Каде поточно во нозе? Матичната ми збори во рака да ги ставам, да го одморам малку стомакот ради модринките. Оваа слика ја најдов тука на форумот, вака горе ги ставаш? Сакам да најдам место да ги ставам сама, за во рака ми треба помош, не можам сама.
Јас се боцкав во стомак до кај 10-11 недела, после ми беше шубе, па прејдов во бут. А можеш и во надлактица позади, ама треба друг да те боцка.
За во рака треба помош и плус боли премногу. Во нога боцкав во бутот, баш во пределот што е покажан на сликата.
Зависи од градбата каква ти е, ако си послабичка, штипни кожа од бутот каде што е покажано на сликата, од бутот и боцни, за да не боцнеш во мускул.
Јас ги боцкам сама во рака , ја стискам раката од плакарот и боцкам , една членка имаше пишано со голема штипка за коса дека ја фаќа раката и боцка.
До кај второ тромесечие, после во рака. За во рака не мора помош, понекогаш боцкам и сама. Не го штипнувам местото, ептен поткожно боцкам со легнат шприц, да се надигне местото кога ќе се вбризга течноста. Со истата рака и боцкам и вбризгувам. Не мора помош, а и не мора да значи дека боли премногу, зависи од човекот. Нè има и такви кои во рака боцкаме и не е страшно.
Девојки, Ве молам за мислење, стварно ми е потребно. Бев кај Емилија Велкова на трансфузиологија, ги виде рез од генетските мутации, ми рече со клексани треба да немаш проблем. Јас и кажав дека пијам аспирин по препорака на гинеколог. Е сега таа во извештајот не напишала никаква терапија. Ниту клексани, ниту аспирин, туку дека примам аспирин на 48 часа и контрола во текот на бременост. Стварно сум збунета. Испитувањата што ми ги правеа кај нив се во референтните граници. Дали според тоа можеби се има предомислено за клексани? Ви се има случено тоа? Да напоменам одам кај Маџунов во Струмица и тој ми рече до 12 недела доволен е аспирин, потоа ќе следиме. Ова ми се резултатите... Би ви била благодарна ако некоја сподели искуство...
По ново трансфузиолог не препишува терапија на трудници, туку ќе си извадиш упат за на гинекологија и со овој резултат + испитувањата за мутации ќе одиш на мислење за терапија. Таму даваат извештај и пишуваат што треба да примаш, па ако ти препишат клексани со тој извештај ќе рефундираш. Во Скопје тоа се прави на ГАК, упат даваат матичните гинеколози за соба 36, а за други градови не знам. И не мора да ти се изместени вредностите за да ти дадат терапија, јас примам клексани 8 месеци и секогаш ми се во нормала, само активирано парцијално време малку ми паѓа и д-димери сразмерно покачени согласно гестациска недела. Зависно од индикација даваат терапија. Има некои тука што успеале да земат терапија со извештај од трансфузиолог, ама искрено не знам под кои околности. Генералното правило е дека веќе не го прават тоа.
Охх Боже, па барем да ми кажеше докторката на трансфузиологија што е нареден чекор или да кажеше јас не можам да ти одредам терапија... Таа само ми рече се ќе пишам во извештај,а нема ништо напишано, ниту совет за аспирин, ниту за клексан. Матичната не знае, не сум од Ск, па по форуми треба да се информира човек... Да полудиш начисто. Фала ти ептен за информацијата.
Распрашај се каде во твојот град или некој соседен град можеш да го завршиш ова, сигурно можеш и таму да не доаѓаш за џабе во Скопје. Мене тој извештај ми го продолжуваат секој месец и недела дена пред истек на извештајот се јавувам кај матичната да ми фати нови термини.
Резултатите ти се добри е сега треба на ехо да ти следат протоци за постелката и бебе како напредува.
Како што разбрав последно, трансфузиолог на клиника не пишува терапија, туку потврдува терапија веќе пишана од гинеколог. Овие резултати ти се за фактори на хемостаза и д-димери. Можеш со овие резултати да одиш на ГАК и со мутациите што ги имаш, да ти дадат терапија соодветна од гинеколог.
Девојки, дали има некоја што треба да прима Аспирин или клексан, а има ниски тромбоцити? Јас најверојатно вродено имам ниско тромбоцити, па сега со Аспиринот уште повеќе ми паднаа, а треба да го пијам за гранична вредност на АФА. Гинекологот ме советуваше да го прекинам аспиринот, пошо не смееле повеќе да паѓат, 100 се тромбоцитите, ама од друга страна мора да го пијам... Што во овој случај, со ниски тромбоцити и антикоагулантна терапија? Некоја во слична ситуација, ваши искуства, мислења?
@Japonka9, @Meckicja, @Giovanna Ви благодарам многу за одговорите, закажав во мојот град на Гинекологија, па ќе видам што ќе ме советуваат. @Brpbrp Од која недела се следи тоа на ехо дали знаеш? Јас бев во понеделникот, 6+1 бев тогаш, не ми спомна ништо докторот, само ми рече да го продолжам аспиринот, а за клексан ќе видеме понатаму.
Девојки, кажете со која шифра ви закажуваат преглед кај Јани? Матичната не може да ми закаже со тромбоза (ваљда зошто еднаш бев си таа шифра кај Др трансфузиолог) а ми вика дека ни со варикозни вени не и проаѓа. Хелп плис?
Можеби ќе ти го откажат аспиринот и ќе ти го остават клексанот. Јас те разбрав дека си веќе 13та недела. Протокот покасно се гледа, не сум паметна да зборам ама вака гледајки ги резултативе добри ти се, јас во 6+2 бев со димери 330 и скратени времиња.
