Вонземјани

Верувам дека има на форумов заинтересирани за темава затоа ќе ги споделам со вас Ancient Aliens, не сум го изгледала ни јас цел материјал на самиот старт сум, додека снимени се дури епизодите од 3-та сезона. Не сугерирам никому ништо, сметам дека е интересен материјал за љубителите на темава, заклучоците и импресиите ги оставам секој да си ги извлекува сам за себе. Ако се јави интерес, убаво ќе е и да дискутираме на темава, .

Еве ја првата епизода од 1-та сезона, на ЈуТјуб ги има и останатите -

http://www.youtube.com/watch?v=vgJ7-R4Zpbk

 

Го погледнав видеото и стасав до средината некаде, не догледав целосно затоа што никаква логика нема во тоа што тие го презентираат.Имено, произвлекле некаков заклучок од тие цртежи во Египет, па и пирамидите дека се е резултат на вонземјанска изработка патем, ова го имав гледано и порано, исто не го догледав поради истата причина.Освен Египет,па сега и за Перу си муабетат не може од тоа што некогаш некој нацртал и изработил скулптура, сега да се каже дека има врска со вонземјани, исто како јас сега нешто да направам и после неколку години некој да си помисли дека сум видела некаде вонземјани или пак ми биле модел за изработка на истото а и ја спомнуваат библијата,ооо сега и таму ќе ги најдат па и за ангели зборат, а зошто мислат или очекуваат дека некој некогаш ги видел? Па сега и за тоа да даваат некаква си теорија за постоење на вонземјани.Како прво, неможам да тврдам дека нешто што е одамна изработено, за истото да говорам дека е дело на вонземјанин, како второ библијата ја напишал човек и е премногу филозофска книга за истата да се разбере, а како трето не сум живеела во нивно време за да знам, како четврто сето тоа како што кажав на почеток нема никаква логика и не им држи вода.Ова не е дека јас не верувам во постоењето на истите, туку дека не би требало да си донесуваат некакви заклучоци само затоа што така им текнало, кога нешто презентираат, се уверени дека ги имало/има, треба и да имаат цврсти докази за тоа, инаку порпала инвестиција е.

 

Гордана, јас изгледав 6 епизоди од првата сезона. Цел серијал е доста интересен од научен и религиски аспект, има доста нешта кои ги научив и надвор од темата за вонземјаните и уште толку за кои и натаму ќе истражувам поттикната од нешта видени токму тука. Инаку во проектов се вклучени и научници од НАСА, голем дел експерти од различни области - физика, астрономија, архитектура, микробиологија, новинари, истражувачи итн, не е дело на лаици и шарлатани за да би се исмеало така лесно. Инаку во првиот дел не тврдат дека вонземјаните ги изградиле, туку луѓето биле под нивни инструкции и денешните експерти признаваат дека и со денешната технологија не само што не се во состојба да ги надминат туку ни да реплицираат некои од градбите. Масовните повеќетонски гранитни карпи користени при градбата се голема енигма како биле подигнати на таа висина бидејќи за само една 20 тонска во денешни услови се потребни 21 тешка дигалка. Плус прават реални макети според моделите од пред илјадници години и сите се докажаа како успешни - египетскиот и чилеанскиот модел беа аеродинамични и нивните макети изведоа успешен лет. Ни јас ни ти ни секој рандом човек е способен да направи совршен аеродинамичен модел, ни па градба која ќе трае со илјадници години и плус е во совршена корелација со појасот на Орион нешто што го има во следните епизоди. Никого не убедувам во верување во целосна издржаност на теоријата, ама далеку од тоа дека материјалот и луѓето се за исмевање, многу нешта низ серијалов и тоа како поттикнуваат на размислување во доста насоки.

 

Не го изгледав конкретно ова видео целосно, но сум фатила делови од епизодички од документарецот. И не е само ова за антиката, има и некои други хипотези за уделот на вонземјаните во напредокот на човечкиот род во сите историски периоди.

