Вика : Правото на БПО осигуреното лице може да го оствари во рок од 6 месеци од денот на приемот на известувањето. Наредниот месец почнувам со процедура, ама дека може да фатат и одмори, викам да не пробијам рок
https://acibademsistina.mk/razochar...obidi-nadezhta-ja-najdovme-kaj-d-r-ivanovski/ Здраво девојки, оддамна ме нема, па да ја споделам мојата ивф приказна. 13 ИВФ обид беше успешен, одете до крај, претешко е и кој има сила нека оди, се исплаќа. По голем број направени испитувања, медицински интервенции, операции, посетени повеќе клиники во Македонија, извршени консултации со доктори од познати ИВФ-центри во Европа, пред да ја продолжиме нашата борба надвор од Македонија, решивме да се обидеме за последен пат и да закажеме разговор и преглед со д-р Митко Ивановски во ‘Аџибадем Систина’. Разочарани од низата неуспешни ИВФ и бројните неуспеси, и покрај целосната посветеност и фокусираност на ИВФ-процесот, по прегледот заминавме дома со надеж. Секој нареден преглед кај д-р Ивановски за мене беше задоволство, ми влеваше спокој и нашата доверба во него од ден на ден беше сѐ поголема и поголема. Знаев дека имам сигурна поддршка и доктор на кој може комплетно да му се верува. Морам да напоменам дека зад себе имав 5 стимулирани ИВФ, една инсеминација, една операција и во целото тоа лекување немав ниту еднаш оплодена јајце-клетка, така што воопшто не му беше лесно на докторот со пациенти како нас. По извршена соодветна корективна операција кај д-р Ивановски, бевме на вистинскиот пат. Емпатијата, вниманието, стручноста, желбата и посветеноста што ги имавме од д-р Ивановски, пред сѐ, ни дадоа сила да продолжиме со нашата борба, а подоцна и вродија со плод. И дојде тој ден, како и секој претходен месец, тој јули со закажана пункција на природен циклус за да одмори телото од бројните хормонски стимулации. Добивме јајце-клетка, која конечно се оплоди од страна на ембриологот д-р Билјана Палчевска и конечно првпат добивме ембрион, по 10. ИВФ без ембрион, односно ова ни беше првиот трансфер. На 28.7.2023 година добивме позитивна бета-ХЦГ. Плодот одлично си напредуваше, соодветно на секоја гестациска недела, а докторот заедно со нас се радуваше на растењето на плодот и уредниот тек на бременоста. Во 39. недела од бременоста, со мојот сопруг станавме родители, а д-р Ивановски со својот тим направи раѓањето на нашето дете да помине во најдобар ред и ни ја исполни желбата да го доживееме најемотивниот и најубав момент во нашите животи. Голема благодарност до целиот тим од Одделот за асистирана репродукција во ‘Аџибадем Систина’. Нивната позитивна енергија, блискиот и непосреден однос што го воспоставуваат со пациентите, нивното искуство ми овозможи со леснотија да ги поминам сите ИВФ-постапки. Писмово го пишувам за да ја споделам нашата приказна, трнливиот пат што го поминавме во овие 5 години за да добиеме дете. Она што нас нè мотивираше да не се откажеме од тешката борба беа успешните приказни што ги читавме и слушавме и кои ни даваа надеж дека и ние еден ден ќе ја испишеме убавата приказна со среќен крај.
Женски ако може да споделите искуство за консултации за ин-витро, како иде тоа. Како одредува докторот за каков протокол си и со кој пристап ќе терате? Треба ли да носиш со себе се што имаш испитувања правено и дали треба да очекувам дека докторот ќе земе да ги листа? Јас минатиот месец кога пуштија во NewBorn бесплатни консултации за ин-витро, бев, со сите папки, но муабетот се сврте на можеш ти и природно и предложи докторот инсеминација која ја направивме и е неуспешна. Зборот ми е не направивме муабет за ин-витро, ниту нешто погледна од анализи и испитувања. Сега сакам да закажам нова консултација за ин-витро иако немам уште ваучер. Кажете ми што да очекувам. P.S исто дали некоја знае Трајковски NewBorn кога оди на одмор?
