Вонтелесно оплодување

Девојчиња, друшки драги! Јас уште сум во шок и превозбудена, не ми се верува дека конечно ставив и јас слика со || и дека мене ми честитате.
Верував дека ќе дојде и мојот ден, ќе дојде и мојот миг, но тука си беше и црвот дали некогаш воопшто ќе останам бремена. Па си викав ништо страшно, ако јајце клетките не ми се добри, па ќе одиме со донација, ма ќе се бориме на секој начин што постои, ќе посвоиме... Но знам дека на овој или на оној начин јас ќе имам дете и ќе бидам мајка.
Пред да го започнам патот, си ветив дека нема да дозволам да паднам во депресија, дека силно и позитивно ќе се борам до крај, дека во животот некои работи не може веднаш да ги имаме, но со упорност и силна желба дека се доаѓа до саканото.

Прво решив 6 месеци пробување, па ако не ја бива, да си фатам полека со испитувања. Основни испитувања, сè во ред, никаков проблем ниту кај мене ниту кај мм. Ајде инсеминации, пак не сака, а плус секој месец и природно си пробувавме. Имавме и еден обид со пункција, но безуспешно.
Направив дијагностичка лапаро и оперативна хистеро, имав септум. Дојде првото инвитро. Блага хиперстимулација, извадени 20 јајце клетки, од нив 10 зрели, 7 се оплодија. Две замрзнавме на трет ден, другите се развиваа до петтиот ден. Прв трансфер и вратени две бластоцисти, неуспешно. По 4 месеци се спремивме и требаше трансфер со замрзнатите на трет ден. Едното стаса до бластоциста, направен трансфер и неуспешно, овојпат правев и скречинг. Последната бластоциста одлучивме да ја оставиме замрзната, направивме ендометријална биопсија, докторот се сомневаше да не не созрева ендометриумот соодветно, но резултатот излезе во ред. Ми предложи да пијам Еутирокс од 25, ТСХ малку ми варираше. Фатив да ги пијам, па по еден месец фатив да одам на Ендокринологија и докторката ми го среди ТСХ-то, мислам дека на 1,7 го спуштивме.
Тамам беше за поднесување документи за втор ваучер, одобрен после еден месец без дополнителни барања од нив. Почна процесот, стимулирана бев малку поинаку, покрај Мерионали боцкав и Пурегони. Извадени помалку јајце клетки, но на крај останаа две бластоцисти за замрзнување.
Договорот со докторот беше да го одложиме трансферот, за да може да се припреми организмот и да одмори, пак имав блага хиперстимулација.
Два месеци летово бев во "вештачки" климакс, примив две инекции Арвекап, по една месечно. Да се смират јајниците, да се одмори ендометриумот. Бев на одмор, си поминав летово преубаво, и покрај непријатните симптоми и нус-појави од инекциите. Реков нема да пукнеш, издржи, знаеш за што го правиш ова. Секоја повремена вртоглавица, понекогаш заматен поглед, блага главоболка, понекогаш лошење, солзи без никаква причина беше за убаво, излезе за убаво. Само си велев нема да е ова за џабе.
Отидов кај докторот 3-4 дена пред договореното, реков ајде да видиме до каде сме, кога ќе почнеме. Докторот гледа на ехо, вика почнуваме, почнува да поминува дејството на инекцијата.
Фраксипарин и Естрофем 2×1 пет дена, па да се видиме пак. Одам по пет дена, дошол ендометриумот со минимална доза Естрофем до кај 10-11 мм. Почнав истиот ден со Пролутекс, Утрогестан 3×1, Естрофем × 1, Аспирин, Вибрамицин три дена, Декортин, Фраксипарин, Бускопан два дена пред трансфер.
На денот на трансфер ми рекоа да се напијам и Дијазепам, првпат се напив во животов и еден час пред трансфер примив венски Атосибан.
Бешиката ми беше празна иако пиев вода, но ајде помина и трансферот. Отпосле дознав дека ми ја вратиле среќичката од првото инвитро, а двете од второто ги оставиле замрзнати.
Терапија по трансфер: Утрогестан 3×1, Аспирин, Естрофем × 1 само два дена и ги прекинав, Бускопан 2×1 2-3 дена, Декортин по едно пет дена, Пролутекс, Фраксипарин.
Пиев сите дена по еден пробиотик навечер, 2×1 метилирана фолна, метилиран Б12, Б6, Омега3, витамин Ц, селен, витамин Е, б-комплекс, магнезиум.
Првите два дена станував само за во вц, во табака мм ми носеше јадење. Си уживавме, гледавме серии, убаво ми беше. Третиот ден на мм му реков да си оди на работа и почнав да станувам да си земам сама за јадење и за во вц. Гледав серии, одмарав, така ми беше убаво. Третиот ден од трансфер почнав да осеќам болки долу во кичма и менструални болки. Ај си реков од прогестеронот ми е. Продолжија менструалните болки и другите денови. На петтиот ден малку крвав ми беше секретот од носот, а вечерта кога си легнав градите почнаа чудно да ме болат така како внатрешно, не знам да објаснам. Ај си реков од прогестеронот. Вчера ми беше шести ден и цел ден бев излезена, веќе ми здосади дома да седам. Во аптека бев да купам шампон и ми текна ај додека сум тука тестови да земам, па ако направам и е негативен, полесно ќе се прилагодам на неуспехот.
Се прибрав попладнето и си реков ај да направам тест.
Мм носеше кеси тоа што сме купувале, јас сама во вц и гледам веднаш се појави втора бледа. Почнав да се тресам, викам по мм, доаѓа, гледа, ме фаќа да не се тресам да не сум го истресела.
Се смеев, вика не се смеј веќе, се тресе така телото. Од вц до дневна некако брзо сум дошла, не требало да брзам. Не знаеше што зборува
Шок, паника, возбуда, не знаевме што правиме. Се изнаплакавме и се изнагушкавме и кога не ми се тресеше многу телефонот во рака, седнав да ви испратам слика.
Сабајлево направив пак тест, линијата е малку потемна, направив и уште еден од Селф Клиар. Тука е цртата, ми беше страв да не ми исчезне
Среќна сум што воопшто видов две цртки, ова досега е најголем успех откако тргнавме по овој пат, првпат во живот имам позитивен тест.