Омаловажување на човековиот интелект и капацитет во целост. Да, претпоставувам дека ние сме биле неспособни да ги откриеме и искористиме природните ресурси, па вонземјаните тоа го направиле за нас.
Ех, бре, научници и експерти... Тоа што да речеме само, еве, јас, не сум способна да воведам некоја иновација т.е да дојдам до некој пронајдок на полето на физиката или медицината кој ќе биде од широка општествена корист не значи дека и, на пример Никола Тесла или Луј Пастер не биле способни за истото.
Порано беа божества, сега се вонземјани
Мене воопшто не ми е чудна комплексноста на градбата на пирамидите, луѓето во минатото не биле ниту глупави, ниту неспособни, баш напротив (како што денес постојат исклучителни интелектуалци, постоеле и тогаш), сето она што го имаме ние денес им го должиме на претходните генерации на ЛУЃЕ, не на мали зелени .
А она за древни списи во кои биле дадени детални описи за оружја, летала и сл. ајде да речеме дека се веродостојни (а сум наишла на документи во кои Аристотел зборува за нешто што го користеле нивните предци и потенцира дека во неговото време луѓето не знаат како да се изработи тоа, а описот одговара на она што ние денес го знаеме како електрична батерија, добро, еве нека е веродостојно колку-толку), но, зошто тоа мора да има некаква врска со вонземјани? Нели постојат и теории за цивилизации кои опстојувале пред нашата, како на пример Атлантида, Лемурија, цивилизација Му (или Ма како што е позната во некои научни кругови) и за кои се верува дека еден од факторите за нивното уништување била технолошката напреднатост... Не велам дека тоа е точно, онака... Теории... Само, зошто по ѓаволите покрај сите останати пологични теории толку се верува баш во вонземјани?
Не верувам. Не ги исмејувам теорииве, интересни се, логично и тие мораат да се занимаваат со нешто, колку да речат дека работат , ама не верувам.

 

Таман работа за убедување муабет си правиме Не негирам дека се вклучени научници, знам дека тоа не е дело на шарлатани или лаици, но кога веќе се тоа, би требало малку поприземјено да размислуваат. Знам дека не велат дека вонземјаните ги изградиле,така ми дојде зборот.Исто така не ја негирам целата мистерија околу тоа, но зошто тоа не би го изградиле луѓе, кои можеби биле далеку посвесни од нас, еве пример, не ми текнува на името на египетскиот владетел кој имал женски облик на телото, главата, односно обликот на черепот бил сосема поразличен од обликот на денешниот изглед на човечкиот череп, во сооднос на ова, дали би требало да речам дека истиот тој бил вонземјанин? Дали и фактот дека тогаш животниот тек бил подолг во однос на денешниот, би требало да е поврзано со вонземјани? Смешно е прашањево, но уште посмешно ќе биде за истото да дадам некаков си неадекватен заклучок, секако го дадов како пример, што нема никаква логика, а е исто и што тие говорат.Не се ослонувам на стандардната верзија за изградба на тие градби, но зошто да не би можеле? Зошто за се нешто за кое немаат објаснување, за истото се препишува на вонземјани? Можеби има конциденција во поставувањето на пирамидите во однос на Орион, па и тврдењето дека душата на владетелот погребан во пирамидата како Феникс се издигнувала токму протнувајки се низ тие две точки, поточно два отвора од внатрешноста на пирамидата, а се насочени кон Орион,па сега човек кога ќе умре, душата некаде оди, што незначи дека се протнува низ тие два отвора, но ете така им било верувањето тогаш, кога би се гледало од религиски аспект.Направени се тие нешта како научна фантастика, во кои нема баш реалност.

 

Антила, низ цел документарец не би рекла дека се врши омаловажување на човекот, баш напротив. Плус има доста интересни научни истражувања неповрзани со теоријата на вонземјаните. Не ја земам јас целосно како репер, но не ја ни отфрлам во целост и од сите аспекти. Доста нешта што тука ги среќавам ќе ме водат кон барање и трагање по одговори на многу други места, бидејќи јас трагам по нови и нови извори и ни влечам лесно заклучок, но нити дозволувам предрасудите околу некој став да ме одбијат од старт кон наоѓање подрачја на интерес макар и од најнеобичен карактер.

