Вработување во еден, а живеење во друг град

Вработување во Скопје- Живеење во друг град

Секако, доколку се исплати, немам ништо против.
Мое мислење, ако личноста е од Куманово, Велес, Тетово, значи градови поблиску до Скопје, сметајте дека до Скопје стигнувате побрзо, отколку некој ако тргне еве од мојата населба, до Карпош (малтене од еден до другиот крај на градот).
Ако ви е исплатливо, си го направите есапот и сметате дека ќе имате добивка, наместо загуба, бујрум, Скопје е отворено за сите како што гледам.
Ама немојте ве молам тие срцепарателни приказни како е тешко, како скопјаните се готовани, мрзливци, неспособњаци; нив ги чекало дома топло ручече и прегратка со мама и тато, остатокот доаѓате во ладен дом во големиот град, не можеле они да сфатат?
Сами си бирате, тражили сте - гледајте.
НА СИТЕ ни е тешко.
Работата е што голем дел, за чист инат на скопјаништата, се косите со простата логика и во состојба сте да одите и во загуба, и вие и домашните што ве крепат, само за да сте тука (и ретко кој/а го признава ова).
Ем го вреѓате, ем ги мразите (тоа е евидентно, нескриено), ем барате работа тука по секоја цена - и пак не чини.
Скопјаните се криви, тоа е.
Исто како што некој погоре кажа - што се они виновни што се родиле во тоа и тоа градче, каде што нема просперитет и работа?
Погледнете и поинаку - што па скопјаните ви се виновни што се во Скопје, за се'нешто?

Преку глава од глупави муабети.


Ако ви се нуди убава, солидна заработувачка, и не поминувате повеќе од час и половина возење во еден правец до Скопје, и сметате дека тоа изгубено време во патот нема да ви пречи во социјалниот и домашниот живот, слободно прифатете.
Ако ви се нуди мизерна работичка, која захтева помош и жртви и од домашните, притоа само кукате, плачете, самите се етикетирате како провинцијалци и душички, па после ви е криво зошто други ве нарекуваат така, и одите во загуба - не прифаќајте.

Малку оф топик муабет, за кого го интересира...

Спојлер

Престанете значи постојано да се правите жртви, од сите други градови надвор од Скопје.
Никој тука не ве дочекува на нож, половина и повеќе сами си го предизвикувате тоа.
Јас се родив во еден голем град, па живеев во малото градче, па дојдов во Скопје.
Ниту некој ме етикетирал како провинцијалка, ниту јас сум се почувствувала или декларирала така; напротив, дојдов во најранливите тинејџерски години и сите ми пружија рака, и убаво ме прифатија.
Не можев да сфатам што толку упорно се прави таа поделба на Скопје вс провинција, додека не дојдов на факултет, и видов дека - сами се делат, упорно значи. Никој ништо не им рекол, ниту направил, од старт сте негативно настроени, лошо расположени, имате предрасуди, па после некој ви е виновен зошто не сте фино дочекани од средината. Па и нема да бидете со таков став и однос.
Будали и неспособни има и тука и таму, како и квалитетен и способен кадар.
Не знам зошто постојано и упорно ја потенцирате таа разлика.
Сами на себе сме си најголеми непријатели. Сами ќе се изедеме, македонштината ќе не изеде.

 

Вработување во Скопје- Живеење во друг град

Ако пробаш ништо не губиш. Ако мислиш дека е исплатливо прифати.

Мене ме буни синдромот на омраза на некои девојки од останатите градови кон скопјанките. А исто и оној обратниот. Зашто сметате дека сите скопјанки се лигушки? Или зашто сметате дека сите девојки кои не се од Скопје се спонзоруши? И такви и такви постојат, и таму и таму. Ама најискрено најмногу ме нервираат тие девојки кои решиле да живеат во Скопје и живеат, а цело време зборуваат колку го мразат. Па ако толку многу не им се допаѓа прашливото Скопје зашто се одлучуваат да се дел од него. Аха, а да, јакото Скопје...? А мораме да живееме сите во него. Дај да бидеме благодарни сите за тоа што самите ќе си постигнеме во животот и да бидеме задоволни од тоа кое го имаме.

