Возачка дозвола (и сè е можно). Какви возачи сте вие?

Мислам не постои човек кој повеќе од мене мрази пијани и неодговорни возачи.

Муабетот ми беше дека кога полагаш градска не зависи се од тебе. Тие што полагале знаат за што зборувам.

Многу повеќе зависи од другите учесници во сообраќајот. Полигон и тестови се на твоја одговорност, ама градска не е 100% во твои раце.
Верувај дека многу боли кога ќе те паднат заради друг. Ти возиш полека, смирено, со 10 отворени очи и одеднаш се појавува некој лудак кој те доведува во опасна ситуација...Нормално паѓаш, иако НЕ СИ КРИВ.

Тој другиот прави катастрофална грешка, ама ти си тој кој полагаш во моментот и паѓаш.

Да не правам муабет дека некогаш комисијата НАМЕРНО те паѓа.
Од сигурни извори знам дека се договараат колку души да пуштат денес, па ти ако сакаш како Шумахер вози. Ќе ти најдат рачки. Не само во Скопје туку по сите градови.

Со другарка ми (што ја спомнав) се имам милион пати возено и е бебзеден и добар возач. Си вози супер.
Комисијата и викале: Што да ти правиме кога другите учесници во сообраќајкот денес се понашаа како да се против тебе?
1000 пати истото...Не си ти крива, АМА (глуп изговор, во превод дај ми пари).

Секогаш сум била против мито и за среќа никогаш не сум морала да давам, посебно на полиција и комисија за полагање, само сакав да кажам дека многу луѓе се паднати заради туѓо невнимание или барање индиректно мито....Ги сфаќам. За Македонија се работи.

А на тие кои не знаат воланот да го држат, а имаат возачка...немам коментар...на нивна совест е тоа

 

Вистинскиот израз е дека комисијата ги "бутка" а не ги "паѓа"

Инаку со 17 годишно искуство јас сега да седнам со комисија, верувам дека ќе ме бутнат Трагикомично е бидејќи во Скопје за да возиш треба да се снаоѓаш. Како во џунгла да сме. Редовно возам релација преку Чаир, Бутел и Шуто Оризари и само ќе кажам- див запад! Таму отварајте очи пет банки! За жмигавец не слушнале, за улица со предимство исто така (знаци не се гледаат), пешаци одат сред улица и мува не ги лази!
Викате кога сте со авто школата од позади ви свират...епа и мене понекогаш ми свират ама ич не ми е гајле! Јас не се ставам во ризични ситуации.

Штом падне мрак од пијаните будали ми е највеќе страв. Ај што преку ден освен за себе пазам и за другите (оти другите не пазат за себе) ама навечер пијаните неможеш да ги предвидиш, крвта ми се смрзнува. Затоа сега тупам мозок дали да потрошам мало богатство на побезбедно седиште за децата, зашто многу што земале возачка не им е гајле за моите ниту за било чии деца

 

Не се согласувам со тебе, бидејќи секој кој ќе земе возачка дозвола треба да е способен соодветно да изреагира во таква опасна ситуација во која некој лудак е виновен. Додека полагаш тука е комисијата одма да изреагира и да те спаси, ама што кога ќе имаш дозвола и ќе бидеш сам во кола, тогаш ти треба да знаеш во истата секунда како да реагираш.

Почетокот за секого е тежок, треба вежбање и искуство во сообраќајот, ама затоа не може туку така да се добиваат возачки дозволи.

Според мене треба многу повеќе часови да се извозат, за да се стекне поголема способност за реагирање и во опасни ситуации. Па потоа да се полага и да се добие возачка дозвола.

 

Па не баш. Ако било така и во една реална ситуација, при која едниот е виновен причинител на незгодата,а другиот се нашол едноставно таму, би требало и двајцата да одговараат, првиот пошто е причинител а вториов well пошто не одреагирал односно одбегнал.

Брат ми го бутнаа пошто на пешачки на црвено пропуштил пешаци. Возам вика најнормално, одеднаш на пешачкиот излетуваат двајца, закочил моментално и одма добил остар поглед од комисијата во авто.
Како смеел да ги пропушти на црвено, го закочил целиот сообраќај. Брат ми му рекол па што да правам да ги згазам ли ? Одговорот, па и да ги поткачиш они се виновни на црвено минуваат.
И падна.

