кочница и воланот сеуште ти стои во лево, кога ќе ти кажат дали е добро или не, само ставаш прва брзина и пушташ кумплунг и кога малце ќе тргне почнуваш да го исправаш воланот држејќи кумплунг за да не ги удриш стубчињата.

Мене вака ме научи инструкторката и реално следејќи ги овие чекори ми беше многу лесна и никогаш не сум ја згрешила, ниту кога вежбав ниту кога полагав.

Се надевам ти помогнав и со среќа

 

Паднав градска по прв пат

 

Ајде не се разочарувај, нормално е. Трема, стрес се собира. Плус ако си од Скопје, знаеме како стојат работите. Ќе биде, возачката ти е на дофат. Јас од 4та положив. Па одвај чекам да си ја земам и да си возам.

 

Од Скопје сум. Направив неколку грешки од трема. Нема што да се прави.

 

Јас ниедна не направив па заради трема ме бутнаа. Не се секирај ќе положиш.

 

Добро бе кога ќе се научат пола од возачиве да не користат долги светла кога апсолутно не е потребно. И плус некои јаки бели коа ќе пуштаат смрт. И мене некад ми се дешава да не глеам ама очи вадат....

 

Тешко дека некој положил од прва. И да си најдобар во возење ќе те паднат зашо им се може.

 

Срцка фала за советот,положив полигон,Поздрав!!

 

Бидејќи има доста малку, да не речам воопшто информации за ова, би сакала да споделам некои податоци за полагањето од курсот по прва помош. Принципот е променет од пред неколку години, односно овој курс веќе не се држи во здравствените установи каде што се вади лекарско уверение.
Доколку сакате да закажете термин, потребно е да се отиде на бул. 11ти октомври (карши Кјуби), веднаш до Sara Fashion(НЕ во самиот Дом на хуманитарни акции „Даре Џамбаз“). Ќе видите влез во зграда, на влезот горе пишува нешто како „Центар за прва помош“. Се качувате по скалите, влегувате во затворената врата и закажувате термин по договор со лична карта. Се плаќа 1500 денари, имајте пари на картичка за да можете веднаш да платите без потреба од уплаќање на уплатници. Можете да закажете слушање на курсот два дена по три часа, по што веројатно на вториот ден ќе ви биде полагањето, или пак еден ден во времетраење од шест часа со се полагањето.
Предавањата се одржуваат во неколку модули и секако имате паузи. На крај следи електронско полагање со 15 прашања и времетраење од 15 минути. Дозволено е да погрешите на 5 прашања за да положите. Прашањата се елементарни доколку го следите предавањето. Малкумина знаат, но прашањата можат да се разгледаат и од дома, односно на следниот линк: https://ckrm.org.mk/wp-content/uploads/2022/03/Prashanja-za-vozachi-makedonski.pdf. Се паѓаат 15 од овие прашања.
Дипломата за положен курс се добива неколку дена по полагањето, тие ќе ви дадат повеќе информации за ова.

Убава вечер.