Гатање, баење

Обично не им реплицирам на луге со оваква терминологија, но решив да направам отстапка овој пат.

1 Ти да ја прочиташе оваа книга немаше да го збоуваш оваа што го зборуваш;
2 По реториката коај ја користат луѓето при обраќање на други може јасно да се види дали воопшто ја имаат прочитано и Зоки Поки, а за повеке да не зборуваме
3 Точно е дека има различни автори кои пишувале на оваа тема, но прашање е дали тие ја зборуваат виситината и во чие име зборуваат (јас на “тие автори“ ( на кои знам дека мислиш, а кои сум ги читала во едно далечно време) името несакам да им го изговорам, а комо ли да ги напишам овде)

4 По твојата реакција на моите постови очигледно е дека ти сметаат некои имиња како што се Исус и Пресвета Богородица, и затоа се обиде на толку низок и безобразен начин да ме нападнеш
5 Но има една работа што не ја знаеш, прво како човек, воспитана сум да не се навредувам од било кој,
и второ, се додека го изговарам името на Исус не се плашам од оние сили кои повеке од очигледно
е дека тебе ти се вртат во глава
6 Мојот пост во кој ја препорачувам книгата беше означен како мислење кое и се допаѓа на една личност на форумов, која колку што можев да видам од страна на останатите форумџии се смета за компетентна за оваа тема, и тоа би требало да значи нешто
7 Ова ке го кажам заради лажната реклама што се обиде да ја направиш кај останатите форумџии: Книгата не е белетристика , напишана е од стручно лице, Свештеник Родион Петроградски; преведена е на македонски јазик, а на првата страна може јасно да се види кој ја превел и кој е рецензент.

8 Точно е не сум експерт; има една народна поговорка која вели:
НЕ ПРАШУВАЈ ГАТАЛЕЦ ТУКУ ПАТАЛЕЦ!
9 “ЕКСПЕРТИТЕ“ седат по дома со икони и чекаат .....

Би можела и повеќе да пишувам во некоја моја “наводна одбрана“, но сметам дека ова беше доволно.
Не одговорив порано од причини што бев на локација на која немав технички можности за овој вид на комуникација.
Но колку што можев да забележам милостивиот Бог никојпат не ги остава своите на цедило, па имало
квалитетни одговори кон твоето “дивеење“ на темава.

Господ по молитвите на Пресвета Богородица да ја спасува и помилува твојата душа.

 

Мислам дека темата замина во сосем спротивна насока од она што и е.
Нека ми прости kva што ќе ја именувам ( а и многу други како неа), но мислам дека жената ни некој навреди, ни на некој му рече нешто. Единствено што кажа во својот пост, беше само книгата. При што на никој не му го наметна своето мислење или слично.


Само сакам да реплицирам на она што го прочитав и што мене ми остави впечаток од еден пост.
Да не цитирам, но мислам дека имаше нешто напишано во врска со почетоците на христијанството, како тоа се појавило кај неуки личности, а притоа дека Библијата е напишана многу подоцна и можеби сите нејзини податоци не се веродостојни или едноставно се базирани на страв, ако не се верува во нив.
Да речеме дека разбирам, ама доколку не верувам во Бог. Знам дека тоа е појдовен факт во целата оваа ситуација, но сепак мислам дека треба да се разгледа малку поопширно.

Да, апостолите биле неуки, прости, рибари, митници.... со еден збор некои од нив и најголеми грешници.
Факт е дека Библијата како целина е составувана подоцна, но тие списи постоеле од тоа време. Можеби за некој се веродостојни или не за некој друг, но сепак се вистинити.
Ако ја бараме вистинската суштина на тие неуки личности и зошто баш тие се одбрани помеѓу сите други, ќе видиме дека всушност тоа Бог го промислил за да видат и другите, особено учените личности, дека постои нешто и Некој над науката. Дека и простиот со благодатта Божја може да биде над нив во науката, па и да знае многу повеќе од оние учените, мудрите во тоа или ова наше време.
Она што сакам особено да го истакнам е дека, ако оваа вера била не вистинита или не реална, досега немала да се одржи толку векови. Но, како иде ден за ден, во минатото, сега... се повеќе луѓе се сведоци, дека она што баш е напишано во Светото Писмо, тоа и се случува. Бидејќи, ако беше празна оваа наша вера, немаше ни да се случуваат безброј необјасниви случки од животот на безброј личности.

На се’ ова ќе напоменам само еден пример на еден „прост„ монах, не излезен од Света Гора, необразован, кој живеел без струја, без оваа наша денешна достапна виртуална техника. Но, тој имал друга техника, молитвената, Божјата техника. Имал очи кои гледаат се’ и сешто, а тоа е доволен показател дека постои Бог.
Имено се работи за едно духовно чедо на отецот кој работел во НАСА и кој доаѓа во очајна состојба, дека возможно е нешто неубаво да се случи. Всушност тоа бил некој дефект на спејс шатл, а никој не ни знаел каде се наоѓа. Отецот се помолил малку и точно му кажал каде е тој проблем и како да се поправи. Го посоветувал ништо да не кажува, но кога ќе се врати во Америка и кога сите ќе кажат, тој да биде последен, но во никој случај прв да кажува. Кога заминал човекот во Америка, се случило баш она што кажал отецот. Се испоставило дека никој не го знаел проблемот, а она што му го кажал отецот, тоа било всушност тоа. На крај се поправил тој дефект и се било во најдобар ред.

