@Amelia Јас ги намалив градите кај Игор Пеев на 20ти мај. Операцијата кај мене беше многу комплицирана, траеше 6-7 часа. Она што не ми се допадна е што во операциона сала, докторот ладно ми кажа не знам дали ќе можеме да ја спасиме брадавицата. (на едната града). Јас бев H корпа, и реков дека сакам C доколку е можно, ама дека не е проблем доколку е и D или колку и да е, само да се намалат. Повеќе хирурзи работеа и помагаа на мене мислам. Градите испаднаа супер, многу убава форма, подигнати, цврсти, како силикони да ми ставил. Е, арно ама на секоја наредна контрола ми напоменуваше дека едната брадавица ми е поплавена и се бори за живот, и да се молам да се спаси ха ха. Ми даде аспирин за циркулација, да има проток на крв, и кога дома ми ставаа облоги од хепатромбин и ациди борици дури почнав да осеќам мииинимално тапо чувство на таа брадавица зошто не осеќав буквално ништо. И почна мал дел да станува розев. Се понадевав, се израдував, го прашав хирургот дали може да пијам аспирин и серапептаза заедно, а аспиринов беше од 100ка, он ми рече може. Касно видов дека тие две не смеат да се комбинираат заедно. Брадавицата почна да ми крвари многу, веќе воопшто не ни личеше на брадавица. На последната контрола ми кажа дека ми е мртва, само долниот дел мал е останат жив. Зошто дојде до таа компликација не знам, зошто е навистина ретка и јас мислам дека е зошто ми извади премногу масно ткиво, и дека дополнително се заебав со аспиринот и серапептазата. Сега ќе ми прават реконструкција на таа брадавица, не знам кога точно. На сета мака, болки, резови и ужаснава глетка на она што некогаш беше брадавица, да можам да се вратам во операциона сала кога ми го кажа тоа за брадавицата, би станала и би си отишла. Хирургот можеби ок си ја врши работата, може и компликацијата не беше заради него ама односот му беше навистина лош и непријатен. Совет за сите што сакаат да ја направат операцијава, одберете си добар хирург и максимум на корпи што се намалуваат се 2-3, зошто инаку доаѓа до ризик на ваква компликација + други причини.
не зборам за мускули во гради, тоа што и лесно може да се прочита и разбере во претходниот коментар мој, зборам за мускули секаде околу градите грбни стомачни кај рамена и тн значи целото, за да може да ги поддржи големите гради
Ќе си купиш Хот Шејпер маица ...и ке ги стегне градите. Ова горново го имам и пробано ми е, но во моментов користам: не е баш исто, ама слично е. Материјалов од долна страна е налик на гума и многу поти. 330 денари е од Балко -Струга
Каде да Хот Шејпер, и како таа блуза што е Балко од Струга, не сум ни од Скопје ни од Струга има ли можност онлајн нарачка Ти благодарам за деталното објаснување. Каква е таа H корпа, имам до Е видено. Јас сум за D и евентуално некогаш некој поголем број C, но џабе не можам да си погодам градник на моиве виснати големи гради, или барем во мојот град нема избор. Многу е тешко со моите виснати гради да се вежба да се трча, сакам да правам некои вежби за гради ако предложете некои? Ако може да знам колку те чинеше оперативниот зафат? Сега за сега ова, но имам уште прашања, ќе ти пишам повторно. Ако може и други предлози за мајци и прслоци за вежбање/трчање на нас со големите гради?
