Гледани серии 2021

Ко ја видов темата, реакцијата ми беше: „о не“. Оти ова ми вклучва многу скролање на тв тајм и користење истовремено десктоп и телефон за да успеам да знам од кога да почнам да пишам серии тука.

Сезоните се од каде продолжив да гледам до крај ( пример ако пиши s2 а серијата има 12 сезони, значи сум изгледала од сезона 2 до сезона 12), сем пример the office, та е едина шо не ми е догледана и од Рупол имам уште две сезони. Другите се од сезоната шо ја пишав до крај годинава. Тие со црвено се шо ги почнав од сезона 1 нови, тие со зелено се шо си ги продолжив. И ова шо ги коментирам поновите сезони од серии шо уствари ги сакам и дава увид дали и стварно вредат сезоните пошто иницијално сум ги обожавала. Пример долу е Доктор Ху. Ич не осеќам возбудата шо ја осеќав претходно за серијата. И зато има мало објаснување. Од 1-3 оценките се многу ниски, црвено. Преќинав да гледам, се разочарав, ќе размислам дали да продолжам. 4 и 5 како оценки има некоја емотивна вредност шо ме држи за нив, ама генерално ми се досадно и ги заборавам. 6 и 7 ми се просечни серии, пуштам и гледам и океј е. Од 8-10 ми се многу интересните серии кои ги гледам со задоволство.

Секоја година пишам нешто слично, па се надевам нема изненадени.

