Да, таков е животот но не вели дека не е љубовта за тебе. Сосема спротивно, ти баш знаеш да сакаш, се приметува тоа, и супер карактер и однесување имаш, другите машки треба за пример да те земат. Заслужуваш и ти таква љубов каква што можеш да дадеш и ќе ти дојде таа љубов еден ден. И еден совет: лошото искуство нека ти биде мотив да бидеш подобар а не да се налутиш и да станеш полош.
Не верувам дека пак би засакал некоја... Денес никој не те гледа како пример ако не пушиш, ако сакаш само една, ако не се глупираш и ако си пристоен, а обратното од овие работи е нормално. Навистина е тажно ова што се случува. Јас и понатака силно верувам во Бог, и се надевам дека среќата ќе ја пронајдам во нешто друго наместо љубов....
Долга година! Тежок почеток, конфузен, постојано со кнедла во грлото и мислата ,,ТРЕБАШЕ СЕ ДА БИДЕ ПОИНАКУ,, Бели мантили, непознати врати, студени ходници, многу хартии, постојано лица кои повторуваа ,,жал ми е,,... Првиот добиен рез, лузните кои никогаш нема да избледеат! Разочарување од човекот кој прв ми подаде рака, уствари разочарување хмммм нема ни збор со кој можам да ја објаснам оваа состојба.. Неверување!! По трет пат мавање во статива! Промена, голема промена за мене, за нас, за нас кои не сакаат промени, но немаме друга опција, изневерени сме! Убави нешта! Конечно паричката од Бадник се падна кај мм По раѓањето на моето омилено виртуелно внуче ВАСИЛ колку е само прекрасен, денес ми стигнаа и најубавите слики од него, новогодишните, озарено, среќно детенце со двете запчиња кои му наѕираат По балајажот на мојата коса по толку време смогнав храброст да направам промена! Конечно по неколку години брак си го реновиравме ВЦ то, се избрав како јас што сакав, секој милиметар од тие неколку квадрати е мој избор. Ако некој ми кажуваше дека толку ќе се радувам на ново ВЦ немаше да верувам! ^^ и по моментот што 4месеци бев без ВЦ По мојата прва кола По свадбата на најпрекрасната ,,стара мајче,, По јубилејниот роденден Запознав прекрасна личност, топла, пријатна, убава која ветува искрено пријателство, искрено подадена рака, искрен збор, совет, прегратка, насмевка! Среќна сум што ја запознав По ПАДНАТ РЕЖИМ
На сите им е досадно...многу песимистички расположени се тука, незнам што им е деновиве..а и тие што ме расположуваа ги нема вечерва.
Заради изборите можда хехе... не се чувствува ни предновогодишно расположение ни сега ни лани. не знам што е со луѓево
По концертот на Queen во Софија....Best concert ever...По мирисот на Јадранот, солта во неговата коса, стотиците изненадени туристи од дождот и громотевиците во Дубровник, по мирисот на силно кафе во утрата и гушкањата на удобната софа во вечерите. По долгите прошетки, Бисера, Заза, јавањето коњи во Вевчани, рафтингот, целовечерните журки, слободата, Frida Kahlo, пријателите, Darwin and Gumball, новите почетоци и збогувањата.
Годинава ќе ја паметам воглавно по добри работи. Годинава ја почнав со љубов која со тек на време се повеќе и повеќе растеше за потоа да се овековечи со прстен. Посреќна и поисполнета никогаш не сум била. Бев сакана и подржувана во текот на целата година. Поминавме премногу за толку кратко време. Прво беше запознавање со неговите, па тој со моите. Запросувањето, веридбата, па заедничкиот живот и средување на нашето заедничко катче. Неизмерна радост. Друга работа по која ќе ја паметам годинава е и новата работа која сепак е поврзана со мојата струка. Од тука и запознавање со нови личности. Годинава ќе ја паметам и по тоа што сите ми беа здрави и живи и немаше никакви проблеми. Единствена лоша работа која се случи пред крајот на оваа година е смртта на баба ми (од вереникот) која ме сакаше како своја внука и која душата ја даваше за мене. Баба, пријателка, на која во било кое време можев да и се отворам и да и кажам сѐ што ми лежи на душата, а за возврат добивав неизмерна подршка. Жена која ја познавав кратко, а ја засакав како да ја знам цел живот. Премногу ја сакав и премногу ми недостига.
Годинава ќе ја паметам по тоа што ми беше најубавата досега. На почетокот на 2016 ми се случи таков пресврт во животов... На подобро, секако. Не можев да се освестам дека тоа е вистина. Ја сретнав мојата љубов. Љубов што ме обзема целата, што ми ја врати смислата на животот. Се` ми се испреврте, но убаво се чувствувам, не се жалам. Ќе ја паметам и по успехот на професионален план. И по тоа што одлично си поминав на планираното патување изминатото лето. И по тоа што имав храброст да направам "селекција" и до мене ги задржав само вистинските пријатели, оние во чие друштво навистина уживам. Не знам за вас, но не сакам да заврши годинава.
По двете ужасни несреќи на блиски во март и април кои за среќа и со Господова помош завршија со среќен крај . По реновирањето на домот речиси од корен како и по новото ВЦ . По раѓањето на мојата мача девојка и 2-риот роденден на синко . Во главно беа добри работи , ама и лошите не беа во мал процент . Се надевам дека 2017 година ќе биде далеку подобра од оваа
Ќе ја паметам по: тоа што во оваа година станав тотално друга личност, го променив моето размилување и гледиште, исто така и по свадбата на мојата најдобра и најомилена тетка , тоа што успеав да се запишам и да ме примат на факултетот на кој посакував да студирам
