Едно најискрено мислење од некој што поминал низ многу инвитра. Ако недај боже имате проблем со кариотип, опцијата што ти ја спомнуваат докторите е инвитро со PGD (предимплантацискa генетска дијагностика). За ваучер да добиеш не е проблем, но инвитро со ПГД во Македонија НЕ. Прво, тука дијагностиката не се прави, ќе треба да се земаат примероци од ембрионите па да се праќаат во странство на испитување (лично на ниту еден ембриолог тука не би му доверила ова да го прави) или самите ембрионите да се праќаат во странство. Ништо од ова ваучерот не покрива, сами си плаќате, а чини многу преку нашиве клиники дека заработката е на прво место. Ако веќе мора да правите инвитро со ПГД, одите во Чешка, Грција или Турција. Тука само ќе си го изгубите времето, а и парите. И уште нешто, најискрено, дури и да добиете добри ембриони со добар резултат, не е никаква гаранција прво дека ембрионите ќе се имплантираат и ќе настане бременост, и второ, и да има бременост нема гаранција дека понатака нема да настане грешка при развојот на ембрионот. Можеби сурово звучи ова што го кажувам, но докторите ќе ти предложат решение, но никој не ја кажува понатака реалноста каква е. Инвитрото не е никаква гаранција дека ќе има бременост и дека ќе биде 100% се во ред со плодот. Подобро да знаеш ова од старт, отколку да се разочарaш во тек на процесот.
Фала ти многу. Знам и свесна сум дека не може баш сѐ да се исклучи со пгд. Не е сурово, баш е реално и искрено
За колку време добивате резултати од Трансфузиологија за генетски мутации, јас бев денеска кај Јани, и ми рече во вторник да идам кај него за извештај, дека ќе стасаат резултатите,а кога ми земаа крв ми рекоа за 10дена резултати
За жал така е. И мене ми кажаа генетичари дека пгд не е никаква гаранција. Никој не може да гарантира дека супер ембрион нема да развие нешто недај боже подоцна, ниту пак да биде сигурен дека од ембрион со анеуплодии ќе се роди дете со симдроми. Некогаш тие клетки изумирале од петтиот ден натака, во ран развој и си се тераат здрави бремености. Недај боже човек само да има ваква мака. Испаѓа дека сѐ е на среќа, како ќе се поклопат коцките во иднина.
Пријателка што правеше инвитро во Чешка, имаше 4 вкупно трансфери со PGD тестирани ембриони. Три трансфери со ембриони кој беа нормалн на PGD и беа неуспешни. Четвртиот трансфер со ембрион со мозаицизам (ембрион кој содржи и нормални клетки и клетки со хромозомски абнормалности) и беше успешен и сега има здраво, право и палаво 5 годишно детенце. И од лично искуство, можам да кажам дека баш се' е среќа.
Дали имаше некаков генетски проблем пред забременување? Читам дека си имала успешна бременост, но ме интересира какво е искуството со пгд и сл.? Секако ако сакаш да споделиш.
Кај нас сопругот има генетски проблем кој предизвикува проблем со производството на сперматозоидите. Сперматозоиди добивме оперативно, со Микротесе (директно од тестисите се зема материјал). Во Македонија направивме 2 инвитра, едното немаше воопшто оплодување, второто добивме 2 ембриони, но немаше имплантација со ниеден. Ни препорачаа да одиме со донор, јас одбив и продолживме во Прага. Таму повторно се вадеше оперативно материјал од сопругот. Првото инвитро добивме 4 ембриони, на ПГД два беа добри, но пак неуспешен трансфер. Па направивме уште еден циклус ивф со ПГД тестирани ембриони, и пак заврши неуспешно. При консултации, што да се направи понатаму, повторно ни рекоа со донор да продолжиме како најдобра опција, дека со материјалот на сопругот нема да имаме успех. Јас пак одбив. Да напоменам кај мене се беше во ред, сите испитувања, со терапии, со се можно бев покриена. Направивме пауза некој период. Ни остана еден ваучер што можевме да го искористиме тука. Сопругот не сакаше, викаше доволно се измачи, дај да идеме со донор. Го убедив да пробаме уште еднаш, имавме замрзнат негов материјал за уште еден обид, му викав верувам дека ова ќе биде тоа. И стварно така беше. Го добивме ваучерот, направивме уште едно ивф. Добивме 3 ембриони. Направиме трансфер и два се фатија. Едниот за жал прекина со развој, ама другиот еве се спрема за трет роденден Ни донор, ни ПГД, ни некои посебни техники, ни не знам какви терапии. Најбазично што можеше да биде. Затоа викам, кога ќе видиш, на крај се' е среќа.
Да е жив и здрав до сто и трет дај Боже! Фала што пиша. Сакам да читам убави приказни, ми влева надеж!
Извини што ќе се вмешам. Како го откривте генетскиот проблем кај сопругот,т.е. Какви испитувања правевте?
На спермограм испадна дијагноза азоспермија (комплетно отсуство на сперматозоиди во ејакулат). Па го упатија на некои испитувања во Ману и така се утврди дека генетски проблем е причината за дијагнозата.
јас бев точно пред две недели и уште немам резултати најдобро симни ја moe zdravje аппликацијата и таму следи
женски, ради мутација др ми рече да пијам метилирана фолна и б 6 и б12 е сега незнам дали и бит.б да е метилиран што сте пиеле и од што сте задоволни? кој бренд?
б6 јас не ги пијам во моментов. Нека кажат членки што користат или наврати се неколку страни сигурно има препораки.
да се надоврзам, бев денес на трансфузиологија и си ги земав - таа на шалтер ми рече овие резултати не стигаат кај матичниот а кога ми земаа крв кажаа резултати кај матичен хаха .. што да се каже
Дали месецов имаат отворено термини за кај Јани? Пишува дека нема за цел октомври ама не знам дали се веќе зафатени или да пратам деновиве. Знам дека ги пуштаат околу 10ти ама мене ми стигнаа денес резултатите од трансфузиологија и сакам да одам да ми даде мислење, инаку претходно не сум била.
