Гестациски дијабетес/Скриен шеќер

Колку што знам треба да е со 3 боцкања за да се види движењето на инсулинот во организмот за да се види способнодта на организмот за преработка на шеќерот. Некогаш знае да појави добро ниво на инс после 1 час, а високо после 2 часа и обратно. Кај некој побрзо реагира, кај некој поспоро. Сепак нека ви каже докторот што смета дека е посоодветно за вас.

 

Најоравилно е три пати. На гладно, па пиеш благ раствор, па за 1 часа, па за 2 часа. Треба да се види како реагира организмот за 60 и 120 минути. Дали ке падне нивото на шекер и колку.
Мене ме боцкаа во прст.
Скриен шекер може да има било која трудница. Не мора да е дебела и плодот не мора да е покрупен или да има повеќе околуплодова вода. Тоа се индикатори ама се вика скриен затоа што може да го има и без ниту еден знак.
Исто како и за ддимери и лакуни. Може да има лакуни а се да е нормално, може да има незначително малку лакуни па времињата и димерите да не се добри.
Затоа најубаво да си испитате се.

 

Каде проверуваше што те боцкале од прст?

 

Државно, во болница.
Јас имам синче од 11 месеци, тоа беше лани, да не дојде до забуна.

 

Што се лакуни? Извинете но прв пат го слушам зборот.

 

ОГТТ кај трудници се прави со 3 боцкања и задолзително од венски примерок на крв а не од прст؛ Се надвор од ова е невалиден и инсуфициентен тест؛ Имајте го на ум ова, и барајте секогаш три боцкања, 100ден е разликат؛ Синлаб треба да си знаат а не пациентите да ги прашуваат؛

 

Лакуни се како дамки или празни простори на постелката, така се гледаат на ехо. Еден вид оштетувања на постелката. Обично кога ќе ги видат те праќаат на трансфузиолог и препишуваат инекции клексан за да не се оштетува постелката уште повеќе.

 

Женски со упат од матичен испитувате скриен шеќер и дали знаете колку е на приватно?

 

Синлаб е 400 денати без упат тука негде и авицена е мислам.

 

Значи јас го направив и второто тестирање (како што напишав поназад, не живеам во Македонија туку во Турција) и второто беше со 100 грама гликоза, на три саати, те боцкаат, па пиеш во рок од 5 минути шеќер со вода (100 гр. гликоза), па потоа ти земаат венски крв на секој час. Е сега тој ден искрено за мене беше мачен, топло, нејадена од вечерта плус шеќер многу во рок од 5 минути и ми се слоши малку, не беше лесно. Но издржав (сестрите ме ставија во болнички кревет да одморам и имав памукче потопено во алкохол за да го мириснам повремено, тоа ме врати малку во нормала инаку веќе немав сила ни главата да ја држам). Резултатите денес ги дознавме и немам скриен шеќер, но критично е, на граница сум рекла докторката. Треба диета да правам, да намалам со благо и работи што содржат брашно. Ме интересира дали на некоја од вас ѝ откриле да има шеќер и ѝ рекле диета да прави. Што јадете обично?

 

Јас и многу други сме така со диета. Во глобала треба да ги поделиш оброците на помали, 5 пати на ден. Да не бидеш гладна, но и да не се прејадуваш. Убаво ти кажала што да избегнуваш, значи тестенини, пици, торти, сладолед, лебови не. Леб може некој црн леб една кришка, две. Мене и од две ми се качува. Мајонези, павлаки, банана, грозје, урми исто го качуваат шеќерот. Мене ми се качува и од јогурт, житарици. Ќе си видиш од што ти се качува и тоа поретко и помалку ќе го конзумираш. Повеќе протеини, помалку јаглехидрати. Оброкот ако ти е комбиниран и со двете помалку се качува шеќерот. Пржено не, зачини многу малку колку да не е без вкус. Манџа на пример ако јадеш без запршка. Има на гугл табели пиши лебни единици табела ќе ти излезат статии и табели отприлика да знаеш што колку лебни единици содржи. Мене ми препорачаа 16 лебни единици дневно да внесувам. Со претходната бременост баш броев залаци што се вика. Со тек на време ќе знаеш отприлика од што колку да изедеш за да ти се качи шеќерот максимум до 8-8 ипол еден час после јадење. На гладно треба да биде максимум до 5,3. Мерам 7 пати дневно. Е сега тебе сигурно не ти рекле да мериш така да останува на тебе да држиш баланс со оброците.

 

Ај вака (иако не сум трудна може не сум компетентна но) скриениот шеќер ми беше на горна граница и од ендокринологија кога ми ја даваа диетата ми го објаснија следново:
Јајца зденки сирење кашкавал месо(дури и саламче) зеленчук као пиперки патлиџан краставици немаат шеќер (дозволено е да се јаде)
Лебот (белите пецива тестенини ) се бројат единици (разликата меѓу интегрален и обичен е што интегралниот постепено го качува шеќерот)
Јогурт , млеко кисело млеко имаат шеќер (1единица е 1 чаша)
Пример : имаш 2кришки леб и чаша јогурт + јајце и зденка или патлиџан или сиренце или п (тоа ти се 3единици за појадок) Кромид во салата или во манџа не го броиш (како единица) ама ако јадеш похован се рачуна,исто за месо пример парче стек обичен нема шеќер ама ако го ставиш погован во јајце презла брашно автоматски има шеќери и се рачуна ...
!!!Се е дозволено да се јаде но ќе броиш единици!!!

Се надевам помогнав околу **диетата**
(Сево ова ми е од центарот за дијабет) и имате распределено единици за внес
3/4 за појадок
1за ужина
4/5 за ручек
1за ужина
3 за вечера
1 за ужина*
позз и секое добро...

 

Ќе се дружиме. Сабајле проверував, на гладно 5,8. Првиот пат по кликозата 12 со нешто, вториот 11 со нешто. Тоа е...

 

Мене ми беа строго забранети зденките и смеев само кравјо/козјо сирење или кашкавал. Внимавајте работите што ги јадете да бидат нутритивни, а не само без шеќер.

 

Вие кои сте со гестациски дијабет, правите ли профил и дали запишувате?
Од утре ќе мерам 3 пати по 2 мерења дневно, на гладно и 1 час по јадење.

 

Што се случи, не беа добри резултатите? Јас мерам 7 пати, пред и еден час после главните оброци и еден час после ужинката пред спиење. Запишувам, цртам табели и и праќам на вибер на докторката. Од март месец така функционирам ради коронава. Сите испитувања што треба да се прават ги правам приватно и кошта доста пари тоа. Како и да е пред пораѓај ќе мора да ме примат во центар за дијабет, ќе ми треба извештај од докторката.

 

Дали знае некој да ми каже дали имам шеќер чим покажува малку покачен на 3 то боцкање?

 

Мислам до 8 или 8,5 е границата ама пошто третата вредност ти е ок може и да ти кажат само да смениш исхрана. Имаат математичка пресметка со трите вредности и така одредуваат

 

0ч.- 5,6
1ч.- 10,8
2ч.- 8,2

До 8,5 дозволуваат. Но ендокринологот ми кажа на кои работи да внимавам во исхрана, да правам профил и да мерам на гладно и 1ч по јадење, 3 дена така, неколку пати во месецот.и ќе и праќам табели.