Се работи за ТВ мини серија, во 6 епизоди, во продукција на BBC. Епизодите се некаде по 50 мин. Видов по форумов дека некои членки ја гледале, но не најдов тема во серии за неа. Серијата многу ми се допаѓа, изборот на глумци е одличен. Колин Фирт ми е вистински мистер Дарси, преубав, одличен глумец. Имаат одлична хемија со Џенифер Или (Лизи), можеби и затоа што романсата им преминала и во реалниот живот . Има неколку сцени што ме „погодуваат“ и кога сум си нерасположена си ги пуштам да се разведрам. Серијата ми се допаѓа и поради тоа што прилично се држат до книгата! Па кажете и вие што мислите!
Јас одамна ја имам мини серијата во лаптоп и многу пати ми е гледана. За разлика од филмот од 2005,глумците и автентичноста се многу подобри,посебно Колин Фирт како Дарси. Книгата е навистина одлична и серијата одлично ги прикажува сите детали,со мал дел додаток,како на пример сцената кај езерото кога Дарси се враќа од пливање. Убава екранизација и секогаш постарите верзии се пооригинални и поубави.
Да, и јас читав за таа сцена и арно што ја додале, зошто ми е една од најубавите во серијата, заедно со онаа во куќата на Бингли, кога сестра му ја тера Лизи да шетаат низ собата и онаа во куќата на Дарси, кога ја тераат Лизи да пее! И да не заборавам на сцената во куќата на мистер Колинс кога Дарси и изјавува љубов на Лизи и и предлага брак!
