Заборавив да се надоврзам дека имаш и гел со гранули од истата линија на Балеа. Многу е фин за комбинирана кожа и за секојдневна употреба. И тој не е скап, некаде до 150 денари максимум.
Ако сакаш баш класичен пилинг за лице, би ти препорачала да купиш mask of magnaminty од Lush. Spoiler
@ванилала како што ти објасни Мишела. Розевата е за нормална до сува кожа, а сината (јас ја немам пробано зелената) е за комбинирана. Поздрав.
Да ми препорачате гел за миење лице/отстранување шминка.Да не е прескап и да нема многу хемикалии. Користев еден на авон,шминката ја отстрануваше одлично,но имам премногу акни и флеки од нив,сакам да го променам.
Девојки дали некоја од вас го има сретнато низ Македонија овој гел за чистење лице? Или доколку можете да ми препорачате некој сличен за секојдневна употреба. Немам акни, ми треба само нешто антибактериско за чистење лице.
Фотографијата е мала за да видам поточно за кој бренд се работи, но ваков гел сепак немам видено тука кај нас. Ако ти треба гел за секојдневна употреба, можеш да си одбереш некој од колекциите на Балеа (ДМ). Во зависност од типот на кожа ќе одбереш соодветен гел. Мене многу ми се допаѓа и гелот со алги на Алверде (~150 денари, во ДМ). Нежен е и убаво ја чисти кожата, а не ја остава сува по миењето. Исто така Нивеа и Гарниер имаат убави средства за миење лице, особено оној на Гарниер што е како 3во1 (маска, гел, пилинг). Околу 250 денари е и можеш да го најдеш секаде, меѓутоа според мене најпогоден е за комбинирана до масна кожа. Пиши каков тип на кожа имаш, па ќе дадеме предлози.
@Mishela Ти благодарам за препораките. Кожата ми е комбинирана со многу мрсно чело и најчесто ми се прават мали мозолчиња на него, најверојатно поради маснотијата. Ми треба некој матирачки гел, ама сепак не се разбирам многу затоа пишав во темата Инаку гелот што го објавив е од Migros Beauty, еве линк: Spoiler https://www.codecheck.info/kosmetik...07633/id_787612/I_am_young_Clear_Waschgel.pro
Да, дефинитивно го нема брендов кај нас. Штом кожата ти е комбинирана со масна Т-зона (претпоставувам), тогаш голема е веројатноста да ти одговара овој од Гарниер 3во1. Исто, можеш да ја погледнеш зелената колекција на Балеа (и тука има многу фин гел за околу 130 денари), зашто таа е наменета токму за твојот тип на кожа и има навистина поволни цени, а сите производи се преефикасни. Гелот содржи гранули, но не е воопшто агресивен и груб, убаво ја матира Т-зоната. Spoiler Многу убав е и овој гел од Балеа, со слични спецификации како оној од Гарниер кој го спомнав претходно, ама дупло поевтин. Мене лично ми е предобар, ми го држи лицето под контрола.
Има малку лигава структура но кога ќе го ставиш на влажно лице се претвора во сива пена. Убаво чисти шминка и не затега. Не прави чуда, сосема просечен гел за миење лице.
Јас го имам гелот. Не забележувам некои резултати освен што после миењето кожата не е мрсна и е освежена. А и убаво мириса. Друго баш и нема што да го фалам.
Хип бебешкиот гел ми одговара повеќе кога времето не е толку топло. Го користев речиси цело лето и не ми се допадна воопшто зашто пренежен е и навистина не ми го одмиваше добро себумот насобран околу т-зоната, па затоа што ми беше мака да го фрлам, продолжив да го употребувам и есенва. Како друг гел да користам, многу повеќе ми одговара и убаво ми го чисти лицето. Значи дефинитивно во различни делови од годината, еден ист производ различно се однесува на мојата кожа. Ќе го потрошам, па ќе земам нешто од СебаМед. Таму ми оди паметот, немам пробано ништо од тој бренд.
@Mishela не те следам по темите, чесен збор, ама морам да кажам два-три збора и за гелот на Хип. Мене гелот на Хип ми е погоден за секој временски период. Толку добро одмива, што после миење кожата ја чувствувам презатегната, имам чуство дека ке 'пукне' на некој дел, пример ако премногу ја отворам устата. Ама тоа чувство поминува по одреден период и кожата почнува да се масти. Кога ке го потрошам гелот на Хип, планирам да земам од пената на Белеа, само заборавив која е подобра - розовата или сината? И гелот на зиаја бил добар, и на него ке му дадам шанса. Е дилемата е кој производ да го земам прв? Spoiler
Нема врска, нека се збори нешто во секое време. Читајќи те, имам впечаток дека можеби имаш помасна кожа од мојата, ама ми нема логика тоа што гелов вака ти се покажува на лице. За мене ова е најнежно средство за миење што некогаш сум го користела. Наутро да не ми е кремата за лоце до него, ќе заборавам да си ставам. До толку е нежен и не ми ја затега кожата. Ама многу ми е убав за употреба овој период. Ќе си го купувам за постудените периоди од годината, а во лето ќе одам со нешто друго. Јас од Балеа сум презадоволна од плавата пена за лице. Преубава е и многу нежна, а одмива добро. Ги гледав доле во ГТЦ и овие од Зиаја и знам дека @marama ја користеше оваа колекција, па многу се мислев дали да купам нешто или не. Ја имам користено само кремата, многу ми се допадна за под пудра ама гелот не се решив да го купам. И фрлив око на пената од СебаМед, мислам дека неа ќе ја купам следна па Зиаја ќе почека таман до пролет.