 

И да не ги пропуштел пак ќе го бутнеле.
Тоа е кога комисијата намерно те бутка.
Инаку јас без разлика на сè исто би реагирала како брат ти, би закочила и би ги пропуштила. Подобро да паднам, отколку грижа на совест да имам, ако ги удрам. Иако тие се виновни што на црвено поминувале.

 

Возиш?

Не можеш од возач почетник да очекуваш да има рефлекси и способност да реагира во ситуации за кои не е тој причинител како што би изреагирал некој кој вози 3+ или 10+ години.
На почеток реално, со 36 часа никој не знае да вози 100% совршено. Само знае да чита знаци, и да почитува сигнализација, и основно снаоѓање низ улица.
Возењето како и секоја друга вештина се развива и усовршува со тек на време, и постојано вежбање.
Јас лично самата си забележував на почетокот кога почнав да возам сама низ град каде грешам, каде се поправам, и буквално можев да приметам дека со секое следно возење се подобрувам.

Да беа РЕАЛНИ комисиите, и немаше да ми е криво што буткаат. Кај нас не е така.

Мене на првото полагање на градска, кога завршив и инструкторот ги праша од комисија што сум згрешила само му рекоа „Абе добра е она, ама ај уште малце нека повежба“. Немаше конкретна причина поради која ме бутнаа.

 

Istiot komentar I jas go dobiv, tretiot pat koga padnav... prvite dva pati si napraviv greska, padnav posteno.. za tretiot pat zemav povekje dopolnitelni, vozev odlicno, no me butnaa so toj komentar.. podnesov prigovor, sega cekam ishod.
Poentata e deka ne e sekogas do nas I daleku e od realna komisijata za da moze strogo da kazeme deka ne e za vozacka onoj sto padnal povekje pati.

 

Прво не може почетник и човек со 20 годишно искуство исто да се снајдат во опасни ситуации иако двајцата имаат возачка.

Второ, има милиони примери дека луѓе не се поминати заради туѓо невнимание.
На пример, волосипедисти не смеат да поминуваат на пешачки додека возат, а ако поминат не треба да ги пуштиш (ти си во предност) . И сега замисли полагаш, ти се појавува велосипед на пешачки и нормално ќе закочиш да не го удриш, така? И погоди што?
Нема да положиш. Такво е правилото.
Не е битно што си можела да го удриш човекот, битно си требала прва да одиш па макар и да го качиш на хауба.
(како што пишаа и погоре).


Плус сообраќајки на секој чекор се случуваат. Мислиш сите се неспособни да реагираат?
Не, туку не можеш да ги контролираш некои ситуации па колку и да имаш искуство, а не па кога си почетник.

И за крај комисијата ако се расположени арно, ако не, џабе е. Тие се главните.

П. С. Ме бутнаа е по дијалект, а не правилен израз. Бутна не е на македонски. Во секој град различно викаат.

 

Да си бидеме реални,има бааги фраерчиња што се во некој филм.Возат 100 по центар,не даваат жмигавци,не те пуштаат на пешачки.Кога врне и возат 80 оти ние живееме во штала.
Да си бидеме реални,сега секој втор зема возачка и се праве еве што сам.
Има и исклучоци,ама што гледам помладиве генерации ги мава некој филм.

 

Што е најтрагично, како и да изреагираш секако ќе те бутнат. Никогаш нема да си ти во право во случајов.

Тоа не е заради комисиите и полагање преку врски/паѓање градска.
Закони постојат, не се спроведуваат. Полиција уво не и чуе. Само строги казни, и да нема „мајка ми е оваа, татко ми е оној“.

У Скопје да возиш низ град треба да возиш како фурија иначе ќе те направат од гомно подоле, и ако треба некаде да стигнеш за 20 мин, ти ќе стигнеш за 40 затоа што секако има некој што се бутка пред тебе, ти сече пат, лета, свири. Уште на 2 тркала да почнат колите да ги возат.
Треба да бидеш дрзок до немајкаде за да се снајдеш.

Да не зборам па шпицот кога е, околу 4 саат по Партизанска, Рекорд, Влада, Стоковна куќа мост итн, итн...

