Леле да...пред некое време го најдов албумот...П.С. сеуште сликичките кои сум ги залепила на една врата од плакарот се присутни
Не сум нешто многу стара, ама морам да споменам дека во мое време ( бидејќи сега не сум видела нешто такво ) во 1 и 2 оддeление, редовно позади зграда си правевме Евровизија и Модна ревија
Во мое време собиравме сликички од Млади Бунтовници и ги лепевме во постерот што го даваа за 15 ден. у Време
Ооохохоо ... ухх во мое време имаше многу работи за кои вреди да се наврати мозокот назад. Најмногу имаше слобода, другарство, искрена љубов, блискост, безусловно помагање ... почит, воспитание, култура итн. Ова зборувам за вредностите, да, ги имаше ... но денес се поретко, се поретко ... Хмм од каде да почнам ... од она што секое дете го радува Мастики Стипи и Стела, Баззука, цигари мастики завиткани во обоена хартија па ги лапавме цели со се неа за да имала боја мастиката ... Чоколади табла Еурокрем па после Брацо и Сека, Волим те, ... двобојните мали кремчиња од Еурокрем со пластично лажиче кое дополнително ти го даваат на каса ... па после дојдоа оние фамозни Киндер јајца со изненадување внатре. Знам дома ги банкротирав купувајќи ги и собирав играчки Пинк Пантер, ден денес мајка ми тоа ми го клука над глава. Ова е само мал дел од она што го имавме скромно ама вредно за нас. Ех некој спомна фармерки, прво беа широките ко пумпарки во мода, па после дојдоа оние црни и бели, па настапија 501от ... еихх нив не можеше секој да ги има. Јас ги имав, едни ама вредни, знам сите се зјапаа во мојата секси задница вовлечена во нив ... и добивав коментари имаш најсекси га*е . Да и доста време носев титула за девојче, девојка на која најдобро и стојат фармерки. Ах тие фармерки и ден денес ми се слабост. Па Се појавија хеланките овие сега фамозните што ги носат, мене тогаш ми беа ок сега веќе не ... па јакните Монт и нив не можеше секој да ги има. Има уште многу од модата тогашна ама не може се да ми текне во моментов. Во мое време се дружевме многу игравме ластик, народна, лепчиња, џамија, жмурки, Камај камај или Стој стој ... долга магарица, правевме глупости со тегнење конец од крај на крај на улица, се возевме по лифтовите додека не заглавиме, фрлавме кеси полни вода од највисок кат долу на луѓе ... итн. итн. Многу игри имаше ... а и обавезно сите спортови од баскет, одбојка, до трчање атлетика .... Најважно се дружевме и женски и машки. Ехх потоа дојдоа првите љубови ... Прво удварањето, те испраќа дома едно добри две три недели, па ако има нешто и ти се сложиш прво дур те фати за раче тоа значи фатени сте минс во врска ... А за да те бакне охооо тоа беше тешка операција да се спроведе ... Па кога таа фаза ќе се премине тогаш полека се чека наредна ... фаќкање од глава надолу кај градите и подоле ... е тука иде се полека па и со кавги понекогаш. Зависно како те фаќка ... Од кога и таа фаза ќе помине, тогаш се праксирате добро со лапањето и фаќкањето па полека со месеци и години може дур дојде сексот. Ехее тоа за да доживеете и да дочека машкото нели да ве скине богами доста пара патики или кондури ќе треба да искине. Е, ама тоа беше спонтана и постапна( во сто чекори ) љубов и најважно искрена. И во мое време имавме почит кон постарите ... не можеше секое детиште да контрира, да се лигави и да вреѓа, да се расправа со постар човек. Затоа генерациите од тоа време се многу подобри од денешните. (се извинувам за ова ама така е) Во мое време имаше толку многу нешта што во еден пост не можат да се искажат. Некој погоре постирал слика од Комодоре .... Во мое време мнооогу ретко кој имаше дома компјутер или знаеше што е тоа, ама затоа јас благодарение на мојот брат знаев и имав ... од Спектрумчето, Комодорето до првиот персонален компјутер ... вториот, третиот итн. Еден куп компјутери поминаа во мојов живот но не се врзав толку за нив, затоа што не можат тие да ми ја заменат реалноста.