Овој монах е само едно камче од безбројните Божји камења што се наоѓаат на земјата. Но сепак тука зборуваме за вера, а тоа е определба на секоја индивидуа.

***

Да се навратам на темата, да не бидам оф топик.

Суштината ја изоставивме во целата тема, а суштината е паралелното постоење на оној свет, духовниот. Односно, дека тој духовен свет е или позитивен или негативен.
Она што сакаме да го кажеме, особено оние кои веруваме во Бог, е дека тој свет постои и дека овие гатања и баења постојат, но се од страната на мракот, од страната на темнината, но не и од светлината. Иако тие се камуфлирааат дека се од страната на светлината, сепак не се.
Верувам дека е ова што го кажуваме е навистина тешко за верување, но постои. Зашто сепак и во овој напреден, образован или не знам како да го наречам можеби современ век, некој и понатаму се занимава со паранормалните појави.
Па зошто би се занимавале ако не постојат?
Но факт е дека постојат и дека се повеќе личности се сведоци на тие појави. Тука би вклучила и не знам колку теми само од оваа категорија, пример како астралната проекција (што се’ човек може да види). Што всушност во таа астрална проекција човек го гледа духовниот свет, а тоа е доволен показател дека тој постои. Но и тука суштината е друга. Таа астрална проекција им е овозможена на луѓето, точно од тој мрачен свет, што на крај некои дури и психички паѓаат потоа.
Ќе наведам исто едно искуство на момче кое ја направило таа проекција. Само што се случило тоа, тој околу себе видел некои суштества, страшни суштества кои само му рекле:
- Нас сакаше да не видиш?
- Еве сме.
Започнале да го измачуваат ( тој си знае како), а тој во тој миг само се сетил да изговори:
- Господи помогни ми!
И во истиот миг се исчезнало.

За крај ќе се послужам само со уште еден пример на еден отец, кога кај него пристигнало едно момче и му рекло, дека не верува во постоењето на мрачниот свет, на ѓаволите. Тогаш отецот само му рекол да замине некаде каде би бил сам, да пости, да се моли, па самиот ќе види дали постојат или не постојат.

 

Преку гатањето, баењето се отвара врата на демоните да делуваат во вашите животи.
Секој има слободна воља да избере дали ке служи на Бога или на гаволот!

 

Делот што религиите и религиозните луѓе апсолутно одбиваат да го прифатат е фактот дека со цела таа моќ и влијание што го имаат над своите верници кои бројат милијарди ширум светот, со сите грандиозни тврдења, закани и ветувања за вечно страдање и рајски живот, доаѓа товарот на доказ.

Како некој може со чиста совест да воспостави ваков систем на психолошко поробување кој практично ги поседува животите на верниците без да им понуди ЦВРСТИ докази дека целата фама не е базирана на приказни.

Не очекувам некаде да тргне оваа дискусија пред се бидејќи верниците ја фрлиле логиката и разумното размислување низ прозор, а се потпрени на слепа верба и светата волја на небесниот татенце. Што и да се случи добро, Негова заслуга, се што е лошо тогаш е дел од некој поголем план кој ние бедни смртници не можеме да го разбереме. А ако поставуваш премногу прашања, тогаш си неверник и нецелосен човек и ќе наебеш после смртта.

И срам да ти е Серафима што се дрзна да напишеш дека цврст доказ за вистинитоста на твојата религија лежи токму во фактот дека до сега опстанала, кога (се надевам) си доволно информирана дека повеќе од 14 века таа твоја религија ја држеше цела Европа во социјално и интелектуално црнило.
Твојот небесен татенце ли сакал мииони добри луѓе живи да изгорат на клада бидејќи поставувале прашања кои не се согласувале со црковното перење мозоци? Десетици илјадници млади интелектуалци и научници, па каде е придонесот на црквата за културно и напреднување на општеството?

И да ти кажам, за секој филм што си го правиш и за секоја бабина приказна што ја голташ без да поставиш ниту едно прашање, за тоа како овој или оној отец имал привидение, или како се случуваат чуда и нечиј живот бил спасен, има милиони луѓе кои умираат од рак и СИДА, од глад и жед, додека твојот величествен Бог само гледа и ги осудува луѓето дека мастурибираат и посакуваат туѓи партнери. Тоа се нели гревови?

Која лакрдија од систем на вредности. Зарем сакаме вакво нешто да владее со нас? Да си плукнеме на сопствениот интелект и разум, нешто што се развивало со милиони години и да дозволиме систем да владее со нашиот живот базирано на некакви записи, преводи на прераскажувања на неписмен народ, од каде што се развила институција која почнала безброј војни и конфликти и е одговорна за толку многу непотребно загубени човечки животи.

Ова е тоталитарна верба. Ова е желба да се биде роб. Посакување да постои непроменлив авторитет кој не смееш да го предизвикаш, кој може да те осуди за грев преку мислите уште додека спиеш. Потреба да се биде набљудуван во секоја секунда од својот живот, во секој аспект од животот, па дури и уште пред да се родиш, и дефинитивно откако ќе умреш. Небесна Северна Кореја. Зошто некој сака да биде потчинет на ваков систем е нешто што јас не можам да го разберам.

И за последно да ти кажам Серафима, се согласувам дека секој има прав на свое размислување и став, но ти лично немаш никакви докази дека тоа што е во Библијата е вистинито. Никакви! А со големите тврдења што ги носиш на дебатирачката маса во име на твојот небесен татичко, или донеси тврди докази или спреми се да изгледаш како човек што замижал пред секоја логика и научно тврдење.