 

Вработување во Скопје- Живеење во друг град

Значи вака, јас ја отворив оваа тема за да слушнам некои искуства во врска со ваквиот начин на работа, ама изгледа бев погрешно сфатена. Не е ова препукување кој од каде потекнува. Прво да разјаснам не сите девојки кои студираат во Скопје одат таму за да се омажат. Има такви, но тие најчесто не ни завршуваат факултет,а има и такви кои едноставно се заљубуваат, нели таму поминуваат 4 години, не е тоа ништо невообичаено. Друго, не сите сакаат да живеат во Скопје, затоа и прашав како е да се патува секој ден. Сакам да си живеам во мојот град, но работа нема и затоа сум принудена да патувам а не затоа што Скопје е метропола туку затоа што НЕМАМ ДРУГ ИЗБОР. А тоа дека ние прифаќаме плати од 6000 денари а со СКОПСКИТЕ девојки нема играње нема да коментира. Се гледа паметот на тој што го кажал ова. И уште нешто не мислам дека газдите ги интересира кој од каде потекнува кога ве викаат на интервју. Само сакаат да најдат што подобар работник. Јас не се лутам доколку има некој пред мене кој е подобар, само сакам фер игра, па нека победи најдобриот, а за другите нема лутење.

И немам ништо против Скопјани, само немојте да се преценувате толку и вие сте само луѓе.

 

Вработување во Скопје- Живеење во друг град

Јас си се вратив дома.
Речиси за истите услови можев да најдам работа/пракса и во Скопје, дури и подобра, но морав да плаќам кирија и превоз.
Во мојот град не.
И кога ќе си ја направиш сметката, ќе видеш дека исто се заработува и во помалите градови, АКО најдеш работа. А знаете колкави се шансите? Речиси и да ги нема . Па луѓево едноставно се принудени да бараат работа по други градови, а тоа најчесто е Скопје. Некои патуваат, но некои мора да остануваат.

Има и такви кои по секоја цена остануваат во Ск, па дури се и во загуба. Но се поретко е ова, затоа што состојбата во помалите градови е благо кажано катастрофа. Мизерија.
Дојдете, ама не на гости, поседете макар еден месец и ќе ви биде јасно зошто луѓето по секоја цена сакаат да останат во Скопје, па макар и за мизерна плата.
Барем ќе зима некаква плата и ќе има надеж дека ќе наиде на подобро платена работа.
Во малите градови ни надеж нема.

Не ви држи место дека ние самите се поделуваме и етикетираме.
Не е така. Јас најчесто се дружев со скопјани, и сеуште ми се најблиските луѓе кои ги имам, но тие се неколку кои ете ме прифатија и по некоја случајност или не, сите имаат потекло од провинција. Останатите, те исмеваат, не сакаат ни муабет да прават со тебе, чиниш ти си некое ѓубре, а они се благородници. Ве вреѓа тоа или не, сеедно. Јас знам како поминав со мојот дијалект, кој патем воопшто не е вулгарен, со моето потекло, со тоа што за сите бев селанка.

И не, не си ја создадов оваа етикета сама, јас воопшто не ги ни делам луѓето на тој начин, а не ме ни интересира кој од каде потекнува. Ама скопјаните ги интересира.
Не сите, знам дека постојат исклучоци, ама тоа се само исклучоци.
Додека јас, а и останатите како мене бевме селанки, селјаци кои имаат трактори и ниви, а тие се перчат на Ленинова, ние од тие трактори, ниви и овци, имаме по 3 стана, една куќа, сметка во банка, и работиме во Скопје. Во меѓувреме се мажиме за скoпјанец. Вака не гледаат, за жал.
И никој неможе да каже дека не е така, сами си ги вадиме муабетите. Ви се молам.
Или не сте сретнале вакви личности или едноставно имате среќа што едноставно не ве сретнале.