Има една поговорка вика со сила убавина не бива. Ти си многу паметно и начитано девојче. Те снајде нешто што ниту на непријателот не му се посакува. Каде брзаш, каде трчаш? Зошто го буткаш процесот со сила. Да, ти можеш природно да останеш и на крај така и ќе биде. Ти го кажувам ова од искуство зошто и јас бев иста. Трансфер за трансфер, инсеминации, испитувања, не дозволив не телото туку мозокот да одмори. Притисокот од времето, околината, желбата ми беа очигледно кобни да јас го терам процесот упорно со сила и на крај без позитивен исход. Знам дека звучи како клише ама мора да се опуштите со парнерот. И знам дека душата не ти дава да не превземеш ништо во свои раце и да чекаш од Господ зошто психата ќе те изеде, а времето ќе си мине. Дајте си време за себе, сакајте се гушкајте се без да правите бебе. Шетајте не се нервирајте за ништо зошто ништо не е доволно вредно, уживајте со пријателите, уживајте сами. Дајте му време на времето. И нема да биде ти кога сакаш туку кога е речено да биде. Те молам немој да ме сфатиш погрешно немам лоша намера скам само да споделам со тебе мое искуство зошто бев во иста ситуација како твојата и очигледно на природниот процес му требале скоро 6 години. Ти посакувам успех и бебе во раце што и да одлучиш. Сепак твоја е одлуката на крај. П.с Се сеќавам на мојот гинеколог зошто се соочувавме со идиопатски стерилитет секогаш му викав јас на крај ќе дојдам кај вас природно бремена, ама не можам да чекам верувајте ми. И мавав со глава во ѕид само заради мојата психа. На крај стварно така бидна, отидов кај неа природно останата.
Одиш со сите резултати кај избраниот доктор, кажуваш што си испитала, а тој ги разгледува и доколку нешто фали, предлага да се испита. За протоколот одлучува докторот, во зависност од тоа каков ти е циклусот, фоликулометријата, амх и слично. Се договарате за терапија или на природен циклус и си почнуваш. Трајковски и мене ми го почна муабетот можеш ти природно да останеш бремена…
Тоа е така затоа што сеуште немаш ваучер. Пред да стигнеш до тоа имаш пат за одење, направете уште една инсеминација ако треба па и повеќе за документи, не брзај убаво те советувале и погоре слушај го докторот и дај си време... во оваа работа треба се само да брзаш и да трчаш низ процесот не. Ти посакувам среќа
Cestitki!!!!! Da e zivo zdravo I najsrekjno bebuvceto a vie da ste naj srekjni I najgordi roditeli ❤️❤️❤️
Правев испитување на трансфузиологија за Lupus и имунолошки испитувања. Дали Lupusot е во ред бидејќи е негативен, а има и некоја вредност под него напишано. И дали антинуклеарни антитела да нема присуство е во ред. Дали треба да одам на имунолог за резултативе?
@La-loca @Elliana @Viktorijaaa5 фала девојки на одговорите. @La-loca токму така е како што кажуваш, баш реалноста ја погоди и добив чувство како да си тоа доброто ангелче што седи на рамо и дава совети ги брзам работите, свесна сум, ама не можам да се контролирам, само така сила наоѓам. После спонтаниот на душата имам белег, тоа ме прати во секој чекор, од утро до мрак и мислам дека само друго бебенце ќе ми даде смисла во животот. И не можам да чекам сакам се да преземам што е во моја моќ за да бидам поблиску до целта а совршено ми е јасно дека има тука и нешто што е Божја волја. Не ти замерувам таман работа, јас истото би го дала како совет на некој друг, но кога сум јас во прашање, трпение тешко ми оди Дај боже што побргу да не дарува Бог сите која природно која со ин-витро , амин
Добри ти се резултатите, не треба да има присуство на антинуклеарни антитела. За лупус исто резултатот ти е добар, немаш лупус. Вродена тромбофилија дали испитуваше? Тој цел панел со фактори на коагулација? Јас со резултатите од вродена и овие од стекната тромбофилија бев кај трансфузиолог за терапија за следна бременост, но кај вродената имав мутирани гени, па затоа. Резултатите од стекната како сега овие што ги приложи ти, и мене ми беа добри но кога веќе идев за другото му ги дадов и овие да ги ѕирне.
Исти сме сите што го одиме овој пат. Колку и да сакам да сум храбра во мене нешто потсвесно секогаш работи. Мислам дека ако не “си го барам крајот, решението” дека губам време и почнува да ме фаќа паника. Едноставно некои работи се посилни од нас. Јас се чувствувам како целиот живот да ми е застанат во тој период кога почнав да одам по овие врати. Годините поминуваат а јас се осеќам како да се вртам во круг цело време… Тоа е… Јас искрено сите би ги посоветувала да одат по сите врати и до крај. Да не се чека, оти чекаме инсеминации, чекаме термини, па ваучер и времето летнало. Со среќа на сите кои се во оваа борба. ❤️
Носиш се што имате испитано ти и сопругот кај избраниот ивф доктор, ги разгледува, и зависност од вашата дијагноза одредува со каков протокол.
Истоо скроз. Ако поминал месец а јас едно испитување да не сум направила, или инсеминација или еден нов суплемент ако не сум внела, се чувствувам како да тапкам во место. Ми се чини треба да се инволвирам 100% дека освен на лекарите борбата е и наша одговорност. Нека ни даде Господ сила да издржиме