Религијата сака слепи луѓе. Сака необразувана раја, луѓе што не го разбираат светот околу нив. Луѓе гореле за секоја нова информација од науката која оделе против светот е центар на универзумот и е стар 6000 години и жената била создадена од реброто на мажот.
Религијата не дозволува на луѓето да веруваат дека можат да бидат добри и да прават добри дела и без да бакнуваат рака на попот и да му даваат пари. Религијата сака да не убеди дека без неа ние не можеме да знаеме што е добро а што лошо. Дека ние сме неспособно да размислуваме самостојно и дека целиот морал ни доаѓа од таму.

Знаеш уште што мислам дека е апсолутно засрамувачко и безобразно?
Моментот каде што стручен тим од хирурзи оперираат на човек по 20 часа и на крај некој копитар ќе каже ГОСПОД ГО СПАСИ.
Е тоа е тоа што плука по човечката способност да учи, научи, напредува, да се подобрува, да осознава и да биде најдобрата верзија од себе.

Таа е таа потреба да се витка кичма и да се придаваат заслуги на небесниот татичко, оти ако кажеме дека ние сме заслужни е грев.

Јас пред некој ден испливав повеќе од 5 километри. И не се удавив. ЗНаеш зошто? ЗАТОА ШТО ЗНАМ ДА ПЛИВАМ!

 

Омниа ти кога пишуваш дека ние пишуваме глупости мислиш дека си кул и дека не е навреда, зашто ти си пропочицата и гатачицата и пошто темава е за тоа не е навреда м?
Додуша јас не сум толку свилена како некои од тука и не се вреѓам така лесно, барем не за вакви работи, зашто знам дека тоа што го пишуваме не се глупости, туку вистината и нема што да се потресувам што некоја Омниа мисли дека се глупости. Е сега како ти се потресуваш не знам. Ако си ја имате муавата на капата туку ние ништо не можеме ништо.

Али сеа Реин нигде ја нема да рипне од заседа, но нема врска само ние навредуваме, јас т.е јас.

Викам јас дека не некои луѓе вистина ги боли и се муртат кога ќе ја чујат, ама јбг изгледа сакате повеќе да се лажете.
Верувајте во гатачки одете, праете магии и што таму се работ, али немојте да се изненадите ако полиција тропне на вратата на истите тие. ЗАТОА ШТО Е НЕЛЕГАЛНО!!!
Јас да знам кои се и што се, инаку сите би ги пријавила во полиција, ама вака само неук народ ќе пати што оди кај нав а тие вражарките ќе се извлечат на крај, и тоа ми е криво само.

 

Искрено, за да продолжиме понатаму со дискусија мораме прво да го дефинираме зборот, вера. Зашто кога веруваш, едноставно веруваш.
Не дискутирам премногу, зашто „моите„ докази очигледно не се на иста бранова должина со твоите. И колку само да набројувам, во твоите очи или во нечии други, се’ тоа ќе бидат само празни зборови и ништо друго. И како што ти или некој друг бара докази, научни докази, за оние кои веруваат верата се манифестира преку животните случки и докази. Но, ајде еден пример.
http://daily.mk/forward/1687316/najgole ... postoi-bog
Не знам, можеби му „попуштиле„ нервите на човекот во староста, ама сепак призна Нешто што бил против целиот свој живот. Што познал дека навистина Тој против кој бил цел живот, навистина постои.

Значи може секој да верува или да не верува.
Но, како што кажав и претходно, навистина не изнесувам докази, бидејќи гледам дека тоа е само „смешка„ за поедини личности.


***

Мене нешто друго ми остави поголем впечаток од целата дискусија.
Имаш и самиот напишано дека го почитуваш сечие мислење, но прости, ама мене не ми изгледа така. Првенствено тргнувам од фактот, односно тонот на кој е пишуван постот.
Можеше да ме зацементираш на место, еве да речеме со некои докази. Секоја чест на твојата интелегенција, но она што човек ќе го почувствува кога некој ќе каже нешто, тоа е веќе нешто друго. Перфектно, не лично, убаво заобиколено, спакпакувано во шарена кутија и плус панделка на неа, ама убаво кажа. Тие луѓе, фактички ние, кои веруваме сме една проста маса на народ, не образована, лесна за манипулирање... со еден збор кажано, интелегенција нешто под нулата, во минус.
Ако гледаме вака општо, ако анализираме, зарем не се ова навреди за поедини личности?!
Знам, заслужувам и признавам дека сум проста. Таква сум и општо во животот, но за другите да дискутираме какви се и што се, тоа мислам дека не е во ред. Да ги ставаме сите луѓе во ист кош, додека од друга страна има и поучени од нас, научници, кои сепак веруваат во Бог и покрај тоа што ги имаат во раце сите докази.
Мојата интелегенција е мала, тоа го знам. И верувај ми, кога некој ќе ми каже некој збор за мене, а се однесува за и во однос на верата, јас со радост го примам. Но, ако зборуваме од друга перспектива, од она моралното и етичкото, навистина не е во ред човек да се навредува.
На целиот пост, долу, можеше да стои едно:
...
п.с. Серафима (или која и да била друга на мое место или кон сите адресиран еден збор),
- Простете, ако нешто ве навредив! Не ми беше тоа намерата.
...
Но искрено, не гледам никаде таква реченица, збор. Гледам само „прекрасни„ епитети, кои мене лично не ме вознемируваат (оние кои се упатени за мене конкретно), но барем да имаме малку соочувство кон другите, кон она што ним им е свето. Зашто едноставно сите не ги воспримаат исто сите настани и сите зборови. Особено зборувам за оние термини на еден вид искажување на сарказам или иронија, пример зборот „татенце„ .
Пак ќе повторам, тргувам од себе. Можеби сум навистина проста, признавам без факултет, без магистратура, без докторат... но се трудам да студирам на друго поле. На полето на животот, барем да земам некој испит и да научам да соочувствувам со туѓата болка, со туѓата радост, или со нечие мислење (иако спротивно од моето), но сепак никој да не навредам или повредам.

