По тоа што запишав Магистерски студии. Поминав уште една прекрасна година со момчево мое сакано.Патувањето во Израел,оваа земја секогаш ме остава без зборови.
Годинава започна многу лошо. Останав со повредена нога, уште првиот ден ме удри кола. Годинава ќе ја паметам по тоа што јас се изменив многу, како личност. Увидов на многу нешта, кои претходно не ни знаев дека постојат. Вечно ќе жалам затоа што на многу луѓе не им оставив ВИСТИНСКИ прв впечаток, па така да свесна сум дека тоа не може да се промени. Потребно е многу време додека луѓето навистина сватат каков си, која е всушност твојата филозофија. Криво ми е и тоа што не бев доволно снаодлива во некои работи, па често се случуваше да бидам повредена или изиграна на крајот. Годинава ќе ја паметам по многуте неуспешни обиди за спијателување со некои личности. По поставувањето на мнооогу повисоки стандарди, општо. Сватив како повеќето работи функционираат. Сега сум психички спремна да ги издржам предизвиците кои годината ќе ми ги приреди. Годинава не е запаметена по многу посебни и убави моменти, туку по многу искуства на разни полиња што ме направија посилна како личност.
Ех оваа година се сменив 360 степени.. и многу работи се случија за прв пат.. ке ја паметам по многуте промени на љубовен план, пред се по првиот дечко... првиот бакнеж, миговите поминати со него.. разделбата, болката.. и по многуте поуки кои ги добив од сето тоа, и колку ме направија по зрела и поразумна личност. Потоа дефинитивно по многуте журки меѓу кои и најјакиот помин на Пивофест, по првите пијанства во мојот живот, првата запалена цигара... по новите другарувања благодарение на кои имам незаборавни моменти... ке ја паметам по тоа што прв пат бев кума, по раѓањето на мојот внук.. Исто оваа година мама и тато ми исполнија неколку желби, ми купија работи кои одамна ги сакав.. Дефинитивно ке заворавев, најголемото доживување во мојот живот... екскурзијата низ многу земји кои сакав да ги посетам и незаборавните моменти со школските другарчиња Запознавањето лично со неколку познати личности Се на се... оваа година 2012 ке ми биде година за паметење!
За жал оваа 2012 ми беше многу баксузна година. По лоши работи претежно ќе ја паметам. Не би сакала да ги набројувам зошто ми враќаат спомени и тешко би ми било ако почнам да ги кажувам... Битно кавги во најјак интензитет скоро со секого,болести,разделби...и што ли уште не. Ваква година не паметам да сум имала... Ама затоа нареднава сакала или не има да биде убава и точка!
Па не беше најдобра за мене. Уствари вака кога ќе погледнеш можеби беше една од полошите, барем првата половина. Ќе ја паметам по нервозите и еден ужасен период кој ме беше зафатил во самиот почеток. По одморот кој ми беше онака, може да се каже убав и кој ме извлече од монотонијата во која бев западнала. По почетокот на факултетот, оној вистински почеток . И не знам што друго , не се случија некои посебни работи. А секако и по елиминацијата од Баерн на пенали, тажна ноќ беше тоа за мене . Во секој случај јас за секоја година си посакувам да ми е подобра од претходната, па така се надевам дека 2013 ќе е успешна. Hope is what keep us going on .
- На време исчистив година, и бев раат цело лето. - Купивме кола, каква - таква. - Мајка ми доби унапредување конечно, работите почнаа да се оправуваат. - Летово, особено августот беше бурен. Многу пари потрошив, ама најубаво си поминав. - Фатив доста пати на спортска. - Станав посериозна и посамостојна. - Врската ни е многу позрела од порано. - Накачив 5-6 кила, и одлично ми е. - Започнување на следење многу серии, веќе и јас крајот не им го наоѓам. - Испишав многу мислења тука, и виртуелно а и во живо запознав прекрасни моми со кои имам одличен муабет. Една од подобрите години ми беше 2012та. Дај боже, секоја наредна да е се подобра од претходната.
По моето гооолемо изменување.И психички и физички.Се извишив,ликот ми се промени,за среќа на поубаво.Психички,ако се видам себеси пред една година,и сега,ќе се зачудам.Скоро нема да се пепознаам.Научив многу нови работи,сега многу повеќе го ценам се она што ми е овозможено во животот,повеќе сакам и сум многу посилна. Годинава ќе ја памтам и по сите убави работи во неа,од незаборавното скијање,до уште поубавиот летен одмор.
Па, нема некоја посебна причина да ја паметам... Беше далеку подобра од 2011, а 2013 очекувам да биде уште подобра. А уствари јас година во која не сум била на свадба не ја рачунам за асална Во 2010 на 3 бев, 2012 на ниедна.
