Вонтелесно оплодување

Во право си, јас на ова не помислив, бидејќи е млада, но да, според нивниот правилник за АМХ под 1, мора да оди со донирани јк, добро што ти текна.
@Hannah$$$ нека не пишува докторот слаба резерва, туку намалена според возраста, заклучено од број на антрални фоликули и нека пише дека се вкупно 5 или 6 и затоа се препорачува ивф, а инсеминациите не се препорачуваат, за да не се губи време или намален изглед за успех...објасни му што е проблем, ќе смисли он како да пише.
Ако ФСХ ти е под 12,5 и естрадиол Е2 под 60, антрални фоликули на ехо над 5, нема причина да не ти одобрат.
http://www.fzo.org.mk/WBStorage/Files/Star i nov pravilnik za BPO.pdf
Утврдени состојби кои предизвикуваат неплодност и кај кои лекувањето е неуспешно и со други методи е безизгледно, осигуреното лице не може да се лекува со БПО, согласно медицина базирана на докази
1. При непостоечка или ограничена резерва на јајниците со вредности на FSH повисоки од 12,5 mlIU/ml и вредности на Естрадиол повисоки од 60 pg/ml на третиот ден од циклусот. Во тој случај се прават дополнителни анализи при што осигуреното лице не може да се лекува со БПО во случај на: -Ниво на Anti – Mullerian хормон во серум пониски од 1 ng/ml (освен со донорски ооцити), -Број на антрални фолкикули на ултразвучен преглед помал од 5 (освен со донорски ооцити)

Не можам да најдам дополна на правилникот, а знам дека имаше, со кое дополнување на сите жени им се одобрува прв обид со сопствени ооцити, без разлика на вредностите на сите хормони и антрални фоликули. Меѓутоа ќе биде само еден обид, а тоа пак не исклучува дека ќе ти бараат 4 инсеминации.
Искрено, јас би се јавила прво во Фонд, на броевите од докторите, би ја објаснила цела ситуација и би видела што ќе ме советуваат они. Ионака после пак можеш да си поднесеш документи како мислиш ти, нема да знаат дека баш ти си се јавила предходно на телефон и каква е фактичката состојба.
Во секој случај, немој да очајуваш и да имаш некаков проблем со Фондот. Во Плодност ин витро на природен циклус е околу 1000 еур, а во скопските клиники и поевтино, ако одиш без стимулација можеш да поминеш и со околу 600, 700 еур, што верувај е многу подносливо наспрема цените на целосно стимулирани циклуси , со голема стимулација.
Какви ти се другите вредности, колку е FSH, Е2 и број на антрални фоликули?

 

Немам направено никакви анализи и испитувања закажав кај Таше бидејќи немав добиено повеќе од 90 дена. Знаев дека имам некој проблем. Таше се изнервира и ја удри папката од биро и ми рече не е можно никој ова да го нема видено. Почнувам од нула. Сум одела редовно на контроли и испитувања и секогаш хормоните ми беа во најдобар ред. 3-4 години по ред имам нередовни циклуси и секогаш ми даваа прималут нор да го пијам некои си 6-7 дена и тоа е тоа. Уредни пап тестови и микробиологија све дури ни кандида сум немала. Сите ми ја гледаа тежината како проблем и ми викаа ослаби и ќе немаш проблем. Висока сум 1.50 имам 80тина кила. Секогаш сум била крупна и порано ми идеше дури 3 пати во месецот. на 25/26 години заглавив по нашиве болници имав плеурит и перикардит и примав 4 месеца терапија со кортико по минимум 3 пати на ден. Од тогаш циклусот ми е хаос имав и со тироидата проблем меѓутоа и тоа се среди. Ми рекоа со години ќе се чистиш од кортико ми го уништија и црниот дроб од јаки лекарства. Од кортико качив преку 25 кг. Пред 2 недели испитав само тироида и Т3 и Т4 и тие се во граници на нормала. Хормонален статус ќе направам на 3 ден кога ќе ми препишат терапија. Во вторник одам и кај доктор Лазаревски за второ мислење. Последно испитување на FSH ми е 6,7 пред година дена.

 

Од ова што го пиша,обавезно второ мислење и обавезно хормонален статус

Ако фсх ти е и сега така, ти немаш проблем со залиха на ј.к. добра си. Антимилеровиот зашто ти излегол така, не знам.
Три параметри се потребни за утврдување залиха:
Хормони на трет ден и вредност на фсх
Ехо преглед за антрални ј.к. и еден водечки.
Антимилеров.
Обавезно второ мислење да побараш и да ги направиш овие прегледи

 

Обавезно второ мислење, правилно размислуваш.
Штом не пиеш веќе кортико, претпоставувам дека здравјето ти е подобро, но сепак може е добро да се посоветуваш и со пулмолог за ризици од евентуална бременост. Извини, не сум запознаена со состојбите што ги наведе, ако се акутни и поминале е во ред, но ако имаш било каква хронична состојба, најдобро да се советуваш и со специјалистите што те лечеле за таа состојба.
За ова Таше што се изнервирал е во право, толку мала резерва некој требало да забележи, веројатно имаш и помалку антрални фоликули, тоа барем на ехо се гледа. Но што е тука е, битно е да се извлече сега максимумот од постоечката ситуација.

Го најдов дополнувањето на правилникот:
http://www.fzo.org.mk/WBStorage/Files/5. Prvilnik za BPO 120 od 2014.pdf
„При ограничена оваријална резерва на јајниците со вредност на FSH повисоки од 12,5 mlIU/ml, вредности на Естрадиол повисоки од 60 pg/ml на третиот ден од циклусот, ниво на anti-Mullerian хормон во серум пониски од 1 ng/ml и број на антрални фоликули на ехо-преглед помал од 5, само првиот обид за БПО е со сопствен репродуктивен материјал (ооцити), по барање на осигуреното лице."
Значи како и да излезе со Фондот, еден обид со свои јајце клетки ти е загарантиран.