Во мое време: - собирав украсни салфети и сликички, a дуплите си ги меневме со децата ; - собирав постери од Џенифер Лопез, затоа што ми беше омилена пејачка ; - со маалските децата се собиравме кај нас и измислувавме кореогфраија на некоја песна и откако ќе ја научевме, ја игравме на патот ; - игравме најразни игри, како: ластик, јаже, народна, делфин делфин, штркот има боја, слика апарат, џамија, шарен варен боб, гоненка, криенка и уште многу други игри ; - игравме ракомет, фудбал и тенис со нога ; - си игравме на пејачки, манекенки, докторки, продавници, сендвичари, кафани ; - си игравме со барбики, кукли, мечиња и други играчки ; - се возевме со мали точаци, мотори, колички, ролери ; - се тепавме обавезно секој ден ; - кај комшиите одевме и се лулавме на лулашките ; Сигурно има уште многу друго што сме правеле, бидејќи по цел ден си бевме надвор, родителите не можеа да не извикаат дома да си дојдеме, па најчесто по надвор јадевме. Ех колку беше убаво тоа време. Да може да се врати.
Во мое време, времето на супер бинго со Игор Џамбазов, освен што дома сите фамилијарно се собиравме секој понеделник во 20 часот и тоа беше поголем собир дури и од неделниот ручек. Па нашите ќе купеа 10 супер бинга па си влечевме омилено, биравме среќно пенкало и оп сите играме ајмооо. И плус во мое време ги заебававме бабите и дедовците во маало, и им ѕвоневме за време на бингото за они од дома да се раздерат ГЛЕДАААААААААМ СУПЕЕЕЕЕЕЕР БИИИИИНГО!
Во мое време носевме патики најк со воздушни перничиња, - кошули со потпунки, - кремече фризура, - широки скејтерски фармерки. Најубав момент ми беше кога одев на роденден секогаш купував тетратки со моливчиња, гуми во боја, тефтерчиња. Имавме споменари и ни се потпишуваа скоро сите.
Во мое време фестивалите како Валандовскиот, Цветници, Макфест беа групно гледани и секој имаше своја песна фаворит. Првата песна на Каролина на Макфест "Мамо пушти ме" беше хит и секое девојче сакаше да ја пее на училишната приредба. Во мое време фраерка си ако учествуваш во "балет", а уште поголема ако ја правиш кореографијата на балетот. Во мое време престиж беше ако те одберат да пееш во хор, само главните пееја во хор . Во мое време имаше натпревари Кенгур и ако учествуваш во нив значи стварно си паметна/тен . Во мое време се лижеше сладолед Снежец (или Ескимо како што го викаше дедо ми). Кога прв пат моите купија компјутер со системска им се фалев на сите дека компјутерот може да ја реши секоја математичка задача (толку се разбирав и јас од компјутери ). Во мое време (до 5 одделение) дечко ти стануваше некој ако се договорите заедно да се возите на велосипед . Секое лето одев на гости кај баба ми и се собиравме во маалото после 17h и останувавме до 00:00h кога маалската фурна вадеше тазе топол леб, секој носеше од дома домати и сиренце и имавме групна вечера . Правевме претстави во маало со сите салтанати и влезници кои ги продававме за ефтини пари и на кои доаѓаа маалските фраери. Кога игравме мижаница, ако се криеш заедно на едно место со дечкото што ти се свиѓа значи дека и тој те сака . Во мое време игравме монопол, јамб и Не лути се човече.