Гордана, го има одговорот и за начинот на кој е обликуван черепот и како и зошто, но ти настапуваш од старт со целосно отфрлање на било што изнесено, така да веројатно џабе ќе ми е трудот да ти објаснувам и околу тоа и околу тоа дека пирамиди од сите континенти се насочени кон истата констелација на Орион, пред илјадници години кога немало никакви меѓуконтинентални контакти остава простор за изненадување како е возможна ваква ,,коинциденција,,?!

 

Би сакала да го знам одговорот на тоа зошто така е обликувано телото и черепот, веројатно некаква деформација на истото.Не би ти бил за џабе, напротив сакам да слушнам, секако доколку сакаш да одговориш, ме интересира, иако ни се различни размислувањата околу оваа тема.Така настапувам затоа што ми е веќе познато, инаку воопшто не би разговарала за нешто за кое немам никакво познавање.Зошто пак да не би била возможна коинциденција? Иако на ова се надоврзуваат и други теми, сепак не би требало да се негира нешто што можеби било далеку посвесно од човекот денес, кога би правела разлика.

 

Теодора, ова, значи целата оваа теорија мене ми личи баш на тоа, омаловажување на способностите и моќта на човекот, тој став веќе го формирав, не толку лесно, и со секој нов т.н "аргумент" кој ќе го извадат и за кој никако не судам пред време и не го отфрлам уште од почетокот, туку детално го анализирам, само уште повеќе сум убедена во нејзината невистинитост и непоткрепеност . Хипотези и само хипотези, никаде цврсти факти, аргументи... Тоа што на некој древен мозаик се опишани суштества со крила за мене не е никаков индикатор за постоењето на вонземјани кои го потпомагале нашиот развој, значи во еден момент човекот вика "според мене сите тие митови се базирани врз нешто реално", или така некако рече, не држи ме за збор, не можам да го барам тој момент сега. Со самото тоа ја потценува моќта на човековата фантазија и на човековото творештво, чиј придонес, некогаш, не толку одамна колку што се сеќавам јас, беше неоспорен за формирањето на културата низ милениумите.
И пак ќе речам, дури и да се базираат ДЕЛ од легендите врз нешто реално, дури и пред нашето време да постоеле современо наоружување, генетски инжинеринг и т.н, не гледам зошто тука би биле вмешани вонземјани, не го сметам човекот за толку неспособен па да не може самиот да создава и да твори.
Одговорите се веќе тука, во науката, првенствено во историјата, биологијата и сите нејзини гранки. И поткрепени се, со аргументи. Само на луѓето отсекогаш им биле потребни мистерии и мистика, и јас тоа го разбирам, но сепак, ова масовно прифаќање здраво за готово на се што ќе се слушне на Дискавери или на јутјуб мене ми е малку... Со секој изминат ден јас наидувам на се повеќе луѓе кои веруваат во вонземјани, а и самите не знаат да објаснат зошто. Но, добро, не е тоа мој проблем, не убедувам никого, не го пропагирам мојот начин на размислување, значи не велам дека нема ни трошка вистина во она што го тврдат на документарецов во врска со останати нешта, ама докази за ВОНЗЕМЈАНИ, за кои и дискутираме на темава, не гледам, и за мене најважно е човек да има оформен и поткрепен став, сето она што ќе излезе понатаму, а се базира врз кривиот череп на стаоегипетскиот фараон на чие име и јас не можам да се сетам, мене ми е нишанење во празно.
Не верувам во вонземјанска поврзаност со нашава планета. Мислам дека тука бев јасна и се искажав на темава.

 

Така реагирав бидејќи јас не ти настапив баш вака - со толку исмевање и употреба на кога ти се изјасни дека веруваш во теоријата за светски заговор, иако токму таа теорија е изнесувана најмногу од шарлатани и најмалку поткрепена со факти. Нејсе.

Околу формата на черепот конкретно имитирана е форма која се верувало дека е одраз на некоја супериорна раса, со помош на врзувања и стегање на черепот кај луѓе поточно уште од малечки и е настаната таа деформација која асоцира на издолжен череп, нешто слично како деформацијата на стапала кај жените од крајниот исток.

