Возачка дозвола (и сè е можно). Какви возачи сте вие?

Кога се вози со комисија нема угорници

 

Јас општо кажувам. Кога возиш и иначе не само за пред комисија.

 

што е следно после сите положени возачки испити? треба да одам во мвр да поддадам за сликање?

 

S

Ledno pravec MVR na slikanje za Vozacka dozvola no ke treba predhodno i da se slikas negde ke ti treba mala slika i za vozackata Kniska taa ti e onaa vo koja ti gi vpisuvaat negativnite bodovi dokolku napravis nekoj prekrsok i odis na opcija negativni bodovi namesto da platis kazna.

 

Ај некој што полагал скоро низ Аеродром да ми пише лп

 

Ajde

 

Се изначитав многу мислења,пофалби и жалби, но ми треба некој што ќе ме советува која Авто Школа да ја изберам(јас сум од Карпош 4) би сакала да ми е поблиску(заради губење време), дали ако ми дадат опција да изберам маж или жена? Или НАЈКОНКРЕТНО предложете ми Авто Школа и инструктор. Фала ви однапред

 

Не знам која да ја избереш, но знам која да НЕ ја избереш. Максигнал. Цела година ми требаше да се малтретирам и пак не научив да возам. Положив од 4 пат (на среќа) поради тоа што инструкторот си праеше муабет на телефон и си играше игри наместо да ми објаснува. Намерно не учи како што треба за да земаш дополнителни часови, каде што еден е 1000 денари. Од другите автошколи немам слушнато лош збор

Положив во декември и досега само два пати сум возела сама, поради тоа што не знам да паркирам(додека јас се мачев, инструкторот си пиеше кафе во кафаната на полигон што е).
На сите вас што сега почнувате, ви препорачувам добро да си ги избирате инструкторите. Ако уште на самиот почеток гледате дека не е како што треба одма да го смените и да не фрлате пари за ништо како на пример јас, а верувам и многу други тука.

 

Се согласувам со погорното мислење целосно ,Максигнал е најлошата автошкола во Скопје. Сите инструктори им се такви незаинтересирани, откажуваат часови во 5 за 12,апсолутно без никаква почит према времето на кандидатот,ништо не објаснуваат, во колите е полно хартии од заостаната храна и пијалоци.

 

^^^ Се надоврзувам на лошите коментари кон Максигнал, и баш ми дојде фино што прочитав ова зошто се потврдив дека не бил во мене проблемот.
Тотално некоректни, на оние основни часови пакет од 36 часа, не ми беа покажани рутите кои се возат за градска, ниту правилата на полигон и тие 36 часа ги искористивме за возење вон градска средина (најчесто инструктротот - газдата си бркаше приватни работи, одевме до ваму-таму, поправавме колата по сервиси), за на крај откако ги завршивме и нормално земав час плус, пријавив и паднав. Немав поима од ништо.
Сфатив во каква заебанција се впуштив, дека не знам ништо освен возење право и владеење на возилото, па по неколку месечната пауза земав 10-12 часа дополнителни (еден час тогаш беше 800 ден). Пола од часовите беа за полигон, а пола за градска, и среќа положив од втора, што на мојот инструктор не му падна баш мило и не ми пружи рака, само се разделивме.
Добив впечаток дека оваа автошкола е перална за пари, кои нечесно ги вадат на овој начин како мојот, се оди на картата дополнителни часови, се случуваше да одиме 2 кандидата на полигон во дополнителен час каде заеднички вежбавме паралелно и двајцата за тие 60 мин, а плативме по 800 ден.
Дополнителните часови се плаќаа на рака, без никаква сметка или потврда, и истите се возеа и време на викенд, а овие редовните ги влечевме во текот на работната недела.
Притоа, инструкторот беше крајно невоспитан со секакви коментари кон надворешната средина и минувачи, плукаше од прозор, имаше претерано повишен тон, а на сметка на ова не ми даде ни трошка храброст, кураж, техники на возење, љубов кон возењето....

Лошо искуство, никому не сум ги препорачала ниту пак напаѓала, сефте се отворив сега на темава...

 

Здраво девојчиња! Денес ми беше прв час на полигон. Беше добро не се жалам , но сеуште ме бунат повеќе операции одеднаш и држење правец Дали и на вас ви беше исто? Малку се обесхрабрив но мислам ќе се совлада...

 

Че се научиш со време. Извози 2-3 часа, после че ти биде како возење велосипед

 

Дефинитивно АМСМ. И јас сум од Карпош 4 и многу сум задоволна оф нив. Инструкторот Тони ми беше одличен, колата исто така ми се погоди (ново количе, мазда 2) одлично објаснува, секој можен детал, мотивира и после 36тиот час си тотално спремен за полагање и на полигон и на градска.

 

После добивање на возачка и активно возење од неколку месеци, најмногу од се ми смета кога некој ми коментира додека возам. И да сум направила мала грешка, свесна сум и сама и мислам дека не треба преувеличување. Сепак, најдобро ми е кога си возам сама. Се чуствувам сигурна во моите способности и реакции и ми смета кога некој знае дека си тазе возач, па користи момент да ти каже колку се разбира во автомобили. Така да, девојки и после положување очекувајте дека нема да биде лесно и да правите игнор додека си возите.

 

Колку се плаќа за уплаќање градска од 2 пат. И зошто некои ми рекоа и уплатница требало?

 

2160 ден е градска, а уплатницата е 200 ден.

 

Авто школа м22 во порта влае и инструктор Ивица нема да згрешиш

 

Јас пред неколку години полагав во авто-школа Мартин, се наоѓа во зградата одма до градска болница, оваа што е спроти Собрание. Имам само полна уста пофалби и за инструкторот со кого возев, и за сите останати инструктори во авто-школата. Тука се за тебе во секое време, ти обрнуваат внимание, знаат да ти објаснат се што треба, ти ги кажуваат и покажуваат ситниците кои изгледаат како да не се ништо посебно а се многу важни при активниот сообраќај, не брзаат и не те тераат ништо со сила, ти укажуваат на грешките, опуштени се, знаат времето поминато в кола да ти го направат и опуштено и забавно и едукативно, колите се во одлична состојба, те тераат да возиш не само по една права празна уличка туку баш низ цел град, од околните населби, преку населбите во центар, па се до Матка и горе на Водно, за да се научиш на повеќе видови патишта и сообраќај, те водат и низ улиците на кои се полага и ти ги покажуваат скриените знаци и понезгодните точки, на полигон ти ги покажуваат сите вежби... Бескрајно сум им благодарна, и топло ги препорачувам секому.

 

Здраво, дали некој сака да ми објасни ?

• Знакот стоп, триаголникот и оној коцката што е (бел со жолто) Доколку ги има на раскрсница како им е редоследот?
• Десно правило кога важи доколку ги има трите знака во првото прашање наведени ?
• Како да одам рикверц т.е. како се ориентирате? По што некој нашки д аобјасни ,,трик,, ?
• И на сликиве некое објаснување ако може?

* Доколку имате да надополните кажете.



На раскрсница 1 и 2 кои се сите можности за движење? Ако имате време да одвоите.


@Baby-bubu ? >)

 

ама чекајте нели автошколата се плаќаше на 6-7 рати? Зошто инструкторот ми рече одеднаш морам да ги исплатим сите останати рати за да добијам потврда за извозени часови... Исто така и на мој пријател од друга автошкола.. Демек некој "закон", така што ги бараат сите рати исплатени за да добиете потврда?