Се извинувам што бев предиректна и преискрена. Не сакам да бидам погрешно сфатена, само сум искрена.
Прости, ако сум погрешила или сум те навредила со некој збор!

 

Мислам дека Елементал и Серафима малку избегавте од дискусијата зашто темата не е за верба во бога туку за гатачи и бајачи, што нема врска со релиегија туку баш напротив.
И двајцата сте цврто убедени во некои работи и имате силни ставови и мислам дека мора да се почитувате еден со друг и тоа е тоа не можете ни да се убедите ниту пак некој да се осети навреден.
Толку сакав да ви кажам само.

 

Не верувам нити во гатање, нити во баење. Тие што се занимаваат со тоа се измамници.

 

И јас знам дека не се легални, но дали знаеш во кој закон е излезена забраната?
Број на Службен Весник? Не сум сигурна дека кај нас има таков закон.
За во Србија знам, пред 7-8 години излезе закон и лом ги направија сите тие што се занимаваа со вакви работи. Таму ако некој работи илегално ако го фатат тешко него.

 

EleMental мислам дека премногу остро настапуваш кога пишуваш за овие работи, и да, навредуваш.
Ниту ти не можеш да бидеш сигурен во тоа што го тврдиш ниту пак оние кои веруваат во Господ, ниту едните ниту другите некогаш ќе имате објективен доказ за она во што верувате. Значи само вербата ви останува и ништо друго, значи ништо друго.
За оние кои мислат како EleMental секогаш ќе постојат истражувања и експерименти, но на други луѓе(научници), и нема да бидат само од еден вид туку разновидни, во многу случаи спротивставени кои ќе се разијдуваат па секој ќе одбира во што да верува.
Другите, кои веруваат во Господ, како што е Серафима во случајов,непријатно доведена во конфликт, а и многу други, секогаш ќе ги базираат своите верувања на Божјите чуда и човекови привиденија. За ова некогаш може и да постои реален физички доказ, во кој скептиците нема да сакаат да веруваат дека го гледаат и дека не е од човечка рака а научниците никако нема да можат да објаснат научно. А контролираните медиуми ќе направат истото да се заборави за многу кратко време. Но оној кој верува, не заборава.
И мене многу работи ми се нејасни и нелогични, сакам да ја дознаам вистината, но верувам дека во овој живот нема да успеам во тоа туку само ќе си читам кој што тврди, кој што видел, кој што открил итн...
Но вербата во нешто му дава сила на човекот да продолжи и да живее по одреден ред и правила.
Религиите настанале токму затоа, да ги држат луѓето заедно, преку одредени традиции, обичаи, верувања, да веруваат во едно нешто и да живеат по правила за да не се изгубат себеси.
Религијата и политиката се тесно поврзани, тие го чинат редот и поредокот и создаваат силна врска меѓу народот. Да не би постоеле религијата и политиката на светов би била анархија, безредие, никој никого и ништо нема да почитува, секој ќе работи тоа што сака и ќе уништува колку што сака без страв од казна.
Стравот од казната (дали божја дали државна) е за да не се изгубиме себеси преку расипништво.

Изгледа е истото и со оние кои веруваат во гатачи, бајачи и разни шарлатани, не можеш да им докажеш дека не се добри или да не веруваат во нив и по многуте кажувања дека се слуги на "лошото".
Можеби треба да се убедат самите од сопствено искуство и да го доживеат тоа на своја кожа односно душа, иако тие не би го виделе себеуништувањето бидејќи се навлезени длабоко со вербата во тие работи.

 

Луѓето се движат наоколу раскажувајќи приказни и тврдејќи некои работи со таква самодоверба, а во позадина имаат докази за истото колку што некогаш се нашле докази за постоењето на Посејдон и Зевс и остала екипа.
И не ми е гајле ако некој е навреден, бидејќи и ние неверниците можеби сме навредени со тоа што луѓето поддржуваат (и спроведуваат) систем на вредности кои ние останатите сеуште не сме го голтнале, а не прави безвредни грешници, плевел души, изгубени на кои им треба спасување да не завршат во пеколот. Ете И тоа го проповеда религијата.

А Серафима беше непријатно доведена во конфликт кога беше воведена во разговор. Тоа е тоа непријатно за вас верниците, кога мислите дека можете ДА ТВРДИТЕ се што сакате, можете да си ги излагате вашите верувања како да се непобитни факти и никој не смее да ве повлече во разговор.

А под закрилата на почит кон религиозна определба и политичка коректност сите овие фантастично бизарни приказни, крајно подложни на лична интерпретација се шират и се раскажуваат наоколу како да се наука.

Јас пак ќе си кажам, верувам во правото на луѓето да веруваат во што сакаат, но ширењето на било која религиозна доктрина базирана на некакви древни приказни, пропратена со ветувања за рајски живот ако кажеш ДА и закани вечно страдање и проколната душа ако кажеш НЕ е едноставно против се што треба да се залага едно цивилизирано општество, и против се што треба да дозволат луѓе способни на критичка мисла.
Кој како сака нека ме сфати.

