Возачка дозвола (и сè е можно). Какви возачи сте вие?

На страна што полагањето е ужасно кај нас. Но ова не се банални грешки. И јас би те бутнал за нив.

Како може да се престојуваш на полна линија? Ако нема време за престојување и ти кажале подоцна ќе кажеш дека не можеш да се престроиш оти е полна линијата и е забрането.

Ако гледаш пешак што стои со телефон, ќе намалиш брзина и ќе имаш време да застанеш своевремено ако се предомисли и почнува да оди по улица.

Како утре ќе те пуштат во сообраќај овака кога најбазични правила прекршуваш? Ќе ти излезе пешак, ќе го дигнеш на хауба, или ќе му пресечеш на некого лента и ете беља.

 

Намерно ти кажале да се престроиш на полна за да видат што ќе правиш. Слободно си можела да им кажеш дека не смееш на полна да минеш.
За пешаците на пешачки, мојот инструктор ми кажа ако некој пешак стое на пешачки и ми мава со рака да поминам никако да не поминувам туку да му покажам за да помине тој. Од комисија знаат намерно да ти кажат нешто што не е така за да видат како ќе реагираш.

 

Тоа се тие “финти” да видат колку имаш концентрација и пратиш сообраќај. Престројување на полна линија, може да значи сообраќајка ако му пресечеш пат на некој. Полна линија е исто ко ѕид да имаш, значи во никој случај не смееш да поминеш, сфати го тоа како во ѕид да одиш. Пешакот секогаш има предност ако е на пешачки, дали буља во телефон или ти дава тебе предност, пак немаш ти. Не смееш да поминеш иако ти дава предност. Истово ми го кажа инструкторот. Не знам дали земаш дополнителни часови, ама ако не земаш, редно е еден час барем пред возење да извозиш. Не се депримирај 6пати што те бутнале, ќе положиш. Помина толку сега за малку ќе издржиш. Мене за трема ме бутнаа, ете ако ти е утеха. На ниедна грешка, за трема… ама ете веќе 7 месеци имам возачка и од кола немам излезено, и тоа бремена сум 8ми месец. Уживам во возењето. Не знам дали во Скопје полагаш, ама Скопје е страшен хаос сообраќајот, мораш да имаш концентрација голема, иначе беља се прави.

 

Ова им се како штосови да те проверат колку си сигурна, јас пред некоја година кога полагав мене ми рекоа да поминам на пешачки кај шо човек минеше по него и беше на неколку чекора до тротоар, ги изигнорирав и си застанав, само пред тргање им реков сега имам право да поминам нема веќе пешаци. И еден куп такви штосови прават со пешаци и со престеојување, само биди си сигурна во себе кога ќе полагаш и придржувај се до правилата, они можат да ти кажат и на црвено да поминеш или по тротоар да возиш само биди смирена и размислувај.

 

И мене истото ми го кажуваше инструкторот дека можи да те "тестираат" така колку знаеш и обрнуваш внимание на сообраќајот. Крупни грешки не смееш да си дозволиш. Налет тоа што ако сакаат да те турнат ќе те турнат за најмала ситница и супер да извозиш, полошо нешто од комисијата е нашава сообраќајна култура и колку искусниве возачи немаат осет за автошколи. Свират, се пикаат, па овие старциве на точаци се фрлаат пред тебе ко за инает. Некни дури возев тргнав да се вклучувам во кружен и еден што беше таму подалеку нагази намерно за да ми излези пред мене и ми помина. Баш рече и инструкторот, е за ова заради некоја будала ќе те турнат. Ај ова не е Скопје барем, таму не можам да замислам..

Гледаш автошкола имај малце осет, можеби полага некој, јас и ко пешак ко ќе сум видела автошкола на пример ќе сум почекала настрана малку па ќе тргнам да преминувам, за секакви глупости туркаат.

 

За жал ми истекоа тестовите, имав пауза поради невработенност и сега се морам од почеток....