 

Вработување во Скопје- Живеење во друг град

Јас мислам дека сосем погрешно го протолкувавте коментарот на девојката која кажа дека

Според мене ова воопшто не укажува на тоа дека Скопјаните се некоја надмокна раса со намера да се навредат и омаловажат лугето од внатрешноста без разлика дали станува збор за девојки или момци ( бидејки не само девојки бараат работа тука и сакаат да останат тука со надеж дека ке имаат подобра иднина) туку се однесува на тоа дека со тоа што се согласуваат да работат за 6000 бидејки во нивниот град не би ги имале ни тие 6000 тотално се изместува ценењето на професијата на пазарот на кој се конкурира.Нормално дека работодавецот ке вработи некој кој се согласува истата работа да ја работи за помала плата ,отколку да вработи некој кој нејке не ни да чуе за плата помала од 12 000 за истата работа.Е па тотално не е фер некој со Правен факултет(го давам како пример) кој конкурира за одредено работно место да не биде примен само затоа што некој пред него од очај прифатил да ја работи таа работа за помала плата,иако реално тоа не е вистинската плата која што треба да ја зема некој со таа професија.Тука настануваат поделбите и таа како што вие ја нарекувате "омраза " према лугето од внатрешноста.Веке не станува збор за тоа кој е колку способен,образован и со квалитети туку работа ке добие оној кој прв ке се согласи со условите на работа на работодавецот.Е па нормално дека ке ги боли Скопјаните кога некој друг ке им го земе работното место ради тоа,бидејки реално доколку би немало такви случаи работникот ке биде тој кој ке ја определува минималната плата а не работодавецот.
Отидов офф топик со коментаров но мислам дека стварно ред време е да престанат да се палат и едните и другите за вакви работи,кој од каде е и зашто и со каква намера е дојден во Скопје.
Секој со својата срека па што "Господ" ке му даде ко што би рекле постарите.
И не можам да се сложам со еден коментар погоре кој вика дека Скопјаните само шетаат и седат по кафиња по Ленинова додека останатите од дома не излегуваат и учат бидејки тоа е тотална невистина.Кој е запишан на факултет со намера да учи,ке учи без разлика од каде е .Познавам многу колеги и колешки од факултет од внатрешноста кои за воља на вистината се' почесто на кафе и у диско од било кој Скопјанец што го познавам па вклучувајки ме и мене .Репертоарот на Midnight и B2 го знаат подобро од газадата на диското,од среда до недела кој бенд е и кој пејач е .Секоја недела ги гледам испозирани на КадеВечер и ЗаЗабава и секое утро ги слушам на први 2 предавања како споделуваат имресии за тоа како си поминале предходната вечер и каде биле . Така да , да не се омаложуваме и врегаме дека ние Скопјаните сме мрзливи,не учиме и идеме на факултет само за да испозираме и да кажеме дека сме дел од таа академска граѓанштина,додека останатите трчаат од дома на предавање,од предавање во читална и сироти кафе се немаат напиено на ул Македонија и Ленинова.

 

Вработување во Скопје- Живеење во друг град

1во има закон со минимална плата ,а за работа како кафич и слични работи тоа не е ни малце сериозна работа,значи и да сака некој/а неможе да опстои со таква плата да патува до Скопје или пак да престојува тука ,можеби како дополнителна работа да се работи што го прават тоа секаде во светот.Никој за ништо не е загрозен се додека се смета за способен,образован,и упорен да си најде работа .Секаде има газди што сакаат да се работи за мин.плата што е законски предвидено но тоа не значи дека мора да се прифати.Отворен пазар и без дискриминација може да донесе успех,се додека затупени луге ке гледаат кој од каде е и бидејки некој нема среќа или пак не се потрудил доволно не значи немање можност за работа поради некој што е од друг град по потекло а не од СКОПЈЕ .