По генерално убави работи,не драстични,ама убави. Годинава научив работи за себе и за другите и годинава ги добив најдрастичните промени на личноста воопшто до сега,што не ми е чудно,туку нормално. Можеа да се случат и други нешта,но не сум неблагодарна. Генерално убава. Јануари,по обичај и не го помнам баш,па дури и новата година ми требаше време да се сетам кај ја минав. Ништо посебно ни вечерта,ни јануари, само малце стресен ми беше,ама не знам зошто. Февруари врпочем започнаа наголемите каки кои подоцна ми ја зезнаа пролетта. Март продолжија, бев во емотивно бунило предизвикано од многу страни и заради многу причини,стрес,стрес,стрес и само стрес. Април, ме фати некоја смиреност,но нештата и понатака продолжуваа и го држеа генералното место. Ах да,си имав и работичка овие пролетни месеци,па си анулирав. Мај веќе почнав да окончувам ама откако ми се укака цела пролет. Јуни ме фати некој немир до каде ми се амбициите и каде сакам да терам. Јули беше прекрасен месец,развежбан и динамичен. Августски си ги наполнив батериите. Септември,мирен,смирен, го добив најголемиот емотивен мир, признание,средба, и пак останаа недоречености кои на себе си ги должам. Октомври,исчекувања и резултати. Ноември, во некој домашен немир со планови и буџетирања,големи планови и проекти и главно и јас самата го минав по обуки лево десно. Декември, ладен и страден, да не ми се десеше куршлус по дома,да ме разголат на сите страни,па да се туткам од ќош во ќош дур да средат мајсторите, арно ќе си беше,ама планирам по други полиња супер да го финиширам. Арно ама плановите за другата година НЕСКРОМНО големи ми се. Па сега... и да не се исполнат,тоа што зависи од мене знам дека ќе се исполни,ама другото... среќата и ѕвездите, што знам,кармата која се надевам ќе ми е наклонета. И така... Како и да е, ај малце хепи ликови, лоша година сите се испожалиле. Како па да не,здрави сте,живи сте? Имате топлина,имате за јадење? Можете да си купите по еден кит кат дневно? Немате мука,ама ич!
2012 не ми беше нешто многу сјајна, па со мерак ќе ја испратам и ќе се надевам на поубава година. Имав многу нервози и стресови, здравствени проблеми, недовршени планови, неочекувани пресврти... Нема да ја паметам по ништо посебно, освен по некои мали но убави спомени што ми значеле многу кога сум била во тешки моменти.
Mене 2012 ми беше убава,добра година.... Kе ја паметам по...добивање возачка дозвола,посетата на Mелбурн,по многуте гости што ни дојдоа од Mакедонија Hови пријатели,излегувањето на мажулето од старата работа и почнување подобра и сега тазе губење на едно деде што го знаев цел живот Hо,сепак беше добра година,нормално имаше и добри и лоши моменти
Многу исполнета година, завршување средно,матура,упис на факултет,прв стрес ,шок ама и успеси со факултетот,добивање возачка дозвола,губење на стари и стекнување на нови пријатели. И исполнување на една долгоочекувана желба што ми е на дофат само не сакам сега да ја зграбам.
Многу хаос година, се што можеше да се искомплицира се искомплицира и прво тргна наопачки ама на крај сепак се се среди. Се излезе добро, како што треба но со многу тегнење, напнување, нервози .. Најчесто тоа беа проблеми со визи, со документи, од суд, од осигурување, од лекар, од забар, од работа, од факултет, од амбасада, од министерствата,.. Секој ден ми почнуваше со читање на еден куп мејлови и писма за неплатени сметки, за некој документ што не е во ред и треба одново да го пратам и слично. Годината ми помина тропајќи од врата на врата, средувајќи документи, по преведувачи, нотари, шалтери, но на крајот сето тоа се исплатеше. И покрај тоа што 2012 ми беше многу исцрпувачка, и ни малку сјајна ќе ја паметам по тоа што мојот животен сон и реалноста оваа година решија да се сретнат таму некаде на север, во една студена држава каде што одамна сакам да живеам, давајќи ми можност да студирам на еден престижен унивиерзтет, целосно менувајќи ми го текот на животот и давајќи ми надеж за блескава иднина и карира.
Па, по буквално ништо. Искрено, мирна ми е душава што немам по нешто драстично да ја паметам бидејќи сум имала толку лоша година пред 2-3 години, што до ден денес до детал ја паметам по сите тие лоши работи, немаше ништо добро да ми остане во сеќавање колку ете да не биде цела година ужас. Затоа 2012 мило ми е што помина вака, секако дека можеше да биде и подобро, ама задоволна сум од текот на настаните во смисла што не беа полоши, онака си помина се, тивко, нечујно, без трага. Некој хајлајт на годинава, како ете нешто поразлично што се случило, е што прекинав долгогодишна врска и изгубив (или се спасив од) човек што премногу ми значеше, ама и на тоа не сакам да му давам преголемо значење бидејќи не сакам по лошо да помнам ништо.