Не треба да трчаш скокаш само уште повеќе создаваш терет на грбот вратот, според мене вежби за грбот вежби за вратот вежби за половината односно стомакот ти се потребни. Нешто на интернет проверив баш вежби за дами со големи гради (на англиски е) https://woman.thenest.com/healthy-exercises-women-bigger-breasts-7062.html https://woman.thenest.com/exercise-helps-support-large-breasts-20862.html https://fustany.com/en/beauty/healt...l-help-women-with-big-breasts-exercise-better https://bebodywise.com/blog/exercises-to-reduce-breast-size/
Леле женска извини, не ми стигнало дека си ме цитирала. Инаку H корпа ти е, оди Е, F, G, H, па можеш да замислиш колкави ми беа. Мене операцијата ми ја покри фондот зошто имав гигантомастија (гуглни, нешто као енормно големи гради) и го сметаа како здравствен, а не естетски зафат. Мене лично ме чинеше 6000 денари операцијата со се 4 дена престој во болница. Денес бев на контрола кај Пеев и ми се изначуди како имам делови од брадавицата што ми се живи, на есен ќе правам парцијална реконструкција и кога подобро ќе размислам ама ич не ми е гајле за брадавицата зошто градите ми ги направи бомба, подигнати, цврсти, баш ко силикони и сега си носам прслучиња какви што сакам. Најтешките болки ги преживеав првите 4 дена во болница, и наредните неколку дома иако тие беа со помал интензитет. Го погледнав вчера вертикалниот рез, па и тој одоздола, ко да не било сечено тоа пред 3 недели, супер заздравува, имам само црвена линија, што е нормално. Знам дека сум малку ко bipolar од минатото мислење до ова, ама откако се смирив малку и се присобрав, сфатив дека парцијално естетски ќе ми ја средат брадавицата па и да немам чувство во едната, голема работа, битно градите ми се топ и конечно можам да носам што сакам. Инаку, за големи гради, јас имав начекувано спортски градници на Алиекспрес и Амазон, ти гарантирам дека за D корпа ќе најдеш убав што ќе ти ги држи и ќе можеш комотно да правиш вежби и да трчаш. Јас скокав со обичен прслук + спортски со H корпа, за D немаш гајле. Прашај друго што те интересира, тука сум. А, и да се дополнам, за убави и квалитетни прслучиња за поголеми гради би ти ја предложила Lisca, не знам од кој град си, но имаат продавници во Тетово, Гостивар, Охрид, Битола, Куманово, Струмица и Скопје.
Јас цел живот носам корпа D, ама навистина сум за поголема корпа, имам доста големи гради и не ми ги собира во таа корпа, имам купувано од Лиска, од локални дуќани, секаде ми велат дека тоа е најголем број, а мене ми се прелеваат градите и од напред и од кај пазувите ми излегуваат, башка што ми се виснати имам и јас маки, со години ме боли грбот, во лето не поминувам без бебешка пудра, ми поцрвенуваат и колку пати како рани ми се прават, срам ми беше досега да прашам во ФЗО, што мислиш, дали би ме следувала и мене операција покриена од нив?
Во Лисца прслуци има до F корпа, а некои се и до H. Некогаш е и до моделот на прслукот. Јас носам корпа D, aма не сите модели ми одговараат. Инаку не знам кој праша за вежбање, јас носам на Лисца спортски градник со корпи без жици и убаво ги држи. Кога џогирам, ставам врз него уште еден, исто на Лисца, само најобичен памучен и гајле немам.
Мислам дека можеш и тетоважа за брадавицата да направиш. Е сега како ќе биде во поглед на симетрија , не знам.
Мојот модел се вика Викториа, со години го купувам него, ама ко што кажав кнап ми е... Имам еден друг градник дома, десетина години е стар, го купив 2000 денари, ама деценија го носам еве, тој е така покомотен, друго се ми е да се осеќам недоволно прибрано. Дали во мојот град се годи да нема поголема корпа од D не знам, ама никогаш немам видено поголем број.
Викториа и јас го носам преку 10 години. Нормално, си ги менувам прслуците, само од тој модел си купувам Мислам дека тој им е еден од најдобрите модели што го имаат. Од него има до корпа F со сигурност. Има и еден минимајзер, Олина се вика, и тој е супер, ги намалува визуелно градите за 1-2 корпи. Јас го носев во бременост и многу бев задоволна.