Без разлика дали е измеѓу вонземјанска или некоја виша човечка древна цивилизација низ документарецот се споменуваат Сумерите - според мене најинтересната древна цивилизација, кристалните черепи, древни списи за изработка на софистицирани технолошки оружја и направи, како научниците трагаат по планети со сличен состав како нашата, дали и колку биле успешни во таа потрага, какви пораки има оставено човештвото на медиум за евентуалните битија од вселената ако дојдат до истото и уште многу, многу друго. Има и фактографски податоци не е се‘ само пукање во магла. Историјата е полна со контроверза секогаш, меѓутоа критичкиот ум бара факти. Еве пр. ако поробувачот убил 33 видни луѓе и ја запалил катедралата во градот Х во да речеме 15 век - ова се факти. Ако тој во списите изјавил дека големците ги заробил и егзекутирал со војска од 50 луѓе, а имал 150 и дека непријателот ја уништил т.е. запалил катедралата тоа е извртување од страна на победникот. Но, она што не се побива е 33 смртни случаи и катедрала спалена до пепел. Јас користам многу извори најмалку 3-4 пред да извлечам заклучок, за било која појава или настан минат или тековен и се трудам да ги барам фактите, да ги рафинирам низ призмата на наголемените или девалвирани измислици. Ги барам непроменливите објективни факти во субјективната историска интерпретација и во тековни истражувања ма колку и да звучат неверојатно на прв поглед.

Антила, јас во ниеден момент не реков дека стојам 100% зад оваа теорија, меѓутоа дел од сознанијата стекнати тука ќе ги употребам за натамошно испитување, секако не на ЈуТјуб и на Дискавери. И јас не ја користам толку Википедија колку Енциклопедија Британика за пософистицирани истражувања. И повторно ќе барам неколкукратно повторување т.е. неколку извори за проучување.

 

Се извинувам ако нешто те навредив, мојот став беше токму кон тие што го презентираат тоа, значи кон нешто што е поставено низ интернетов, па преминуваат и на тв, а не го оспорувам тоа дека се научници.За светскиот заговор, дали јас верувам дека постои или не, нема врска со темава.Се согласувам со тоа што велиш за деформацијата, но, каква пак би била поврзаноста со вонземјани, иако јас го дадов само како пример, а и тоа би го поврзале или протумачиле така, значи ако одам подалеку од она што тие го зборуваат.Еве имаат се за кое тие би барале во тоа некакво си објаснување, еве за цртежите или пак пирамидите во Мексико, а сега се сетив пак дали е веројатно и градот на Инките, Маите би го поврзале со вонземјани? Се согласувам дека доста интересна е сумерската цивилизација, впрочем секоја, сумери, вавилонци итн., па табличките на кои тие пишувале, знам дека кристален череп бил пронајден токму во Јужна Америка.Според мене, старите цивилизации биле далеку посовршени од нас, особено во фамозната изработка на дела за кои еве и претпоставуваат дека скулптурите од Маите, Инките биле поврзани со вонземјани, секако според изработката и тоа што е претставено, зошто упорно го поврзуваат тоа со вонземјани? Врз основа на што? Има ли некаков доказ за постоењето на истите? Како пример, еве да претпоставиме дека некој после неколку години, за сегашниве облакодери, да тврди дека се изработени од вонземјани, а не се.Милион работи кои не баш укажуваат на постоење на вонземјани,исто како сега да прашам некој археолог за ова, за кое сигурно ќе ми негира.

 

Гордана, не се навредувам јас така лесно, само ти напоменав дека мене ми личеше на исмевање твојот став и ти обрнав внимание дека јас во слична ситуација кога имав реално поголеми шанси да одреагирам така, не го направив истото. Толку околу тоа.

