Во среда на 3-ти февруари, протестен марш под мотото „Јавна соба е кривично дело“

Ве повикуваме на протестен марш оваа среда, 3 февруари, од 14:30 часот, за поддршка на сите жртви на криминалната група Јавна соба, од Министерство за внатрешни работи до Јавно обвинителство – институциите кои треба да нè заштитат од насилство, но очигледно не го прават тоа.​

-Бараме од Јавното обвинителство неодложно и темелно да го расчисти случајот „Јавна соба“, кој претставува кривично дело во кое голем број жени се жртви на родово засновано насилство.
-Бараме соодветни казни за администраторите на групите, како и сите членови кои праќале и се уште праќаат фотографии и пишуваат лични податоци на девојки и жени.
-Бараме и инсистираме сексуалното вознемирување преку интернет посебно да се регулира и во Кривичниот законик.
-Бараме соодветна грижа за жртвите од надлежните институции.

Неколку приведени членови и санирање на штети нема да нè замолчат. Будно ги следиме институциите и бараме сеопфатни решенија за превенција на родово базирано насилство.

​

 

Јас ќе присуствувам.
Ко обично.

 

Ајде сите кои ке присуствуваме да напишеме коментар за тие тие кои се мислат и стравуваат да добијат подршка

 

Еве има и евент на ФБ :

https://www.facebook.com/events/250332166499763/?ti=ls

 

Сакам да присуствувам, ако можам да се организирам некако со некој, бидејќи сум далеку од Скопје.

 

Скопје има 800.000, белким има доволно свесни, па да не мора од другите градови да доаѓате.

А може и во секој град да организирате.
Контактирајте ги Медуза.

*повеќе за во оваа тема е постов

 

Ќе присуствував, ако немав испити за полагање.

 

Саат време. Со разбистрена глава побрзо се памти после.

 

А да ургираме да се премести од 17 часот протестов?
Голем број сме во 14:30 на работа..
Или за викенд, не би било подобро што знам

 

Прашано е, таргетирале да биде во работно време за да ги видат оние во институциите

Стварно, или сте за, или не си барајте изговори. Активизам не е нешто што бира време или метеоролошки услови.

 

Не зборував само за мене, голем број се тоа време на работа.
Ќе видам , ќе пробам да земам слободен ден ако има кој да ме смени, сега за сега не знам за сигурно.

 

Тука во право си, ама многу ми е далеку да трчам од еден до друг крај.

Петок да го ставеа таманка да им се унистеше викендот во собрание.

 

Ќе спомнам на другарки да дојдат да не бидам сама.
Дај хамери да направиме со натписи.

 

Ако има некој заинтересиран да направи онлајн пренос (live stream) на ју тјуб, за да може сите кои не се во можност за физичко присуство да дадеме придонес со вклучување и пишување коментар во знак на поддршка.

 

Одлична идеја

 

Еве да прочиташ

 

Не одам. Не ме интересира воопшто.

 

Не одам зошто овој протест е од ,,непрофитните" организации кои излегуваат еднаш на десет години само колку да кренат медиумска фама, експонираат за да лапнат некој денар плус и секое чудо да го завршат за три дена.

Кога ја видов листата, Медуза, LGBT, ми пропадна сиот ентузијазам и желба за поддршка, заедништво и спонтаност.

Прокопајте малку на нет, и може ќе сфатите колку од нив се во background политички инфилтрирани, и колку у приватен живот им чуе Ѓурга за жените во Македонија и нивните права кога се силувани, обесправени и кога бараат било каков тип на згрижување и заштита.

Се додека овој народ нема црпка за спонтано соединување надвор од жмронските и ездеовските игри, овие наводни протести без никаков жар, агенда и иницијатива од луѓе лешинари ќе ми навредуваат интелигенција.

Со среќа нека ви е.

 

Леле колку сум изненадена!