Ти посакувам среќа, млада си и имам чувство дека ќе успееш

 

Zelba. nadevaj se vo nevozmoznoto i moite jajnici imat izglet kako na 43godisna zena ama ne mi kaza doktorot oti mozam da Ja izgubam menstruacijata za toa prv pat slusam a koj dukumenti trebat za invitro ti gi davat ot klinikata vo koja ke se pravi inv samo nekoj se pravat kaj niv nekoj kaj maticen ginekolog zatoa sto site ispituvajna da se pravat na privatno e skapo pozz i misli pozitivno

 

Ќе ја изгубам менструацијата односно ќе влезам во менопауза. Мајка ми на 36 год влегла во менопауза. Заборавив да кажам дека десниот јајник ми е многу мал и не е во функција.

 

Да, но тој им е показател за оваријалните резерви, а тоа е клучно за инвазивната ИВФ метода кога може да се случи да се дава хормонска терапија, а да нема што да "зрее", со што организмом непотребно се пофложува на стимулација.

 

Јас веќе 10 години имам само еден функционален јајник, другиот ми е во остатоци по операција и не функционира. И јас имам мала резерва, но кај мене е нормално, над 40 години со еден функционален јајник. Кај тебе очигледно е некоја друга состојба, може генетски е, бидејќи си многу млада за толку мала резерва, макар и со еден јајник. Но со самото тоа што мајка ти исто влегла предвреме во менопауза, а те има тебе, значи не е пречка да се роди бебе додека имаш јајце клетки
Сега кога ќе одиш кај Лазаревски, прашај го дали да повториш АМХ, за секој случај и закажи за истиот ден ДНА фрагментација на сперматозоиди за сопругот. Послушај ме за ова.
На нас дури по 6 ин витра и три спонтани абортуси ни кажаа дека можеби и високата ДНА фрагментација на сперматозоидите на сопругот може да ги предизвикало спонтаните. Да не губите драгоцено време, испитајте со време и тоа, па ако се покаже висока ДНА фрагментација, само со МАКС метода правете ивф, не оставајте ништо на случајот.

 

Колку кошта испитување на ДНА фрагментација на сперматозоиди?

 

Девојки имам едно прашање до вас.Утре треба да одам во Скопје на 3 ден за испитување на хормони.Супрефактот ќе треба да го носам со мене,затоа што ќе останувам во Скопје.
Прашањето е како да го транспортирам Супрефактот?
Дали можи со амоњак и во една кутија да стои затоа што температурите надвор се високи?

 

Чудо се случи.
Денес проверив пролактин и од 86 се намалил на 5.во две лаборатории проверив.бромергонот ми го намалија на 1/2 тбл само навечер да го пијам.
Сите се зачудени како по 11 дена терапија се намалил.
Јас пресреќна.
Утре сакам од гинеколог да земам образец што се дава,дали веднаш го даваат за веднаш да ги оставам документите во фондот?

4500 во плодност,испитував

 

Супер, другарче мое ,
Јас со Бромергонот два Бога видов, па вчера му пишав на докторот и тој ми ги смени со Достинекс на 4 дена по пола апче. А тие да ти бидат скапи - изгор, по 2 и кусур илјади. Вечер ке ги барам и во Зегин.
А, обрасците треба веднаш да ти ги потполнат и да ти ги дадат.
Јас мислев дека и ти ко мене веке имаш ваучер, но погрешно сме се разбрале.

 

Во Систина лани плативме 3.500 денари, во Плодност гледам пишуваат дека е 4.500.

 

Таман да ги поднесев документите излезе покачен пролактинот.денес докторот рече може да ги поднесам документите.
Уште утре сакав да ги поднесам

 

Мислам немам споделено нешто .Ова со амх баш чудна работа . Година и кусур "живеам " со мисла дека сум со слаби резерви .
Пред година ипол испитував Систина . Ми излезе 0,5 .
Пред 2-3 недели не знам што ми текна ,викам ај да испитам пак ,да видам колку се намалил ( дека правев три ивф у меѓувреме ) . Очекував дека ќе биде страшно низок .
Исто го правев у Систина . Ми излезе 1,4 .
Ивановски запрепастен .
Ме замоли ако сум во можност да испитам на уште едно место . Ајде утредента пратив крв за во Авицена . И таму добар -1,3 .
Инаку никогаш не сум имала фсх повисоко од 7.
Последнава година секој месец ми е и идеален ,околу 4 се движи секој месец .
Кога испитував првиот пат амх, фсх-то ми беше 6 и нешто .
Грешка ли е , до суплементите ли е што ги пиев година и кусур не знам .
И се уште не знам кој резултат да го сметам за релевантен

 

Kaj nas bese tiroidata pricina za losiot spermogram

 

Систина е 3500ден

 

Јас мислам дека првиот тест не бил точен, а вториов бидејќи ти е потврден и во друга лабораторија, сигурно е валиден. И плус вредноста на ФСХ ако е постојано нормална, стварно личи дека првиот резултат од АМХ е дискутабилен.
Ама, за секој случај, ако сакаш пиши што си пиела од витамини. се бива, да пробам и јас

 

Одлично!
Како ти се движат антралните?

 

И јас да се надоврзам на тема за АМХ .
2016 вредноста ми беше 1.36 ng/ml FSH 9.3 тогаш имав 29 години.
Пред една недела сега веќе 31 година FSH 7.4 a АМХ за жал 0.16 ng/ml
Што значи опаднал многу .Но некако се ми е неверодостојно .Утре на советување кај Ивановски па ќе видиме.