Твоиве прашања пак се вртат околу тоа како јас да ја поддржувам во целост теоријава. Фактот што ти ги споменав черепите кои ги има вкупно 13, ама само на 7 им се знае точната локација моментално инаку се распространети ширум светот, како и пирамидите на различни континенти кои упатуваат на исти констелации со неверојатна прецизност, високо ниво на измерена радијација во многу градови стари илјадници години, огромно познавање на вселенските тела, карти на светот изработени со голема прецизност, сето тоа говори за суперинтелигентна раса која постои паралалено уште од времето на хомо еректусот дали била човечка или не - не знам, ама знам дека имала моќ, способност и технологија да изработи летала и софистицирани оружја и направи и да го има светот на дланка практично т.е. поседувале глобални информации.

 

Ја би да изнесам едно мое мислење околу темава да кажеме односно дискусијата која се одвива ,

Сепак ние односно планетата наша се наоѓа во универзумот. Не сме ние надвор од универзум и така да стекнуваме мислења дека немаме врска никаква со тој универзум . Факт е дека и те каква врска има и универзумот и сите можни појави (природни ) се дел од таа некоја енергија слеана од универзумот .

Ја искрено верувам дека не сме единствени во тој голем простор . Верувам дека има нешто, некаде, дали слично, дали исто ко во наш случај не би знаела да речам.

Друго факт е дека тие цивилизации биле доста по интелигентни за разлика од овие на пример, односно од ерата во која што живееме.

( Овде ке се извинам за офф топикот, ама би сакала да се доизјаснам за да не би дошло до забуна...
- Не велам дека ерата наша е глупа или нз што, али ова е време на технологија , на компјутерски инжинеринг . Во тоа време на тие прастари цивилизации немале ваква технологија па знаеле да дадат факти кои денес со мали отстапки се поразлични ... Пирамидите и не се некоја лесна појава, и не се нешто случајно направени, и не случајно се ставени туку така... Сепак муабетот за ова ми беше дека повеќе кликерот си го користеле одколку ние денес пц-то .. Да не забегам од темава се враќам назад)

Искрено некако не ми се верува во посета на мали зелени човечиња, кои ни ја посетиле земјата и му диктирала на тогашниот народ што да прави... Ама од една страна ко што тие цивилизации создавале теории околу соѕзвездијата и слично многу ми е поверојатно и да создавале уште тогаш теории за некои светови, за некои други цивилизации надвор од нашата планета .

Според мене овие цивилизации знаеле многу повеќе за самиот космос одколку што ние сега знаеме. Па и не ми е чудно да пронашле некакви знаци на некаков свет , па и од таму да ја црпеле таа теорија околу вонземјани и слично.

Сега искрено во се што ке чујам и прочитам дека луѓено виделе вонземјани се ми е некако поврзано со привлекување внимание, “слава“ и слично . Ама останувам на тоа дека верувам и те како дека не сме единствени и дека има други животи низ овој универзум кај и што се наоѓаме .

 

Да допрецизирам околу сопствените интереси за идно натамошно проучување неколку интересни моменти -

1. Уште во праисторискиот период се откриени различни степени на развој на нашите далечни претци кои живееле на различни територии во ист временски период и тоа енормни разлики во типот на вилицата на черепот и проектираната големина на мозок според истиот, што остава простор за големи разлики и на било кое поле, меѓутоа на одредени полиња и не се можни па и до толку големи.

2. Јас повеќе верувам дека е можно она што научниците го сметаат за вонземјани да се луѓе од иднината кои дошле во минатото технолошки и на др. начини да го изменуваат текот, околу мотивацијата има милион претпоставки секако. Науката денес веќе го докажа постоењето на wormholes што значи потврдено е постоењето портали за време/простор континуумот. Ова е она што мене ми изгледа како поверојатното сценарио.

3. Сепак не го исклучувам постоењето на вонземјани низ овој огромен Универзум. Не тврдам дека тие се инволвирани во нашето минато и сегашност, нити дека сите форми на живот се високоинтелигентни. Сепак фактот дека Папата во 2008 год. излезе со изјавата дека постоењето на живот надвор од Земјата не се коси со верата во Бога остава простор за сомнеж. Зошто после повеќе од 2000 год. од нигде никаде католичката црква би дала ваква изјава, кога за ова било кој верник и црковен достоинственик би бил анатемисан со векови претходно?! Да не го исклучиме фактот дека библиотеката на Ватикан е меѓу најголемите научни богатства во светот бидејќи има списи и дела од оригинален карактер недостапни за јавноста и научната елита. Ама, не е само тоа. Ватикан има и доста технолошки и научни иновации имплементирано, дури го поседуваат и еден од моментално најсофистицираните телескопи на нашата планета.