 

Вработување во Скопје- Живеење во друг град

^минималната плата се однесува на вработувања во државниот сектор,но доколку некој сака да се вработи во приватен сектор пр.сакам да работам приватно кај адвокат некој кој има канцеларија,тогаш адвокатот одлучува дали и колку ке ти плака.Е па , во тој случај сигурно нема да ми плати 6000 ако некој пред мене се сложил истата работа да му ја работи за 4000.(под предпоставка дека и јас и другото лице кое конкурира кај адвокатот имаме еднакво образование и квалификации) Е па доколку никој од пријавените не прифати да му работи за 4000 тогаш верувам дека ке почне да го зголемува минимумот па наместо 4000 ке го направи 5000и така натака.
Кај нас неможеш да очекуваш отворен пазар и недискриминација кога секој се бори буквално за парче леб а не за професионално надградување и докажување.

 

Вработување во Скопје- Живеење во друг град

Потполно се согласувам.И знаеш што е најинтересно,живеев неколку години во Скопје,и многу ретко некој да ме погледнал со презир поради тоа што сум од внатрешноста или како закана за работно место.За моја среќа наидов на културни луѓе,како од Скопје така и од внатрешноста,а многу занимливо е дека зборот провинцијалци во негативна конотација и со закана за дечковци и работа,го користеле повеќето таканаречени скопјани чии родители се населиле во Скопје од други градови и села,или скопјани од села и населби од Скопје,оддалечени повеќе и од Тетово или Куманово.

Спојлер

Всушност и на еден обичен форум се гледаат тие фрустрации,кој рипнува да забранува работа на луѓе од внатрешноста поради потенцијални гребатори на нивната.

И сосема коректно,не е важно дали е од провинција или Скопје,квалитетен кадар има без разлика од каде,и тоа не може да се подели на Скопје вс провинција.А за работа е тешко и за едните и за другите.Не е гаранција ниту да си од Скопје,ниту од внатрешноста,како ни сите десетки на факултет.

 

Вработување во Скопје- Живеење во друг град

Мислам дека темава отиде во една сосема друга насока, па како што предложи некоја феминка претходно, мислам дека е подобро да се преименува во Вработување во еден град, живеење во друг.

Нема да коментирам за тоа каков е животот и вработеноста во Скопје, како е во другите градови.
Какви се цените и трошоците овде, а какви се во другите градови.
Јас ќе си се изјаснам конкретно за темава.

Ако не дај Боже утре ми гори под нозе и немам друг излез, би се вработила во друг град.
Но, се разбира - не по секоја цена.
Да речеме, Велес ни е блиску и имам другарки што секојдневно патуваат на факултет таму, па побрзо стигнуваат со воз, отколку јас до правен со автобус или кола.
Но, ако се најдам во ситуацијата на memory, не би се вработила во град до кој имам 2 часа патување во еден правец. Добро се познавам себеси и знам дека нема да можам да го издржам целиот тој терет. Животот ќе ми се сведе само на работата и времето кое ќе го минувам дома, ќе морам да го искористам за одмор и спиење.
Куча посо ќе ми биде животот.
Ќе ми се одмили и работата и професијата што сум си ја одбрала.

Така што, вработување во друг град - да, но само ако се исплати.
Ако не поминувам предолго време од денот во пат, тогаш сум за.

 

Вработување во Скопје- Живеење во друг град

По тоа што прочитав по темата... Велес е провинција?!?
Море деца! Дојдете во Прибачево да видите што е провинција? Слободно прогуглајте го, да, во Македонија е.

ОК. Јас вака од лично мислење да си кажам. Еве јас патувам саат и пол во еден правец за работа. Возови, со два претовара на подземна. Не е во Македонија но времето со ист саат се мери. Некогаш кога му скиснало на некого од живот и рипне под воз тој саат и пол во еден правец три саата стане, додека го соберат несреќниов форензичари со пинцета. Ама поблиску таква работа за која сум стекнала искуство, сум тренирала, сум се надградувала со години -нема. Патот ми е заморен, како не е. Три саата на ден тепам време по пат. Гужва ми е, скапо ми е, ама таа работа ни вади и леб и куќа и се. Јас така ќе се изморам ама и ќе се одморам две недели во година на карибите, една недела во Македонија, една во Италија или кај сакам. Тие три саата пат тоа ми вредат и јас порадо ги преседела на воз отколку дома пред телевизор. Знам, стандард друг, плати други, ама секој кој размислува дали му вреди повеќе пат поминат за работа баш тоа треба да си стави на кантар. Што е тоа што таа работа би му дозволила да си обезбеди и дали тој пат поминат на ден и тоа време вреди за тоа.

