Фиона Монаган е најдобра од најдобрите во светот на списанијата! Таа е уредник на њујоршко модно списание! Го среќава Џон Андерсон, њујоршки бизнисмен преку списанието! Џон веднаш чувствува привлечност кон Фиона, но Фиона се двоуми кога станува збор за романса помеѓу нив двајцата: тие припаѓаат на два сосема различни света.Таа бара секаков бизарен изговор за да не се зближи со Џон, ниту со било кој друг маж. Но како што секогаш се случува "спротивностите се привлекуваат" па наскоро двајцата се вљубуваат еден во друг! Ова е прекрасен роман во кој овие двајца треба да се потрудат да ги тргнат настрана нивните разлики и да се справат со нивниот различен животен стил додека се заедно. Но додека го читате романот прашањето останува да виси во воздухот: Дали тие ќе успеат во нивната врска? Овој пат Даниела Стил се надминала себеси со овој роман, пишувајќи за синдромот "спротивностите се привлекуваат" и проблемите кои се појавуваат во тој тип на љубовни врски. Додека Фиона го живее својот ексцентричен живот, а Џон го живее животот на привлечен богат бизнисмен, тие двајцата секако се создадени еден за друг! Јас обожавам љубовни романчиња, оваа книга дефнитивно ми остави голем впечаток, цело време си замислував сцени од филм, се расплакав кога беа разделени Џон и Фиона. Една од моите омилени книги . Дали ја имате читано книгава ? Дали ви се допадна ? Кој дел ви остави најголем впечаток ?
одамна ја имам читано книгава и дефинитивно мислам дека е најдобро остварување на Даниела.. знам кога ја читав книгава бев воодушевена и едвај чекав да достигнам до крајот
Јас ја читав летото и многу ми се допадна, лесна книга, интересна, ја прочитав во еден ден и ја препорачувам на сите
Добра, лесна книга како и сите останати на Даниела Стил. Ја имам читано поодмна и скоро ја имав заборавено. Една од најубавите книги од Даниела Стил ми се ‘‘ Враќање дома ‘‘ , ‘‘ Подарок ‘‘ , ‘‘ Накит‘‘ , ви ги препорачувам
Мене книгава воопшто не ми се допадна. Слаба, предвидлива приказна, сметам дека е едно од полошите дела на Стил. Тука ја сместувам исто и Дебитантка. читајте ја книгава ако нема што друго, инаку не ја препорачувам.
Втора шанса од Даниела Стил е најнеинтересната книга од аваа авторка што ја имам прочитано! Со содржината многу ме потсетува на љубовните викенд романчиња! Се во книгава е предвидливо - настаните, описите, крајот - имав чувство дека веќе одамна ми се прочитани!!!
Мене многу ми се допадна Втора шанса, опуштена книгичка со хепи енд. Целиот тој гламур, модата, ревиите, сето тоа ептен интересно го има доловено. Ја прочитав и Подарок и сега при крај сум со Накит. Е Накит ми е многу многу добра.