Ако сака да види некој како се вози во Скопје, нека појде од Аеродром накај Маџари во 8 сабајле преку мостот Близнаци. Да видите како се вози преку остров за пешаци, како се прави од една лента 3, како се прави јазол од кој што тие што им е зелено не може да поминат бидејќи претходните поминале на црвено и застанале на сред пат.
Се залепиле позади тебе со кола, ако треба да закочиш да се молиш дека и тој ќе изреагира и ќе закочи иначе ти пољуби дупе. Мислам дека може да види вошки дали имам од што ми се лепи позади мене.

 

За една недела полагам полигон и мноооогу ми е страв ... дали даваат втора шанса на некои вежби ?
И колку време од прилика трае полагањето ?

 

И јас полагам за една недела, на 13. Вчера бев со колава домашна, ама на 3та вежба некако не ми излегува баш најдобро, додуша е поголема од авто школава. Тие шо знаат, нека кажат дали дават по 1-2 шанси. Критични ми се 3 и 4 вежба особено 4.

 

Ако ти е се океј со претходните вежби на 4 може да ти дадат и 2 шанса.

 

Роза ја имам видено на полигон со една кандидатка не знам што е моментално.
Јас сум со некој си Баже. Ми ги објасни вежбите на полигонот убаво каде да гледам и каде да застанам, ама пак сум збунета, имам трема и некаде мора да погрешам.

Мора да ги вежбам дополнително. Дали и ти со твоја кола беше да ги вежбаш тие вежбите?
Јас од 4 ден веќе на пат сум, завршив со вежбите на полигон, после пред крај на часовите ми кажа дека некој ден пак полигон ќе има дали се исти вежбите од првите часови или нешто друго?

Какви прашања имаше за прва помош, на сите кандидати се исти?

За градска не ми е проблем, знам дека и 100 пати да полагаш пак ќе направиш грешка, така да ќе гледам со врски да поминам и со помалку стресови. Понатаму со возење ќе стекнеме искуство.

 

Брат ми возеше со Баже, за него не можам да дадам мислење, го знам од видување. И јас почнав после 4-5 час низ град, искрено преплашена бев. Па и Штип како што е целиот угорнини, под рачна да тргнеш, мислам без нерви останав.
Не грижи се, и после возење низ град, се оди на полигон, да се повторат вежбите. А можеш и да си кажеш, не чекај на него. Малку ли пари им оставаме, па имаш право да си кажеш што ти е проблем.
Со моја кола не вежбав полигон и не ти препорачувам со друга освен таа што возеш. Различни педала, различна кола, посебно за паралелно паркирање. Ќе научиш каде да гледаш и застанеш со таа, со друга не е исто. И некоја подолга, некоја пократка, може само да утнеш.
Исти се вежбите, тоа што ти е покажано, нема други.

 

Не се плаши само опуштено и смирено, лесни се ептен. На 4тата вежба даваат да полагаш 3 пати, ако не дај боже првиот пат ја згрешиш.

 

проблемот кај мене е што 2-3-4 вежба ги правам океј али прватаааа коа треба у рикверц да враќам ми е катастрофА
а има проблем на пример у сред вежба ако ти изгасне колата ?

 

Јас кога полагав возев реон Аеродром. Првиот пат ме бутнаа (нормално) а и не очекував да поминам зошто беше моја вина и преголем стрес. Вториот пат возам на раскрсницата кај школото Блаже и како за среќа немаше коли. И таман јас решена да тргнам, тргнувам и ми се убацува една кола со 200 (среќа што не бев понапред) и закочив. И глупата комисија ми вика: зошто не продолжи? Кога си тргнала оди. И ко што ме дал господ со кратки нерви, му се вртам и му викам: планирам уште долги години да живееам, убав ми е животот. И се налутија и ми кажаа да се вратам. Така да мито и корупција е се.

 

Може да ти се деси. Мене на тргање ми изгаси од трема ама ти кратат поени нешто минимално, ама си продолжуваш со вежбите. Ако возиш на бензин/плин, пополека отпуштај кумплуг ама не целосно.

 

А за прва помош прашањата дали се сеќаваш какви беа? На сите кандидати се исти?