Во мое време... - едвај чекавме да падне снег, и да одиме да се лизгаме на тоа ридчето во парк (стариот дел од паркот), се разбира со црни ќеси за ѓубре - секој ден се играше на нинтендо и се цепаа нерви ако неможам да ја свртам играта - се мењавме со детска пошта, салфетки, покасно и самолепливи слички за некој албум (мораше цел да се собере ) игравме школка, ластик, жмурка, штркот бара боја, продававме цвеќиња набрани од некој двор или позади зграда, "насадени" во канче од кисело млеко... - купувавме степ лајт кесички за сок, сипавме на рака и цел ден лижевме раце - од Касандра не се пропушташе ни една епизода, тоа беше нешто свето - седевме по 5 саати на некои треви и ги беревме сите бели ради, им ги кубевме ливчињата и ги стававме во канчиња од кисело млеко за после тоа да ги фрламе кaкo конфети - обавезно секој си ги виткаше учебниците во украсна хартија, да останат по нови... - правевме пом-помс (незнам на македонски како да ги кажам) од ќеси и глумевме чирлидерки во маало... ......
Во мое време..... Си играв криенка! Си играв на ластика! Чекав да заврне снег да се лизгам! Се дерев на цел глас КОЛКУ ЧАВКИ ТОЛКУ ПЕТКИ!
Не дека сум престарела, имам 20 години, ама има некои работи за кои и јас велам дека се од "моето време" Во мое време, собиравме салфети и се менувавме со другарките од маало. Имав 2 кутии од чевли полни со разни салфетки и тоа Новогодишни, Велигденски, со цветичи, со Дизниевите јунаци, со балони и кловнови, абе од сите тематики Во мое време, исто собиравме детска пошта. Ми фали мирисот на ливчињата. Во мое време, игравме фудбал пред зграда сите деца од маало,и машки и женски, и мали и големи, баш сите! Во мое време игравме миждупка, гоненица, ластик до касно во ноќта Во мое време, на големите одмори во школо, се тепавме со школските кој да седне на лулашките во паркот!
И 5000ките беа почести Се сетив на уште нешто Кај мене дома редовно се пратеа серииве И може немаше скајп, фејсбук ама имаше
Во мое време немаше Македонска Кошарка немаше ваква репрезентација која гази се пред себе . Мило ми е што тоа време помина
Во мое време се носеа фармерки Mavi jeans, 501, а после во мода излегоа и Madoc фармерките со бели конци( тоа беше јак детаљ, демек ако не се со бели конци, ништо од фармерките). Во мое време масовно се гледаше Беверли Хилс, се пишуваа писма до Бренда да не биде тажна оти Кели и го украла Дилан, зошто нели Бренда е најубавата. Во мое време си игравме на продавачки, а листовите од грав ни беа пари. Во мое време ќе земвме тикви и ќе и м ја извадевме внатрешноста, па после ќе изрежевме очи, уста и нос, ќе пикневме свеќи и ќе ги ставевме на улица, а ние скриени ќе чекаме да видиме дали некој ќе се исплаши. Во мое време со децата од маало правевме приредби или избор за мис. Во 07.00 станувавме за генерална проба(леле у кој тежок филм сме биле). И имавме публика(обично бабите од маалото), па доделувавме награди, а главна награда секад ни беше лубеница. Во мое време едвај чекавме да почне цртаниот филм Летачки мечиња, Химен, Мечето ушко... Во мое време гледавме и Тропска горештина, Зимско рекреативна програна, Ѕвон, Бушава азбука... Во мое време сите ги обожававме New Kids on the Block (Њукид онд блок така ги викавме де), а посебно Joey. Во мое време ги знаевме на памет песните од Ена Веко. Омилена ни беше Келнерот, вака нешто идеше... Лежам болна, не јадам ни пијам сите мислат имам грип, еве ќе ти кажам ама никому ни збор скроз ме слуде еден чуден тип... Опс еве и видео најдов http://www.youtube.com/watch?v=vdwkjOnaGpA http://www.youtube.com/watch?v=vRRAgdJqVRQ Во мое време собиравме украсни ливчиња, салфети, детска пошта, читавме Развигор и Наш свет, се допишувавме со други деца од Македонијата наша, па си праќавме слики по пошта... Во мое време игравме плочка(кленџик), игравме