Никогаш не сум коментирала за доктори бидејќи секој треба да си одбере сам каде ќе го тера патот, но морам да кажам дека Трајковски е цар
Кога веќе беше време да се оди некаде на консултација, да избереме доктор, имав намера да отидам кај Трајковски, кај Ивановски, кај Петановски и кај Димитров. Си реков ај кај Трајковски прво па кај другите, но веднаш решив кај него да останам, не ни отидов кај другите на консултација.
Кога ќе му соопштев дека не сме успеале, попотресен беше од мене, на секоја наша средба се гледаше дека не му е сеедно. Дури мислам дека и го тешев да не се секира, дека ќе биде сè добро, дека ќе успееме
Општо сум задоволна од клиниката, прекрасен однос имаат сите, пријатно и опуштено се осеќам кога одам таму.

Драги мои соборки, од срце посакувам што поскоро да си ги видите вашите две црти!
Што побрзо!
Овој пат не е лесен, ич не е. Но вреди да се помине, нема нешто повредно од ова. Ве молам трудете се да сте позитивни, животот е секој ден, секој ден треба да се стане и да се живее, па затоа правете го тоа насмеани.
Ве гушкам сите до една, не знаете колку ми значат вашите зборови, многу ви благодарам за убавите желби и прекрасни зборови.
Нема откажување додека не си ја оствариме желбата, најсилни едни!

Го претерав со пишување

Се надевам ќе биде сè во ред, следно е бета да се провери

 

Оли срекна и лесна бременост. Оваа чувство, оваа еуфорија што сега ја осекаш во уште поголема доза те очекуваме да ја споделиш за 9 месеци❤

 

Честитки мила.Ти посакувам лесна бременост и в раце за 9 месеци да си до држиш ангелчето мало

 

Здраво еве веќе 10 дена пијам Глукофаж 500 еднаш на ден. Меѓутоа кога ќе го испијам чувствувам замор, омалаксаност, потење сува уста и горчина во устата. Ве молам за совет и ваши искуства

 

Те читам и се смеам, мм ден денес уште е таков, Не станувај нагло, не се смеј толку ти се стега стомакот, не збори гласно се напрегаш тоа се тие трауми и кај нив, души, не се само кај нас, и навикни се дека ќе те “контролира” така до сам крај А и јас како тебе во следните три дена правев тестови да не ја снема втората линија и уште ги чувам во фиока Знам дека уште е страшно се што следи, бета, па прво ехо, па срцева, па скрининг ама верувај дека ќе станува полесно со секој следен чекор. Бар ние сме отрпнати по толку години борба

Трајковски дека е цар се согласувам, исто и за мене се потресуваше, како да ми е не знам што. Дури мм викаше Он е мн поврзан со тебе, слаб е на тебе, те гледа дека си емотивна па и да сака некој подрастичен чекор, те штеди. Ми се јавуваше на телефон, ме смируваше... јас таков доктор не сум сретнала друг, еден човек во милион е тоа.