1. Cobra Kai s3 10/10 серијава е феноменална во секој поглед. Колку шо памтам кон крајот на 2020 прв пат ја гледав и таман ја догледав дојде сезона 3 во Јануари ко 1-2 така нешто беше и сега не ми се верва дека издржав без нова сезона од серијава толку долго.
2. Vikings s6 8/10 генерално сум задоволна од серијата ама мислам дека одамна ја гледам само ради ликовите, некако ми „стагнира“ приказната. Ама можи то е само мое субјективно чувство.
3. Chilling adventures of Sabrina s2 3/10 ова е поќе оценка на последната сезона. Сабрина генерално ми 9/10, ја обожавам серијата ама последната сезона ми беше с р а њ е. Ама другар ми рече ќе се спојвале со Риврдејл или нешто така, и Риврдејл го мразам и последнава сезона имаше таков филинг па ... прај смисла?
4. Prespav s4 8/10 Преспав ја сакам. Интересна серија. Неочекуван крај. Ко... мајндфак ми беше.
5. The expanse s5 8/10 До сега сум дарежлива со оценките ама стварно 2021 сериски ми почнала доста добро. Серијава ми е секогаш во all time faves, главниот лик е секси, многу политичка серија е исто. Ако сакате GoT, ама во исто време сакате sci-fi - ова е изборот за вас.
6. Pennyworth s2 7.5/10 сметам дека е предобра серија ама ако на серија како еспенс давам 8 и ја обожавам, не можам и на ова. Ко не е на ниво на експенс ама е ф е н о м е н а л н а.
7. The good doctor s4 6/10 not bad, not terrible. Знам дека сега ја гледам серијата зошто сум врзана за ликовите не зошто вистина ме интересира.
8. Prodigal son s2 8.5/10 и случајно сега скоро дознав дека серијава е откажана и се пободив. Една од поомилените ми беше. Имаше некој шмек шо ептен ми одговараше. Штета. Ш т е т а.
9. Doctor who s12 4/10 разочарување. Мислам, не е лоша. Ама е ... конфузна? Измешана? Фали огромен шмек шо го имаше? И стварно ми е криво. Многу сакав да ја сакам серијата зошто сега жена е доктор и чисто за инает на инцелите. Ама не оди со сила. Мислам уште си гледам и викам: CMON GIRL U CAN DO IT, само не е то то.
10. The seven deadly sins s4 7/10 имам проблем со аниме шо не можам рает да гледам на страните и морам да читам сабс пошто дабс е мех. Инаку ова ми е едно меѓу омилените анимиња.
11. The resident s4 4/10 ми се допаѓа помалку секоја сезона и не знам дали е проблемот во нив или во мене. Ни ликојте не ми се веќе likeable.
12. A discovery of witches s2 5/10 секогаш ја гледав за визуелното. Остана то така. Има уба приказна, само едноставно ... не ме интересира.
13. Disenchantment s2 10/10 и една од моите омилени анимирани серии. Немам шо да додам од шо сум зборала лани за неа. Прејака.
14. American Gods s3 7/10 интересна, примамлива, ми е меѓу првите избори кога гледам. Ама кога не ја гледам ја заборавам. Додуша мислам дека сепак ја уживам многу дур ја гледам и то е важното.
15. The Goldbergs s8 6.5/10 серијава ми е да ја пуштам и да си уживам. После толку сезони се осеќам како да го знам семејството и ме интересира шо ќе се случи следно во нивниот живот. Сега кон крај на серија почнаа да внесуваат не само ирл видеа туку и интервјуа со ирл ликовите и то ми е ептен слатко. Форматот на серијата не е сменат. Личност А е себична и заебва. Мајката се меша и заебва. Личност Б и повредена. Личност А си ја сфаќа грешката и се извинва. Сите се среќни. Ама слатко е. Не мора работите да се over the top за да се убај.
16. Batwoman s2 5/10 никако не се соживеав со новата динамика се до крајот на сезоната ( сега настаните шо се, или почеток на нова сезона ... стварно не знам колку сезони има). Сега почнува пак да ми легнува и има шанси сезона 3 да добие значително појака оценка.
17. Wandavision s1 10/10 и убедливо една од најдобрите серии шо ги имам гледано. То е се шо треба да кажам, и дефинитивно треба пак да ја прегледам, со месеци веќе се токмам. Читај: од ко ја завршив сезоната се токмам пак.
18. Star Trek: Discovery s3 8.5/10 ми почна како доста интересна серија, па ми стана малку досадна и сега ми е пак нешто меѓу омилените. Ептен добра. Ако ја немате гледано, шо чекате?!
19. 9-1-1 s4 4/10 ми здосадија и ликојте. То е најголемо црвено знаменце шо можи да ми се случи во серија пошто јас имам тенденција да се врзвам за ликојте и да се доживувам со нив. Па ако приказната е срање, јас ако нив ги сакам - супер сум. Ама ако ми здосадат? Жалам.
20. Riverdale s5 1/10 тешко срање, what is Riverdale at this point ахахха. Ја гледам оти ја гледам во друштво и имам можност да јадам лајна. И ја гледам за да се смеам како на интервјуа самите актери ја плукаат и да гледам Riverdale on crack videos. Подалеку од ова не вреди. Причината оти уште ја гледам серијава е уствари работата кога сфатив дека сум мазохист.
21. Down to Earth with Zac Efron s1 6/10 доста фино, Зек е многу често без маица. Мислам океј, имаше многу важни теми за кои се зборуваа, јаки локации, многу екологија и важност на екосистем АМА ... кој гледаше за то? Сите знајме дека гледаме оти Зек Ефрон е топлес.