И да ти кажам, тој микс на политика и религија ни го донесе Средниот век. Ни ги донесе Крстоносните војни, во голема мера ни ги донесе и двете светски војни.
Тоа е таа ароганција кога лидер на една држава ќе излезе пред народот и ќе каже дека Господ е на нивна страна и дека треба да се започне војна некаде.

Тоа го прават Американците денес, слушај ги говоритте и на Буш.

А тебе Abeja ако ти треба религијата да знаеш што е добро а што лошо, што треба да правиш а што не, тогаш ти фали емпатија, не религија.

И дефинитивно не земаш во предвид дека голем голем дел од човечките дивјаштва и состојби на анархија (за чија контрола толку елегантно ја придаваш заслугата на миксот политика-религија) произлегле токму од круговите на политиката и религијата.
Зарем два или повеќе народи ќе се кренат да војуваат и да се убиваат ако нивните политичко-религиозни лидери не им дадат наредба? Кога се случило тоа, војна да се почне без претходно да се подгрее атмосферата од пиздите на врвот?

Вие сте дефинитивно нешто што се нарекува СЕЛЕКТИВЕН ВЕРНИК. Ги земате само деловите од Библијата кои велат дека не треба да се убива (кажи и го тоа на Црквата) да се силува (ох Католици...) да се сведочи лажно итн итн, а тотално ги игнорирате текстовите кои диктираат народни поделби на Христијани и СИТЕ ДРУГИ кои не се дел од нашиот круг и приказните дека ако жената не те слуша треба да ја тепаш, и децата ако не те слушат треба да ги тепаш (фактички семејно насилство) и хомосексуалците немаат права и ропството е сосема ок. Да, ропството е сосема ок!

Тоа се тие делови на кои ви замижувате точно поради слободата на интерпретација на големата книга. Кој како сака така ја чита, но сите доаѓате до еден ист заклучок. Господ е голем, тој е љубов и сите не сака. Освен ако не веруваме во него, тогаш ќе не пушти во пеколот и Ѓаволот ќе лепи казани со нас. Tough love.

Дали знаеш ти дека во држави во средна Африка, христијански мисии го условуваат населението дека нема да добиваат помош ако спроведуваат абортуси?
А истовремено забрануваат кондоми како нешто што доаѓа од Ѓаволот и велат дека со кондоми уште полесно се добива СИДА. Со тоа Христијанството е одговорно за милиони смртни случаеви само во Африка секоја година. Но ти сакаш и на ова да замижиш, така?

А дали знаете дека во истите тие места, токму христијани условуваат отсекување на клиторисот на девојчињата како превентивна мерка некогаш да не почувствуваат сексуална возбуда и задоволство и да не добијат "нечисти" мисли. Ти Абеја имаш ли такви нечисти мисли, грешник ли си пред Бога?

А дали знаеш дека христијанските мисии таму селективно, по некои нивни критериуми осудуваат новородени деца дека се вештерки и ги тераат самите родители да ги каменуваат?

А дали знаеш дека се до 2000 година ставот на Католичката црква бил дека сите бебиња родени мртви всушност не одат во рајот, нивната душа не го напушта овој свет туку е во состојба на т.н. лимбо, меѓутериторија меѓу овој и другиот свет и душите нема да им најдат мир се додека не дојде Христос повторно на Земјата.
И ова тврдење било до 2000 година кога, по се изгледа Црквата се премислува со некое објаснување во стил ПА ОД КАДЕ НИЕ ДА ЗНАЕМЕ ДЕКА НЕ БИЛО ТАКА.

Ова можеш да го видиш тука

http://www.youtube.com/watch?v=hn0tPRjVBvw

Дали се тие свесни колку страдање предизвикале со тие нивни тврдења кај илјадници родители верници, да знаеш дека душата на твоето дете е изгубена и да се надеваш уште посилно и да мораш да веруваш уште посилно. Кој е тој механизам на самозачувување, дај им надеж и услови го остварувањето на таа надеж со верба и посветеност.

Без докази тоа е токму тоа. Слатка утеха помешана со страв и вина.

П.с. тука падна добра дискусија, иако е оф топик. Мислењата би можеле да се преместат во поссодветна тема, ако веќе се прави нешто. Дека има "навреди" па да не се бришат нели...

 

Јас правам разлика меѓу религиозни и верници . Јас сум верник а лицемерно би било да кажам дека сум религиозна . Да православна сум ама по традиција , и ќе си ја негувам таа традиција , тоа не е само религија туку обележје на нашиот народ , вапцањето јајца за Велигден , месењето погачка за Бадник , и сите други празници не зближуваат како семејство се одржува традиција која се пренесува од генерација со генерација .. Посебно е чуството за Бадниковата вечера , неопислива среќа и смиреност има на таа трпеза , а дали баш тогаш е Божик или Велигден ? Нели имаме 2 календара и ние според нашиот го славиме тогаш , што не значи дека е точно ама тоа не е битно , за мене битна е традицијата ..
Вака читајки те Елементал , за повеќето работи ќе се сложам со тебе , здрав разум и логика . Но јас сепак верувам во Бог , нешто во моето срце ме тера да верувам во него , мојата молитва која ми носи мир во мојата душа не е за потценување . Може е само медитација и смирување на моите мисли или пак разговор со Бог , и јас сама не знам да објаснам ..
Библијата ја имам читано во средно , тогаш не ја разбрав , се навратив подоцна на неа и во неа може да се најдат многу поуки кој е спремен да ги најде ..
А за некои работи кои религијата ги наметнува мојот разум не може да ги соџвака , пример ако не постиш ти следува казна , предбрачниот секс е блуд и грев а јас не гледам никаков грев во мојата љубов , Бог не може да гледа грев во една љубов ..