Дај Боже се натаму да ти оди како песна, Оли. Доста беше страдање, време е за убавини Малку после мене дојде на форумов (тогаш бев со друг профил) ама знам колку помина и ти и не можам да ти опишам колку ми е мило за ова сега

 

Зошто ти дадоа да пиеш глукофаж?Имаш покачен хормон инсулин?Јас пијам поради покачен хормон инсулин и ок сум.Не чуствувам вакви симптоми но може е нормално тоа.Консултирај се со лекар.

 

Cestitki i so lesno da si jas iznosis bremenosta

 

Леле Оли знаев,ме насолзи,честитам од срце,најлесна бременост да имаш.

 

Ајде јас да споделам сега,правев лапаро и хистеро во Чаир кај Зоран Илиевски,човекот е цар,прекрасен човек и доктор,Господ само убавини да му дава,болницата исто така на ниво,женички немој да давате пари за вакви зафати во приватните клиники,одете во Чаир,скоро ист е третманот а разликата во цена огромна.
Имам ендометриоза,имав циата чоколадна околу 10 год си ја носев,растеше се смалуваше ама си беше тука,во овие 3 год обиди поминав мн доктори,само еден ми рече да ја вадам сите други беа децидни дека не смета,покрај сите испитувања и немање друг проблем остана уште проклетата циста. Во јули ми се направила и уште една на другиот јајник,старата била толку мн засушена и залепена за надворешниот ѕид на матката и ја имала цела матка повлечена лево,цистите ги извадиле и ја вратиле колку шо можеле матката,Илиевски мисли дека можно е тоа да било проблем и плус дека цистите знаеле да створат антитела за ембриончињата. Сега ќе паузираме 2 месеци па пак ќе се фрлиме на работа,Илиевски смета дека се друго е супер и можам и спонтано да забременам,ако не одиме понатаму со инсеминации до ин витро.

 

Olce mila mnogu da gi pozdraves site vo new born klinik od mene oni znaat koja sum koga ke odes tamu jas planiram na 26 septemvri da odam da gi posetam Dr tamu posto ke treba da pravam kontrola na carskiot rez na gak I ke odam I tamu ti posakuvam od srce ubava i lesna bremenost

 

Јас знам дека за 2 месеци ќе не израдуваш ❤❤❤

 

Kasni si malku blago metformin znaat da go snizat sekerot vo krvta

 

Лаура лавице моја

 

Нормална појава е тоа на почетокот, јас ги пијам веќе две години заради овулации и сега воопшто немам нус појави. За месец дена и ти нема ништо да осеќаш

 

Те гушкам најсилно и ќе ми фалиш во Вторник

 

Заслужи девојче бравос
Господ да ве чува и со лесно да е од секогаш ве мислев сите и се молев дека патот до бебе е многу тежок многу ми е мило Оли

 

Zdravo devojki sakav da ve prasam za TSH koj doktor e podobar da odim zasto od fondot mi dojde negativno treba da se regulira tsh

 

Jas za tsh odam kaj Iskra bitoska na klinikata za endokrinologija

 

Ти честитам на храброста, упорноста и пожртвуваноста.Ќе бидеш најубава трудница затоа што зрачиш со позитива.Го заслужуваш сето внимание и сета среќа.Ти посакувам лесна бременост.
За докторот нема збор.Голем професионалец, но пред се, голем човек.И јас му ја дадов мојата доверба и не згрешив, затоа што сега и се радувам на мојата 10 месечна ќерка.
Многу се радувам за тебе.

 

Devojki I zeni, dali 4D-to ima trajna validnost, ili ogranicena? Jas imam tri napraveno, no od 2016, vo izvestajot najubavo mi e se objasneto. Sakam nego da si go poddadam. Dali mozam?