22. Fate: the winx saga s1 5.5/10 ми се допадна хехе. Ме потсети ко бев дете. Ко не е вау продукција. Не е вау серија. Приказна е мех. Ликојте се гледа дека бумери ги пишеле. Ама фани беше хехе.
23. The blacklist s8 7/10 ми се чини оваа серија си држи стандард. Генерално ми го држи вниманието. Знај и емотивно да ме инвестира и то е најважно.
24. Warrior Nun s1 7/10 интересна серија, јаки ликој. Уште ја памтам и то е најважно за нови серии, ако ги памтам значи биле добри и не заслужват да се најдолу. Освен ако ги памтам по лошо. И ова серија не беше по лошо.
25. Bonding s1 8.5/10 исто меѓу поинтересните серии шо ги имам гледано. Интересен осврт на бдсм.
26. Euphoria s1 8.5/10 ми ја претставија како скинс на стероиди зато не е 10/10. Скинс ми е мене 10/10 тин серија. И пошто не е скинс на стероиди има 8.5/10.
27. Snowpiercer s1 10/10 оваа серија ме освој. После неа некое време ми требаше да се свестам, емотивно да се спастрам па да продолжам да гледам.
28. Community s1 10/10 уште рандом епизоди гледам за серијава. П р е д о б р а.
29. The boys s1 10/10 ле-ле серијава хехе. Долго време ја одлагав и ко видов каква е се каев дека порано не била во мојот живот. Сакам серии со суперхерои, долу има една на слична тематика, Invincible. Та анимирана е додуша. Ама истото го мислам.
30. 2 broke girls s1 10/10 нешто како community мислам за серијава. Сит комс гледам понекогаш ама овие две ме к у п и ј а.
31. RuPaul's drag race s4 7/10 едина причина оти не ми е догледана е оти гледаме заедно со другарка ми по секоја цена. Искрено уживам во секоја епизода. Ми дава тој escapecism шо ми треба.
32. For all mankind s2 6/10 остана доста добра серија само мислам дека не ја уживав толку оти ко ми цркна лаптопот се префрлив со гледање од телефон се дур не го зедов новиов. И многу серии во тој период не ги уживав само зошто бев cranky. Мислам дека ова е жртва на то. Пошто стварно е добра серија и не ми текнува ни една причина зошто е лоша. То е оти не е.
33. Workin' moms s5 8/10 не знам зошто ја уживам серијава ахахха. Ко за мајки со бебиња е и јас сум ко: HELL YEAH и си турам вино ко ќе има нова епизода и седнувам да гледам.
34. Superman and Lois s1 10/10 многу се плашев за серијава зошто DC сериите се a hit or a miss и ова е предобра. Те молам не се менвај. Фала.
35. The Flash s7 4/10 лол флеш. Лол. Имаше толку многу потенцијал. Лол.
36. South Park s24 10/10 мислам дека ова никогаш нема да се смени. Можи сум малку пристрасна. Ама не ми е гајле. За епизодиве какви не промени во распоред сум правела и то нема никогаш да се смени.
37. Good girls s4 10/10 и ова серија не знам зошто ТОЛКУ ми се бендисва ама исто како workin' moms погоре. Гледам нова епизода и сум ко: HELL YEAH и си турам вино ко ќе има нова епизода и седнувам да гледам. Додуша мислам дека тука огромен фактор има мојот celebrity crush Manny Montana. Ко папи прај ми шо сакаш.
38. New Amsterdam s3 9/10 серијава ми почна како омилена, ми остана омилена а едина причина зошто ја почнав е Рајан ЕгНОК. Да, знам дека така не се презива. Ама во сезона на егнок сме.
39. The falcon and the winter solder s1 6/10 unpopular opinion во друштво мое, сите хајпнати за сериите на Марвел инаку, ама серијава на два пати ја гледав. Еднаш на пола ја остајв. Па со туркање на продолжив уште пола. Едноставно не ми легна.
40. Paradise PD s3 5/10 просек. Класика. Ја гледам како издувен вентил.
41. Final Space s3 8/10 меѓу омилени анимирани серии. Следното ќе го зборам на специфичен јазик па ако ви се допадни шо читате, гледајте: mooncake, mooncakemooncake moooooncake moon-cake.
42. Making it big s3 7/10 омг се осеќам ко ова да гледам од скоро ама не, нова сезона само сум почнала годинава. Инаку Алвин од Алвин and the chipm-- не не ... Алвин од Tasty. Тој прај јадења големи. Прејако е.
43. Firefly lane s1 5/10 исто така големо црвено знаме е ако читам името и никако не ми текнува шо серија е па морам да гуглам слики. И уште полошо е шо серијата ми се ... допадна. Ама целосно ја заборајв после нејзино завршвање. Прилично сигурна сум дека доколку сега ја завршев ќе добиеше многу повисока оценка.
44. Demi Lovato: dancing with the devil s1 7/10 интересно изработена, се гледа дека го продаваше албумот ама реално, бизнис е бизнис. Не поштовам, ама разбирам.
45. Spinning out s1 10/10 серијава ме купи. Има актерка која ја обожавам ( Kaya Scodelario), обработва доста важни теми и генерално е многу, многу, многу убава серија. И визуелно, и приказна и ликови. Плачев на серијава. Шо не е некоја мерка оти јас сум генерално плачка.
46. Into the dark s2 3/10 meh. Мислам дека ја обележав за преќин. Се надевам ја обележав за преќин.
47. Manifest s3 5/10 можи подобро, ама неќи лмао.
48. Creepshow s2 7/10 ова само во Октомври се гледа, интересно знај да е доста.
49. The circle s2 7/10 ако нешто можи да се види како повторувачка шема кај мене, е фактот дека гледам премногу ријалити тв. И уживам во то. И ова ми е едно од поомилените ријалити твс.