На темава сретнав дека според нашата религија , ние ги носиме гревовите на нашите предци и сега Бог не казнува за тоа ..

Дури за мене рамката во која религиите сакаат да го престават Бог е навредлива , за мене Бог е љубов не дедо на небото кој оди со тетратката во рака и ви пишував гревови ако не сте послушни ... И многу ме повредува што најголемите т.н верници се впрочем луѓе кои најмногу осудуваат без грам сочуство , и топлина во нивните срца тие се само убедени дека се што прават другите е лошо а тие се достојни за рајот .. Серафима е првата личност која толку силно ја почитува религијата а не сретнав осуда спрема никого во нејзините постови баш напротив ..

За црквата, поповите не би дискутирала ,уживам да посетувам стари цркви но тоа претежно е поради историска вредност , јас Бог не го наоѓам во една зграда . А поповите и нив не би ги дискутирала само ќе кажам дека немам некое добро мислење за нив ...

И како дојдовме од гатање и баење до религии , поврзани се едно со друго , и двете се засноваат на некое верување но сепак многу различно . Едното во внатрешна верба која доаѓа од срце , интимна одлука другото лековерност во шарлатани кои си нашле начин на заработка и не е фер да ги израмнуваш на исто ниво ... Јас би ви препорачала да си го барате мирот и спасот во себе , со преиспитување на вашите мисли и дела и да си верувате на себе , не барајте брзи лекови и не дозволувајте да ве прават магариња ..
А религиозните пак најчести посетители на овие бајачи а поентата беше дека тоа е против религијата во која се колнат ... Дури и со Библијата ги бранеа гатачите
За мене бајачите се шарлатани , не верувам во магии и ми е чудно како луѓето сеуште се поведуваат по вакви работи ..
А пак тие опседнатите да направат некому зло од типот да му умре козата на комшијата крадејки предмети , носејки ги на бајачки би им дала упат за психијатар..

 

Верувањето не е само слепо почитување на зададените правилници кои ги прокламираат црквата и Библијата. Или строго почитување на оние земски претставници на Бога кои дрско си играат со народот и го лажат.

Верувањето понекогаш значи енергија која ете јас неможам да ја негирам. Таа некако јас ја чувствувам и никој не може да ме разубеди дека не постои.

Факт е дека најголемите страдања во светот се предизвикани од тие водци кои зад вербата во Бога гледале начин да зграбат моќ, углед и голема финансиска поткрепа. Факт е дека постои некоја силна заднина во тоа што тие претставници на Бога кажуваат колку се опасни тие АМОРАЛНИ мисли кои ги има кај секој човек (дири и кај нив). И дека се живи глупости тие забрани како предбрачен секс односно да се гледа на сексуалноста како грев итн итн. Од тука, од тие навидум АМОРАЛНИ нешта кои црквата ги забранува, а луѓето како живи битија од една страна имаат природна желба да ги прават, а од друга страна попречени се од општествено-религиозните стеги, луѓето ги потиснуваат тие желби и баш од тука се зародуваат тие фрустрации кои човека го упропастуваат.

 

Луѓето кои се движат наоколу раскажувајки приказни, како што велиш, е на база на искуство Затоа не би требало со сигурност да се тврди дека само приказни кажуваат.А паганството е сосема друга работа, а и не е нешто што би се земало во предвид за муабетот дали го има Бог или не.Во право е Серафима, за се што кажа.
И мислам дека би требало да се земе во предвид фактот, дека луѓето се тие кои прават лошо или добро, а Господ не е во прашање тука, за кого би се тврдело дали постоел или не.Но, кога збориме за него...
Сите тие злосторства кои некогаш луѓето ги направиле, а патем и она за кое говориш, се дело само на луѓето.Сите војни, убиства кои се случиле се дело на човекот.А кога веќе одбрале луѓето, поради икс причини тоа да го прават, можело да одберат да не војуваат и сл.И сега, не може да се рече дека сето тое кое тие го прават, ако постоел Господ, зошто го дозволил сето тоа зло, да се случува.Кој го направил тоа? Сигурна сум дека Господ не го направил сето она кое луѓето го направиле.Сосем логично.
Патем, атеистите, оние кои напишале книги за наводното непостоење на Бог, не е ништо друго, туку нешто кое што апсолутно нема никакви докази за она кое го тврдат, се им е база на верување, кога би гледале од тој аспект.Има такви, кои како што Серафима го даде примерот, за човекот кој бил атеист, станал религиозен, има такви и во секојдневието.Не од нет или незнам, книга, да речеме.

Разликата е што религијата и науката, го велат истото, дека се е во човекот, а што ќе одлучи да прави во животот, негов избор.Мислам дека, дури и нема потреба од ова.
А, врската меѓу религијата и гатањето, сосем доволно ја објасни Серафима во првичниот пост.

 

Ти си дефинитивно школски пример на вечната контрадикторност на верниците кои со нивното флексбилно гледиште на религијата, постапките на црковните претставници и самиот Господ, секогаш ќе најдат начин да ја оправдаат секоја изјава и постапка.

Ова што го кажа што е на база на искуство држи еднакво вода и за луѓето кои тврдат дека виделе вонземјани. И тие тврдат дека доживеале нешто, ама ним луѓето им бараат докази, додека религијата е единственото место каде што колку помалку прашања се прашуваат толку си по ценет како верник.