 

Сите што возат со години ми имаат кажано, осетот се учи кога ќе почнеш да возиш сам малку по малку. Никогаш не возев со брзина која би ме довела во ситуација да кренам некого на хауба...сепак бидејќи знаеја дека ми истекуваат тестовите, можеа да попуштат малку, претходниот пат кога уште подобро возев ме бутнаа да сум поработела на техника на лаковите додека ги правам. Да се толку праведни при оценувањето за сите, нема да имаме ваков сообраќај. Сепак, фала на споделеното мислење.

 

@Krissy666 Не се разочарувај, комисијата е таква каква што е. Не си прави притисок, кога ќе мислиш дека си спремна и ќе се смириш малку од ситуацијава почни си пак со дополнителни часови и полагај, во меѓувреме положи си ги тестовите. Не знам како работи инструкторот, ама ако ти е полесно замоли го да се однесува како комисијата кога возиш за да ти биде поопуштено на полагање. Исто така, пробај да ги визуелизираш сите можни рути од местото каде што тргаш кога полагаш, или ако не можеш да визуелизираш мини си ги рутите на street view на google maps.

 

ти благодарам

 

@Krissy666 Намерно тестираат дали ги знаеш правилата, никако не се престројувај на полна линија, ќе им кажеш полна е, не смеам, обавезно пред пешачките намалување, ако видиш пешак чекај да помини, мафни му дека тој има предност, мора да внимаваш на секоја ситница. За почетник е многу тешко, но ако добро ти се научени правилата не можат да те фатат дека не знаеш нешто

 

Мислиш во МВР или целосно?

Зависи колку пати паѓаш од прилика 45 000 - 60 000 денари излегува вкупно.

 

Секогаш кога има "нестабилен" пешак не стискајте на туража нека си оди колата сама и ако видиш не поминува туку така си стој че го разминиш полека. И да не е пешачки, да се разбериме, човечки живот >> се друго небитно.

Ова вака совет од човек што вози претпазливо, иако по количето ме мислат дека многу брз сум.

 

Конечно собрав храброст и решив за уплатам и да го почнам процесот за возачка. Може ли да ми објасните што треба како за почеток? И некој совет ако имате бидејќи немам никакво предзнаење, а страв огромен.

 

Не мора да имаш предзнаење, ниту јас немав. Многу е битно според мене инструкторот да го погодиш, бидејќи најмногу ќе ти влијае на намалување страв и зголемување желба за возење. Како што на училиште ги сакавме предметите каде што професорите се супер и обратно не ги сакавме другите, така е и ова.
Јас имам пишано тука инструкторот ми е супер човек и сосема ми ја разви желбата за возење, стравот го нема повеќе.
Другото ќе си дојде по себе, само опуштено и на крај ќе се изненадиш колку брзо ќе помини.

 

Здраво, сакам да прашам каде се врши пријавување за полагање на полигон? (За Скопје).
Фала

 

Положив од трета Ајмо.

 

И јас да се приклучам тука Која автошкола во Битола ќе ми ја предложите? И кој е процесот дури да се добие возачка, колку време би траел?

 

Ајде со среќа. За Битола не знам да предложам пошто сум Прилеп, ама целиот процес сметај дека нема да си под 3 месеци отприлика. Теоријата ми беше 5 дена (мислам?) по 3 саати дневно, возењето часови е 18 дена по саат ипол дневно (2 часа по 45 минути, односно вкупно 36 часа). Зависи и дали ќе возиш секој ден, јас секој ден возев со исклучоци ретки, ме фати од 30.08 до 01.10 цело возење.

Сега ми останаа полагањата, следна недела ми е тестот, после полигон и градска, со пред тоа дополнителни часови возење пред полагања (тоа е по избор ама препорачливо според мене). Полигон надежно од прва, а за градска очекувам барем 2-3 пати туркање.
Ко бев во испитниот центар да закажувам имаше и други што си закажуваа, и отприлика предлагаат датуми за една недела по закажувањето.

 

Фала ти дали можи да се смени инструкторот доколку не се погоди?

 

Мислам дека да. Но и секако е многу битно да е некој добар, да те научи и да ти вроди желба за (прописно) возење.