 

Вработување во Скопје- Живеење во друг град

^
Прибачево ни Гугл не го наоѓа

 

Минималната плата се однесува за сите фирми, за полно работно време, доколку си пријавен. Работодавецот не смее да пушти плата помала од минималната законска основица, во спротивно си постои казна

 

^Значи минималната плата ја имам спомнато како пример за сума која еден работодавец е спремен да ја даде ,не ја спомнав во контекст на законски определената граница.И ова го кажувам од лично искутво каде што имам работено во адвокатска канцеларија во која што кога се вработив наводната плата требаше да ми биде 10 000 од кои за 2 недели адвокатка ја симна на 5000 под изговор дека месецот немало многу работа ,па ако сакам да работам на процент па вака па така.Муабетот ми е дека конкретно приватњаците сами си определуваат нивна минимална или максимална плата како год. Е па се додека некој е спремен да работи за 5000 наместо 10 000 ке прават така, а бидејки јас заминав од таа канцеларија не помина ни недела дена дојде друг дечко кој очигледно е спремен да работи за таа сума.
И отидовме тотално офф топик ..

 

Ако не си пријавен, може и ич да не ти даде, да те мотка 3години, а ти нема да имаш докази за да го тужиш и да си ги земеш парите. Но, ако си пријавен и тоа со полно работно време, законската основица си е таа, важи за сите и мора да се почитува. Казниво е со закон. Морав да пишам, зашто претходно наведе кон Дволичен дека минималната плата важи само за вработените во државна администрација (тој зборуваше за законската минимална плата), а тоа не е точно, законот важи за сите.

Патем, ете он топик, во безизлезна ситуација или подобро работно место би работела во друг град, се за подобро утре.

 

Ами, утре понеделнички да пуштиме еден автобус и сите од другите градови нека излезат на тротоар, нека ги собери и да ги врати дома, онаму од кај што дошле.

Вистина, кај ќе одиме ние, па во Вардар ли да се фрлиме. Тие тука ќе ни ја земаат работата, не можеме од нив да се докажеме.

Ај, тоа и момците ни ги ловат, остануваат трудни, па после во темата: Останаа ли машки во Скопјево се жалиме како немало машки....

Што дојдоа зедоа....

Спојлер

До кога со завист и љубомора? Сите сме луѓе, за сите има место под ова небо. Гледајте си за себе. Кој како се снашол, така.

 

Браво Баш убаво ме разбра што сакав да кажам Ти благодарам што ја дообјасни работава.
Немав намера никого да навредам,туку тоа е само реалниот живот во Скопје.
Поздрав

 

Знаете ли вие дека 3те (чинам беа) сендвичари спроти Пелагонка работат со полна пареа само кога е студентска година и кога градот, т.е. студентскиот е преполн со дојденци од надвор? Газдите на тие сендвичари сигурно ќе потрошат дел од парите по други бизниси, тие по други, и се надевам дека дел од нив ќе завршат и во нашиот. Фала ви дојденци!!

Ај вака - ако не беа студентите и вработените од другите градови кои изнајмуваат станови во Скопје, ЌЕ ИМАА ЛИ ГОРДИТЕ ГАЗДИ ТОЛКАВИ ПРИЛИВИ ОД ЌИРИИ?? Или тетката со сендвичарата. Или дечкото со бифето. Или инвеститорот со пари од провинцијалецот за довршување на зградата. Или кафаните, кафичите, дискотеките - за зголемениот промет.

Офтопик сум, знам, ама муабетите што ги прочитав ми се излишни и недоквакани. Прифаќале провинцијалците работа за 6.000 само и само да останат во Скопје. О Божееее! ПРИФАЌААТ ЗА ДА ПРЕЖИВЕАТ во градот во кој сакаат да живеат! Борба е, впрочем како и животот. Ама добро, на некои првото излагање од дома им е со музика и сватови.