И тебе ќе ти кажам, Гордана, срам да ти е за тоа што го пишуваш дека Господ треба да се исклучи од сите грдосии и страдања на Земјата.

Од самиот почеток, за ниту една друга цел не загинале толку многу луѓе колку што загинале во име на религијата.
И ако Господ не создал нас и ни вдахнал душа и разум, тогаш како си ја сработил тој работата ако ние сме тргнале низ светот и сме започнале толку многу војни и сме предизвикале толку крвопролевања? Денес имаме толку сиромаштија и болести поради кои милиони животи згаснуваат, а твојот семоќен Бог само гледа. Само гледа и ништо не прави, а ти упорно си создаваш сценарија каде што го оправдуваш.

Ти си цела преплашена да имаш реални очекувања од некој за кој тврдиш дека те сака. И во паника само оправдуваш. Луѓето со исперени мозоци немаат избор дали да почнат или да не почнат војна. Тие ВЕРУВААТ дека Господ е на нивна страна.
И чекај сега, како тоа ЛУЃЕТО имаат избор? Па нели Господ ни ја предодредил судбината уште од раѓање и што и да се случи е дел од неговиот величествен план?
Ама тоа е тоа, како што напишав претходно, кога се е во ред, тогаш благодарност на Бога, а кога ќе ја посереме работата со војни и убиства и анархија, тогаш тоа е наш слободен избор.

Преполна си со контрадикции, Гордана, се сопкаш на сопствените зборови.

И да се повторам по милионити пат, луѓето нека си веруваат во што сакаат, но моментот што ужасува е дека тие не велат јас верувам, јас мислам дека вака се случило, мене ме теши оваа мисла...туку ВАКА СЕ СЛУЧИЛО и КАКО БЕ НЕ ВЕРУВАШ ВО ГОСПОД (со позадинска мисла, Кај ќе му оди душата на овој неверник). И притоа се пренесува целиот систем на закани и ветувања.

А ти да си гледала некој документарец направен од атеисти, ии дебата на атеисти и верници ќе сватиш дека атеистите не тврдат дека знаат нешто над можностите на човекот, тоа се привилегии на црковните претставници со бради кои знаат се што ќе се случи пред и после смртта и знаат кој каде ќе заврши ако не бакнува рака. Атеистите не ЗНААТ дека не постои виша сила во универзумот.
Главниот став на атеистите е дека НЕ ПОСТОИ ПРИЧИНА ДА СЕ ВЕРУВА ДЕКА ПОСТОИ ГОСПОД.

Посебно со приказните дека Господ толку многу ги сакал луѓето што го пуштил сопствениот син, кој бил создаден преку безгрешно зачнување (затоа што иначе зачнувањето е грев) и роден на Земјата за луѓето да го убијат и со тоа гревовите ќе им бидат простени.

Ти можеш да кажеш дека тоа се симболични приказни, но тие се приказните на кои е базирана цела Христијанска религија. И ако мислиш дека тоа се само симболика, ајде кажи ми како ти си го замислуваш Христос, како дошол на земјата, како комуницирал со овчарите во Палестина, што му се случило...
Надвор од таа Библија немате ниту една точка на референцирање. Повторно ќе и се навратиш на неа. Немате што друго. Библијата е вистинита бидејќи така пишува во Библијата!

Бруталната вистина за вас е дека секој може да напише дека имал привидение и сите приказни да ги стави во една книга и без да понуди ниту еден доказ, да вели дека ќе горите а во пекол ако не се придружувате до правилата на живеење диктирани таму. Ќе се сокријат под покривката на ИМАМ ПРАВО НА МОЕ РЕЛИГИОЗНО УБЕДУВАЊЕ И НЕ МЕ НАВРЕДУВАЈ СО ТВОИТЕ КОМЕНТАРИ И ПРАШАЊА и ќе си зборува наоколу и ќе убедува луѓе. И тоа не би било ништо поразлично од било што сторено од Христијанството со нивните приказни.

Луѓето кои велат дека виделе НЛО се исмевани, а тие што разговарале со Господ се сведоци на чуда и веднаш е ставено во религиозната архива на докази дека, ете, што ви зборуваме ние, гледате дека е вистина?

едит.

Извади си го од главата дека религијата и науката го велат истото. Поголеми разлики меѓу религијата и науката не може да постојат.

Науката се обидува со научни методи да ја дознае вистината. И не се држи до една единствена вистина, туку при нови докази и сознанија потврдува или брише претходни размислувања.
Науката се обидува да ја дознае вистината, секојдневно, со илјадници истражувања, додека религијата веќе го има одговорот на се околу нас. Еден одговор, една вистина, на милион прашања.

 

Мислам дека сосема јасна бев што сакав да кажам претходно.
Ниту сум преплашена, ниту пак зборам нешто апстрактно.
Како трето, ова нема врска со вонземјани и што јас сум мислела, верувала и сл.
Следно, не се ослонив само на религијата, знам што велат атеистите.Само зошто, атеисти станале религиозни? Дали може да ми кажеш? А верувам дека знаеш.
Патем, каде прочита дека реков привидение? Искуство, не значи само привидение.
Да, се согласувам со тебе за науката.Не мисли дека нешто имам против тебе или било кој друг.
Науката е толку далеку отидена, да и за гатачките, има објаснување.Не ја негирам науката, баш напротив.

