Возачка дозвола (и сè е можно). Какви возачи сте вие?

Билјана во Боби Ем побарај ја

 

Како бе полесно рикверц ,еве и мм тоа ме убедува. Мене тоолку ми е страв да пробам не се опишува. Ама и за паралелно бев така па во зорт пред Јане само едно место за така ,да видиш како се паркиралоо брзо и лесно

 

Здраво еве едно глупо прашање пд мене....
Конечно се решив да полагам за Б најпрво се вадело лекарско ми закажаа за 20 месецов...
Што е уствари лекарсково....систематски преглед...тестирање некое....може ли да ми го објасните??

 

Те проверуваат за вид, слух, крвна група и психички и физички дали си способен да возиш.

 

Дали после помината обука и положен теоретски дел, ако помине една година и не се положи полигон и градска дали пропаѓа само положениот теоретски или пропаѓа и обуката со се часови?

 

Само теоретскиот дел пропаѓа.

 

Дали може некој да ми каже колку чинат дополнителни часови ?
Имам возачка повеќе од четири години и ниту еднаш не се обидов сама да возам без нечие присуство а веќе последнава година воопшто и не возам. Осеќам некој страв ,изгубив некако волја и сум заборавила многу работи.
Најголем проблем ми е кога ќе морам да намалам кога одеднаш ми излегува возило или било што одма ми се стресуваат нозете и незнам што треба да правам, незнам како да го смирам возилото, ќе ми изгасне....

 

Треба да возиш често, нема друг начин да го намалиш стравот. Прво доколку е можно само со нечие присуство (искусен шофер) и одете подалеку, често развозувајте се. Потоа ќе пробаш сама и полека ќе се навикниш. Ќе си одиш само на позната рута прво.
Јас почнав да возам сама почетокот на март, и првите две недели, особено првите дена бев многу стегната и ептен бавна. Вториот ден веќе излегов да возам сама на отворено, од Прилеп за Битола. Се стегав но полека успеав, продолжив и сега ми е далеку намален стравот, почнувам и по други рути да одам. Ако треба ќе си го гледам патот на гугл мапс однапред, ќе си пуштам навигација. Има секакви будали што можат да ти свирнат понекогаш, но не обрнувај многу внимание на нив. За паркирање ми е уште проблем, немам пробано никакво друго освен директно нанапред да се паркираш на паркинг место, и исто така мразам угорници. Но со време и со искуство ќе биди сѐ.
Инаку не знам колку кошта ти каде што си, овде е 700 денари еден дополнителен час. Јас иако возам веќе 2+ месеци, си мислев да земам за во градот каде што не полагав а седам често, ете уште не се осудив низ центарот да возам таму сама.

 

Јас полагав во ептен мал град со две улици, дури срам ме фаќа кога ќе кажам дека не возам.
Доволно ми е тука да возам немора во центар по големи градови.
Прашав една автошкола рекоа 1500 ден саат ипол возење или 1000 еден час.
Е сега автошколата е друг град и незнам дали да се обидам тука , некои рути со помала раздвиженост...

 

Обиди се на рути со помалку раздвиженост и полека, со тек на време ќе ти се намалува стравот ќе видиш.
Еве сега баш возев по за мене нова рута, си имав, навигација цело време и ги следев знаците, и сѐ беше океј.
Инаку ова 700 денари колку што знам е за час од 45 минути.

 

@srce-9
Нормално е да чувствуваш страв и несигурнoст за нешто кое ти е непознато и за кое немаш искуство како да го правиш.
Но колку почесто возиш, секој нареден пат се подобра ќе бидеш.

Ова како совет го давам на сите кои го имаат стравот од возење, а и јас на исти начин се опуштив.
За почеток најди некој искусен кој ќе те придружува и советува. Вози во период кога е најнераздвижено во градот ( јас возев недела сабајле, слабо автомобили и пешаци имаше ). На тој начин се пробав и на семафори, и на лежачки полицајци, на угорнини, удолнини, вежбав тргни - застани, менување прва - втора - трета, паркирање, рикверц... Нема коли, никој не ти свире, никој не те брза, од ништо не се срамиш.
Со тоа возење ќе сфатиш и научиш како да имаш контрола над возилото. Потоа вклучи се во сообраќајот и за почеток вози една иста рута, па кога ќе сфатиш дека можеш започни и по други рути. Вози бавно, со бавна вожња и белјата е помала ако недај Боже се случи.

И еден ден ќе се изненадиш како се снаоѓаш во ситуации за кои си мислела дека нема шанси.

 

@srce-9 убави совети ти дадоа погоре. И јас како и другите, од искуство ќе ти кажам дека стравот од возење се разбива исклучиво со возење. Би рекла дека принципот со кој сите почетници се справуваме со стравот е тој.

 

Добри совети но не се согласувам со делот за бавната вожња. Бавното возење на булевари или на места каде е подинамичен сообраќајот знае да биде исто така опасно, а особено во Скопје. Нервозни возачи претекнуваат, свират, што може исто така да ја исплаши и дефокусира. Според мене најдобро е да се следи динамиката на сообраќајот, но секако во рамките на дозволената брзина.
Со текот на времето ќе се стекнеш со самодоверба, а тоа нема како да се постигне освен со константно возење и вежбање.
@srce-9

 

Нормално е да се има и паника и трема.
Не мора воопшто да возиш во сообраќај директно, туку вози каде што нема активен сообраќај за да ја научиш колата да ја совладаш и контролираш а после ќе се вклучиш во активен сообраќај.
Колку повеќе возиш толку повеќе ќе стекнуваш навика.

Кога треба да прикочиш, ќе стисниш на кочницата нежно, осетно но не до крај да е инцидентно. Кога треба да застанеш, прво прикочуваш, стискаш на кочница колку што е потребно и пред да заприш целосно ќе притиснеш на куплунг и кочница, двете за да застаниш а да не ти угасни, префрлаш во прва и продолжуваш пак.

 

Колку важи лекарско?

 

18 месеци.

 

Сигурна си?
Некои викаат 12 месеци. Кое е точно?

 

Пред година дена кога го вадев, толку беше.

 

Година ипол. Порано една година важеше.

 

Dali nekoj ima iskustva vo avto skola panda ? konkretno so instr Jadranka Ristik? ve molam pisete ako znaete nesto