ластик, криенка, Дај ми царе војници, народна, камај,глув телефон... Во мое време сите имавме споменар, а за лексикон па да не правиме муабет. Па се потпишувавме така цело одделение, нормални прашања каде си роден, колку години имаш, ама кога ќе дојдеше на ред прашањето дали мое да преминеме на love е тогаш братче сите пишуваме па - редно беше, јао кои патетики. И на крај обавезно потпис и споменарка во стилот на ,,жута дуња зелен бор, брзо чекам одговор,, Во мое време (ова малку покасно, ама пак одамна беше) најголем хит беше Нокиа 33 10 и рушење рекорди во змија... Во мое време... е убави времиња беа тоа
Бев најголема фраерка во маало кога моите ми купија патики што светкаат кога одиш. Игравме камај камај и се местевме да се паднеме со симпатијата. Обавезно се собиравме со точаци и вртевме кругчиња. Радости беа кога ќе купевме сладолед во чашка со тие играчињата одоздола, па ги собиравме. По цел ден надвор бевме, мајките ни носеа сендвичи. Имавме кореографии за 100% те љубам, твоето писмо моја библија и тоа прилично добри. Во споменарите имавме стандард песнички како „Петелот пее, магарето рика, излези (име), симпатијата/дечкото те вика“ , или „Јас сум шеќер ти си мед, заедно сме сладолед“. Со душа чекавме да падне снег и улицата кај мене прибидејќи е малку надолна ја правевме лизгалица. Кои плачки беа кога татковците ќе ја изринеа едната страна, затоа што колите им се лизгале. На коледе идевме сите и поголемите им ги придржуваа торбите на помалите. Правевме торти од секакви видови на песок и земја, а мене специјалитет ми беше сокот од ружи После нинтендото, врвот ми беше чипичан. Кога татко ми првпат купи мобилен (што беше поголем од денешните фиксни) беше херој
Тоа мое време беше негде пред 13 години кога имав отприлика 4/5 годинки Во мое време, најпопуларен беше чипичанот и главно се слушаше музика на касетофон. Во мое време се денсаше на 100% те љубам. Во мое време ги гледав сликите од бебе како во тоа едно село бидејќи немаше ВЦ ме бањале во тенџере. Во мое време ме викаа чичкалица(бидејќи бев мноогу слаба) Во мое време по цели денови бевме на улица и никогаш не ни беше досадно. Се враќавме до дома само за да земеме сендвич и со се сендвичот директива пак на улица. Во мое време кога ќе паднеше снег летавме со кеси под гз на стрмните удолници, а кога ќе се вратев дома седев на печката под прозорецот и се топлев, чувствував како душичката премрзната ми се враќа на место, гледајќи прекрасна зимска идила низ прозорецот. Во мое време, најубава торта беше Кал тортата зачинета со листови, дрвца и цветови подготвено специјално од нас. Во мое време си фурав дреч портокалова со шарени букви бенетон маица. Во мое време, кога добивме компјутер со брат ми, врвна игра ни беше Маник Минер http://www.youtube.com/watch?v=F7khL9Ms4ow Во мое време се плашев од интернет иконата мислејќи дека ако ја кликнам ќе ни отидат парите. Во мое време имав некои чудни суштества (играчки мали пластични) што се паѓале од смоки или којзнае од што, ги собирале брат ми и братучед ми па јас ги наследив, и ги крстив: НиниДиши и брат му на Нини Диши - близнаци само различна боја, татко им ЉАндрљТ(бидејќи имаше гитарче), Џанџи Џунџи и тако даље. И ден денес им се смеам на имињава, којзнае како сум добила инспирација да ги крстам вака А, да. И со мама редовно си купувавме ливчиња и си игравме супер бингооо со Игор Џамбазов тогаш дуга косица имаше
Во мое време: * Собиравме детска пошта и салфетки * Купувавме сликовници * Гледавме Мечето Ушко, Штрумфови, Грашковци па и оние приказните на МТВ 1 што ги даваа оние анимирани приказни како во книга што се вртеа и на секоја страна по некоја сцена имаше ( ден денеска кога ќе ги дадат ги гледам) * Дизниленд ни беше омилена дестинација * Купувавме шеќерни лижалчиња од пампурот и мноогу други работи.