 

Ај те молам оваа пообјасни го, малку подетално ако сакаш ??

 

Wormholes е вид на тунел со два краја во различни точки на простор/времето, симболично од точката А се стигнува брзо во точката Б иако тие се 2 различни места во универзумот или пак 2 различни универзуми. Значи тоа е практично шорткат низ простор/времето. Зборувам за патување низ времето и низ просторот. Зборувам за луѓе од иднината кои дошле можеби во антиката на овој начин и им дале дел од технологиите на старите цивилизации, иако со тоа веројатно го измениле текот на светот. Денешните научници се борат за стабилизација за wormholes за таа цел е и изработен оној огромен акцелератор кој го имаше на вести постојано пред едно 4 год. - LHC судрувачот на честици за кој се плашеа дека може да предизвика црна дупка која ќе ја проголта планетата имаше и самоубиства на луѓе тогаш . Се смета дека ваков акцелератор е потребен за да се активира порталот за патување низ просторот и времето. Иако Швајцарскиот судрувач на честици беше конструиран и др. намени да се разбереме, не сугерирам дека ова е единствената причина за негово создавање. Замисли иднина во која човекот постигнал стабилизација на овие портали и има шанса да патува низ времето во било која насока и напред, но и назад. Дали е целосно исклучена можноста ако луѓето од иднината патувајќи во иднина што и за нив е иднина откриле некоја информација за катаклизма на нашата планета и поради тоа решат да се вмешаат т.е. вратат назад и да го менат целиот тек на настаните? Не е, како што има милиони сценарија поради кои има веројатност да го менуваат минатото или креираат иднината оние кои го совладале патувањето низ просторот и времето.

 

Јас верувам,неможе само ние да бидеме на универзумот!!
Има видено многу документарци за вонземјани НЛО слики,исто имам и читано за таа случката кога падна НЛО во Невада(САД) во 1940 и некоја....

 

Верувам дека постојат.

 

Јас си верувам дека има вонземјани.. И сакам да видам бар еден.. хехе.. Може и ние да сме за некого вонмарсовци, вонјупитерци и што уште не

 

Да дефинитивно верувам..не се измислени..Се сложувам со Теодора има голема веројатност тоа да се луѓе од иднината,затоа од секогаш сум се запрашувала зашто се толку слични со луѓето,зашто би морало и тие да имаат уста,очи нозе раце..многу слични на луѓето само измутирани..и дефинитивно поинтелегентни затоа што сепак они не нашле први нас..

 

Потенцијалот на човечкиот мозок е толку не откриен и не искористен. Мое мислење е дека предците наши биле далеку посовршени и имале повисок степен на интелегенција за разлика од нас, а тоа се должи бидејќи иститте размислувале како да си го подобрат и олеснат животот. Од друга стара пак денес во ова модерно живеење на компјутери, коли, лифтови, разни машини...навистина имаме предност животот да ни е далеку поолеснат од на нашите предци, но глваната негативност на целиот тој напредок е што мозокот на човекот почнува да закржлавува, се помалку се користи мозокот, а се повеќе човекот станува зависен од технологијата и наместо да го користи својот потенцијал на интелегенција, ние стануваме робови на машините. Да си појдеме од самите себе колку сме зависни од компјутерот, се потпираме на тоа парче технологија наместо да го користиме потенцијалот на мозокот. За тоа мое мислење е дека предците биле на повисок степен на интелегенција од нас, зошто го користеле многу повеќе мозокот отколку ние денес. И затоа не верувам на пример дека дека пирамидите ги направиле вонземјани. Зошто човекот мора во се да пронаоѓа сомнежи, дури и во самиот себе и да измислува холивудски приказни наместо гордо да си признае дека лично тој-човекот направил такво импозантно дело.