И не, не го почнаа муабетот провинцијалците за какви се скопјаните, туку обратно. До сега не сум слушнала провинцијалец да се жали од Скопје, ама затоа скопјаните ми го отупеа. Замини бе братче кај што ти одговара и не замарај! Или не можеш да се одделиш од сукњата на мама и паричникот на тато?
Ако, остани, времето ќе покаже кој е подобар. Нема поголем мотив од мотивот за преживување.

И на темава - би прифатила да патувам само одреден период, додека не се снајдам со друго...времето ми е многу драгоцено, посебно откако ми се роди малата, па некако не сакам да компензирам со пари ништо во врска со неа.
Ама кој знае што ни носи утре - можеби и на привремена работа во странство ќе заминам, тоа ти е живот

 

Јас живеев во еден а работев во друг град 2 години. Во почетокот ми беше тешко, потоа изнајмив стан и си доаѓав за викенд. После се заљубив па ни за викен не си доаѓав . Ми се допадна искачањето во мало градче. Не се шлаеш, две места има на тебе е да одлучиш каде вечер
Проблемот ми беше типично женски, пола алишта дома пола во стан, па ќе си испланираш што сакаш да носиш и одеднаш ти текнува дека тие кондури дома ти се
И така

 

Потешко нема! Живеам во еден, а патувам во друг град. Секој месец се надевам конечно ќе се среди процедурата за префрлување на работа во градот во кој живеам. Ако ова продолжи вака, не ми бега напуштање. Тешко е секој ден да губиш 3 саати во патување (по вакви никакви патишта). Еве полни три години како патувам (упс, со исклучок на породилното 15 месеци) и навистина ми е смачено. Ладно, жешко, темно, доцнење, подранување цел саат на работа, станување во 5, прибирање во 10 и слично... Ајде само со надеж дека ќе се среди работава Некој друг на мое место можеби би рекол (до душа и многу ми го зборуваат ова) : Ех камо јас да ја имам твојата работа, ќе патувам колку треба. Не би рекла баш

 

Не, нема да имаа, ама ќе имаа промет некоја друга тетка со сендвичара во внатрешноста на државата, некој друг дечко со бифето во друг град, а ќе се изгради и зграда во некој трет град каде ќе им се зголеми прометот и на тамошните газди на кафичи и дискотеки.
И дајте ве молам, ме иритираат приказни како Скопјаните не можеле да се одделат од паричникот на тато, небаре тука сите во палати живееме и на пауза меѓу два бала мрчиме за провинцијалците само зашто на нас се ни е средено тука. Не работат само луѓето од страна во Скопје за да преживеат, туку добар дел и од Скопјаните преживуваат тука со мизерните плати, а платите се мизерни заради нелојалната конкуренција. Далеку од тоа дека само луѓе од внатрешноста ги симнуваат реалните вредности на платите, но најчесто е така. И не учат само кутрите студенти на кои родителите им делат од уста за да го пратат детето на студии во Скопје, туку голем дел и од Скопјаните кратат од X удобства за да ја платат партиципацијата за факултет. Нема место за генерализација, 1000 луѓе- 1000 приказни. Секако секој ќе си го најде своето место- кој како се снајде нормално, а и уште не сум видела некој Скопјанец да фати некој од внатрешноста за уши и да го одвлечка. Кој и да дојде, добредојден е, нека повели, ама кога ќе ми понудат работа и ќе се истрча некој од друг град да прифати за дупло помалку, нормално дека и јас ќе мрчам. Јас ќе си мрчам, тој ќе си работи за плата недоволна ни за преживување во Скопјево и ќе биде кутар затоа што ем се утепува од работа за само да преживува, ем Скопјаниве го мразеле.

Спојлер

П.С. Моира, те цитирав само заради болдираниот дел, останатиот дел од мојов пост не се однесува на тебе, само си го изнесов мислењето