 

1. Nailed it s5 7/10 секогаш совршена, секогаш од после прам колачиња украсени and I think that's beautiful.
2. DC's Legends of tomorrow s6 10/10 почнувам да размислувам ова серија да велам дека ми е скроз омилена, не само во топ 3 серии. Секоја нова епизода ме воодушевува на нов начин. Креативноста, човече. Совршена.
3. Castlevania s4 7/10 можи подобро, сакам да е подобра. Подобра почна.
4. Master of none s3 8/10 не беше то шо ја памтев серијата, таа која ја оценвав со 10/10 ама тој come-back кој го имаше ми е доволен. Кога отворив тв тајм и видов епизода од ова се прерадвав. Еј ми дојдоја солзи на очите. Толку е добра серијава генерално. И со години немаше нова сезона. Со г о д и н и.
5. Glow up: Britain's next make-up star s3 7/10 просечно шоу од тој калибар.
6. Lucifer s5 10/10 плачам. Сакам уште. Плс.
7. The disasterious life of Saiki K s2 10/10 меѓу омилените анимиња + го има на Нетфликс. Ама сериозно, прејако е.
8. Supergirl s6 7/10 искрено, низ годините не беше вау серија. И последнава сезона се искупи. Особено последната епизода. Особено последниот момент. Мислам дека заврши добро. Мислам дека заврши фер. Толку добро шо ме интересира каде би одела приказната од таму.
9. Haunted s3 5/10 шо гледам толку сезони? Некогаш и сама се прашвам.
10. Love, death, robots s2 6/10 not bad not terrible, прва сезона ја памтам како подобра ама можи грешам.
11. Loki s1 10/10 божеее дали беше возможно да се заљубам поќе во Локи и Том Хидлстон? ОЧИГЛЕДНО БЕШЕ ВОЗМОЖНО!
12. Dynasty s4 8/10 серијава ми е guilty pleasure. Ми иди да се задскријам негде дур ја гледам и дур навивам шо Фалон да напрај следно и ја оправдувам за се. Се прашвам некогаш дали ќе бидам лоша мајка зошто дете како неа би му правела ненормално голем enabling.
13. Elite s4 6/10 за сезонава иако серијата ми е 8/10 генерално. Ријл фијл е 1/10 оти ја немаше Карла.
14. Too hot to handle s2 4/10 леле ова ми е друго guilty pleasure reality show ама вторава сезона беше слаба. Ко, сезонава беше бледа копија на првата. Дури и паровите си личеа со претходните. Ептен глупо. Едните шо не ни памтам како се викаа, јас си ги викав фејк Франческа и Хари.
15. Rick and Morty s5 8/10 не е тајна дека ја сакам серијава. Ми е во омилените, иако оние кои до сега ги спомнав како „меѓу омилени анимирани серии“ ми се значително повисоко на листата.
16. Atypical s4 8/10 интересна серија, интересни теми опфаќа, ме бендисва дека е серија за аутизам ама сепак аутизмот не е единсвена приказна, ни пак централна. Та е нешто околу шо се случват работи. И така е во животот.
17. The avengers: earth's mightiest heroes s1 6/10 ех просечен цртан. Би си ја пуштила на дете дур е мало за да се запознај со Марвел херои. Од ко ќе се запознај со ДЦ херои оти знајме дека се подобри.
18. Tattoo redo s1 6/10 резултатите беа доста интересни. Ми се допадна.
19. Invincible s1 10/10 ко коментирав за the boys погоре спомнав серијава. Ова ми е убедливо една од поомилените анимирани серии. Ако сте се думале дали да ја почните, не се думајте. Со суперхерои е, се разбира.
20. How to sell drugs online s3 6/10 веќе навика ми е. Ама не се бунам.
21. Sexy beasts s1 10/10 АХАХХАХАХАХАХАХХАХАХАХАХАХАХ то е се шо имам да прокоментирам.
22. Brooklyn Nine Nine s8 10/10 плачам дека заврши. Ми недостига иако сега скоро решив да догледам последните епизоди. Неќев да заврши пребрзо па ги одлагав.
23. Titans s3 8/10 секогаш ме прај среќна на свој начин.
24. What if..? s1 10/10 оф серијава. Серииште. Меѓу поомилените. Марвел вистина растури годинава со сериите.