Викториа го земам околу 1300, ама ти викам D не ме собира баш најнај, ништо тогаш ќе барам F ако најдам. А тој што го купив 2000 не знам како се викаше моделот, ама го отепав од носење 10 години и скроз вреди за парите. Фала ти на инфо за Олина, ќе барам и таков штом ги намалувал визуелно градиштава.
За градниците не ти е битна само корпата, туку и бројот т.е обемот под гради. Колку поголема ти е разликата од обемот на градите и обемот под градите, толку поголема корпа ти треба и обратно. На пример.. јас носам 85 Ф или 90 Е. Најубаво на лице место да пробаш, оти можеш да утнеш. И во yamamay има големи корпи, ама квалитетот на Лиска ми е подобар.
@Rama Ох, навистина не знам, тоа треба да си одбереш хирург на државно и да се консултираш со него, да ти каже дали ќе оди преку фонд или не, не знам за колкави гради сметаат дека спаѓаат под гигантомастија. За Lisca, имаат модели и до H корпа, ама многу ти е битно да го погодиш и бројчето, односно колку си широка и во грбот, така се зголемува и корпата. А можеби и во Скопје има поголем избор, па кога ќе наминеш овде да си пробаш на лице место? @Dentina Знам дека може да се направи тетоважа, ама вака ќе ми направат буквално брадавица, да изгледа естетски така, а тетоважа може чисто за боја одозгора..Иако не знам колку ми се поминува веќе низ 300 додатни процеси, доста е и волку.
https://www.lisca.mk/victoria-wired-bra-with-shaped-cups.html Јас овој го имам црн и крем боја. Еве го и Олина https://www.lisca.mk/olina-minimiser.html Нареден пат кога ќе одиш во Лисца, побарај на продавачките да ти помогнат околу број. Јас досега во сите нивни продавници што сум била, ептен биле профи, со поглед те мерат
A дали знаеш за некој добар хирург за намалување на гради во приватниве болници? Имаше некој турски хирург во Систина што доаѓаше мислам...(од онашто сум слушнала)само не му го знам името..а и незнам за искуства.Сакав да те прашам ти колку броја ги намали градите што сметаш дека се искомплицирало ради тоа?Дали знаеш/дозна додека се распрашуваше за зафатот.. која е цената за приватно? И колку време ти треба за опоравување..дали болка ти се рефлектира во рацете и сл? Извини те бомбардирав со прашања но и јас од многу одамна сакам ова некој од искуство да ми го каже..а со години имам желба да ги смалам градите од Дд /Ф корпа во Ц барем.
Извини што ти враќам волку доцна. Мислам дека пишав, ги намалив од H корпа на C, значи стварно многу корпи подолу отидов. За приватните болници не знам, зошто јас директ отидов кај Пеев. За опоравување, првите 4 дена дур лежев во болница ми беа најлоши и стресни што е и нормално, ама мислам дека не ме болеа толку градите (зошто ти пуштаат и лекови против болка во инфузијата), мене рамото и горниот дел на едната рака ужасно ме болеа, имав и модрици и не можев да ја кренам буквално. После уште неколку дена мака имав кога се вратив дома и не можев да ги кревам рацете, ама тоа е нормално. Пиев неколку дена Налгесин за болки и после ги баталив. Вака у глобала сега сум задоволна од градите, а за компликацијата не знам што да речам, ете, постои ризик со секоја операција.. Се надевам дека ти помогнав бар малку.
Тие што имате големи, ме интересира дали е нормално едната да е малку поголема од другата. Пошто сега сум во фаза кога баш ми растат нагло и едната ми е малце поголема и не би сакала баш така да ми останат.
Двете страни на човекот не се потполно исти. Секогаш едната страна се разликува по нешто од другата, е сега како е со градите на жената претспоставувам исто но не знам точно да ти кажам.
