Вонтелесно оплодување

Сонциња, знам дека се пишувало сто пати, но да прашам пак, што се јадевте,пиевте,кои витамини ги земавте, што не смеевте да јадете и пиете и да правите откако почнавте со припрема и стимулации за ин витро?? Ви благодараммм

 

Јадев колку што можев поздраво и исклучив кафе. Секое утро цедени сокови од се’ и сешто. Нема правила смееш—не смееш, само труди се поздраво.
Од витамини земав Имприл по препорака на докторот. Подолг период пред инвитрото антиоксиданси и Хемовит, исто по препорака на докторот. За време на стимулациите веќе не земав тоа, само Имприл.
Да правиш смееш се’, најнормално секојдневие си продолжува.

 

Девојки денес сум 7 ден од протокол и испитував хормони . Лх и естрадиол нормални ама Прогестерон ми е 2200 па Др ми рече пункција ќе има ама нема да имам трансвер. Некоја со слично искуство?

 

Имав јас исто искуство при првиот трансфер.Прогестеронот пред пункција ми беше 2,30.И покрај тоа што не требаше да правиме трансфер, сепак се решивме да направиме со еден ембрион.Трансферот ми беше неуспешен.Со таков прогестерон не се прави трансфер.Најдобро да ги замрзнете ембрионите, па следниот пат кога ќе ти се среди прогестеронот, да го направите трансферот.

 

Стигна мојот долгоочекуван резултат за кариотип, и нормално не е во ред. Ми најдоа многу ретка транслокација на хромозом. Ќе се чудев ако излезеше поинаку.

Да испитав лани како што планирав, ќе се заштедев многу време, нерви и пари.. Докторот ме предомисли, се било во ред со мене..

Следува задолжителна консултација со генетичари за тоа дали може да се продолжи понатаму, бидејќи и сопругот е со азооспермија, а и кај мене не е еден проблем па да се средува и шансите за успех се многу мали..

Ако некогаш ме огрее сонце, вие сте први што ќе дознаете

 

Верувам дека е разочарувачки кога ќе добиеш резултати во кои има проблем со кариотипот.Јас кога ги чекав исто долг период резултатите од кариотип многу истражував овде на форумот, и знам дека имаше една членка (не можам да се сетам како се викаше) исто имаше проблем во кариотипот(мислам робертсонова транслокација, ако не грешам), па си остана трудна и тоа природно со здрав плод.Не мора да значи дека поради твојот кариотип ќе имаш проблем при зачнување или било каков проблем кај плодот.Во бременост само ќе направиш тест за генетско испитување на плодот, што всушност го правиме сите, за да бидеш сигурна дека е се во ред.Не дозволувај ова да ти биде разочарување и дека нема да успееш.Може ќе имаш потешкотии, но верувам дека со соодветна терапија и сите потребни испитувања ќе успееш.

 

@Маја Т шансите за здрав ембрион ми се 25%, додека веројатноста од спонтан или компликации е 50% и на здравиот ембрион. Проблемот се комплицира бидејќи имаме ограничен број сперматозоиди што ќе се трошат на проблематични јајце клетки.

Како да е речено да не биде.

 

Знам дека е така и дека се зголемуваат шансите за проблеми кај плодот и за можност од спонтан, но се додека има макар и 1% шанси не смееш да се откажуваш.Навистина кошта повеќе, но ако е потребно ќе се направи и пред генетско испитување на ембрионот.За жал кај нас не е редовна постапка тоа, како што е во другите земји, а треба да биде за сите кои го поминуваме овој пат.Те читам подолго време и знам колку си храбра и упорна, затоа знам дека ќе успееш.Шанси за успех, сепак постојат

 

Другарки мои јас денес си го слушнав срценцето на ембиончето, возбудена сум премногу сум среќна, фала му на господ ви посакувам на сите ваква среќа

 

Во овие моменти секој збор значи премногу, фала ти @Маја Т во право си, ако ништо друго бар надеж сеуште има

 

Среќно и лесно до крај

 

Девојки сите вие кои ве води Јани на трансфузиологија, дали можам преку матичен да закажам термин со приоритетен упат?

Пред 5 месеци матичниот ми извади упат со дијагноза тромбоцитопенија, со друго ништо не успеваше...па да знам сега како да постапам?

 

Мила жалам за твојата ситуација меѓутоа делеко си од тоа дека нема да успееш..Јас после вториот спонтан испитував кариотип и ја прашав докторката а што ако нешто не е во ред..Како што спомна и членката погоре рече онда обавезно ќе праиме генетско имлетациско испитување да се најде здрав ембрион.. Немој да очајуваш и од ова ќе испаднеш победник знам

 

ќе се најде решение за се, само позитивна мисла...сега медицината е толку напред што сигурно постои решение. ете за почеток гледај ги позитивните примери кои ти ги посочија и членките и знај дека се на крајот ќе биде како што треба

 

Преку општ матичен со ш.за варикозни вени или некоја друга...

 

Здраво женски дали Железничар кај Беко работи ? дали е ок да отидам со упат од матичен лекар (не гинеколог ) за Хепатит Б и Ц , ХИВ и дали тука можам и ова што го бараат крвна слика, гликемија, седиментација, поздрав до сите , и честитки за убавите вести

 

И мојот кариотип не е во ред имам мозаичен тарнеров синдром, среќа не е голем процентот, меѓутоа не се откажувам. Сега сум во постапка и здравје ако биде се како што треба ќе правам ПГД на ембрионите.
Имаше членка исто со мозаичен тарнеров и ТРАНСЛОКАЦИЈА И остана природно бремена спремајќи документи за инвитро и си роди здраво право дете.
Така да драга моја нема откажување. Консултирај се со Др. Елена Шукарова (генетичар) на детската клиника за ендокринологија

 

Пред некое време поради КОВИД не работеа за Хепатит и ХИВ. Најубаво јави се и прашај дали почнале
Јас правев во Институт за јавно здравје со упат од матичен гинеколог, а сопругот со упат од општ матичен