 

За ова се дискутирало и ќе се дискутира, си кажавме што имаме да кажеме, јас почнав да добивам пораки и дека сум агресивен и дека сум спремен да убијам некого, дури и си го открив мојот високопрофитабилен бизнис со магаренцето.

Твоето прашање зошто има атеисти кои стануваат верници е тотално ирелевантно бидејќи има и купишта верници кои секој ден во прашање си ја доведуваат сопствената религија како резултат на читање атеистички книги и следење дебати.
Ако не ми веруваш, види ги дискусиите на Youtube и Фејсбук, има луѓе кои тврдат дека дигнале раце од религијата баш откако ја прочитале библијата.

Не знам што да дополнам веќе.

 

И шизофреничари се луѓе кои се движат наоколу и си прават муабет со замислени фацки , ама у случајов пошто не станува збор за фаца ко шо е Бог пошто не зборат со него, се сместуваат у лудница...
Сакам да кажам овдека, дека нешто не штима у нечија психа. Самиот мозок е способен да не излаже нас самите. Тој самиот е способен да создаде звук и слика кои се скоро идентични со реалноста, земи за пример тие што демек гледале духови на мртви луѓе, или слушале некои работи ... ?
Дали ме сфаќаш што сакам да кажам ?
Нема материјален, конкретен доказ дека тие луѓе у реалноста го искусиле господ. Све е у нивна психа.

Зарем човекот не беше создаден според сликата на бог ? М?
Или само кога ви одговара ние сме создадени од бог, само кога све иде добро, а ако нешто лошо се случи или нешто непријатно тогаш е дело на ѓаволот ...
Патем он и него го создал ...

Си слушнала за инквизиција ??
Колку само невини жени и мажи биле само брутално запалени у ИМЕ на БОГ !
Зашто ОН така кажал, зашто не било според негов план некој да биде жеден за знаење .
Жени кои безмилосно биле убивани само зашто знаеле за некои лековити тревки, само што за време на секс биле возбудени...

Сите тие луѓе што убивале се луѓе на Господ, а нели и тие се слика и прилика на него ???

Религијата не вели дека све е у човекот, него у господ. Нели, како беше спасот е само кај него м?
А науката што вели ? Дека самите ние БЕЗ ничија помош може да се избавиме од било каква опасност, па и болест.
Религијата не ти дава самостојно да размислуваш, да грешиш и да пробуваш нови работи.
А науката работи у тој круг .

Зашто овие од радикален ислам се настроени кон терор? Или сега ке кажеш дека тоа е др бог, па на крај ке излезе на земјава владее многубоштво.

Неможете да ги осудувате луѓето кога прават нешто лошо дека тоа е НИВНО ДЕЛО, а кога ке направат нешто добро тогаш е дело на горниот. Многу е лицемерно тоа а и контрадикторно, зашто пак ке ти се навратам на сликата дека нели човекот личи на горниот.

Ако толку сте сигурни дека он постои, зашто ондак постои страдање и глад за некои а за некои не ?? Па нели сите сме негови деца ?? Или само некои, или можеби само еден . м?

Интересно е што сакате да се криете зад оваа слика на верување зашто мислите дека ако не постои таа дека има празнина и ке неможете без ништо .

И незнам, стварно од кај го извлече паганизмот...

 

Кva не може да има посебен закон(барем мене не ми е логично да има посебен закон за нив) туку ова би било во склоп во казнениот законок, преспоставувам измама ама не знам да не тропнам нешто, зашто сепак ова мене не ми е во домен казненото ама можат колегите од казнено што многу подобро од мене го знаат ова да кажат како е. Јас сум малку подбро запознаена со економски криминал и тука можам да кажам дека не е смесетен.
Според секој логика би требало да биде сместено и најубава имаше аргументи зашто, какво правно лице се они и какви се тие услуги што ги наплќаат они? Трговска дејност, занаетчиска?
Издаваат фискални за за нивните услуги?
Не знам како е во србија имаме доста разлика во кривичниот законик со нив за некои работи така да убаво што се обиделе браво за нив.

 

Те разбирам потполно што сакаш да кажеш.Но, духовното е повеќе од физичкото, можеби ќе ти делува смешно, но како се чувствуваат оние луѓе кои се пред смртта? Оние кои се болни од тешка болест, за која и пред време знаат дека мали им се шансите за да преживеат, што тие доживуваат.Смртта е страшна работа, те уверувам дека не е нешто што би се разбрало како шега, не велам дека ти така мислиш, туку само кажувам.Страшно е кога човек ќе го осети одвојувањето на физичкото тело од духовното, уште пострашно ако се случи истото кога не му е време за умирачка.Та и гарантирам дека тоа ги негира сите контра аргументи во врска со религијата.Да можевме ние луѓето да контролираме, се, верувам дека поинаку ќе било.Се тврди дека постои Бог.А зошто? Бидејки е енергија, не може физички да се види, освен да се почувствува.Затоа христијанството опстојува долго време и нема ни да згасне.Не затоа што јас така мислам, туку затоа што сум убедена во она претходното кое ти го велев за смртта.

Кажав претходно зошто се случило, се случуваат војни, сиромаштија.И така и ќе остане, како што има позитивно така и негативно, некаков баланс, природен, така поставен.
Не се кријам зад она во кое јас верувам, баш напротив, мене ми е драго кога дискутирам со некого за ова, немам ни што да кријам.Сакам да видам поинакво мислење од моето, за да видам како би било, да размислувам како што ти размислуваш.И потполно те разбирам, ја разбирам твојата реакција.



Елементал, ти верувам, нема потреба од докази.