25. Stargirl s2 8/10 серијава си држи стандард. Исто суперхерои ама малку поинаква шема прати. Оти сите други се во шема. Или се добри и сите други се лоши ( шо е и тука случај ама тука е тин и е дефинитивно поинаква). Серијава е како серија од Никалодијон, ако имаше потенцијал да е добра.
26. Jupiter's Legacy s1 7/10 ахахаххахаха уште една not like them other superhero series серија. Али годинава само такви гледав. И не се жалам. Мислам дека имам тип.
27. iCarly s1 4/10 ама рибутот. Кринџ е ахахахахахха. И то е тој кринџ шо ми требаше во животот тогаш кога ја гледав.
28. Squid Game s1 10/10 сметам дека серијава е феноменална. Малку извадена од пропорција со популарноста, ама сепак огромен дел сметам дека е заслужен.
29. Money Heist s5 10/10 вистината е дека дур го пишам ова Нетфликс ми е приклучен и серијава чека да прицнам плеј. Ептен ми е криво дека не можам да ја гледам одма од ко излезе ама вака се трудам ко ќе најдам време. Зошто вреди.
30. You s3 7/10 серијава е добра. Можеби 8.5/10. Ама не ова сезона. Некако избрзана, не ми се допадна кој правец го фати. Почна како сталкер, демначка серија и продолжи во крими драма? Мислам не се жалам само Викторија Перети неќев да излези од серијата.
31. Sex education s3 10/10 меѓу омилените серии ми е. Така и новите сезони меѓу омилените.
32. Dear white people s4 8/10 ааа колку интересна сезона. Со скокови во време со се. Некако финално се осетив. Треба да проверам да не беше последна. Такво чувство имаше.
33. Big mouth s5 9/10 годинава ако гледав нешто многу то се анимирани серии и серии со суперхерои. Имам тип. Ама серијава сметам дека сите од тин на горе треба да ја гледат. Особено тие без пристап на секс ед.
34. Inside job s1 10/10 ми рече другарка ми да ја гледам и бев ко лол не мака ми е. И исклучив телефонот. Пуштив Нетфликс и ја бинџнав. И вреди. Смешна е.
35. Chicago party aunt s1 5/10 ми се тепаше време и не ја мразам.
36. Close enough s1 7/10 серијава е дива. Кратка, брзо се гледа и е интересна. И то е доста. Одлична за тепање време. Анимирана инаку.
37. Arcane s1 10/10 ја чекав 6 години. И обично кога имаш високо очекување за нешто следува разочарување. Вредеше. Би чекала уште наредни 6 години за втора сезона, не е проблем. Не мора одма. Иако сакам одма.
38. The office само сезона 1 1/10 и се мразам дека изгледав 1 сезона цела и втора до пола. Времето си го потрошив. Можеше на нешто поквалитетно да потрошам како на пример the wheel of time следна шо е. Ретко тешко срање. И Риврдејл е срање ама барем можам да мусе смеам. Ова треба да му се смеам, сфаќам зошто треба да се насмеам ама не ми иди.
39. The wheel of time s1 8/10 ја добив ко предлог и е доста добра серија. Веднаш после офис ја гледав па се надевам дека после тешко срање се не изгледа подобро од шо е. Оти стварно ја доживеав многу добро.
40. Best shape of my life s1 7/10 гледав коментатор за ова и бев ко „оти си глупа и не го гледаш сама“. И го изгледав. Убавко е. Супер кул лик е Вил.
41. Hawkeye s1 10/10 уште една серија со која Марвел растура. Само вау имам да кажам. Ликовите феноменални. Приказната феноменална. Кучето е ѕвезда.

Се надевам ќе ви се најди оваа скромна листа од „само“ 90 сериски наслови.

Jас: не памти шо јаде вчера.
Исто така јас: памти 90 серии шо ги гледала годинава да ги раскажи и да кажи колку ѝ се допаднале.

Ајде до наредната година макќиња.

п.с. Поради постоењето на ова:

Мислењево ќе биди во поќе мислења.

Бројките се рамно 90 ама пошто се две мислења се ресетираа.