Не се секирајте, нема да ви фали да мрда Кога ќе влезете во третото тромесечје, особено таму некаде после 30та недела кога ќе стане малку посилно нема да ви фали. Мене моево мислам дека сите внатрешни органи ми ги пререди, некој ден ребрата ќе ми ги искрши од толку јако клоцање, навечер не ме остава да спијам, а за мавање директно во бешика нема да коментирам...
Јас сум 25та. Вчера на работа и вечерта го сеќавав баш убаво кај што клоца и тоа на работа на чудна локација баш високо, десно од папокот, а дома кога лежам пониско е. Денес е тука ама послабо како усрамено и мисла ми е . Ама вака се тешам кога ве читам, како што сум баш онака контрол фрик + хипохондрик......
Јас сум многу среќна. Вчера бев кај матичната. Многу си ја сакам и на нејзините прегледи најмногу се радувам кога треба да одам. Во 6ти месец сум, 24+4 бев вчера. Ми обрна внимание детално како да сум отишла кај некој нај нај специјалист. Ме праша прво како се осеќам, дали има некој проблем или промена, која ми е терапијата и дали има во тоа промена. И дадов примероци од контролите кај др Јани, др Муратовска (за тироидната) и и дадов анализа од крвната слика. Ме прегледа за должина на цервикс, поставеност и хомогеност на постелка, плодова вода, проток на папочна врвца и сите параметри на бебчето, големина и градба на глава и стомаче, развитокот на органите, димензија, килажа. Ме предупреди за евентуални болки што е загрижувачко а што не е. Оние лигамент болки и понекогаш грчевити болки што во суштина се ОК се додека не се интензивни, непрекинати и особено ако се појави кафеав или црвен исцедок тогаш веќе загрижувачки и обавезно да се оди на дежурна служба. Ми кажа да внимавам на хемоглобинот зошто ми е низок, па ако не се поправи дека од наредна крвна слика ќе ми воведе нешто ко Тотхема некоја терапија. Ми воведе калциум (идеос таблети за џвакање) за појаки коски а и заради крварење од непцата. Ми даде насоки за анализа на гестациски дијабет (ќе правам во Авицена Тафталиџе наредната недела, моја 26та недела). Ми кажа кога за наредна контрола. И на крај ме праша дали јас имам некое прашање за неа. Ја прашав дали ќе треба да правиме брисеви и кога, зошто леукоцитите ми беа на горна граница па помислив да не има некоја инфекција. Ама рече дека брисеви ќе правиме нареден пат зошто за трудници тие референтни вредности не важат, а и немам некоја индикација како секрет, миризба или печење. Значи ми идеше да ја изгушкам зошто никој ваков пристап до сега немал. Инаку бебче е супер, пораснато е 830грама, има сила, сите органи му се супер формирани. Од после 27ма недела ми кажа дека ќе броиме мрдање и клоцање. Да не се секирам сега ако понегкогаш е мирничко. Се потрудивме да извадиме слика, ама бебче секогаш ни се крие со едното раче пред главата, како да знае. А и во тек на прегледот ја буцна докторката. Баци 5. Се поздравија. Си дојдовме дома со потскокнување од радост. Ве сакам сите
Мајки, речиси сум кон полна 20та недела, денеска после цел ден активност, наеднаш мислам ми се зголеми стомакот, не знам како да опишам, како некои гасови да имам и бебето малку погоре ми мрда на моменти, многу добро го чувствувам. Ме фати некоја паника, дали е можно да се поместило нагоре па така наеднаш како друго чувство? Немам болки ништо, само еве во моментов седам и пишувам, тежината се прошири баш пд двете страни кај слабините. Може ли да се шири матката? Инаку скоро цело време сум вп фармерки дека не ми се познава сеуште па еве едно 3 часа како ги соблеков и сум баш ко подуена. Дали вакви чувства се нормални?
Здраво на сите Како се чувствувате идни мами во 27мата недела? Јас од завчера некако се осеќам чудно, како да ми тежи стомакот некое чудна нелагодност и кога седам и кога одам, бебе нешто се смири исто овие два дена едвај и да го приметам да ме клоца, некои благи треперења, не е како што знаеше да мава силно ајде си викам да не паничам одма.... ноќе кога и да се разбудам секогаш сум легната на грб а заспивам на страна, едвај ќе станам да отидам до вц, нозете од колената надоле многу ме болат на спиење.. Денеска 27+3 Со 28+0 се влегуваше во седми месец така ?
Јас сум 25та недела+4, ако имаш перница за трудници ставај позади грб за да не дозволи да се превртуваш на грб во текот на ноќта, читав дека праи проблем со циркулацијата и кај мајката и кај бебето. Јас сакам да прашам дали испитувавте холестерол и триглицериди во бременост? Вчера направив комплетна крвна слика и кога ги видов вредностите.. шок никогаш сум немала холестерол ниту триглицериди, што се случило во изминатиов месец неам поим а и не знам дали се параметри кои се следат во бременост.
Во 26 недела сум од бременоста бебчето е активно си мрда особено ако јадам нешто кисело. Цело време го осеќам на левата страна од стомакот дека мрда. Немам направено скриен шеќер др. ми кажа треба да имам и за тоа индикации за да имам покачен гестациски дијабет се гледало и на ехо тоа и по плодот. Дали имате направено и во која недела?
Јас имав без индикации, без ништо на ехо. Има жени на ехо имаат индикации, вишок вода и голем плод, а немаат гестациски.
24недела сум од синоќа имам некои болки доле ниско, од што може да биде, матка ли се шире или лигаменти се истегаат
Може се да е. Зависи, дали се постојани, дали поминуваат со промена на положба, дали се грчевити во интервали дали се тапи само како менструални, пропратени со или без исцедок. Причини еден куп, лигаменти, растечка матка, инфекции, отварање...
Здраво, 15+2 сум. Последниве два дена осеќам некоја нелагодност во стомакот. Де имам некои бодежи во едната страна на долниот дел од стомакот, де бодежи внатре во вагината што траат неколку секунди ги снемува па пак се појавуваат, така неколку минути и ги снемува. После како некоја тапа болка како влечење исто доле во стомакот. Имам исцедок на бришење белузлав и без мирис и без чешање и такви работи. Се плашам дали тоа е нормално. На редовна контрола сум на 05.01 и не знам како ќе издржам психички до тогаш. Дали и на вас ви се случувало ова? Фала
Здраво на сите , Со лесно и со убаво на сите. 14та недела сум и сакав да прашам од кога почнавте и дали земате дополнително калциум? Јас сум само на витамините на Премама, а контрола имам за една недела. Имам слушнато дека трудници треба дополнително да пијат калциум за да не им се расипат забите. Што знаете околу ова? Фала ви
Јас после 12 недела ги пиев фемибион 2 и продолжив откако се породив а за дополнително калциум првпат слушам најдобро прашај си го гинекологот,
